ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:7 - ᐅᔅᑭ ᑎᔅᑌᒥᓐᑦ

⁷ ᑖᓂ ᑫ ᐃᑗᔭᒃ ᒫᑲ? ᒪᒋᑣᐎᓂᐗᓐ ᓈ ᐅᓚᔓᐌᐎᓐ? ᓇᒪᐎᓚ ᑲᑕ ᐎ ᐃᑭᓐ, ᓇᒪᐎᓚ, ᓇᒪᐎᓚ ᓂ ᑳ ᑮ ᑭᔅᑫᓕᑌᑖᔾ ᒪᒋᑣᐎᓐ ᐅᓚᔓᐌᐎᓂᒃ ᐅᒋ ᐱᑯ: ᐌᓴ ᓇᒪᐎᓚ ᓂ ᑳ ᑮ ᑭᔅᑫᓕᑌᑖᔾ ᒪᒋᐃᑌᓕᑕᒧᐎᓐ, ᑮᔥᐱᓐ ᐅᓚᔓᐌᐎᓐ ᐁᑳ ᑮ ᐃᑗᒪᑲᓄᑯᐸᓀ, ᐁᑳᐎᓚ ᑭ ᑳ ᒧᔅᑌᓇᒫᑳᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:7 Referans Kwoze

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:20

ᐁᐗᑯ ᒫᑲ ᐅᒋ ᐁ ᐊᔨᑎᓈᓂᐗᒃ ᐅᓚᔓᐌᐎᓂᒃ ᐅᒋ ᓇᒪᐎᓚ ᐊᐌᓇ ᑲᑕ ᑮ ᒀᔭᔅᑭᑖᑎᓯᐊᐤ ᐎᓚ ᐁ ᑲᓇᐙᐸᑫᑦ: ᐌᓴ ᐅᓚᔓᐌᐎᓐ ᐅᒋ ᑭᔅᑫᓕᒋᑳᑌᐤ ᒪᒋᑣᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:15

ᐌᓴ ᐅᓚᔓᐌᐎᓐ ᐋᑯᓚᐌᓯᐎᓐ ᐅᔑᑖᒪᑲᓐ: ᐌᓴ ᐃᑕ ᐁᑳ ᐁ ᐃᑕᑾᒃ ᐅᓚᔓᐌᐎᓐ, ᓇᒪᐎᓚ ᐃᑕᑾᓐ ᐗᓂᑐᑕᒧᐎᓐ᙮

ᓂᔥᑕᒻ ᑯᕆᓐᑎᐊᓇ 15:56

ᓂᐱᐎᓐ ᐅ ᐱᒋᐳᓕᐌᐎᓐ ᐁᐗᑯ ᒪᒋᑣᐎᓐ; ᓀᔥᑕ ᒪᒋᑣᐎᓐ ᐅ ᒪᔥᑲᐎᓯᐎᓐ ᐁᐗᑯ ᐅᓚᔓᐌᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:9

ᐌᓴ ᐅᒪ, ᒪᑳᐎᓚ ᑭ ᑳ ᐱᔑᒀᑎᓯᓐ, ᐁᑳᐎᓚ ᑭ ᑳ ᓂᐹᔨᐙᓐ, ᐁᑳᐎᓚ ᑭ ᑳ ᑭᒧᑎᓐ, ᐁᑳᐎᓚ ᑭ ᑳ ᑭᓛᒃᑭ ᑎᐹᒋᒥᐙᓐ, ᐁᑳᐎᓚ ᑭ ᑳ ᒧᔅᑌᓇᒫᑳᓐ; ᑮᔥᐱᓐ ᒫᑲ ᐁᑕᑾᓄᑴ ᑯᑕᒃ ᑲᑫᔅᑴᐎᓐ, ᐃᑕᑾᓐ ᐅᑕ ᑳ ᑕᒀᒃ ᐃᑗᐎᓂᒃ, ᐅᒪ, ᑭ ᑳ ᓵᑭᐊᐤ ᑭᒋᐃᓕᓕᐤ ᑖᐱᔅᑯᒡ ᐁ ᐃᔑ ᓵᑭᐃᑎᓱᔭᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:8

ᒫᑲ ᒪᒋᑣᐎᓐ, ᑲᑫᔅᑴᐎᓂᒃ ᐅᒋ, ᓂ ᑮ ᐊᑑᔅᑫᔅᑳᑯᓐ ᒥᓯᐌ ᑐᐎ ᒪᒋᐃᑌᓕᑕᒧᐎᓐ᙮ ᐌᓴ ᐁᑳ ᐁ ᐃᑕᑾᒃ ᐅᓚᔓᐌᐎᓐ ᒪᒋᑣᐎᓐ ᑮ ᓂᐱᒪᑲᓐ᙮

ᓂᔥᑕᒻ ᑌᓴᓗᓂᔭᓇ 4:5

ᓇᒪᐎᓚ ᐱᔑᒀᑎᓯᐎ ᐃᑌᓕᑕᒧᐎᓂᒃ ᑖᐱᔅᑯᒡ ᐊᓂᑭ ᒉᓐᑖᐃᓚᒃ ᐁᑳ ᑳ ᑭᔅᑫᓕᒫᒋᒃ ᑭᒋᒪᓂᑐᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:5

ᒫᑲ ᑮᔥᐱᓐ ᑭ ᒪᒑᑎᓯᐎᓂᓇᐤ ᐅᒋ ᑭᔅᑕᑭᒋᑳᑌᓕᒃ ᐅ ᒀᔭᔅᑭᑖᑎᓯᐎᓐ ᑭᒋᒪᓂᑐ, ᑫᒀᓐ ᑫ ᐃᑗᔨᒃ? ᒪᒑᑎᓯᐤ ᑭᒋᒪᓂᑐ ᑳ ᐊᔅᑯᒋᐃᐌᑦ? (ᐃᓕᓕᒃ ᓂᑦ ᐃᔑ ᐋᔭᒥᓐ)

ᑯᓚᔑᔭᓇ 3:5

ᐁᐗᑯ ᐌᒋ ᓂᔑᐗᓈᒋᑖᒃ ᑭᑦ ᐊᔅᑭᐎ ᓇᑕᐌᓕᑕᒧᐎᓂᐗᐗ; ᐱᔑᒀᑎᓯᐎᓐ, ᐎᓂᓯᐎᓐ, ᐱᔑᒀᑎᓯᐎ ᐃᑌᓕᑕᒧᐎᓐ, ᒪᒋ ᓇᑕᐌᓕᑕᒧᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᐗᑯ ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ:

ᐃᐱᓯᔭᓇ 5:3

ᒫᑲ ᐱᔑᒀᑎᓯᐎᓐ, ᓀᔥᑕ ᒥᓯᐌ ᐎᓂᓯᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᑳᐎᓚ ᐎᔅᑲᑦ ᑲᑕ ᐋᓕᒧᒋᑳᑌᐤ ᐃᑌ ᐁ ᐃᑕᔦᒃ, ᑳ ᐃᔑ ᓇᑕᐌᓕᑖᑯᓯᒋᒃ ᐅᐸᓓᑭᓴᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:13

ᐊᓂᒪ ᒫᑲ ᑳ ᒥᓨᔑᒃ ᓂ ᑮ ᓂᐹᐃᑯᓐ ᓈ? ᓇᒪᐎᓚ ᑲᑕ ᐎ ᐃᑭᓐ᙮ ᒫᑲ ᒪᒋᑣᐎᓐ, ᑭᒋ ᓄᑾᒃ ᐁ ᒪᒋᑣᐎᓂᐗᒃ, ᐁ ᓂᐹᐃᑯᔮᓐ ᐊᓂᒪ ᑳ ᒥᓨᔑᒃ ᐅᒋ; ᒪᒋᑣᐎᓐ ᑲᑫᔅᑴᐎᓂᒃ ᐅᒋ ᑭᒋ ᓄᑾᒃ ᓈᔅᐱᒡ ᐁ ᒪᒋᑣᒪᑲᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:11

ᐌᓴ ᒪᒋᑣᐎᓐ, ᐊᓂᒪ ᑲᑫᔅᑴᐎᓐ ᐅᒋ, ᓂ ᑮ ᐙᔦᔑᐃᑯᓐ, ᓀᔥᑕ ᐁᐗᑯ ᐅᒋ ᓂ ᑮ ᓂᐹᔨᑯᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:5

ᐌᓴ ᒣᒀᒡ ᐎᔮᓯᐎᓂᒃ ᐁᑖᔭᒃ, ᒪᒋᑣᐎᓂ ᓱᑫᓕᑕᒧᐎᓇ, ᑳ ᐃᑕᑾᑭ ᐅᓚᔓᐌᐎᓐ ᐅᒋ, ᑮ ᐃᔑᒋᑫᒪᑲᓋ ᑭ ᐸᔅᑫᓯᐎᓂᓈᒃ ᑭᒋ ᓂᑕᐎᑭᑖᔨᒃ ᒥᓂᔕ ᓂᐱᐎᓂᒃ ᐃᔑ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:15

ᑫᒀᓐ ᒫᑲ? ᑭ ᑳ ᒪᒋᑐᑌᓈᓇᐤ ᓈ ᐁᑳ ᐁ ᐃᑖᔭᒃ ᐅᓚᔓᐌᐎᓂᒃ ᒫᑲ ᔕᐌᓕᒋᑫᐎᓂᒃ? ᓇᒪᐎᓚ ᑲᑕ ᐎ ᐃᑭᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:1

ᑫᒀᓐ ᒫᑲ ᑫ ᐃᑗᔭᒃ ᐊᓂᐁᓕᐤ ᑰᑕᐎᓇᐤ ᐁᑉᕃᐋᒻ ᐎᔮᓯᒃ ᐃᔑ ᑳ ᑮ ᒥᔅᑲᒃ?

ᐊᐸᔅᑕᓚᒃ 20:33

ᓇᒪᐎᓚ ᐊᐌᓇ ᐃᓕᓕᐤ ᓂ ᑮ ᒧᔅᑌᓇᒸᓐ ᐅ ᔓᓕᐋᓈᐱᔅᑯᒪ, ᓀᔥᑕᐱᑯ ᐅᑦ ᐅᓴᐎᔓᓕᐋᓈᐱᔅᑯᒪ, ᒋᑲ ᓀᔥᑕ ᐱᑯ ᐅ ᐎᓛᒋᑲᓇ᙮

ᐅᐸᓓᑭᔅ ᓘᒃ 12:15

ᑮ ᐃᑌᐤ ᒫᑲ, ᔮᒀᒦᔅᑕᒧᒃ ᓀᔥᑕ ᑯᔅᐸᓂᔅᑕᒧᒃ ᒧᔅᑌᓇᒫᑫᐎᓐ: ᐌᓴ ᐃᓕᓕᐤ ᐅ ᐱᒫᑎᓯᐎᓐ ᓇᒪᐎᓚ ᐁᐗᑴᓕᐤ ᑳ ᐃᔅᐱᒋ ᐌᓗᑎᓰᑦ᙮

ᐅᐸᓓᑭᔅ ᒫᑎᐤ 5:28

ᒫᑲ ᓂᓚ ᑭᑦ ᐃᑎᓇᐗᐤ, ᐊᐌᓇ ᑫ ᑲᓇᐙᐸᒫᑴ ᐃᔅᑴᐗ ᐁ ᐎ ᐎᒋᐱᒪᔑᒫᑦ, ᐋᔕᔾ ᑮ ᐎᒋᐱᔑᒀᑎᓯᒣᐤ ᐅᑌᐃᒃ᙮

ᐅᐸᓓᑭᔅ ᓘᒃ 20:16

ᑲᑕ ᐯᒋ ᓂᔑᐗᓈᒋᐁᐤ ᐅᐅ ᐅᓂᑖᐎᑭᒋᑫᐗ, ᓀᔥᑕ ᔓᒥᓈᑎᑯ ᓂᑖᐎᑭᒋᑲᓂᓕᐤ ᑯᑕᑭᔭ ᑲᑕ ᒥᓓᐤ᙮ ᐃᔅᐱ ᒫᑲ ᐱᐁᑕᑭᒃ, ᑮ ᐃᑗᐗᒃ, ᓇᒪᐎᓚ ᑲᑕ ᐎ ᐃᑭᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:20

ᓀᔥᑕ ᒫᑲ ᐅᓚᔓᐌᐎᓐ ᑮ ᐱᑐᑫᒪᑲᓐ ᑭᒋ ᒥᒉᑎᒃ ᐗᓂᑐᑕᒧᐎᓐ᙮ ᒫᑲ ᐃᑕ ᑳ ᐃᔑ ᒥᒉᑎᒃ ᒪᒋᑣᐎᓐ, ᐁᑯᑕ ᐋᓕᐙᒃ ᐊᐙᓯᑌ ᑮ ᒥᒉᑌᓐ ᔕᐌᓕᒋᑫᐎᓐ:

ᐦᐃᑉᕉᐗ 7:19

ᐌᓴ ᐅᓚᔓᐌᐎᓐ ᓇᒪᐎᓚ ᑫᒀᓐ ᑮ ᒥᑐᓂᐎᑖᒪᑲᓐ, ᒫᑲ ᑮ ᐃᑭᓐ ᐊᐙᓯᑌ ᑳ ᒥᓨᔑᒃ ᐊᔅᐯᓕᒧᐎᓐ ᐁ ᑮ ᐯᑖᓂᐗᒃ; ᐊᓂᒪ ᑳ ᐅᒋ ᐯᔣᐸᒪᒃ ᑭᒋᒪᓂᑐ᙮