ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:22 - ᐅᔅᑭ ᑎᔅᑌᒥᓐᑦ

²² ᑭᑦ ᐊᔮᓐ ᓈ ᑖᐺᔦᓕᑕᒧᐎᓐ? ᐊᔮᔅᑕᒪᓱ ᐅᑎᔥᑲᐤ ᑭᒋᒪᓂᑐᐗ᙮ ᒥᓜᓕᑕᒻ ᐊᓇ ᐁᑳ ᑳ ᓂᔑᐗᓈᒋᒥᑎᓱᑦ ᐊᓂᐁᓕᐤ ᐅᒋ ᑳ ᐃᓕᓇᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:22 Referans Kwoze

ᓂᔥᑕᒻ ᒑᓐ 3:21

ᓯᐋᑭᐃᑕᑾᒃ, ᑮᔥᐱᓐ ᑭᑌᐃᓇᐤ ᐁᑳ ᐎᑕᒫᑯᔭᑴ ᐁ ᒪᒋᑣᔭᒃ, ᐁᑯ ᑭᐁᒋᓇᐅᔅᑕᐗᒃ ᑭᒋᒪᓂᑐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:5

ᐯᔭᒃ ᐃᓕᓕᐤ ᐊᐙᓯᑌ ᑭᔅᑌᓕᑕᒻ ᐯᔭᒃ ᐁ ᑭᔑᑳᓕᒃ ᐃᔥᐱᔥ ᑯᑕᑭᓕᐤ: ᒫᑲ ᑯᑕᒃ ᒥᓯᐌ ᑕᑐ ᑭᔑᑳᓕᐤ ᑖᐱᔅᑯᒡ ᐃᔑ ᑭᔅᑌᓕᑕᒻ᙮ ᐁᑯᔑ ᒥᓯᐌ ᑕᑐ ᐃᓕᓕᐤ ᒥᑐᓂ ᑲᑕ ᑫᒋᓇᐅ ᑎᐱᓚᐌ ᐅ ᒥᑐᓀᓕᒋᑲᓇᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:13

ᐊᐌᓇ ᐁ ᐃᑕᔑᔦᒃ ᑳ ᑲᑫᑕᐌᓕᑕᒃ ᐃᓕᓕᐤ ᓀᔥᑕ ᐁ ᓵᑲᔅᑭᓀᔅᑳᑯᑦ ᑭᔅᑫᓕᑕᒧᐎᓂᓕᐤ; ᐁᑯᔑ ᑲᑕ ᐙᐸᑎᓕᐌᐤ ᐁ ᒥᓗ ᐃᑖᑎᓰᑦ ᐅᑦ ᐊᑑᔅᑫᐎᓇ ᑲᑫᑕᐌᓕᑕᒧᐎᓂ ᓗᔅᑳᑎᓯᐎᓂᒃ᙮

ᑲᓓᔕᐊᓇ 6:1

ᓂᒋᔖᓂᑐᒃ, ᑮᔥᐱᓐ ᐊᐌᓇ ᐊᑎᒥᑯᒋ ᒪᒋᐋᔨᑎᐎᓂᓕᐤ, ᑭᓚᐗᐤ ᑳ ᐊᒑᑯᐎᔦᒃ ᐯᒋ ᑭᐌᑕᐃᒃ ᐊᓇ ᓗᔅᐹᑌᓕᑕᒧᐎᓂᒃ; ᐁ ᒫᒥᑐᓀᓕᒥᑎᓱᔭᓐ, ᒫᔅᑯᒡ ᑭᓚ ᓀᔥᑕ ᑭ ᑳ ᑲᑴᒋᐃᑲᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:23

ᐊᓇ ᒫᑲ ᑳ ᑶᑕᐎᐃᑌᓕᑕᒃ ᓂᔑᐗᓈᒋᒪᐤ ᑮᔥᐱᓐ ᒥᒋᓱᒋ, ᐌᓴ ᓇᒪᐎᓚ ᒥᒋᓱ ᑖᐺᔦᓕᑕᒧᐎᓂᒃ: ᐌᓴ ᑫᒀᓐ ᐁᑳ ᑖᐺᔦᓕᑕᒧᐎᓂᒃ ᑳ ᐅᒋᐸᓕᒃ ᒪᒋᑣᐎᓂᐗᓐ᙮

ᓂᔓ ᑯᕆᓐᑎᐊᓇ 1:12

ᐌᓴ ᐅᒪ ᐅᒋ ᓂ ᒧᒋᑫᓕᑌᓈᓐ, ᐁ ᐃᑖᒋᒧᔅᑖᑯᔮᒃ ᓂ ᒥᑐᓀᓕᒋᑲᓂᓇᓐ, ᒀᔭᔉ ᐃᑌᓕᑕᒧᐎᓂᒃ ᓀᔥᑕ ᒪᓂᑐᐎ ᑖᐺᔦᓕᑖᑯᓯᐎᓂᒃ, ᓇᒪᐎᓚ ᐎᔮᓯᐎ ᑲᑫᑕᐌᓕᑕᒧᐎᓂᒃ, ᒫᑲ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ, ᓂ ᑮ ᐃᔑ ᐱᒫᑎᓯᓈᓐ ᐅᑕ ᐊᔅᑮᒃ, ᐋᓕᐗᒃ ᒫᑲ ᑭᓚᐗᐤ ᐃᔑ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:14

ᓂ ᑭᔅᑫᓕᑌᐤ, ᓀᔥᑕ ᓂ ᑫᒋᓇᐅᓐ ᐅᑎᐯᓕᒋᑫᐤ ᒋᓴᔅ ᐅᒋ, ᐁᑳ ᑫᒀᓐ ᐁ ᐃᑕᑾᒃ ᑎᐱᓚᐌ ᐁ ᒪᒉᓕᑖᑾᒃ; ᒫᑲ ᐊᓇ ᑫᒀᓕᐤ ᑳ ᒪᒉᓕᑕᒃ, ᐎᓚ ᐅᒋ ᒪᒉᓕᒀᓂᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:2

ᐌᓴ ᐯᔭᒃ ᐊᐌᓇ ᑖᐺᑕᒻ ᑭᒋ ᑮ ᒥᒋᑦ ᒥᓯᐌ ᑫᒀᓇ; ᑯᑕᒃ ᐊᐌᓇ, ᑳ ᓕᓚᒥᓰᑦ, ᓂᑖᐎᑭᑖᑲᓂᔕ ᒥᒋᐤ᙮

ᐊᐸᔅᑕᓚᒃ 24:16

ᐅᑕ ᒫᑲ ᓂᑦ ᐅᒋ ᓈᑲᑕᐌᓕᒥᑎᓱᓐ ᒧᔕᒃ ᑭᒋ ᐅ ᒥᑐᓀᓕᒋᑲᓂᔮᓐ ᐁᑳ ᑭᒋ ᓈᔦᑕᐎᑐᑕᐗᒃ ᑭᒋᒪᓂᑐ, ᓀᔥᑕ ᐃᓕᓕᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:24

ᐅ ᑭᑎᒫᑭᓯᐎ ᐃᓕᓕᐤ! ᐊᐌᓇ ᑫ ᐎᑾᒋᐃᑦ ᐅᒪ ᓂᐱᐎᓂ ᒥᔭᐤ ᐅᒋ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:15

ᐌᓴ ᐊᓂᒪ ᑳ ᑐᑕᒫᓐ, ᓇᒪᐎᓚ ᓂ ᒥᓜᓕᑌᓐ: ᐌᓴ ᐊᓂᒪ ᐙ ᑐᑕᒫᓐ ᓇᒪ ᐎᓚ ᓂ ᑝᑌᓐ; ᒫᑲ ᐊᓂᒪ ᑳ ᐸᒀᑕᒫᓐ, ᐁᐗᑯ ᐁ ᑐᑕᒫᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:1

ᐁᐗᑯ ᐅᒋ ᓇᒪᐎᓚ ᑭ ᑳ ᑮ ᑶᑕᐎᐃᑣᓐ, ᐅ ᐃᓕᓕᐤ, ᐊᐌᓇ ᐁᑐᑫ ᑳ ᑎᐹᔅᑯᓂᑫᔭᓐ: ᐌᓴ ᐃᑕ ᐌᒋ ᑎᐹᔅᑯᓇᑦ ᑯᑕᒃ, ᑭ ᓂᔑᐗᓈᒋᒥᑎᓯᓐ; ᐌᓴ ᑭᓚ ᑳ ᑎᐹᔅᑯᓂᑫᔭᓐ ᒣᒋ ᓀᔥᑕ ᐁ ᐃᔑ ᐊᔨᑐᑕᒪᓐ᙮

ᓂᔥᑕᒻ ᑯᕆᓐᑎᐊᓇ 8:7

ᒫᑲ ᓇᒪᐎᓚ ᒥᓯᐌ ᐃᓕᓕᐗᒃ ᐋᔭᐗᒃ ᐅᒣᓕᐤ ᑭᔅᑫᓕᑕᒧᐎᓂᓕᐤ: ᐌᓴ ᐋᑎᑦ, ᐁ ᑭᔅᑫᓚᒫᒋᒃ ᒪᓂᑐᑳᓇ, ᐱᓕᔥ ᐊᓄᒡ, ᒥᒋᐗᒃ ᑖᐱᔅᑯᒡ ᑫᒀᓕᐤ ᑳ ᑮ ᐸᑭᑎᓇᒫᓕᒋ ᒪᓂᑐᑳᓇ; ᓀᔥᑕ ᐅ ᒥᑐᓀᓕᒋᑲᓂᐗᐤ ᐁ ᓕᓚᒥᓯᒪᑲᓂᓕᒃ ᐎᓕᐱᑖᓂᐗᓂᓕᐤ᙮