7 ᑮ ᓇᑐᐸᓕᓈᓂᐗᓐ ᒫᑲ ᑭᒋᑭᔑᑯᒃ: ᒫᐃᑫᐃᓐ ᓀᔥᑕ ᐅᑦ ᐁᓐᒐᓕᒪ ᑮ ᓄᑎᓀᐗᒃ ᒥᔑᑭᓀᐱᑾ: ᒥᔑᑭᓀᐱᒃ ᒫᑲ ᑮ ᓄᑎᓂᑫᐤ ᓀᔥᑕ ᐅᑦ ᐁᓐᒐᓕᒪ,
ᐁᓕᐌᒃ ᒫᑳ ᒫᐃᑫᓪ ᐊᓇ ᑭᒋᐁᓐᒐᓪ, ᐃᔅᐱ ᐃᐋᔑᑌᒫᑦ ᒪᒋᒪᓂᑐᐗ, ᑮ ᐙᔦᔥ ᐃᑗᐤ, ᒧᓯᓴ ᐎᔭᐎᓕᐤ ᐅᒋ, ᓇᒪᐎᓚ ᑮ ᐃᑌᓕᑕᒻ ᑭᒋ ᑭᑳᒫᑦ, ᒫᑲ ᑮ ᐃᑗᐤ, ᐅᑎᐯᓕᒋᑫᐤ ᑭ ᑳ ᐎ ᑭᑕᐊᒫᒃ᙮
ᐌᓴ ᑮᔥᐱᓐ ᑭᒋᒪᓂᑐ ᐁᑳ ᒣᓈᒋᐋᑦ ᐊᓂᐃ ᐁᓐᒐᓚ, ᒫᑲ ᒪᒋ ᐃᔥᑯᑌᐤ ᐁ ᑮ ᐃᔑ ᓂᒋᐌᐃᓈᑦ, ᓀᔥᑕ ᐁ ᑮ ᐸᑭᑎᓈᑦ ᑭᒋ ᒫᒫᒋᒀᐱᓱᓕᑭ ᐃᑕ ᐁ ᐗᓂᑎᔅᑳᓕᒃ, ᐁᑯᑕ ᑭᒋ ᐃᑖᓕᒋ ᑭᒋ ᑎᐹᔅᑯᓈᑲᓂᐎᓕᒋ;
ᐌᓴ ᓇᒪᐎᓚ ᑭ ᒫᔑᑖᓈᓇᐤ ᐎᔮᔅ ᓀᔥᑕ ᒥᑯ, ᒫᑲ ᑎᐯᓕᒋᑫᐎᓇ, ᓀᔥᑕ ᓱᑳᑎᓯᐎᓇ, ᐊᓂᑭ ᓀᔥᑕ ᑳ ᑎᐯᓕᑕᑭᒃ ᐗᓂᑎᐱᔅᑭᓯᐎᓂᓕᐤ ᐅᑕ ᐊᔅᑮᒃ, ᐊᒑᑯᐎ ᒪᒋᑣᐎᓐ ᐃᑕ ᐁ ᐃᔅᐯᓕᑖᑾᒃ᙮
ᑮ ᐅᑎᑎᓀᐤ ᒫᑲ ᒥᔑᑭᓀᐱᑾ, ᐊᓂᐃ ᑭᔐ ᒥᔑᑭᓀᐱᑾ, ᐁᐗᑯ ᒪᒋᒪᓂᑐ ᓀᔥᑕ ᓭᑖᓐ, ᑮ ᒫᒫᒋᒀᐱᑌᐤ ᒫᑲ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ,
ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮
ᑭᓚᐗᐤ ᓀᔥᑕ ᑳ ᐊᓕᒥᐃᑲᐎᔦᒃ ᑭ ᐎᒋᐋᓜᐱᒥᓈᓐ, ᐃᔅᐱ ᐅᑎᐯᓕᒋᑫᐤ ᒋᓴᔅ ᑭᒋᑭᔑᑯᒃ ᑫ ᐅᒋ ᐯᒋ ᓄᑯᓯᑦ, ᐊᓯᒋ ᑳ ᓱᑳᑎᓯᓕᑭ ᐅᑦ ᐁᓐᒐᓕᒪ,
ᓀᔥᑕ ᒫᑲ ᐁᑳ ᐋᓕᐙᒃ ᑭᒋ ᐃᔑ ᐃᔥᐯᓕᒥᑎᓯᔮᓐ, ᐁ ᒥᒉᑎᑭ ᑭᔅᑫᓕᑖᑯᑖᑫᐎᓇ ᐅᒋ, ᓂ ᑮ ᒥᓕᑲᐎᓐ ᒥᔑᑲᐎᒥᓇᑯᔑ ᓂ ᐎᔮᓯᒃ, ᐅᑦ ᐃᔑᑎᔕᐙᑲᓇ ᓭᑖᓐ ᑭᒋ ᐸᐸᑲᒥᐅᓕᒋ, ᐁᑳ ᐋᓕᐙᒃ ᑭᒋ ᐃᔥᐯᓕᒥᑎᓱᔮᓐ᙮
ᑮ ᒥᓚᐤ ᒫᑲ ᑭᒋ ᓇᑐᐸᓖᔅᑕᐙᑦ ᐅᐸᓓᑭᓴ, ᓀᔥᑕ ᑭᒋ ᔖᑯᒋᐋᑦ: ᑲᔥᑭᐅᐎᓂᓕᐤ ᓀᔥᑕ ᑮ ᒥᓚᐤ ᑭᒋ ᑎᐯᓕᒫᑦ ᒥᓯᐌ ᑳ ᑕᑐᑌᐎᓯᓕᒋ ᐃᓕᓕᐗ, ᓀᔥᑕ ᐹᐱᑐᔥ ᐁ ᐃᔑᑭᔗᓕᒋ, ᓀᔥᑕ ᑳ ᑕᑐᔅᑳᓀᓯᓕᒋ ᐃᓕᓕᐗ᙮
ᐌᓴ ᐃᓕᓕᐎᑯᓯᓵᓐ ᑲᑕ ᐯᒋ ᐃᑐᑌᐤ ᐅᑖᐎᔭ ᐅ ᑭᔅᑌᓕᑖᑯᓯᐎᓂᓕᒃ, ᐊᓯᒋ ᐅᑦ ᐁᓐᒐᓕᒪ; ᐁᑯ ᒫᑳ ᑫ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᑮ ᐊᑑᔅᑫᓕᒋ᙮
ᐃᓕᓕᐎᑯᓯᓵᓐ ᑲᑕ ᑭᒋᑎᔕᐌᐤ ᐅᑦ ᐁᓐᒐᓕᒪ, ᐎᓚᐗᐤ ᒫᑲ ᑲᑕ ᒫᐗᒋᑖᐗᒃ ᒥᓯᐌ ᑫᒀᓕᐤ ᑳ ᓈᔦᑕᐌᓕᑖᑾᓂᓕᒃ, ᐊᓂᐃ ᓀᔥᑕ ᑳ ᒪᒋᑐᑕᒥᓕᒋ;
ᓇᒪ ᓈ ᓂ ᑳ ᑮ ᓇᑐᑕᒪᐗᐤ ᓄᑖᐎ ᑭᑦ ᐃᑌᓕᑌᓇᐗᐤ, ᐁᑯ ᑣᔦᒃ ᑫ ᒥᓕᑦ ᐊᐙᓯᑌ ᐃᔥᐱᔥ ᓂᔓᔖᑉ ᓕᒐᓇ ᐁᓐᒐᓚ?
ᐁᑯ ᓀᔥᑕ ᑫ ᐃᑖᑦ ᐊᓂᐃ ᐅ ᓇᒪᑎᓂᔅᑮᒃ, ᐊᐗᓯᒃ ᓇᑲᔑᒃ, ᑭᓚᐗᐤ ᑳ ᒪᒐᑭᒥᑲᐎᔦᒃ, ᑳᑭᑫ ᐃᔥᑯᑌᒃ, ᑳ ᐋᔦᔅᑲᐎᑕᒪᐙᑲᓂᐎᑦ ᒪᒋᒪᓂᑐ ᓀᔥᑕ ᐅᑦ ᐁᓐᒐᓕᒪ:
ᑲᑕ ᐃᔑᑎᔕᐌᐤ ᒫᑲ ᐅᑦ ᐁᓐᒐᓕᒪ ᓈᔅᐱᒡ ᐁ ᑭᔗᐌᒪᑲᒃ ᐳᑖᒋᑲᓐ, ᑲᑕ ᒪᐗᒋᐁᓕᐗ ᒫᑲ ᐊᓂᐃ ᑳ ᐙᐌᓛᐸᒥᒥᒋ ᓀᐤ ᐁ ᐅᒋᓚᐌᒃ ᐅᒋ, ᓀᔥᑕ ᒥᓯᐌ ᐁᔅᐱᔖᒃ ᐊᑖᒥᒃ ᑭᔑᑯᒃ᙮
ᐌᓴ ᑮ ᐃᑕᔅᑌᓕᐤ, ᐊᓇ ᑳ ᐅᒋ ᐃᑕᑾᑭ ᒥᓯᐌ ᑫᒀᓇ, ᓀᔥᑕ ᑳ ᐅᒋᐸᓕᑭ ᒥᓯᐌ ᑫᒀᓇ, ᐁ ᐯᔑᐙᑦ ᒥᒉᑦ ᐅᑯᓯᓯᒪᐗ ᑭᔅᑌᓕᑖᑯᓯᐎᓂᒃ ᐃᔑ, ᑭᒋ ᒥᑐᓂᐎᐗᑦ ᐊᓂᐃ ᑳ ᑎᐯᓕᑕᒥᓕᒋ ᐅ ᐱᒫᒋᐃᑯᓯᐎᓂᐗᐤ ᐎᓴᑫᓕᑕᒧᐎᓇ ᐅᒋ᙮
ᓇᒪᐎᓚ ᒫᑲ ᑮ ᐸᔅᑭᓛᑫᐗᒃ; ᓇᒪ ᓀᔥᑕ ᑫᔮᐸᒡ ᑮ ᒥᔅᑭᑳᑌᓕᐤ ᐃᑕ ᑭᒋ ᐃᑖᒋᒃ ᑭᒋᑭᔑᑯᒃ᙮