ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:6 - ᐅᔅᑭ ᑎᔅᑌᒥᓐᑦ

⁶ ᑮᔥᐱᓐ ᒫᑲ ᔕᐌᓕᒋᑫᐎᓂᒃ ᐅᒋ, ᐁᑯ ᐁᑳ ᑫᔮᐸᒡ ᐊᑑᔅᑫᐎᓂᒃ ᐅᒋ; ᐹᑳᓐ ᐃᔑ ᔕᐌᓕᒋᑫᐎᓐ ᓇᒪᐎᓚ ᑫᔮᐸᒡ ᔕᐌᓕᒋᑫᐎᓂᐗᓐ᙮ ᒫᑲ ᑮᔥᐱᓐ ᐊᑑᔅᑫᐎᓂᒃ ᐅᒋ, ᐁᑯ ᐁᑳ ᑫᔮᐸᒡ ᔕᐌᓕᒋᑫᐎᓂᒃ ᐅᒋ; ᐸᑳᓐ ᐃᔑ ᐊᑑᔅᑫᐎᓐ ᓇᒪᐎᓚ ᑫᔮᐸᒡ ᐊᑑᔅᑫᐎᓂᐗᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:6 Referans Kwoze

ᓂᔓ ᑎᒧᑎ 1:9

ᐊᓇ ᑳ ᑮ ᐱᒫᒋᐃᑕᒃ, ᓀᔥᑕ ᑳ ᑮ ᓇᑐᒥᑕᒃ ᐸᓓᑭ ᓇᑐᑫᐎᓂᒃ, ᓇᒪᐎᓚ ᐁ ᐃᔑ ᐊᑑᔅᑫᔭᒃ, ᒫᑲ ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ, ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᔭᒃ ᙭ ᒋᓴᓯᒃ, ᐸᒧᔑ ᒥᐊᒋ ᐃᑕᑾᒃ ᐊᔅᑭ;

ᑲᓓᔕᐊᓇ 2:21

ᓇᒪᐎᓚ ᓂ ᐸᒋᐸᓕᑕᐙᓐ ᐅ ᔕᐌᓕᒋᑫᐎᓐ ᑭᒋᒪᓂᑐ: ᐌᓴ ᑮᔥᐱᓐ ᐅᓚᔓᐌᐎᓂᒃ ᑮ ᐅᒋᐸᓕᐤ ᒀᔭᔅᑭᑖᑎᓯᐎᓐ, ᐁᑯ ᙭ ᔐᔥᒀᑦ ᑳ ᓂᐱᑦ᙮

ᑕᐃᑕᔅ 3:5

ᓇᒪᐎᓚ ᑾᔭᔅᑭᑕᑎᓯᐎᓂ ᐊᑑᔅᑫᐎᓇ ᑳ ᑮ ᑐᑕᒪᒃ ᐅᒋ, ᒫᑲ ᐁ ᐃᑕᔅᑌᓕᒃ ᐅ ᔕᐌᓕᒋᑫᐎᓐ ᑭ ᑮ ᐅᒋ ᐱᒫᒋᐃᑯᓇᐤ, ᐅᔥᑭ ᓂᑕᐎᑭᐎᓂ ᑭᒋᔅᑖᐸᐎᑭᒋᑫᐎᓐ ᐅᒋ, ᓀᔥᑕ ᐅᑦ ᐅᔥᑭ ᐅᔑᐃᐌᐎᓐ ᐯᓓᑭᓯᑦ ᐊᒑᒃ,

ᑲᓓᔕᐊᓇ 5:4

᙭ ᓇᒪᐎᓚ ᐙᔦᔥ ᑭᑦ ᐃᑖᐸᒋᐃᑯᐗᐤ, ᐊᐌᓂᑭ ᐁ ᐃᑕᔑᔦᒃ ᐅᓚᔓᐌᐎᓐ ᑳ ᐅᒋ ᑾᔭᔅᑭᑖᑎᓯᐃᑲᐎᔦᒃ: ᔕᐌᓕᒋᑫᐎᓂᒃ ᑭ ᑮ ᐅᒋ ᐸᑭᔑᓂᓇᐗᐤ᙮

ᓂᔥᑕᒻ ᑯᕆᓐᑎᐊᓇ 15:10

ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᐅᒋ ᓂᑦ ᐃᔑᓈᑯᓯᓐ ᑳ ᐃᔑᓈᑯᓯᔮᓐ: ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᐗᒃ, ᓇᒪᐎᓚ ᐸᑾᓐᑕᐤ ᓂ ᑮ ᐅᒋ ᒥᓕᑳᐎᓐ: ᒫᑲ ᐊᐙᓯᑌ ᓂ ᑮ ᐊᑑᔅᑳᓐ ᐃᔥᐱᔥ ᒥᓯᐌ ᐁ ᐃᑕᓯᒋᒃ; ᐁᓕᐌᒃ ᒫᑲ ᓇᒪᐎᓚ ᓂᓚ ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᑳ ᐎᒉᐎᑯᐗᒃ᙮

ᐅᐸᓓᑭᔅ ᓘᒃ 6:13

ᐃᔅᐱ ᒫᑲ ᐎᐋᐸᓂᓕᒃ, ᑮ ᓇᑐᒣᐤ ᐅ ᑭᔅᑭᓄᐊᒪᐙᑲᓇ: ᐁᐗᒀᓂᐃ ᒫᑲ ᑮ ᐅᒋ ᐙᐌᓛᐸᒣᐤ ᓂᔓᔖᑉ, ᐁᐗᒀᓂᐃ ᓀᔥᑕ ᐊᐸᔅᑕᓚᒃ ᐁᔑᓂᑳᑖᑦ: