Hebreêh 3:15 - Mambilla NT (Cameroon)

¹⁵ Né te mvù Càŋe ménâ nyagá den ye: Lan mɔ bí baá hueh Càŋ ŋgweé, bí té temé lòù dúágá sér, bí té faá bɔ̀ tele biì léí jɔ̀gɔ̀ nɔ dèn. Bɔ́ lé naâ gàgà mé Càŋ saán.»

Hebreêh 3:15 Referans Kwoze

Hebreêh 10:38

Càŋ ye, nuaá mé ŋa né nùà dilî beè nyî mé temé cén yoòr nyî kwaá njiî dɔɔ́ŋ kwa nde né yɔ̀ŋ kɔɔ́. Mɔ à bele seér njolo, nyí sɔm temé yoòr seèn ndɔ.»

Hebreêh 10:29

Mɔ mé sóú Músì né mân, sâ ju nuaá mé seb seér né dé seèn Ŋunà Càŋ den nde né naàn wa? Mɔ à dé seèn táŋ ŋgwéh ye húɔ́m ŋgɔ̀ŋ Càŋ lé naâ nyí *sené, wa Cúcuí Càŋ né nyí bagaà dé lòù bɔɔ́, à né bú lòù selé seér, sâ ju felè seèn den nde né naàn ndɔ wa? Mè tueé bí, dé nùà sâ dé tueê sam.

Hebreêh 4:7

Yeé baá mân, Càŋ sie kwaá cu cieé dé hiîn, à yilá kwaá cieé bú sâ lan”. Te nde nde, Càŋ tueé keéh ye sònò *Davîd faá mè la naâ nyagá nɔ, ye: Lan mɔ bí baá hueh Càŋ ŋgweé, bí té temé lòù dúágá sér.»