Mbʉ́gʉ́lú 16:8 - Makaa

⁸ Eŋgəles ányina mú kə nə jé kwɔ̂w kə shwu jwɔ́wʉ́d. Jwɔ́w mú lə́g ŋkul nə́ í jígálʉ́g buud nə kuda jé.

Mbʉ́gʉ́lú 16:8 Referans Kwoze

Mbʉ́gʉ́lú 14:18

Ŋgwɔ́l éŋgəles mú wú álatâr dɨ̂; nyâŋ nyə á bə nə ŋkul mə jwú nə kuda. A mú lás gwɔ́w-gwɔ̂w cɨ nə nyɔɔŋg nyə á bə nə njəwá báágə́ mə́saag yɛ́ nə́: «Ŋwag báágə́ mə́saag dwô, wo kə́g shí, kə ŋgə sámb ikaŋ í *vînyə ŋgə sɛɛŋg, í mə́ shîn tɨ̂.»

Misɔ́ɔ́lʉ́gʉ́ 2:20

shúshwóógʉ́ nə mwásə́ mə́ Cwámba í zə́g wɔ́ɔ́s, məma mwásə́ áŋkʉŋkənʉwâ wɔɔŋg, jwɔ̂w í bá shwɔ̧́ɔ̧la bə yídʉ́gʉ́, mbyôl bə məcií.

Matiyô 13:6

Njɨ, ja yásə́ í mə́ faan yí, miŋgwu mi mpwásə́ mí mú jígə, shîn shwáás nəcé kú nə fwámɛ́ míkɔ̧ɔ̧lə́.

Mbʉ́gʉ́lú 9:2

A mú juw bɨ́ ncímə, yílɛ í mú wú nûŋ nda yílɛ í ŋgə́ wú məma kuda dɨ́ yí. Yílɛ jɔɔŋg í mú lwánd ŋgúl wɛ̂sh nə́ ndɛɛ́ jwɔ̂w shila.

Mbʉ́gʉ́lú 8:12

Eŋgəles ányina mú lwɔ̧́ yé cwôŋ. Í mú zə bə, nə kɔw ŋgwúd á məkɔw məlɔ́ɔl mâ jwɔ̂w, nə ŋgwúd á mɔɔŋg mâ ŋkwoond ɨɨ́, nə ŋgwúd á mɔɔŋg mâ wəacén-cénî mə́ mú shila. Sâ jɔɔŋg mú sá nə́ kɔw ŋgwúd á məkɔw məlɔ́ɔl mâ mwásə́ í mú bii yídʉ́gʉ́, bulú nə́mə́ ntɔ́.

Mbʉ́gʉ́lú 7:16

Bwə́ ábʉ́lɛ́ ná bwɛlɛ gwág zha, kú nyiŋgə bwɛlɛ gwág shwáásʉ́lə minʉ́. Tɔɔ yásə́ tɔɔ ŋgwɔ́l bibibi nyə abʉ́lɛ ná nyiŋgə nyaan bwo nyúúlʉ́d.

Mbʉ́gʉ́lú 6:12

Mə músə nyiŋgə kənd mísh, Mwâ Ncwəmbɛ mə́ tɨ́ feedyá ásamʉna, shí í mú jág ntaŋʉsa, jwɔ́w mú yíndə nə́ ncuú nda káándə́ íkúsə, ŋkwoond yɛ̂sh ncindî mú bə tɨ́tɨɨ̂ nda məcií,

Lúkas 21:25

«*Məshimbá mə́ bá wɔ́ɔ́s jwɔ̂w nə ŋkwoond nə wə́acén-céníd. Shí í bá bə nə́, ilwoŋ í bá bə ífwaasʉd, muud kú wɔɔf nəcé mâŋ mə́ bá sá məma ncíndə́, ikwɔ̧́ bul juŋgya.