ᑕᐃᑕᔅ 1:15 - ᐅᔅᑭ ᑎᔅᑌᒥᓐᑦ

¹⁵ ᐊᓂᑭ ᑳ ᐸᓓᑭᓯᒋᒃ ᒥᓯᐌ ᑫᒀᓐ ᐸᓓᑲᓂᓕᐤ: ᒫᑲ ᐊᓂᑭ ᑳ ᐎᓂᓯᒋᒃ ᓀᔥᑕ ᐁᑳ ᑳ ᑖᐺᑕᑭᒃ ᓇᒪᐎᓚ ᑫᒀᓐ ᐸᓓᑲᓂᓕᐤ; ᒫᑲ ᐙᐙᒡ ᐅ ᒥᑐᓀᓕᒋᑲᓂᐗᐤ ᓀᔥᑕ ᐅᑌᐃᐗᐤ ᐎᓕᐸᓕᓕᐤ᙮

ᑕᐃᑕᔅ 1:15 Referans Kwoze

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:14

ᓂ ᑭᔅᑫᓕᑌᐤ, ᓀᔥᑕ ᓂ ᑫᒋᓇᐅᓐ ᐅᑎᐯᓕᒋᑫᐤ ᒋᓴᔅ ᐅᒋ, ᐁᑳ ᑫᒀᓐ ᐁ ᐃᑕᑾᒃ ᑎᐱᓚᐌ ᐁ ᒪᒉᓕᑖᑾᒃ; ᒫᑲ ᐊᓇ ᑫᒀᓕᐤ ᑳ ᒪᒉᓕᑕᒃ, ᐎᓚ ᐅᒋ ᒪᒉᓕᒀᓂᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:20

ᐁᑳᐎᓚ ᒥᒋᒻ ᐅᒋ ᓂᔑᐗᓈᒋᑖᐙᒃ ᑭᒋᒪᓂᑐ ᐅᑕ ᐊᑑᔅᑫᐎᓐ᙮ ᒥᓯᐌ ᑫᒀᓇ ᑖᐺ ᐸᓓᑲᓋ; ᒫᑲ ᒫᓛᑕᓂᓕᐤ ᐊᓇ ᐃᓕᓕᐤ ᐁ ᓈᔦᑕᐌᓕᑕᒥᐃᐌᑦ ᐁ ᒥᒋᓱᑦ᙮

ᓂᔥᑕᒻ ᑯᕆᓐᑎᐊᓇ 10:23

ᒥᓯᐌ ᑫᒀᓇ ᐅᓚᔓᐌᓕᑖᑾᓋ ᓂᓚ ᐅᒋ, ᒫᑲ ᒥᓯᐌ ᑫᒀᓇ ᓇᒪᐎᓚ ᐋᐸᑕᓋ: ᒥᓯᐌ ᑫᒀᓇ ᐅᓚᔓᐌᓕᑖᑾᓋ ᓂᓚ ᐅᒋ, ᒫᑲ ᒥᓯᐌ ᑫᒀᓇ ᓇᒪᐎᓚ ᑭᔅᑭᓄᐊᒫᑫᒪᑲᓋ᙮

ᐅᐸᓓᑭᔅ ᒫᑎᐤ 15:18

ᒫᑲ ᐊᓂᐃ ᑫᒀᓇ ᒥᑐᓂᒃ ᑳ ᐅᒋ ᐗᓚᐎᐸᓕᑭ, ᒥᑌᐃᒃ ᐅᒋᐸᓕᐗ; ᐅᐅ ᒫᑲ ᐎᓕᐱᐃᑯ ᐃᓕᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:23

ᐊᓇ ᒫᑲ ᑳ ᑶᑕᐎᐃᑌᓕᑕᒃ ᓂᔑᐗᓈᒋᒪᐤ ᑮᔥᐱᓐ ᒥᒋᓱᒋ, ᐌᓴ ᓇᒪᐎᓚ ᒥᒋᓱ ᑖᐺᔦᓕᑕᒧᐎᓂᒃ: ᐌᓴ ᑫᒀᓐ ᐁᑳ ᑖᐺᔦᓕᑕᒧᐎᓂᒃ ᑳ ᐅᒋᐸᓕᒃ ᒪᒋᑣᐎᓂᐗᓐ᙮

ᓂᔥᑕᒻ ᑯᕆᓐᑎᐊᓇ 10:31

ᑮᔥᐱᓐ ᒫᑲ ᒥᒋᓱᔦᑴ, ᓀᔥᑕᐱᑯ ᒥᓂᑴᔦᑴ, ᓀᔥᑕᐱᑯ ᑯᑕᒃ ᑫᒀᓐ ᑐᑕᒣᑴ, ᒥᓯᐌ ᐃᑐᑕᒧᒃ ᑭᒋ ᐅᒋ ᑭᔅᑌᓕᒫᑲᓂᐎᑦ ᑭᒋᒪᓂᑐ᙮

ᐊᐸᔅᑕᓚᒃ 10:15

ᐃᑗᐎᓐ ᒫᑲ ᑮ ᐃᑎᑯ ᒥᓇ ᐁᑯ ᓂᔡᐤ, ᐊᓂᒪ ᑭᒋᒪᓂᑐ ᑳ ᐸᓓᑭᑖᑦ, ᐁᑳᐎᓚ ᒫᓛᑕᓐ ᐃᔑᓂᑳᑕ᙮

ᓂᔥᑕᒻ ᑯᕆᓐᑎᐊᓇ 8:7

ᒫᑲ ᓇᒪᐎᓚ ᒥᓯᐌ ᐃᓕᓕᐗᒃ ᐋᔭᐗᒃ ᐅᒣᓕᐤ ᑭᔅᑫᓕᑕᒧᐎᓂᓕᐤ: ᐌᓴ ᐋᑎᑦ, ᐁ ᑭᔅᑫᓚᒫᒋᒃ ᒪᓂᑐᑳᓇ, ᐱᓕᔥ ᐊᓄᒡ, ᒥᒋᐗᒃ ᑖᐱᔅᑯᒡ ᑫᒀᓕᐤ ᑳ ᑮ ᐸᑭᑎᓇᒫᓕᒋ ᒪᓂᑐᑳᓇ; ᓀᔥᑕ ᐅ ᒥᑐᓀᓕᒋᑲᓂᐗᐤ ᐁ ᓕᓚᒥᓯᒪᑲᓂᓕᒃ ᐎᓕᐱᑖᓂᐗᓂᓕᐤ᙮

ᐦᐃᑉᕉᐗ 10:22

ᐁᑯᔑ ᓈᑖᑕᐤ ᐁ ᑖᐺᐎᓂ ᒥᑌᐃᔭᒃ, ᐁ ᑫᒋᓇᐅᔭᒃ ᑖᐺᔦᓕᑕᒧᐎᓂᒃ, ᑭᑌᐃᓇᐗ ᐸᑭᑲᐎᐯᑳᐋᒋᑳᑌᑭ ᒪᒋ ᒥᑐᓀᓕᒋᑲᓐ ᐅᒋ, ᓀᔥᑕ ᑭᔭᐎᓇᐗ ᐁ ᑭᒋᔅᑖᐸᐗᑖᑲᓂᐎᑭ ᐁ ᐸᔦᑳᑲᒥᒃ ᓂᐱᒃ᙮

ᓂᔥᑕᒻ ᑯᕆᓐᑎᐊᓇ 10:25

ᒥᓯᐌ ᑫᒀᓐ ᑳ ᐊᑖᐙᓂᐗᒃ ᐎᔮᓯᐎᐊᑖᐌᐎᑲᒥᑯᒃ, ᐁᐗᑯ ᒥᒋ, ᐁᑳ ᐙᔦᔥ ᐁ ᑲᑴᒋᑫᒧᔭᓐ ᒥᑐᓀᓕᒋᑲᓐ ᐅᒋ:

ᓂᔥᑕᒻ ᑎᒧᑎ 6:5

ᐃᓕᓕᐗᒃ ᐁ ᒪᒋᑡᒪᑲᓂᓕᑭ ᐅ ᒥᑐᓀᓕᒋᑲᓂᐗᐗ ᐁ ᒪᒋ ᐋᔑᑌᒥᑐᒋᒃ, ᐁᑳ ᓀᔥᑕ ᐁ ᐋᔮᒋᒃ ᑖᐺᐎᓂᓕᐤ, ᐅᑎᓯᐎᓐ ᐁᐗᑯ ᒪᓂᑐᐙᑎᓯᐎᓐ ᐁ ᐃᑌᓕᑕᑭᒃ: ᐁᑯ ᑐᐎ ᓇᑲᔑᒃ᙮

ᐦᐃᑉᕉᐗ 9:14

ᑖᓐ ᐃᔥᐱᔥ ᐊᐙᓯᑌ ᙭ ᐅᒥᑯᒻ, ᐊᓇ ᑳᑭᑫ ᐊᒑᑾ ᐅᒋ, ᒥᑐᓂ ᐁᑳ ᐁ ᒪᒋᐃᑎᑦ, ᑳ ᑮ ᐸᑭᑎᓂᑎᓱᔅᑕᐙᑦ ᑭᒋᒪᓂᑐᐗ, ᑫ ᐸᔦᑭᑖᑦ ᑭ ᒥᑐᓀᓕᒋᑲᓂᐗᐤ ᓂᐱᐎ ᐋᔨᑎᐎᓇ ᐅᒋ, ᑭᒋ ᐊᑑᔅᑲᐌᒃ ᐯᒫᑎᓰᑦ ᑭᒋᒪᓂᑐ?

ᐦᐃᑉᕉᐗ 12:15

ᐁ ᑭᓯᓴᐎᓯᐎ ᐊᔕᐙᐱᔦᒃ, ᐁᑳᐎᓚ ᐊᐌᓇ ᐃᓕᓕᐤ ᑭᒋ ᐸᑭᔑᒃ ᐅ ᔕᐌᓕᒋᑫᐎᓂᓕᐤ ᑭᒋᒪᓂᑐᐗ ᐅᒋ; ᐁᑳ ᐁ ᐅᒉᐱᑭᐗᒃ ᐎᓴᑯᐅᐌᐎᓐ ᐁ ᓵᑭᑭᒃ ᑭᒋ ᒥᑯᔥᑳᒋᐃᑯᔦᒃ, ᑫ ᐅᒋ ᐎᓂᐅᒋᒃ ᑳ ᒥᒉᑎᑭᒃ;