Buud ɔ́ Róma 13:7 - Makaa

⁷ Yə́gá muud yɛ̂sh sâ bɨ́ mbíd nyə yí: bɨ́ jə́na múúd tóya tóya yé; bíl ísâ byɛ̂sh bɨ́ mə́ jə́lá nə jə́na yí, bɨ́ yə búúd bwə́ jə́lá nə ŋwa wá; muud mə jə́lá nə fúndʉ́gʉ́ yɛ́, bɨ́ fúndə nyə; nyɔɔŋg mə jə́lá nə gúmə́ yɛ́, bɨ́ yə nyə gúmə́.

Buud ɔ́ Róma 13:7 Referans Kwoze

Lúkas 20:25

Nyə ntâg nə bwo nə́: «Ntɔ́, yə́gá Káázɛl isâ í Káázɛl, bɨ́ yə Zɛmbî isâ í Zɛmbî.»

Matiyô 17:25

Pyɛ̂r mú magʉlə nə́: «Haaw!» Ja Pyɛ̂r mə́ kə nyíi njɔ́w yí, a kú fwo lás, Yésus mú jí nyə nə́: «Shímun e, wɛɛ mə́ dʉ́g nə́ jɨ? Ozə́ bwə́ dʉ jə́na ójwû ɔ shí otóya nə oŋgasʉmâŋ? Ye mimbyágá mí mə́shí máŋ, ye ijigə-jigə?»

1 Timotê 5:17

Ocúmbá buud bwə́ ŋgə́ mpu kyey nə Dɔ̧ wá bwə́ mpíyá nə gúmə́ ikɔ́ɔ́mb ibá, nə́ ndɛɛ́ bɔɔŋg bwə́ mə́ wá mə́nyúúl bwiiŋgʉ́lə jɔ̧jɔ̧ kɛ́ɛl nə jɨ́ɨ́gʉ́lílə óbúgʉla dɨ́ wá.

Matiyô 22:21

Bwə́ nə nɛ́ nə́: «Jísə Káázɛl». A mú ka cɨ nə bwo nə́: «Yə́gá Káázɛl isâ í Káázɛl, bɨ́ yə Zɛmbî isâ í Zɛmbî.»

Buud ɔ́ Ifɛ̂z 6:5

Yé mə́lwaá, ságá omása bʉ́n bâ wa shí məgwág; məgwág mɔɔŋg mə́ dʉ́g bə nə gwɔ̧́ɔ̧́gə́ nə məjigʉwa, nə lâm ŋgwûd, váál mə́gwág í jə́lá nə *Krîst yí.

1 Pyɛ̂r 3:7

Bɨ bâŋ budúm ntâg ɨɨ́, nə́mə́ nda mə́ ŋgə́ cɨ nə budá nə́, ŋgəgá nə cʉgə nə budá bʉ́n bɨ ŋgə́ mpu nə́ bâŋ bʉ́sə váál búúd átʉtagʉ̂. Ŋwágá bwo nə gúmə́ nə́ Zɛmbî ŋgə nə́mə́ yə bwo dáŋ kɔw á cʉg á ŋgə́ yə bɨ́ mpáam dɨ́ yí. Cʉgəgá nə bwo ntɔ́ shú nə́ məjəgʉla mə́ dʉ́g bə bɨ́ kú nə mimyágə́.

1 Timotê 6:1

Obúgʉla bɨ́ mə́lwaa wá bwə́ jəlá nə magʉlə nə́ omása báŋ bwə́ mpíyá nə gúmə́ jɛ̂sh. Ntɔ́ nyə e sá nə́ buud bwə́ nda *lás nə Zɛmbî bwaasʉ́lə mpu, tɔɔ nə njɨ́ɨ́gʉ́lá wúsʉ́.

Buud ɔ́ Ifɛ̂z 5:33

Njɨ, í dʉ́gyá nə́mə́ nə bɨ̂: muud yɛ̂sh cɛ́ɛ́lʉg mudá yé nda nyəmɛ́fwó, mudá yə́g ŋgwûm yé gúmə́.

Lúkas 23:2

Kə wɔ́ɔ́s nûŋ, bwə́ mú ŋgə búgə nyə lə́sʉ́ nə́: «Sə́ ámə kwey múúd ɛ́ga ŋgə́ sá nə lwoŋ búúd jísʉ́ mitə́dʉ́gá mí ŋgə́g nə búbulə mílúúd, a ŋgə́ cɨ nə́ nyə wə́ jísə́ Mesî, Njwú-buud; a ŋgə́ sá nə́ bwə́ kú jə́na *Káázɛl tóya.»

Márkus 12:17

A mú ka cɨ nə bwo nə́: «Yə́gá Káázɛl isâ í Káázɛl, bɨ́ yə Zɛmbî isâ í Zɛmbî.» Bwə́ mú bul káam mpɛ̧sá nyɛ́ nyɔɔŋgʉ́.

1 Timotê 5:13

Bwə́ dʉ bə cínɔŋgʉ́, bwə́ mú kú ná nyiŋgə sá tɔɔ sâ, njɨ ŋgə́lə jɛ̧̂la mínjɔ́w minjɔ́w; jɛ̧̂lálə wɔɔŋgʉ́ kú ntâg bə njɨ nə́ bwə́ cúgɛ́ nə sâ mə́ sá, njɨ bwə́ fwáfʉla, bwə́ wá mimpu ízhaá isád, bwə́ cɨ icɨgə́-cɨ́gə.

Lúkas 20:22

Ntɔ́, jaawʉg sə̂. Ye məcɛ̧ɛ̧ mə́shé mə́ ŋgə magʉlə nə́ sə́ jə́nág tóya mə *Káázɛl, ye mə́ aŋgɛ̂ nə magʉlə?»

Buud ɔ́ Róma 12:10

Dʉgá bə nə mə́cɛy mpə́dʉ́gá nyɨ́n nda omínyɔŋʉ̂ bwə́ ŋgə́ cɨɨla wá. Muud yɛ̂sh sɔ̧́ɔ̧́g nə́ nyə wə́ búlʉg dʉ gúmal bɔ́ɔ́l búúd.

Buud ɔ́ Róma 13:6

Sá jɔɔŋg nə́mə́ wə́ bɨ́ mə́ dʉ jə́na ótóya yí. Buud bɨ́ nə́ bwə́ dʉ́g ŋwa ótóya bɔɔŋg wá, Zɛmbî wə́ nyə á tə̂l bwo nə́ bwə́ dʉ́g sâ ísɛ́y byɔɔŋg.