ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3 - ᐅᔅᑭ ᑎᔅᑌᒥᓐᑦ

³ ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3 Referans Kwoze

ᐊᐸᔅᑕᓚᒃ 13:39

ᓀᔥᑕ ᐎᓚ ᐅᒋ, ᒥᓯᐌ ᑳ ᑖᐺᑕᑭᒃ ᒥᓗᑡᐌᓕᒪᑲᓂᐎᐗᒃ ᒥᓯᐌ ᑫᒀᓂᒃ ᐃᔑ, ᐊᓂᒪ ᐁᑳ ᒧᓯᔅ ᐅᑦ ᐅᓚᔓᐌᐃᓐ ᑫ ᑮ ᐅᒋ ᒥᓗᑡᐌᓕᒥᑲᐎᔦᒃ᙮

ᑲᓓᔕᐊᓇ 3:13

᙭ ᑭ ᑮ ᐱᒫᒋᐃᑯᓇᐤ ᐅᓚᔓᐌᐎᓂ ᒪᒐᑭᑖᑯᓯᐎᓂᒃ ᐅᒋ, ᐁ ᑮ ᒪᒐᑭᒫᑲᓂᐎᑦ ᑭᓚᓈᓇᐤ ᐅᒋ: ᐌᓴ ᐃᑕᓯᓇᐃᑳᑌᐤ, ᒪᒐᑭᑖᑯᓯᐤ ᒥᓯᐌ ᑕᑐ ᐊᐌᓇ ᒥᔅᑎᑯᒃ ᑳ ᐊᑯᓛᑲᓂᐎᑦ:

ᓂᔓ ᑯᕆᓐᑎᐊᓇ 5:21

ᐌᓴ ᐎᓚ ᑮ ᐃᔑᐁᐤ ᑭᒋ ᒪᒋᑣᐎᓂᐎᓕᒋ ᑭᓚᓈᓇᐤ ᐅᒋ, ᐊᓂᐃ ᐁᑳ ᑳ ᑮ ᑭᔅᑫᓕᑕᒥᓕᒋ ᒪᒋᑣᐎᓂᓕᐤ; ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᑭᒋ ᐃᔑᐃᑲᐎᔭᒃ ᐎᓚ ᐅᒋ᙮

ᐦᐃᑉᕉᐗ 10:14

ᐌᓴ ᐯᔭᒃ ᐸᑭᑎᓂᑫᐎᓂᓕᐤ ᑮ ᐅᒋ ᒥᑐᓂᐎᐁᐤ ᐊᓂᐃ ᑳ ᐸᓓᑭᐋᑲᓂᐎᓕᒋ᙮

ᓂᔥᑕᒻ ᐱᑕᕐ 2:24

ᐎᓚ ᑫᒋᐙᒃ ᑳ ᑮ ᐅᑎᓇᒃ ᑎᐱᓚᐌ ᐎᔭᐎᒃ ᑭ ᒪᒋᑣᐎᓂᓇᐗ ᒥᔅᑎᑯᒃ; ᑭᓚᓇᓇᐤ, ᐁ ᓂᐱᔭᒃ ᒪᒋᑣᐎᓂᒃ ᐅᒋ, ᑭᒋ ᐱᒫᑎᓯᔭᒃ ᒀᔭᔅᑭᑖᑎᓯᐎᓂᒃ ᐃᔑ: ᐅ ᐸᐸᓴᔅᑕᐅᑯᓯᐎᓇ ᑳ ᐅᒋ ᒥᓇᐗᒋᐃᑲᐎᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:6

ᐅᒪ ᐁ ᑭᔅᑫᓕᑕᒪᒃ ᑭ ᑳᔮᔥ ᐃᓕᓕᐎᐎᓂᓇᐤ ᑳ ᒋᔅᑖᔅᑾᐃᑳᑌᒃ ᐊᓯᒋ ᐎᓚ, ᒪᒋᑣᐎᓂ ᒥᔭᐤ ᑭᒋ ᓂᔑᐗᓈᑕᒃ, ᐁᑯᔅᐱ ᐅᒋ ᐁᑳ ᑭᒋ ᐊᑑᔅᑫᔅᑕᒪᒃ ᒪᒋᑣᐎᓐ᙮

ᑲᓓᔕᐊᓇ 3:21

ᐅᓚᔓᐌᐎᓐ ᓈ ᒫᑲ ᓇᔅᑯᔅᑕᒫᑫᒪᑲᓐ ᑭᒋᒪᓂᑐ ᐅᑦ ᐊᔓᑕᒫᑫᐎᓇ? ᓇᒪᐎᓚ ᑲᑕ ᐎ ᐃᑭᓐ: ᐌᓴ ᑮᔥᐱᓐ ᑮ ᒥᓕᐙᓂᐗᓄᑯᐸᓀ ᐅᓚᔓᐌᐎᓐ ᑫ ᑮ ᒥᓕᐌᒪᑲᑭᐸᓐ ᐱᒪᑎᓯᐎᓐ, ᑖᐺ ᒀᔭᔅᑭᑖᑎᓯᐎᓐ ᐅᓚᔓᐌᐎᓂᒃ ᑲᑕ ᑮ ᐅᒋ ᑕᑾᓄᐸᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:32

ᐊᓇ ᐁᑳ ᑳ ᑮ ᒪᓈᒋᐋᑦ ᑎᐱᓚᐌ ᐅᑯᓯᓴ, ᒫᑲ ᒥᓯᐌ ᐁ ᐃᑕᔑᔭᒃ ᐅᒋ ᐁ ᑮ ᐸᑭᑎᓈᑦ, ᐙᐐᔅ ᓈ ᓇᒪ ᐁᐗᒀᓂᐃ ᐊᓯᒋ ᒧᔐ ᒥᓯᐌ ᑫᒀᓇ ᑭ ᑳ ᒥᓕᑯᓇᐤ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:20

ᐁᐗᑯ ᒫᑲ ᐅᒋ ᐁ ᐊᔨᑎᓈᓂᐗᒃ ᐅᓚᔓᐌᐎᓂᒃ ᐅᒋ ᓇᒪᐎᓚ ᐊᐌᓇ ᑲᑕ ᑮ ᒀᔭᔅᑭᑖᑎᓯᐊᐤ ᐎᓚ ᐁ ᑲᓇᐙᐸᑫᑦ: ᐌᓴ ᐅᓚᔓᐌᐎᓐ ᐅᒋ ᑭᔅᑫᓕᒋᑳᑌᐤ ᒪᒋᑣᐎᓐ᙮

ᐦᐃᑉᕉᐗ 2:14

ᓀᔥᑕ ᒫᑲ ᐊᐙᔑᔕᒃ ᑳ ᐃᔑ ᐎᒋ ᐅᑎᓇᒧᒥᐌᒋᒃ ᐎᔮᓯᓕᐤ ᓀᔥᑕ ᒥᑯᓕᐤ, ᐎᓚ ᓀᔥᑕ ᑫᒋᐙᒃ ᑮ ᐅᑎᓇᒻ; ᓂᐱᐎᓐ ᐅᒋ ᑭᒋ ᓂᔑᐗᓈᒋᐋᑦ ᐊᓂᐃ ᑳ ᑎᐯᓕᑕᒥᓕᒋ ᓂᐱᐎᓂᓕᐤ, ᐁᐗᑯ ᒪᒋᒪᓂᑐ;

ᐱᓕᐱᔭᓇ 2:7

ᒫᑲ ᑭ ᑐᑖᓱ ᑭᒋ ᐋᐱᔅᑌᓕᑖᑯᓯᑦ, ᓀᔥᑕ ᑭ ᐅᑎᓇᒫᓱ ᐊᑑᔅᑫᓛᑲᓇ ᐅᑦ ᐃᔑᓈᑯᓯᐎᓂᓕᐤ, ᓀᔥᑕ ᑮ ᐃᔑᐋᑲᓂᐎᐤ ᑖᐱᔅᑯᒡ ᐁ ᐃᔑᓈᑯᓯᓕᒋ ᐃᓕᓕᐗ:

ᐦᐃᑉᕉᐗ 10:12

ᒫᑲ ᐊᐗ ᐃᓕᓕᐤ ᐹᑎᒫ ᑳ ᑮ ᐸᑭᑎᓂᑫᑦ ᐯᔭᒃ ᓵᓵᑭᐎᓕᐌᐎᓂᓕᐤ ᒪᒋᑐᑕᒧᐎᓇ ᐅᒋ, ᑳᑭᑫ ᑮ ᓇᐊᐱᐌᐤ ᐅ ᑭᒋᓂᔅᑭᓕᒃ ᑭᒋᒪᓂᑐᐗ;

ᐦᐃᑉᕉᐗ 4:15

ᐌᓴ ᓇᒪᐎᓚ ᑭᑦ ᐋᔭᐙᓇᐤ ᑭᒋ ᓵᓵᑭᐎᓕᐌᐎᓕᓕᐤ ᐁᑳ ᑫ ᑮ ᐃᑕᒪᒋᑖᑦ ᑭᑦ ᐊᓕᒥᓯᐎᓂᓇᐗ; ᒫᑲ ᒥᓯᐌ ᐃᔑ ᑮ ᑲᑴᒋᐊᐤ ᑖᐱᔅᑯᒡ ᑭᓚᓈᓇᐤ, ᓇᒪᐎᓚ ᒫᑲ ᑮ ᒪᒋᑐᑕᒻ᙮

ᐦᐃᑉᕉᐗ 2:17

ᐁᐗᑯ ᒫᑲ ᐅᒋ ᒥᓯᐌ ᐃᔑ ᑮ ᐃᑕᔅᑌᓕᐤ ᑭᒋ ᐃᔑᐋᑲᓂᐎᑦ ᑖᐱᔅᑯᒡ ᐎᒋᔖᓇ; ᑭᒋ ᔕᐌᓕᒋᑫᐎ ᓀᔥᑕ ᑾᔭᔅᑭᑎᐎ ᑭᒋᓵᓵᑭᐎᓕᐌᐎᓕᓕᐎᑦ, ᐊᓂᐃ ᑫᒀᓇ ᐅᒋ ᑳ ᑎᐯᓕᑕᒥᓕᒋ ᑭᒋᒪᓂᑐᐗ, ᑭᒋ ᑎᐸᐊᒸᑦ ᐃᓕᓕᐗ ᐅ ᒪᒋᑣᐎᓂᓕᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:3

ᐌᓴ ᓂ ᑳ ᓇᑕᐌᓕᑌᑖᔾ ᓂᓚ ᑫᒋᐗᒃ ᑭᒋ ᒪᒐᑭᒥᑳᐎᔮᓐ ᙭ ᐅᒋ, ᓂᒋᔖᓇᒃ ᐅᒋ ᐁ ᐃᑕᔅᑌᒃ ᐎᔮᓯᐎᓐ:

ᐅᐸᓓᑭᔅ ᒑᓐ 1:14

ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 9:24

ᐁᑯ ᒥᓇ ᓀᑐᒫᒋᒃ ᐊᓂᐃ ᐃᓕᓕᐗ ᐁᑳ ᑳ ᑮ ᐙᐱᓕᒋ, ᓀᔥᑕ ᑮ ᐃᑌᐗᒃ, ᒦᓐ ᑭᒋᒪᓂᑐ ᒫᒥᒋᒥᑯᓯᐎᓕᓕᐤ: ᓂ ᑭᔅᑫᓕᑌᓈᓐ ᐊᐗ ᐃᓕᓕᐤ ᐁ ᒪᒋᑣᑦ᙮

ᐅᐸᓓᑭᔅ ᒫᕐᒃ 15:27

ᐊᓯᒋ ᐎᓚ ᓂᔓ ᑭᒧᑎᔅᑾ ᑮ ᒋᔅᑖᔅᑾᐌᐗᒃ, ᐯᔭᒃ ᐅ ᑭᒋᓂᔅᑭᓕᒃ ᐃᑌᑫ, ᑯᑕᑭᔭ ᒫᑲ ᐅ ᓇᒪᑎᓂᔅᑭᓕᒃ ᐃᑌᑫ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:18

ᐌᓴ ᓂ ᑭᔅᑫᓕᑌᓐ ᐱᒋ ᓂᔭᐎᒃ, ᓂ ᐎᔮᓯᒃ ᐅᑎ, ᐁᑳ ᑫᒀᓐ ᑳ ᒥᓨᔑᒃ ᐁ ᐱᒋᔅᑳᑯᔮᓐ: ᐌᓴ ᑭᒋ ᐃᑌᓕᑕᒫᓐ ᓂ ᑮ ᑐᑌᓐ, ᒫᑲ ᑫ ᐃᔑ ᑎᐱᑐᑕᒫᓐ ᐊᓂᒪ ᑳ ᒥᓨᔑᒃ ᓇᒪᐎᓚ ᓂ ᒥᔅᑫᓐ᙮