ᑭᔅᑫᓕᑖᑯᑖᑫᐎᓐ 13:17 - ᐅᔅᑭ ᑎᔅᑌᒥᓐᑦ

¹⁷ ᐁᑳᐎᓚ ᐊᐌᓇ ᓀᔥᑕ ᑭᒋ ᐊᑖᐌᑦ ᓀᔥᑕᐱᑯ ᑭᒋ ᐅᑎᓂᑫᑦ, ᐊᓇ ᐱᑯ ᑳ ᐋᔮᑦ ᑭᔅᑭᓄᐙᒋᐅᐎᓂᓕᐤ, ᓀᔥᑕᐱᑯ ᐅᑦ ᐃᔑᓂᑳᓱᐎᓂᓕᐤ ᐊᐌᓯᓴ, ᓀᔥᑕᐱᑯ ᐁ ᑕᑡᑭᒋᑳᑌᓕᒃ ᐅᑦ ᐃᔑᓂᑳᓱᐎᓐ᙮

ᑭᔅᑫᓕᑖᑯᑖᑫᐎᓐ 13:17 Referans Kwoze

ᑭᔅᑫᓕᑖᑯᑖᑫᐎᓐ 15:2

ᓂ ᑮ ᐙᐸᑌᓐ ᒫᑲ, ᒫᓇ ᐱᑯ ᑭᒋᑲᒥ ᐁᑯᑕ ᐁ ᐃᑕᑾᒃ ᐙᓭᓂᑖᑲᓐ ᐁ ᑭᓕᑲᐎᓂᑳᑌᒃ ᐃᔥᑯᑌᒃ: ᐊᓂᑭ ᒫᑲ ᑳ ᑭ ᔖᑯᒋᐋᒋᒃ ᐊᐌᓯᓴ ᓀᔥᑕ ᐅ ᒪᓯᓕᓕᒥᓕᐗ, ᓀᔥᑕ ᐅ ᑭᔅᑭᓄᐙᒋᐅᓂᓕᐤ, ᓀᔥᑕ ᐁ ᑕᑡᑭᒋᑳᑌᓕᒃ ᐅᑦ ᐃᔑᓂᑳᓱᐎᓐ, ᓂᐸᐎᐗᒃ ᐙᓭᓂᑖᑲᓂ ᑭᒋᑲᒥᒃ, ᐁ ᐊᔭᐙᒋᒃ ᑭᒋᒪᓂᑐᐗ ᐅ ᑭᑐᒋᑲᓂᓕᐗ᙮

ᑭᔅᑫᓕᑖᑯᑖᑫᐎᓐ 14:11

ᐁ ᑲᔥᑳᐸᑌᓕᒃ ᒫᑲ ᐅ ᑲᒀᑕᑭᓯᐎᓂᐗᐤ ᐅᐱᐸᓕᓕᐤ ᑳᑭᑫ ᓀᔥᑕ ᑳᑭᑫ; ᓇᒪ ᓀᔥᑕ ᐋᓜᐱᐗᒃ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᐊᓂᑭ ᑳ ᓇᐗᑮᔅᑕᐙᒋᒃ ᐊᐌᓯᓴ ᓀᔥᑕ ᐅ ᒪᓯᓕᓕᒥᓕᐗ, ᐊᓇ ᓀᔥᑕ ᑳ ᑭᔅᑭᓄᐙᒋᐋᑲᓂᐎᑦ ᐁ ᐃᔑᓂᑳᓱᓕᒋ᙮

ᑭᔅᑫᓕᑖᑯᑖᑫᐎᓐ 13:16

ᐃᑐᑕᐌᐤ ᓀᔥᑕ ᒥᓯᐌ, ᑳ ᐋᐱᔑᔑᓕᒋ ᓀᔥᑕ ᑳ ᒥᔑᑭᑎᓕᒋ, ᑳ ᒥᔕᑭᓯᓕᒋ ᓀᔥᑕ ᑳ ᑭᑎᒫᑭᓯᓕᒋ, ᑳ ᑎᐯᓕᒥᑎᓯᓕᒋ ᓀᔥᑕ ᑳ ᐊᐗᑳᓂᐎᓕᒋ, ᑭᒋ ᐅᑎᓇᒥᓕᒋ ᑭᔅᑭᓄᐙᒋᐅᐎᓂᓕᐤ ᐅ ᑭᒋᓂᔅᑭᓕᒃ ᓀᔥᑕᐱᑯ ᐅᔅᑲᑎᑯᓕᒃ:

ᑭᔅᑫᓕᑖᑯᑖᑫᐎᓐ 22:4

ᑲᑕ ᐙᐸᑕᒬᐗᒃ ᒫᑲ ᐅᑖᔅᑕᒥᑯᓕᐤ; ᓀᔥᑕ ᐅᑦ ᐃᔑᓂᑳᓱᐎᓐ ᑲᑕ ᐃᑕᑾᓂᓕᐤ ᐅᔅᑲᑎᑯᐙᒃ᙮

ᑭᔅᑫᓕᑖᑯᑖᑫᐎᓐ 14:9

ᐊᓇ ᓂᔅᑐ ᐁᓐᒐᓪ ᓀᔥᑕ ᑮ ᐱᒥᓄᔅᐱᓇᔑᐌᐤ, ᐁ ᐃᑗᑦ, ᐁ ᑭᔗᐌᑦ, ᑮᔥᐱᓐ ᐊᐌᓇ ᓇᐗᑮᔅᑕᐙᑌ ᐊᓂᐃ ᐊᐌᓯᓴ ᓀᔥᑕ ᐅ ᒪᓯᓕᓕᒥᓕᐗ, ᓀᔥᑕ ᐅᑎᓇᒸᑌ ᐅ ᑭᔅᑭᓄᐙᒋᐅᐎᓂᓕᐤ ᐅᔅᑲᑎᑯᒃ, ᓀᔥᑕᐱᑯ ᐅᒌᒌᒃ,

ᑭᔅᑫᓕᑖᑯᑖᑫᐎᓐ 13:18

ᐅᑕ ᐃᑕᑾᓐ ᑲᑫᑕᐌᓕᑕᒧᐎᓐ᙮ ᐁᑯᔑ ᐊᓇ ᑳ ᐅ ᓂᓯᑐᑕᒧᐎᓂᑦ ᑲᑕ ᐊᑭᑕᒻ ᐁ ᑕᑡᔭᑭᓯᓕᒋ ᐊᐌᓯᓴ: ᐌᓴ ᐃᑕᑭᒋᑳᑌᓕᐤ ᐁ ᐃᑕᑭᑫᑦ ᐃᓕᓕᐤ: ᐁ ᐃᑕᑭᒥᑦ ᒫᑲ ᐁᐗᑯ ᐅᒪ ᓂᑯᑡᔀᐤ ᒥᑖᑐᒥᑕᓇᐤ, ᓂᑯᑡᓱᒥᑕᓇᐤ ᓀᔥᑕ ᓂᑯᑡᓱᔖᑉ᙮

ᑭᔅᑫᓕᑖᑯᑖᑫᐎᓐ 3:12

ᐊᓇ ᑳ ᔖᑯᒋᐃᐌᑦ, ᓯᑣᔅᑯᐃᑲᓐ ᓂ ᑳ ᐃᔑᐊᐤ ᐁ ᑭᒋᐋᔭᒥᐁᐎᑲᒥᑯᒃ ᓂ ᑭᒋᒪᓂᑐᒻ, ᓇᒪᐎᔅᑳᑦ ᒥᓇ ᒫᑲ ᑲᑕ ᐗᓚᐎᐤ: ᓂ ᑳ ᒪᓯᓇᐗᐤ ᒫᑲ ᐅᑦ ᐃᔑᓂᑳᓱᐎᓐ ᓂ ᑭᒋᒪᓂᑐᒻ, ᓀᔥᑕ ᐁ ᐃᔑᓂᑳᑌᓕᒃ ᐅᑦ ᐃᑖᐎᓐ ᓂ ᑭᒋᒪᓂᑐᒻ, ᐁᐗᑯ ᐅᔥᑭ ᒋᕉᓴᓚᒻ ᑭᒋᑭᔑᑯᒃ ᑳ ᐅᒋ ᓛᔑᐸᓕᑖᑦ ᓂ ᑭᒋᒪᓂᑐᒻ: ᓂ ᑳ ᒪᓯᓇᐗᐤ ᒫᑲ ᓂᑦ ᐅᔥᑭ ᐃᔑᓂᑳᓱᐎᓐ᙮

ᑭᔅᑫᓕᑖᑯᑖᑫᐎᓐ 17:5

ᐅᔅᑲᑎᑯᒃ ᒫᑲ ᐎᓗᐎᓐ ᑮ ᒪᓯᓇᐃᑳᑌᓕᐤ, ᒥᐹᒥᔅᑳᒋᐃᑎᑦ, ᐹᐱᓚᓐ ᑳ ᑭᒋᐃᑌᓂᑖᑯᓯᑦ, ᐅᑳᐎᐙᐗ ᐅᐱᔑᒀᑎᓯᐗᒃ, ᓀᔥᑕ ᑳ ᓂᐹᓯᓈᑾᑭ ᐅᑕ ᐊᔅᑮᒃ᙮

ᑲᓓᔕᐊᓇ 6:17

ᐊᓄᒃ ᐅᒋ ᐁᑳᐎᓚ ᐊᐌᓇ ᐃᓕᓕᐤ ᓂ ᑳ ᒥᑯᔥᑳᒋᐃᒃ: ᐌᓴ ᓂ ᑭᑭᔥᑫᓐ ᓂᔭᐎ ᐅᒋᓯᓯᐎᓇ ᑳ ᐅᒋ ᑭᔅᑫᓕᑖᑯᓯᔮᓐ ᐁ ᑎᐯᓕᒥᑦ ᒋᓴᔅ ᐅᑎᐯᓕᒋᑫᐤ᙮

ᑭᔅᑫᓕᑖᑯᑖᑫᐎᓐ 7:3

ᐁ ᐃᑗᑦ, ᐁᑳᐎᓚ ᐅᔑᑯᑖᒃ ᐊᔅᑭ, ᐁᑳ ᓀᔥᑕ ᑭᒋᑲᒥ, ᐁᑳ ᓀᔥᑕ ᒥᔅᑎᑾᒃ, ᐹᑎᒫ ᑮ ᑭᔅᑭᓄᐙᒋᐃᒪᑭᑡᐌ ᓂ ᑭᒋᒪᓂᑐᒥᓈᓐ ᐅᑦ ᐊᑑᔅᑫᓛᑲᓂᒪ ᐅᔅᑲᑎᑯᐙᒃ᙮

ᑭᔅᑫᓕᑖᑯᑖᑫᐎᓐ 20:4

ᓂ ᑮ ᐙᐸᑌᓐ ᒫᑲ ᐅᑭᒪᐗᐱᐎᓇ, ᐊᓂᑭ ᓀᔥᑕ ᑳ ᑌᑕᐱᒋᒃ, ᑮ ᒥᓛᐗᒃ ᒫᑲ ᑭᒋ ᑎᐹᔅᑯᓂᑫᒋᒃ: ᓂ ᑮ ᐙᐸᒥᒫᐗ ᒫᑲ ᐅᑦ ᐊᒑᑯᐙᐗ ᐊᓂᑭ ᑳ ᑮ ᑮᔥᑭᑴᐙᑲᓂᐎᒋᒃ ᐅ ᑎᐹᒋᒧᐎᓐ ᒋᓴᔅ ᐅᒋ, ᓀᔥᑕ ᐅᑦ ᐋᔭᒥᐎᓐ ᑭᒋᒪᓂᑐ, ᐁᑳ ᓀᔥᑕ ᑳ ᑮ ᓇᐗᑮᔅᑕᐙᒋᒃ ᐊᓂᐃ ᐊᐌᓯᓴ, ᐁᑳ ᓀᔥᑕ ᐅ ᒪᓯᓕᓕᒥᓕᐗ, ᐁᑳ ᓀᔥᑕ ᑳ ᑮ ᐅᑎᓇᒸᒋᒃ ᐅ ᑭᔅᑭᓄᐙᒋᒋᑲᓂᓕᐤ ᐅᔅᑲᑎᑯᐙᒃ, ᓀᔥᑕᐱᑯ ᐅᒋᒋᐙᒃ; ᑮ ᐎᒋᐱᒫᑎᓯᒣᐗᒃ ᓀᔥᑕ ᑮ ᐎᒋᑎᐯᓕᒋᑫᒣᐗᒃ ᙭ᑕ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮