Njàgà Bagaà Jâŋ 12:40 - Mambilla NT (Cameroon)

⁴⁰ «Càŋ bele cugó seér aá bɔ́ njolo, te bɔ́ mé njolo ŋéné cú. À calé sɔm bɔ́ temé lè, te temé bɔɔ̀n njèh mùnò kòmò cú ndɔ; ye te bɔ́ ká jomo yoòr nyî cú kɔ́ cû, te nyí bɔ́ yìlì sɔ̀m cú ndɔ.»

Njàgà Bagaà Jâŋ 12:40 Referans Kwoze

Njàgà bagaà Lûk 8:10

À ye bɔ́ a: «Dé biì, ŋgòr felè *Lò Càŋ mé Càŋ lɔ naâ lòù leér kwaá doô, Càŋ né bí ceér feh te bí ŋgweé komo. Dé bɔ̀ déì, kɔ bɔ́ si keéh bɔ́ lè kàne, te bɔ́ ke den dé keè, bɔ́ ŋéné cú; te bɔ́ fela den dé felâ, bɔ́ ŋgwé kɔ́ cú ndɔ.»

Mârk 4:12

te bɔ́ ke den dé keè, bɔ́ ŋéné cú; te bɔ́ felá den dé felâ, bɔ́ ŋgwé kɔ́ cú ndɔ. Mɔ sam, bɔ́ nde né temé kweh seér, Càŋ nde né veên bɔɔ̀n doó kulú njií.»

Seé b. 3:19

Kènê, bí kwéh sér á temé, bí bele ceér Càŋ, te Càŋ kulu sɔm gi bí veên yoòr.

Njàgà Bagaà Jâŋ 9:39

Te Yeésò deén baá-re, ye bɔ̀ nùàr a: «Mè ká te wɔ́ŋe ndeè né, te ju die: te bɔ̀ cùgò njolo bɔ̀ ŋene njolo, te bɔ̀ɔ́ mé né njolo ŋené cugó seér cu lòù.»

Njàgà bagaà Lûk 4:18

«Cúcuí Càŋ né felè mò, à balé sɔm aá mè, te mè tueé bɔ̀ saám bɔ̀ Njàgà Bagaà. À mè tema njií né ká yoòr bɔ̀ nuaá mé né lòù tené le, ye mè a, júée bɔ́ a: bɔ́ mvelé yuo aá ma. Mè nde né mé bɔ̀ cùgò njolo bɔ̀ tueé ndɔ, ye bɔ́ a: bɔ́ nde né njolo ŋené. Càŋ mè temà né te mè mvelé sɔm bɔ̀ cɔɔ́ŋ,

Rɔ̂m 9:18

Sâ tueé né ye, mɔ Càŋ né gwaán, à kɔ nùàr jere; mɔ à né gwaán, à ŋgwan sɔm bú temé lè ndɔ.

Seé b. 28:26

à lé ye: Ndé yoòr bɔ̀ nùà hên, júée bɔ́ a: Dé felâ, bí nde gi né bagasé felá nyegé, bí seér ŋgwé ndé ŋgwéh lòù. Bí nde gi né bagasé ke den, ndɔ́g bí seér ŋéné kòmò ndé ŋgwéh.

Matíô 15:14

Bí gè mé ceér bɔɔ̀n, né bɔ̀ tácugó! Mɔ tácugó derré né tácugó be kɔɔ́, sâ bɔ̂ mbeí fà dɔɔ́ŋ nde gi né ké dòù lùgò vulú die suagá.»

Seé b. 15:3

Bɔ́ sɔm njií bɔ́ ndɔ. Bɔ́ né te tàbè Fenisî mé *Samarî kelá, bɔ́ né bɔ̀ nùàr saán gɔ, ye bɔ́ a, bɔ̀ɔ́ mé Jûf sam kènê baá ceér Càŋ bele ma. Bɔ̀ Yeésò bɔ̀ yeé ŋgweé aá ménâ, nɔré lom bɔ́ yoòr dé gècên.

Mârk 6:52

Lòù sam, bɔ́ lè né mé temé macùr; fém mé Yeésò lé naâ mé breêd bɔɔ́ doô, bɔ́ lé ŋgwé kòmò ná ŋgwêh.

Njàgà Bagaà Jâŋ 12:39

Sé bɔɔ́ mene naàn, bɔ́ sé bɔɔ̀n temé teèn kwá njí ná ŋgwêh; Esáyà sòn-Càŋ lé naá giì ménâ tueé ndɔ, ye: