ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:12 - ᐅᔅᑭ ᑎᔅᑌᒥᓐᑦ

¹² ᐁ ᒥᓚᐙᑕᒣᒃ ᐊᔅᐯᓕᒧᐎᓂᒃ; ᐁ ᔑᐱᓚᐌᓯᔦᒃ ᐊᓕᒥᓯᐎᓂᒃ; ᐁ ᐸᑳᔅᑭᔦᒃ ᐋᔭᒥᐋᐎᓂᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:12 Referans Kwoze

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᐦᐃᑉᕉᐗ 10:36

ᐌᓴ ᑭ ᓇᑕᐌᓕᑌᓇᐗᐤ ᔑᐱᓚᐌᓯᐎᓐ; ᐹᑎᒫ ᑮ ᑐᑕᒬᑴ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᑭᒋ ᒥᓕᑲᐎᔦᒃ ᐊᓂᒪ ᐊᔓᑕᒫᑫᐎᓐ᙮

ᓂᔥᑕᒻ ᐱᑕᕐ 4:13

ᒫᑲ ᒥᓚᐙᑕᒧᒃ, ᐁ ᑮ ᐎᒋᐃᐌᔦᐤ ᙭ ᐅ ᐙᐎᓴᑫᓕᑕᒧᐎᓇ; ᐃᔅᐱ ᓄᑾᓂᓕᑫ ᐅ ᑭᔅᑌᓕᑖᑯᓯᐎᓐ, ᑭᓚᐗᐤ ᓀᔥᑕ ᑭᒋ ᓯᑭᓓᓯᔦᑳ ᑭᒋ ᒥᓚᐙᑕᒧᐎᓂᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:7

ᔑᐱᓚᐌᓯᒃ ᒫᑲ, ᓂᒋᔖᓂᑐᒃ, ᐱᓕᔥ ᑭᒋ ᑕᑯᔑᒃ ᐅᑎᐯᓕᒋᑫᐤ᙮ ᒫᑎᑲ, ᐅᓂᑕᐎᑭᒋᑫᐤ ᐯᑕᐤ ᑳ ᒥᓨᔑᓂᓕᑭ ᑳ ᓂᑕᐎᑭᓂᓕᑭ ᐊᔅᑮᒃ, ᓀᔥᑕ ᑭᓉᔥ ᔑᐯᓕᑕᒻ, ᐹᑎᒫ ᐙᐸᑕᑫ ᓃᔥᑕᒻ ᓀᔥᑕ ᒫᒋᒡ ᑭᒋ ᑭᒥᐗᓂᓕᒃ᙮

ᐦᐃᑉᕉᐗ 6:15

ᐁᑯᔑ ᒫᑲ, ᐃᔅᐱ ᑳ ᑮ ᔑᐱᓚᐌᓯᐎ ᔑᐯᓕᑕᒃ, ᑮ ᒥᓚᐤ ᐊᔓᑕᒫᑫᐎᓂᓕᐤ᙮

ᐦᐃᑉᕉᐗ 6:12

ᐁᑳ ᑭᒋ ᑭᑎᒥᔦᒃ, ᒫᑲ ᐁ ᓄᔅᐱᓇᑌᑾᒃ ᐊᓂᑭ, ᑖᐺᔦᓕᑕᒧᐎᓐ ᐅᒋ ᓀᔥᑕ ᔑᐱᓚᐌᓯᐎᓐ ᑳ ᐊᑎ ᐋᔮᒋᒃ ᐊᓂᐃ ᐊᔓᑕᒫᑫᐎᓇ᙮

ᐱᓕᐱᔭᓇ 4:4

ᒥᓚᐙᑎᒃ ᒧᔕᒃ ᐅᑎᐯᓕᒋᑫᐤ; ᒥᓇ ᒫᑲ ᓂᑦ ᐃᑣᓐ, ᒥᓚᐙᑕᒧᒃ᙮

ᐦᐃᑉᕉᐗ 12:1

ᐁ ᐙᐸᑕᒪᒃ ᒫᑲ ᐁ ᐙᔅᑳᔅᑳᑕᑾᒃ ᐁ ᐃᔅᐱᒋ ᒥᒉᑎᒋᒃ ᐅᑎᐹᒋᒧᐗᒃ, ᐁᑯᔑ ᐃᑲᑌᔅᑖᑕᐤ ᒥᓯᐌ ᑳ ᑯᓯᑾᒃ, ᐊᓂᒪ ᒪᒋᑐᑕᒧᐎᓐ ᓀᔥᑕ ᓈᔅᐱᒡ ᑳ ᐌᒋᐸᑭᔑᒥᑯᔭᒃ, ᐁᑯᔑ ᒫᑲ ᔑᐱᓚᐌᓯᐎᓂᒃ ᐱᒥᐸᑖᑕᐤ ᐊᓂᒪ ᑲᑴᒋᔅᑲᑎᑐᐎᓐ ᑳ ᓂᑳᓇᔅᑕᒫᑲᐎᔭᒃ;

ᑯᓚᔑᔭᓇ 4:2

ᑕᑭᓀ ᐋᔭᒥᐋᒃ, ᓀᔥᑕ ᐁᑯ ᐃᔑ ᐊᔕᐙᐱᒃ ᐁ ᓇᓈᔅᑯᒧᔦᒃ;

ᓂᔓ ᑌᓴᓗᓂᔭᓇ 3:5

ᐅᑎᐯᓕᒋᑫᐤ ᒫᑲ ᑲᑕ ᑭᔅᑭᓄᑕᑕᐤ ᑭᑌᐃᐙᐗ ᑭᒋᒪᓂᑐ ᐅ ᓵᑭᐃᐌᐎᓂᒃ ᐃᔑ, ᓀᔥᑕ ᑭᒋ ᔑᐱᓚᐌᓯᐎ ᐯᐁᒃ ᙭᙮

ᓂᔥᑕᒻ ᑌᓴᓗᓂᔭᓇ 5:8

ᒫᑲ ᐁᑯᔑ ᑭᓚᓈᓇᐤ ᐁ ᑭᔑᑳᒃ ᑳ ᑎᐯᓕᑖᑯᓯᔭᒃ ᐯᑳᑖᑎᓯᑕᐤ, ᐁ ᐳᔅᑎᔅᑲᒪᒃ ᑖᐺᔦᓕᑕᒧᐎᓂ ᓀᔥᑕ ᓵᑭᐃᐌᐎᓂ ᒥᔅᑳᔅᑭᑲᓈᐱᔉ; ᓀᔥᑕ ᑭᒋ ᓇᑐᐸᓕᐎ ᐊᔅᑐᑎᓂᔦᒃ ᐱᒫᒋᐃᐌᐎᓂ ᐊᔅᐯᓕᒧᐎᓐ:

ᐊᐸᔅᑕᓚᒃ 1:14

ᒥᓯᐌ ᐅᑯ ᑮ ᒫᒪᐎᐃᑖᐗᒃ ᐁ ᐯᔭᑯ ᒥᑐᓀᓕᒋᑲᓂᒋᒃ ᐁ ᐋᔭᒥᐋᒋᒃ ᓀᔥᑕ ᐁ ᓇᑐᑕᒫᑫᒋᒃ, ᐊᓯᒋ ᐊᓂᑭ ᐃᔅᑴᐗᒃ, ᓀᔥᑕ ᒣᕆ ᐅᑳᐎᔭ ᒋᓴᔅ, ᓀᔥᑕ ᐎᒋᔖᓇ ᐊᓯᒋ᙮

ᓂᔥᑕᒻ ᑎᒧᑎ 6:11

ᒫᑲ ᑭᓚ ᑳ ᐅᑦ ᐃᓕᓕᒥᒥᔉ ᑭᒋᒪᓂᑐ, ᐅᔑᒧᔅᑕ ᐅᐅ ᑫᒀᓇ: ᓄᔅᐱᓇᑖ ᒫᑲ ᒀᔭᔅᑭᑖᑎᓯᐎᓐ, ᒪᓂᑐᐙᑎᓯᐎᓐ, ᑖᐺᔦᓕᑕᒧᐎᓐ, ᓵᑭᐃᐌᐎᓐ, ᔑᐱᓚᐌᓯᐎᓐ, ᓗᔅᑳᑎᓯᐎᓐ᙮

ᐦᐃᑉᕉᐗ 10:32

ᒫᑲ ᑭᔅᑭᓯᒃ ᐊᓂᐃ ᑳᔮᔥ ᑭᔑᑳᐗ, ᐁᑯᔅᐱ, ᐹᑎᒫ ᐁ ᑮ ᐙᔅᑌᓇᒫᑲᐎᔦᒃ, ᑭ ᑮ ᒧᔑᑖᓇᐗᐤ ᑭᒋ ᐊᓕᒥᓯᐎᓂ ᓄᑎᓂᑫᐎᓐ;

ᑯᓚᔑᔭᓇ 4:12

ᐃᐸᑉᕌᔅ, ᑭᓚᐗᐤ ᑳ ᐅᒌᑦ, ᐅᑦ ᐊᑑᔅᑫᓛᑲᓂᒪ ᙭, ᑭᑦ ᐊᑕᒥᔅᑳᑯᐗᐤ, ᒧᔕᒃ ᓱᑲ ᑳ ᐊᑐᔅᑳᑖᒃ ᐋᔭᒥᐋᐎᓂᒃ, ᑭᒋ ᓂᐸᐎᔦᒃ ᓈᔅᐱᒡ ᐁ ᒥᓨᑎᓯᔦᒃ ᓀᔥᑕ ᐁ ᒥᑐᓂᐎᓯᔦᒃ ᒥᓯᐌ ᐅᑦ ᐃᑌᓕᑕᒧᐎᓂᒃ ᑭᒋᒪᓂᑐ᙮

ᑯᓚᔑᔭᓇ 1:11

ᐁ ᒪᔥᑲᐎᓯᔅᑳᑯᔦᒃ ᒥᓯᐌ ᓱᑳᑎᓯᐎᓐ, ᑳ ᐃᑕᔅᑌᓕᒃ ᐅ ᑭᒋ ᑲᔥᑭᐅᐎᓐ ᒥᓯᐌ ᔑᐱᓚᐌᓯᐎᓂᒃ ᐃᔑ ᓀᔥᑕ ᔑᐯᓕᑕᒧᐎᓂᒃ ᑭᑭ ᒥᓚᐙᑕᒧᐎᓐ;

ᐦᐃᑉᕉᐗ 5:7

ᐊᓇ ᒣᒀᒡ ᑳ ᐎᔭᓯᐎᑦ, ᐃᔅᐱ ᑳ ᑮ ᐋᔭᒥᐁᔅᑕᐙᑦ ᓀᔥᑕ ᓇᑐᑕᒫᑫᔅᑕᐙᑦ, ᐊᓯᒋ ᓀᔥᑕ ᒪᐎᒧᔅᑕᐙᑦ ᓀᔥᑕ ᐅᒋᑲᐙᐱᔅᑕᐙᑦ ᐊᓂᐃ ᑳ ᑲᔥᑭᑖᓕᑭ ᑭᒋ ᐱᒫᒋᐃᑯᑦ ᓂᐱᐎᓂᒃ ᐅᒋ, ᓀᔥᑕ ᐁ ᑮ ᐯᑕᐙᑲᓂᐎᑦ ᐁ ᑮ ᓇᓂᒌᑦ;

ᑭᔅᑫᓕᑖᑯᑖᑫᐎᓐ 13:10

ᐊᓇ ᐊᐗᑳᔑᐌᐎᓂᒃ ᑳ ᐃᑐᑕᐃᐌᑦ, ᐊᐗᑳᔑᐌᐎᓂᒃ ᑲᑕ ᐃᑐᑌᐤ; ᐊᓇ ᔑᒫᑲᓂᓕᐤ ᑳ ᐅᒋ ᓂᐹᔨᐌᑦ ᔑᒫᑳᓂᓕᐤ ᑲᑕ ᐅᒋ ᓂᐸᐋᐤ᙮ ᐅᑕ ᐃᑕᑾᓂᓕᐤ ᐅ ᔑᐱᓚᐌᓯᐎᓂᐗᐤ ᓀᔥᑕ ᐅ ᑖᐺᔦᓕᑕᒧᐎᓂᐗᐤ ᐅᐸᓓᑭᓴᒃ᙮

ᓂᔓ ᐱᑕᕐ 1:6

ᓀᔥᑕ ᑭᔅᑫᓕᑕᒧᐎᓂᒃ, ᐯᑳᒡ ᐃᑖᑎᓯᐎᓐ; ᓀᔥᑕ ᐯᑳᒡ ᐃᑖᑎᓯᐎᓂᒃ, ᔑᐱᓚᐌᓯᐎᓐ; ᓀᔥᑕ ᔑᐱᓚᐌᓯᐎᓂᒃ, ᒪᓂᑐᐙᑎᓯᐎᓐ;

ᐦᐃᑉᕉᐗ 3:6

ᒫᑲ ᙭ ᑖᐱᔅᑯᒡ ᐌᐅᑯᓯᓯᒪᐎᑦ ᐁ ᑎᐯᓕᑕᒃ ᑎᐱᓚᐌ ᐎᑭ; ᑭᓚᓈᓇᐤ ᒫᑲ ᐁᐗᑯ ᐅ ᐙᔅᑳᔨᑲᓂᒻ, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᐊᓂᒪ ᑫᒋᓀᓕᑕᒧᐎᓐ, ᓀᔥᑕ ᐁ ᒥᓚᐙᑕᒪᒃ ᐁ ᐋᔨᒋ ᐊᔅᐯᓕᒧᔭᒃ ᐱᓕᔥ ᑫ ᐃᔥᒀᐸᓕᒃ᙮

ᓂᔓ ᑌᓴᓗᓂᔭᓇ 1:4

ᑳ ᐅᒋ ᒫᒪᑖᑯᒧᔮᒃ ᓂᓚᓈᓐ ᑫᒋᐗᒃ ᑭᓚᐗᐤ ᐅᒋ, ᐃᑕ ᐁ ᐃᑖᓕᒋ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑭ ᔑᐱᓚᐌᓯᐎᓂᐗᐤ ᐅᒋ ᓀᔥᑕ ᑭ ᑖᐺᔦᓕᑕᒧᐎᓂᐗᐤ, ᒥᓯᐌ ᑭ ᑲᒀᑕᑭᓯᐎᓂᐙᒃ ᓀᔥᑕ ᑭᑦ ᐊᓕᒥᓯᐎᓂᐙᒃ ᑳ ᑮ ᐅᑎᑎᑯᔦᒃ:

ᓂᔥᑕᒻ ᑯᕆᓐᑎᐊᓇ 13:13

ᐊᓄᒡ ᒫᑲ ᐃᑕᑾᓋ ᑖᐺᔦᓕᑕᒧᐎᓐ, ᐊᔅᐯᓕᒧᐎᓐ, ᓵᑭᐃᐌᐎᓐ, ᐅᐅ ᓂᔅᑐ; ᒫᑲ ᐊᓂᒪ ᑳ ᒪᐗᒋ ᑭᔅᑌᓕᑖᑾᒃ ᐁᐗᑯ ᓵᑭᐃᐌᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:4

ᐌᓴ ᑫᒀᓇ ᑳ ᑮ ᒪᓯᓇᐃᑳᑌᑭ ᐌᔅᑲᒡ ᑮ ᒪᓯᓇᐃᑳᑌᐗ ᑭᓚᓈᓇᐤ ᑭᒋ ᑭᔅᑫᓕᑕᒪᒃ, ᑭᓚᓈᓇᐤ ᔑᐱᓚᐌᓯᐎᓂᒃ ᐅᒋ, ᓀᔥᑕ ᐁ ᒥᓜᓕᒧᐃᑯᔭᒃ ᑭᒋ ᒪᓯᓇᐃᑫᐎᓇ, ᑭᒋ ᐅᒋ ᐋᔮᔭᒃ ᐊᔅᐯᓕᒧᐎᓐ᙮

ᐅᐸᓓᑭᔅ ᓘᒃ 21:19

ᐁ ᔑᐱᓚᐌᓯᔦᒃ ᑲᓇᐌᓕᒥᑯᒃ ᑭᑦ ᐊᒑᑯᐙᐗᒃ᙮

ᐅᐸᓓᑭᔅ ᓘᒃ 8:15

ᒫᑲ ᐊᓂᒪ ᒥᓗ ᐊᔅᑮᒃ, ᐁᐗᒀᓂᑭ, ᐁ ᒀᔭᔅᑯᑌᐁᒋᒃ ᓀᔥᑕ ᐁ ᒥᓗᑌᐁᒋᒃ, ᑳ ᐯᑕᑾᐎ ᐋᔭᒥᐎᓂᓕᐤ, ᑲᓇᐌᓕᑕᒶᒃ, ᓀᔥᑕ ᔑᐱᓚᐌᓯᐎᓂᒃ ᒥᓂᔑᐎᐗᒃ᙮

ᓂᔥᑕᒻ ᐱᑕᕐ 4:7

ᒫᑲ ᐯᔓᓈᑾᒃ ᑭᒋ ᐃᔥᒀᐸᓕᑭ ᒥᓯᐌ ᑫᒀᓇ: ᐁᐗᑯ ᐌᒋ ᐯᑳᒡ ᐃᑖᑎᓰᒃ, ᐊᔕᐙᐱᒃ ᒫᑲ ᐁ ᐋᔭᒥᐊᔦᒃ᙮

ᑕᐃᑕᔅ 2:13

ᐁ ᐊᔕᐙᐸᑕᒪᒃ ᐊᓂᒪ ᑳ ᒥᓦᑭᑖᑾᒃ ᐊᔅᐯᓕᒧᐎᓐ, ᓀᔥᑕ ᐅ ᑭᔅᑌᓕᑖᑯᓯᐎ ᓄᑯᓯᐎᓐ ᑫᔅᑎᓯᑦ ᑭᒋᒪᓂᑐ, ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭;

ᑯᓚᔑᔭᓇ 1:27

ᐊᓂᐃ ᑭᒋᒪᓂᑐ ᑫ ᑮ ᑭᔅᑫᓕᑕᒥᐋᔅᐸᓐ ᐁᔅᐱᒋ ᐌᓗᒋ ᑭᔅᑌᓕᑖᑾᒃ ᐅᒪ ᑳ ᒫᒪᔅᑳᑌᓕᑖᑾᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ; ᐁᐗᑯ ᙭ ᐁ ᐱᒋᔅᑳᑖᒃ, ᐁ ᐊᔅᐯᓕᒧᑐᒋᑳᑌᒃ ᑭᔅᑌᓕᑖᑯᓯᐎᓐ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:25

ᒫᑲ ᑮᔥᐱᓐ ᐊᔅᐯᓕᒧᑕᒪᒃ ᐊᓂᒪ ᐁᑳ ᑳ ᐙᐸᑕᒪᒃ, ᐁᑯ ᐁ ᔑᐱᓚᐌᓯᔭᒃ ᑭ ᐯᑖᓈᓇᐤ᙮

ᑕᐃᑕᔅ 3:7

ᐁ ᑮ ᒀᔭᔅᑭᑖᑎᓯᐃᑯᐗᒃ ᐅ ᔕᐌᓕᒋᑫᐎᓐ, ᑭᒋ ᐋᓂᔅᑫ ᐋᔮᔭᒃ, ᐊᔅᐯᓕᒧᐎᓐ ᐅᒋ, ᑳᑭᑫ ᐱᒫᑎᓯᐎᓐ᙮

ᓂᔓ ᑎᒧᑎ 3:10

ᒫᑲ ᑭᓚ ᓱᑳ ᑭ ᑮ ᓄᔅᐱᓇᑌᓐ ᓂ ᑭᔅᑭᓄᐊᒫᑫᐎᓐ, ᐁ ᐃᔑ ᐱᒫᑎᓯᔮᓐ, ᓂ ᐃᑌᓕᑕᒧᐎᓐ, ᓂ ᑖᐺᔦᓕᑕᒧᐎᓐ, ᓂ ᔑᐯᓕᑕᒧᐎᓐ, ᓂ ᓵᑭᐃᐌᐎᓐ, ᓂ ᔑᐱᓚᐌᓯᐎᓐ,

ᓂᔥᑕᒻ ᑌᓴᓗᓂᔭᓇ 1:3

ᐁᑳ ᐁ ᐳᓂᑭᔅᑭᓯᔮᒃ ᑭ ᑖᐺᔦᓕᑕᒧᐎᓂ ᐊᑑᔅᑫᐎᓂᐗᐤ, ᓀᔥᑕ ᑭ ᓵᑭᐃᐌᐎᓂ ᐋᐸᑎᓯᐎᓂᐗᐤ, ᓀᔥᑕ ᐁ ᔑᐱᓚᐌᓯᐎ ᒪᒥᔑᑐᑕᐌᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐁ ᑲᓇᐙᐸᒥᑖᒃ ᑭᒋᒪᓂᑐ ᑯᑖᐎᓇᐤ;

ᐱᓕᐱᔭᓇ 3:1

ᒫᒋᒡ, ᓂᒋᔖᓂᑐᒃ, ᒥᓚᐙᑎᒃ ᐅᑎᐯᓕᒋᑫᐤ᙮ ᐁᑯᔑ ᑫᔮᐸᒡ ᐁ ᒫᓯᓇᐊᒫᑕᑾᒃ ᓇᒪᐎᓚ ᓂᑦ ᐊᓕᒥᐃᑯᓐ, ᒫᑲ ᑭᓚᐗᐤ ᐅᒋ ᐱᒫᒋᑌᓕᑖᑾᓐ᙮

ᓂᔓ ᑯᕆᓐᑎᐊᓇ 12:8

ᐁᐗᑯ ᐅᒪ ᐅᒋ ᓂᔅᑡᐤ ᓂ ᑮ ᓇᑐᑕᒪᐗᐤ, ᑭᒋ ᓇᑲᑎᑯᔮᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:7

ᐊᓂᐃ ᔑᐱᓚᐌᓯᐎᓂᒃ ᑕᑭ ᒥᓗᑐᑕᒥᓕᒋ ᐁ ᓈᓇᑕᐌᓕᑕᒥᓕᒋ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ ᓀᔥᑕ ᑭᒋᐱᒫᑎᓯᐎᓂᓕᐤ, ᒥᓓᐤ ᑳᑭᑫ ᐱᒫᑎᓯᐎᓂᓕᐤ:

ᐊᐸᔅᑕᓚᒃ 12:5

ᐁᐗᑯ ᐅᒋ ᐱᑕᕐ ᑮ ᑭᐸᐙᑲᓂᐎᐤ ᑭᐹᐅᑐᐎᑲᒥᑯᒃ; ᒫᑲ ᒫᒪᐎᐊᔭᒥᐋᐗᒃ ᑕᑭᓀ ᑮ ᓇᓈᑐᒣᐗᒃ ᑭᒋᒪᓂᑐᐗ ᐎᓚ ᐅᒋ᙮

ᐊᐸᔅᑕᓚᒃ 6:4

ᒫᑲ ᓂᓚᓈᓐ ᓂ ᑳ ᐸᑭᑎᓂᑎᓱᓈᓐ ᑕᑭᓀ ᑭᒋ ᐋᔭᒥᐋᔮᒃ, ᓀᔥᑕ ᑭᒋ ᑎᐹᑐᑕᒫᒃ ᐋᔭᒥᐎᓐ᙮

ᐊᐸᔅᑕᓚᒃ 2:42

ᑮ ᐋᔨᒋ ᑲᓇᐌᓕᑕᒬᐗᒃ ᒫᑲ ᐅ ᑭᔅᑭᓄᐊᒫᑫᐎᓂᓕᐤ ᐊᓂᐃ ᐊᐸᔅᑕᓚ, ᓀᔥᑕ ᐁ ᐎᒉᐙᒋᒃ ᓀᔥᑕ ᐁ ᐸᑴᓈᒋᒃ ᐊᓚᑯᓇᐗ, ᓀᔥᑕ ᐁ ᐋᔭᒥᐋᒋᒃ᙮

ᐅᐸᓓᑭᔅ ᓘᒃ 10:20

ᐁᓕᐌᒃ ᒫᑲ, ᐁᑳᐎᓚ ᒧᒋᑫᓕᑕᒧᒃ ᐅᒪ ᐅᒋ, ᐁ ᐱᔑᒋᐃᑖᑾᒃ ᐊᒑᑾᒃ; ᒫᑲ ᐊᐙᓯᑌ ᒧᒋᑫᓕᑕᒧᒃ ᐁ ᒪᓯᓇᐃᑳᑌᑭ ᑭᑦ ᐃᔑᓂᑳᓱᐎᓂᐙᐗ ᑭᒋᑭᔑᑯᒃ᙮

ᐅᐸᓓᑭᔅ ᒫᑎᐤ 5:12

ᒪᓚᐙᑕᒧᒃ, ᓈᔅᐱᒡ ᒫᑲ ᓯᑭᓓᓯᒃ; ᐌᓴ ᒥᔕᐤ ᑭ ᑎᐸᐊᒫᑯᓯᐎᓂᐗᐤ ᑭᒋᑭᔑᑯᒃ: ᐌᓴ ᐁᑯ ᑳ ᑮ ᐃᔑ ᑲᒀᑕᑭᐋᒋᒃ ᐅᑭᔅᑭᐙᐃᑫᐗ ᑳ ᐯᒋ ᓂᑳᓂᔅᑳᑖᑾᒃ