ᑭᔅᑫᓕᑖᑯᑖᑫᐎᓐ 2:5 - ᐅᔅᑭ ᑎᔅᑌᒥᓐᑦ

⁵ ᐁᐗᑯ ᐅᒋ ᑭᔅᑭᓯ, ᑖᓐᑌ ᑳ ᑭ ᐅᒋ ᐸᑭᔑᓂᔭᓐ, ᓀᔥᑕ ᒥᒋᓚᐌᔦᓕᑕ, ᑐᑕ ᒫᑲ ᐊᓂᐃ ᓃᔥᑕᒻ ᐊᑑᔅᑫᐎᓇ; ᑮᔥᐱᓐ ᒫᑲ ᐁᑳ ᐎᐸᒡ ᑭ ᑳ ᐯᒋ ᓈᑎᑎᓐ, ᓂ ᑳ ᐃᑲᑌᓀᓐ ᒫᑲ ᑭ ᐙᔅᑌᓇᒫᑲᓈᑎᒃ ᐃᑕ ᑳ ᐋᔮᒃ ᐅᒋ, ᑮᔥᐱᓐ ᐁᑳ ᒥᒋᓚᐌᔦᓕᑕᒪᓀ᙮

ᑭᔅᑫᓕᑖᑯᑖᑫᐎᓐ 2:5 Referans Kwoze

ᑭᔅᑫᓕᑖᑯᑖᑫᐎᓐ 3:19

ᒥᓯᐌ ᑕᑐ ᑳ ᓵᑭᐊᑭᒃ, ᓂ ᑭᑕᐊᒪᐙᐗᒃ ᓀᔥᑕ ᓂ ᐸᐸᓴᔅᑕᐙᐗᒃ: ᒪᔥᑲᐌᓕᑕ ᒫᑲ ᓀᔥᑕ ᒥᒋᓚᐌᔦᓕᑕ᙮

ᑭᔅᑫᓕᑖᑯᑖᑫᐎᓐ 2:16

ᒥᒋᓚᐌᔦᓕᑕ; ᑮᔥᐱᓐ ᒫᑲ ᐁᑳ ᐎᐸᒡ ᑭ ᑳ ᐯᒋ ᓈᑎᑎᓐ, ᐁᑯ ᒫᑲ ᑫ ᓄᑎᓇᑭᒃ ᐁ ᐋᐸᒋᑖᔮᓐ ᐊᓂᒪ ᔑᒫᑲᓐ ᓂᑐᓂᒃ ᑳ ᐅᒋᐸᓕᒃ᙮

ᑭᔅᑫᓕᑖᑯᑖᑫᐎᓐ 2:19

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭ ᓵᑭᐃᐌᐎᓐ, ᓀᔥᑕ ᑭᑦ ᐋᐸᑎᓯᐎᓐ, ᓀᔥᑕ ᑭ ᑖᐺᔦᓕᑕᒧᐎᓐ, ᓀᔥᑕ ᑭ ᔑᐱᓚᐌᓯᐎᓐ, ᓀᔥᑕ ᑭᑦ ᐊᑑᔅᑫᐎᓇ; ᓀᔥᑕ ᐊᓂᐃ ᒫᒋᒡ ᐊᐙᓯᑌ ᐁ ᑭᔅᑕᑭᑖᑾᑭ ᐃᔥᐱᔥ ᐊᓂᐃ ᓃᔥᑕᒻ᙮

ᑭᔅᑫᓕᑖᑯᑖᑫᐎᓐ 1:20

ᐁ ᐃᔑ ᒫᒪᔅᑳᑌᓕᑖᑯᓯᒋᒃ ᐊᓂᑭ ᓂᔂᔅ ᐊᒐᑾᒃ ᑳ ᑭ ᐙᐸᒪᒋᒃ ᓂ ᑭᒋᓂᔅᑮᒃ, ᓀᔥᑕ ᐊᓂᐃ ᓂᔂᔅ ᐅᓵᐎᔔᓕᐊᓈᐱᔉ ᐙᔅᑌᓇᒫᑲᓈᑎᑾ᙮ ᐊᓂᑭ ᓂᔂᔅ ᐊᒐᑾᒃ ᐁᐗᒀᓂᑭ ᓂᔀ ᐁᓐᒐᓚᒃ ᑳ ᑎᐯᓕᒫᒋᒃ ᐊᓂᐃ ᓂᔂᔅ ᒫᒪᐎᐋᔭᒥᐊᐗ: ᓀᔥᑕ ᐊᓂᐃ ᓂᔂᔅ ᐙᔅᑌᓇᒫᑲᓈᑎᑾ ᐁᐗᒀᓂᐃ ᓂᔂᔅ ᒫᒪᐎᐋᔭᒥᐋᐗᐤ᙮

ᐅᐸᓓᑭᔅ ᓘᒃ 1:17

ᑲᑕ ᓂᑳᓄᑕᐌᐤ ᒫᑲ ᐃᓛᐃᒐᐗ ᐅᑦ ᐊᒑᑯᓕᒃ ᓀᔥᑕ ᐅ ᑲᔥᑭᐅᐎᓂᓕᒃ, ᑭᒋ ᑴᔅᑭᓇᒸᑦ ᐅᑖᐎᒫᐗ ᐅᑌᐃᓕᐗ ᐊᐙᔑᔕ ᐃᔑ, ᓀᔥᑕ ᐊᓂᐃ ᑳ ᔑᐱᑕᒥᓕᒋ ᑭᒋ ᑲᑫᑕᐌᓕᑕᒥᓕᒋ ᑖᐱᔅᑯᒡ ᑳ ᒀᔭᔅᑭᑎᓕᒋ; ᑭᒋ ᐋᔦᔅᑲᐎᑕᒪᐙᑦ ᐃᓕᓕᐗ ᑳ ᐙᐌᔑᑕᒫᑦ ᐅᑎᐯᓕᒋᑫᐗ᙮

ᐅᐸᓓᑭᔅ ᓘᒃ 20:16

ᑲᑕ ᐯᒋ ᓂᔑᐗᓈᒋᐁᐤ ᐅᐅ ᐅᓂᑖᐎᑭᒋᑫᐗ, ᓀᔥᑕ ᔓᒥᓈᑎᑯ ᓂᑖᐎᑭᒋᑲᓂᓕᐤ ᑯᑕᑭᔭ ᑲᑕ ᒥᓓᐤ᙮ ᐃᔅᐱ ᒫᑲ ᐱᐁᑕᑭᒃ, ᑮ ᐃᑗᐗᒃ, ᓇᒪᐎᓚ ᑲᑕ ᐎ ᐃᑭᓐ᙮

ᐅᐸᓓᑭᔅ ᒫᕐᒃ 12:9

ᑖᓂ ᑫ ᑐᑕᒃ ᒫᑲ ᐊᓇ ᑳ ᑎᐯᓕᑕᒃ ᔓᒥᓈᑎᑯ ᓂᑖᐎᑭᒋᑲᓂᓕᐤ? ᑲᑕ ᐯᒋ ᓂᔑᐗᓈᒋᐁᐤ ᐊᓂᐃ ᐅᓂᑖᐎᑭᒋᑫᐗ, ᓀᔥᑕ ᑯᑕᑭᔭ ᑲᑕ ᒥᓓᐤ ᔓᒥᓈᑎᑯ ᓂᑖᐎᑭᒋᑲᓂᓕᐤ᙮

ᑭᔅᑫᓕᑖᑯᑖᑫᐎᓐ 2:2

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭᑦ ᐋᐸᑎᓯᐎᓐ, ᓀᔥᑕ ᑭ ᔑᐱᓚᐌᓯᐎᓐ, ᓀᔥᑕ ᐁᑳ ᐁ ᑮ ᔑᐯᓕᒪᒋᒃ ᐊᓂᑭ ᑳ ᒪᒋᑣᒋᒃ: ᑭ ᑮ ᑲᑴᒋᐋᐗᒃ ᒫᑲ ᐊᓂᑭ ᓂᑦ ᐊᐸᔅᑕᓕᐎᓂᓈᓐ ᑳ ᐃᑗᒋᒃ, ᐁᑳ ᒫᑲ ᐁᐗᑯ ᑳ ᑐᐎᑳᓂᐎᒋᒃ, ᑭ ᑮ ᒥᔅᑲᐙᐗᒃ ᒫᑲ ᐁ ᑭᓛᔅᑭᔅᑭᒋᒃ:

ᑲᓓᔕᐊᓇ 5:4

᙭ ᓇᒪᐎᓚ ᐙᔦᔥ ᑭᑦ ᐃᑖᐸᒋᐃᑯᐗᐤ, ᐊᐌᓂᑭ ᐁ ᐃᑕᔑᔦᒃ ᐅᓚᔓᐌᐎᓐ ᑳ ᐅᒋ ᑾᔭᔅᑭᑖᑎᓯᐃᑲᐎᔦᒃ: ᔕᐌᓕᒋᑫᐎᓂᒃ ᑭ ᑮ ᐅᒋ ᐸᑭᔑᓂᓇᐗᐤ᙮

ᒎᑦ 1:24

ᐁᑯ ᐊᓇ ᑳ ᑲᔥᑭᑖᑦ ᑭᒋ ᑲᓇᐌᓕᒥᑖᒃ ᐁᑳ ᑭᒋ ᐸᑭᔑᓂᔦᒃ, ᓀᔥᑕ ᑭᒋ ᓄᑯᐃᑖᒃ ᐁ ᒥᓗᐃᑌᓕᑖᑯᓯᔦᒃ ᐅᑎᔥᑲᐤ ᐁ ᐃᔑᓈᑾᓂᓕᒃ ᐅ ᑭᔅᑌᓕᑖᑯᓯᐎᓐ ᑭᒋ ᒥᓚᐙᑕᒧᐎᓂᒃ,

ᐦᐃᑉᕉᐗ 10:32

ᒫᑲ ᑭᔅᑭᓯᒃ ᐊᓂᐃ ᑳᔮᔥ ᑭᔑᑳᐗ, ᐁᑯᔅᐱ, ᐹᑎᒫ ᐁ ᑮ ᐙᔅᑌᓇᒫᑲᐎᔦᒃ, ᑭ ᑮ ᒧᔑᑖᓇᐗᐤ ᑭᒋ ᐊᓕᒥᓯᐎᓂ ᓄᑎᓂᑫᐎᓐ;

ᑭᔅᑫᓕᑖᑯᑖᑫᐎᓐ 16:9

ᐃᓕᓕᐗᒃ ᒫᑲ ᑮ ᐃᔅᒀᓱᐗᒃ ᓈᔅᐱᒡ ᐁ ᑭᔑᑌᓕᒃ, ᓀᔥᑕ ᑮ ᐹᔅᑕᒧᑕᒬᐗᒃ ᑭᒋᒪᓂᑐᐗ ᐅᑦ ᐃᔑᓂᑳᓱᐎᓂᓕᐤ, ᐊᓇ ᑳ ᑎᐯᓕᑕᒃ ᐅᐅ ᐋᑯᐃᑖᔅᐱᓀᐎᓇ: ᓇᒪᐎᓚ ᒫᑲ ᑮ ᒥᒋᓚᐌᔦᓕᑕᒶᒃ ᑭᒋ ᒫᒥᒋᒫᒋᒃ᙮

ᐅᐸᓓᑭᔅ ᒫᑎᐤ 5:14

ᑭᓚᐗᐤ ᐁᐗᑯ ᑮ ᐅᒋ ᐙᔅᑌᓂᑲᑌᒃ ᐊᔅᑭ᙮ ᐃᑖᐎᓐ ᐗᒋᒃ ᑳ ᒋᒪᑌᒃ ᓇᒪᐎᓚ ᑲᑕ ᑮ ᑳᑖᓂᐗᓐ᙮

ᐅᐸᓓᑭᔅ ᒫᑎᐤ 5:15

ᓇᒪ ᓀᔥᑕ ᐃᓕᓕᐗᒃ ᓭᔅᑲᐊᑾᐌ ᐙᔅᑌᓇᒫᑲᓂᓕᐤ ᔑᐹ ᐙᐎᐊᑖᑲᓂᒃ ᐊᔅᑖᐗᒃ, ᒫᑲ ᐙᔅᑌᓇᒫᑲᓈᑎᑯᒃ; ᐙᔅᑌᓇᒫᑯᐗᒃ ᒫᑲ ᒥᓯᐌ ᐊᓂᑭ ᐱᒋ ᐙᔅᑳᔨᑲᓂᒃ ᑳ ᐃᑖᒋᒃ᙮

ᐱᓕᐱᔭᓇ 2:15

ᑭᒋ ᒥᓨᑎᓯᔦᒃ ᓀᔥᑕ ᑳᔮᒣᐎᓯᔦᒃ, ᐁ ᐅᑯᓯᓯᒥᑖᒃ ᑭᒋᒪᓂᑐ, ᐁᑳ ᐁ ᒪᒉᓕᒥᑲᐎᔦᒃ, ᒣᑴᔭᔥ ᑳ ᐙᑭᑳᑎᓯᒋᒃ ᓀᔥᑕ ᑳ ᔑᐱᑕᑭᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᐃᑕ ᐁ ᐃᑖᒋᒃ ᐁ ᐙᓯᓱᔭᒃ ᑖᐱᔅᑯᒡ ᐅᐙᓭᔮᓯᐗᒃ ᐊᔅᑮᒃ:

ᓂᔓ ᐱᑕᕐ 3:17

ᑭᓚᐗᐤ ᒫᑲ, ᓯᐋᑭᐃᑕᑾᒃ, ᓂᑳᓐ ᐁ ᑭᔅᑫᓕᑕᒣᒃ ᐅᐅ ᑫᒀᓇ, ᔮᒀᒡ ᑭᓚᐗᐤ ᓀᔥᑕ, ᐁᑳ ᑭᒋ ᑭᒋᐎᓕᑲᐎᔦᒃ ᐅᒪᒋᑖᐗᒃ ᐅ ᐗᓀᓕᑕᒧᐎᓂᐗᐤ ᐅᒋ, ᑭᒋ ᐸᑭᔑᓂᔦᒃ ᑎᐱᓚᐌ ᑭ ᒪᔥᑲᐌᓕᑕᒧᐎᓂᐙᒃ ᐅᒋ᙮