ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:5 - ᐅᔅᑭ ᑎᔅᑌᒥᓐᑦ

⁵ ᐁᑯ ᑭᒋᒪᓂᑐ ᑳ ᑎᐯᓕᑕᒃ ᔑᐱᓚᐌᓯᐎᓂᓕᐤ ᓀᔥᑕ ᑳᑭᒋᐃᐌᐎᓂᓕᐤ ᑭ ᑳ ᐎ ᒥᓕᑯᐗᐤ ᒣᒥᔅᑯᒃ ᑭᒋ ᒥᓗᐃᑌᓕᒥᑐᔦᒃ ᑳ ᐃᔑ ᑭᔅᑭᓄᐊᒫᑫᑦ ᙭ ᒋᓴᔅ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:5 Referans Kwoze

ᓂᔥᑕᒻ ᐱᑕᕐ 3:8

ᒫᒋᒃ, ᒥᓯᐌ ᐁ ᐃᑕᔑᔦᒃ ᐋᔮᒃ ᐯᔭᒃ ᒥᑐᓀᓕᒋᑲᓐ, ᐁ ᑭᑎᒫᑫᓕᒥᑐᔦᒃ; ᓵᑭᐃᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ, ᑭᔐᐙᑎᓰᒃ, ᐅᑐᑌᒥᒥᐌᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:16

ᐋᔮᒃ ᐯᔭᒃ ᒥᑐᓀᓕᒋᑲᓐ ᑭᒋ ᐃᑌᓕᑕᒫᑐᔦᒃ᙮ ᐁᑳᐎᓚ ᐱᓯᔅᑫᓕᑕᒧᒃ ᑳ ᐃᔅᐯᓕᑖᑾᑭ, ᒫᑲ ᐙᑯᒥᑯᒃ ᑳ ᑕᐸᑌᓕᑖᑯᓯᒋᒃ᙮ ᐁᑳᐎᓚ ᓂ ᑲᑫᑕᐌᓕᑌᓐ ᐃᑌᓕᒥᑎᓱᒃ᙮

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᓂᔓ ᑯᕆᓐᑎᐊᓇ 13:11

ᒫᒋᒡ, ᓂᒋᔖᓂᑐᒃ, ᓇᑕᒫ ᒥᓗᐋᔮᔦᒃ, ᒥᑐᓂ ᒥᓨᑎᓰᒃ, ᒥᓜᓕᒧᒃ, ᐯᔭᑴᓕᑕᒧᒃ, ᐎᒋᐱᒫᑎᓯᒥᑐᒃ ᑳᔮᒣᓕᑕᒧᐎᓂᒃ; ᓀᔥᑕ ᑭᒋᒪᓂᑐ ᑳ ᑎᐯᓕᑕᒃ ᓵᑭᐃᐌᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᑭ ᑳ ᐎᒉᐎᑯᐗᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᓂᔥᑕᒻ ᑯᕆᓐᑎᐊᓇ 1:10

ᐁᑯ ᑭ ᓇᑕᐌᓕᑕᒫᑎᓇᐗᐤ, ᓂᒋᔖᓂᑐᒃ, ᐅᑦ ᐃᔑᓂᑳᓱᐎᓂᒃ ᐅᒋ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᒥᓯᐌ ᐁ ᐃᑕᔑᔦᒃ ᑭᒋ ᐯᔭᑯ ᐃᑗᔦᒃ, ᐁᑳ ᓀᔥᑕ ᑭᒋ ᐃᑕᑾᑭ ᐸᑳᓂᐃᓱᐎᓇ ᐃᑕ ᐁ ᐃᑖᔦᒃ; ᒥᑐᓂ ᒫᑲ ᑭᒋ ᐎᒉᑐᔦᒃ ᓵᑭᐃᑐᐎᓂᒃ ᐁ ᐯᔭᑯ ᒥᑐᓀᓕᒋᑲᓂᔦᒃ, ᓀᔥᑕ ᐁ ᐯᔭᑯ ᑎᐹᔅᑯᓂᑫᔦᒃ᙮

ᐱᓕᐱᔭᓇ 4:2

ᓂ ᐸᑯᓭᓕᒪᐤ ᐃᐤᐅᑎᔭᔅ, ᓀᔥᑕ ᓂ ᐸᑯᓭᓕᒪᐤ ᓯᓐᑕᐃᑭ, ᑭᒋ ᐯᔭᑾᓂᓕᒃ ᐅ ᒥᑐᓀᓕᒋᑲᓂᐗᐤ ᐅᑎᐯᓕᒋᑫᒃ᙮

ᐱᓕᐱᔭᓇ 2:2

ᑎᐱᐸᓕᑖᒃ ᓂ ᒥᓚᐙᑕᒧᐎᓐ, ᑖᐱᔅᑯᒡ ᑭᒋ ᒥᑐᓀᓕᒋᑲᓂᔦᒃ, ᐁ ᐋᔮᔦᒃ ᓵᑭᐃᐌᐎᓐ, ᐁ ᐯᔭᑯ ᐃᑌᓕᑕᒣᒃ, ᐁ ᐯᔭᑯ ᒥᑐᓀᓕᒋᑲᓂᔦᒃ,

ᐱᓕᐱᔭᓇ 1:27

ᐁᑯᔑ ᐱᑯ ᑭᑦ ᐃᔑ ᐱᒫᑎᓯᐎᓂᐗᐤ ᑲᑕ ᐎ ᐃᔑᓈᑾᓐ ᐁ ᐃᔑᓈᑾᓂᓕᒃ ᐅᒥᓗᐋᒋᒧᐎᓐ ᙭: ᑮᔥᐱᓐ ᑫ ᑕᑯᔑᓄᐙᓀ ᑭᒋ ᐙᐸᒥᑕᑾᒃ, ᓀᔥᑕᐱᑯ ᑫ ᐃᑖᐱᒋᐙᓀ, ᓂ ᑳ ᐯᑌᓐ ᐁ ᐋᔨᑎᔦᒃ, ᓀᔥᑕ ᐁ ᐋᔭᒋᑳᐸᐎᔦᒃ ᐯᔭᒃ ᐊᒑᑯᒃ, ᐁ ᐯᔭᑯ ᒥᑐᓀᓕᒋᑲᓂᔦᒃ ᒫᒪᐎ ᑭᑐᒋᑲᓇᐌᓕᑕᒣᒃ ᒥᓗᐋᒋᒧᐎᓂ ᑖᐺᔦᓕᑕᒧᐎᓐ;

ᓂᔓ ᐱᑕᕐ 3:15

ᓀᔥᑕ ᐃᑕᑭᑕᒸᒃ ᐅ ᔑᐱᓚᐌᓯᐎᓐ ᑭ ᑎᐯᓕᒋᑫᒥᓇᐤ ᐁ ᐱᒫᒋᐃᐌᐎᓂᐗᒃ: ᑖᐱᔅᑯᒡ ᓀᔥᑕ ᓯᐊᑭᐋᑲᓂᐎᑦ ᑭᒋᔖᓂᓇᐤ ᐹᓪ, ᐃᔥᐱᔥ ᑲᑫᑕᐌᓕᑕᒧᐎᓂᓕᐤ ᐁ ᑮ ᒥᓛᑲᓂᐎᑦ, ᐁ ᑮ ᒪᓯᓇᐊᒫᑖᒃ:

ᐱᓕᐱᔭᓇ 3:16

ᐁᓕᐌᒃ ᒫᑲ, ᐃᑕ ᐃᓕᑯᒃ ᐋᔕᔾ ᑳ ᑮ ᐅᑎᑕᒪᒃ, ᐁᑯᔑ ᑫᔮᐸᒡ ᐃᔑ ᐱᒧᑌᑕᐤ, ᐁᑯᔑ ᐁᐗᑯ ᑫᔮᐸᒡ ᒫᒥᑐᓀᓕᑖᑕᐤ᙮

ᐊᐸᔅᑕᓚᒃ 4:32

ᒥᓯᐌ ᐁ ᐃᑕᓯᒋᒃ ᒫᑲ ᑳ ᑖᐺᑕᑭᒃ ᑮ ᐃᑎᐗᒃ ᑖᐱᔅᑯᒡ ᐁ ᐯᔭᑯᑌᐁᒋᒃ ᓀᔥᑕ ᐁ ᐯᔭᑯᐊᒑᑯᐎᒋᒃ; ᓇᒪᐎᓚ ᓀᔥᑕ ᐊᐌᓇ ᐁ ᐃᑕᓯᒋᒃ ᐅᒋ ᑮ ᐃᑗᐤ ᐊᓂᐃ ᑫᒀᓇ ᑳ ᐊᔮᑦ ᐁ ᑎᐱᓚᐌᐎᓯᑦ; ᒫᑲ ᒥᓯᐌ ᑫᒀᓇ ᒫᒪᐤ ᑮ ᐋᐸᒋᑖᐗᒃ᙮

ᓂᔓ ᐱᑕᕐ 3:9

ᐅᑎᐯᓕᒋᑫᐤ ᓇᒪᐎᓚ ᑆᔅᑕᐎᐤ ᑭᒋ ᑐᑕᒃ ᐅᑦ ᐊᔓᑕᒫᑫᐎᓐ, ᑖᐱᔅᑯᒡ ᐋᑎᑦ ᐃᓕᓕᐗᒃ ᑆᔅᑕᐎᐎᓐ ᑳ ᐃᑕᑭᒃ; ᒫᑲ ᑭ ᔑᐱᓚᐌᓯᔅᑖᑯᓇᐤ, ᐁᑳ ᐁ ᓇᑕᐌᓕᑕᒃ ᐊᐌᓕᐗ ᑭᒋ ᓂᔑᐗᓈᑎᓯᓕᒋ, ᒫᑲ ᒥᓯᐌ ᑭᒋ ᐊᑎ ᒥᒋᓚᐌᔦᓕᑕᒥᓕᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:3

ᐌᓴ ᐙᐙᒡ ᙭ ᓇᒪᐎᓚ ᑮ ᓇᐃᓚᐌᐃᑎᓱ; ᒫᑲ, ᐁ ᐃᑕᓯᓇᐃᑳᑌᒃ, ᐅ ᑭᑐᔑᐌᐎᓂᐗᐗ ᐊᓂᑭ ᑳ ᑮ ᑭᑐᑎᔅᑭᒃ ᓂ ᑮ ᐸᑲᒥᔅᑳᑯᐙᓐ᙮

ᓂᔥᑕᒻ ᐱᑕᕐ 3:20

ᐊᓂᑭ ᐌᔅᑳᒡ ᑳ ᑮ ᐋᓉᔦᓕᑕᒧᐙᑯᐸᓀ, ᐃᔅᐱ ᐯᔭᑾᐤ ᐅ ᔑᐱᓚᐌᓯᐎᓐ ᑭᒋᒪᓂᑐ ᐁ ᑮ ᐯᐃᐌᒪᑲᓂᓕᒃ ᒣᒀᒡ ᐁ ᐅᑭᔑᑳᒥᑦ ᓄᐊ, ᒣᒀᒡ ᐊᓂᒪ ᐊᕐᒃ ᐁ ᑮ ᐋᔦᔅᑲᐎᑖᓂᐗᒃ, ᐃᑕ ᒐᑲᐙᔑᔥ, ᐁᐗᑯ ᔭᓈᓀᐤ ᐊᒑᑾᒃ ᑳ ᐅᒋ ᐱᒫᒋᐋᑲᓂᐎᒋᒃ ᓂᐱᒃ᙮

ᓂᔓ ᑯᕆᓐᑎᐊᓇ 7:6

ᐁᓕᐌᒃ ᒫᑲ, ᑭᒋᒪᓂᑐ, ᑳ ᑳᑭᒋᐋᑦ ᐊᓂᐃ ᑳ ᒥᔕᒣᓕᑕᒥᓕᒋ, ᓂ ᑮ ᑳᑭᒋᐃᑯᓈᓐ ᐁ ᐯᒋ ᑕᑯᔑᒃ ᑕᐃᑕᔅ;