ᐱᓕᐱᔭᓇ 3:18 - ᐅᔅᑭ ᑎᔅᑌᒥᓐᑦ

¹⁸ ᐌᓴ ᒥᒉᑦ ᐱᒧᑌᐗᒃ, ᒥᒉᑡᐤ ᑳ ᑮ ᐋᓕᒧᑕᒫᑕᑾᒃ, ᐊᓄᒡ ᓀᔥᑕ ᑳ ᐋᓕᒧᑕᒫᑕᑾᒃ ᐁ ᒫᑐᔮᓐ ᐅᑎ, ᐁ ᐸᒀᑕᒸᒋᒃ ᙭ᑕ ᐅᑦ ᐋᔑᑌᐋᑎᑯᒥᓕᐤ;

ᐱᓕᐱᔭᓇ 3:18 Referans Kwoze

ᐃᐱᓯᔭᓇ 4:17

ᐁᐗᑯ ᐌᒋ ᐅᒪ ᐃᑗᔮᓐ, ᓀᔥᑕ ᐎᑕᒫᓐ ᐅᑎᐯᓕᒋᑫᒃ, ᐊᓄᒡ ᐅᒋ ᐁᑳ ᑭᒋ ᐱᒧᑌᔦᒃ ᐁ ᐃᔑ ᐱᒧᑌᒋᒃ ᑯᑕᑭᔭᒃ ᒉᓐᑖᐃᓚᒃ, ᑲᑫᐹᑎᓯᐎᓂᒃ ᑳ ᐅᒋᐸᓕᓕᒃ ᐅ ᒥᑐᓀᓕᒋᑲᓂᐙᒃ,

ᑲᓓᔕᐊᓇ 6:12

ᑕᑐ ᑳ ᓇᑕᐌᓕᑕᑭᒃ ᑭᒋ ᒥᓗᐊᓕᒧᒫᑲᓂᐎᒋᒃ ᐎᔮᓯᐎ ᑫᒀᓇ ᐅᒋ, ᑮ ᔖᑯᒋᒥᑯᐗᐗᒃ ᑭᒋ ᑭᔅᑭᓄᐙᒋᔓᑲᐎᔦᒃ, ᐱᑯ ᐁᑳ ᑭᒋ ᑲᒀᑕᑭᐋᑲᓂᐎᒋᒃ ᙭ ᐅᑦ ᐊᔑᑌᐋᑎᑯᒻ ᐅᒋ᙮

ᑲᓓᔕᐊᓇ 2:14

ᒫᑲ ᐃᔅᐱ ᐎᐋᐸᑕᒫᓐ ᐁᑳ ᒀᔭᔉ ᐁ ᐃᔑ ᐱᒧᑌᒋᒃ, ᑳ ᐃᑕᔅᑌᒃ ᑖᐺᐎᓐ ᒥᓗᐋᒋᒧᐃᓂᒃ, ᓂ ᑮ ᐃᑕᐤ ᐱᑕᕐ, ᐅᑎᔥᑲᐤ ᒥᓯᐌ ᐁ ᐃᑕᓯᒋᒃ, ᑮᔥᐱᓐ ᑭᓚ ᐁ ᒎᐎᔭᓐ, ᐃᔑ ᐱᒫᑎᓯᔭᓐ ᑖᐱᔅᑯᒡ ᒉᓐᑖᐃᓚᒃ, ᓇᒪᐎᓚ ᒫᑲ ᑖᐱᔅᑯᒡ ᒎᐗᒃ; ᑕᓀᑭ ᐌᒋ ᔖᑯᒋᐊᒋᒃ ᒉᓐᑖᐃᓚᒃ ᑭᒋ ᐃᔑ ᐱᒫᑎᓯᒋᒃ ᑖᐱᔅᑯᒡ ᒎᐗ?

ᑲᓓᔕᐊᓇ 1:7

ᓇᒪᐎᓚ ᒫᑲ ᑯᑕᒃ; ᒫᑲ ᐃᑖᐗᒃ ᐋᑎᑦ ᑳ ᒥᑯᔥᑳᒋᐃᑖᑾᒃ, ᓀᔥᑕ, ᑳ ᐎ ᓂᔑᐗᓈᒋᑕᐙᒋᒃ ᐅ ᒥᓗᐋᒋᒧᐎᓂᓕᐤ ᙭ᑕ᙮

ᓂᔓ ᐱᑕᕐ 2:10

ᒫᑲ ᐅᓵᒻ ᐊᓂᐃ ᑳ ᐱᒧᑖᑕᒥᓕᒋ ᐁ ᐃᔑᑡᒪᑲᓂᓕᒃ ᐎᔮᓯᓕᐤ, ᐎᓂᓯᐎ ᐃᑌᓕᑕᒧᐎᓂᒃ, ᓀᔥᑕ ᑳ ᐋᑕᐌᓕᑕᒥᓕᒋ ᑎᐯᓕᒋᑫᐎᓂᓕᐤ᙮ ᓱᑭᑌᐁᐗᒃ, ᐎ ᑎᐯᓕᒥᑎᓱᐗᒃ; ᓇᒪ ᓀᔥᑕ ᓭᑭᓯᐗᒃ ᑭᒋ ᒪᒋ ᐋᓕᒧᑕᑭᒃ ᑭᔅᑌᓕᑖᑯᓯᐎᓇ᙮

ᓂᔥᑕᒻ ᑌᓴᓗᓂᔭᓇ 4:6

ᐁᑳᐎᓚ ᐊᐌᓇ ᐙᔦᔥ ᐁ ᑐᑕᒃ ᑭᒋ ᒪᒋᑐᑕᐙᑦ ᓀᔥᑕ ᐙᔦᔑᐋᑦ ᐎᒋᔖᓇ; ᐌᓴ ᐅᑎᐯᓕᒋᑫᐤ ᑲᑕ ᐋᔅᑯᒋᐁᐤ ᒥᓯᐌ ᐁᑯᑐᐎ, ᑖᐱᔅᑯᒡ ᐁ ᑮ ᐃᔑ ᓂᔮᑲᓇ ᐎᑕᒫᑖᒃ ᓀᔥᑕ ᐋᓕᒧᑕᒫᑖᒃ᙮

ᐱᓕᐱᔭᓇ 1:4

ᒧᔕᒃ ᑕᑡᐤ ᐁ ᐋᔭᒥᐁᔅᑕᒫᑕᑾᒃ ᒥᓯᐌ ᐁ ᐃᑕᔑᔦᒃ, ᐁ ᓇᑐᑕᒫᑫᔮᓐ ᒥᓚᐙᑕᒧᐎᓂᒃ,

ᑲᓓᔕᐊᓇ 5:21

ᐅᑌᓕᑕᒧᐎᓇ, ᓂᐹᔭᐌᐎᓇ, ᑭᔥᑴᐯᐎᓐ, ᒪᒋ ᒪᑯᔐᐎᓇ, ᓀᔥᑕ ᐊᓂᐃ ᑖᐱᔅᑯᒡ ᐅᐅ: ᓂᔮᑲᓇ ᒫᑲ ᐅᐅ ᑭ ᐅᒋ ᐎᑕᒫᑎᓇᐗᐤ, ᑖᐱᔅᑯᒡ ᐋᔕᔾ ᐁ ᑮ ᐎᑕᒫᑕᑾᒃ, ᐊᓂᑭ ᐅᐅ ᑳ ᑐᑕᑭᒃ ᓇᒪᐎᓚ ᑲᑕ ᐊᑎ ᐋᔭᐌᐗᒃ ᑭᒋᒪᓂᑐᐗ ᐅᑦ ᐅᑭᒪᐎᐎᓂᓕᐤ᙮

ᑲᓓᔕᐊᓇ 2:21

ᓇᒪᐎᓚ ᓂ ᐸᒋᐸᓕᑕᐙᓐ ᐅ ᔕᐌᓕᒋᑫᐎᓐ ᑭᒋᒪᓂᑐ: ᐌᓴ ᑮᔥᐱᓐ ᐅᓚᔓᐌᐎᓂᒃ ᑮ ᐅᒋᐸᓕᐤ ᒀᔭᔅᑭᑖᑎᓯᐎᓐ, ᐁᑯ ᙭ ᔐᔥᒀᑦ ᑳ ᓂᐱᑦ᙮

ᓂᔓ ᑯᕆᓐᑎᐊᓇ 11:29

ᐊᐌᓇ ᓓᓚᒥᓰᑦ ᓀᔥᑕ ᐁᑳ ᐁ ᓕᓚᒥᓯᔮᓐ ᓂᓚ? ᐊᐌᓇ ᓀᔦᑕᐎᓇᐌᓯᑦ ᓀᔥᑕ ᐁᑳ ᐁ ᐃᔅᒀᓱᔮᓐ ᓂᓚ?

ᓂᔓ ᑯᕆᓐᑎᐊᓇ 11:13

ᐌᓴ ᐁᐗᑯ ᑐᐎ ᑭᓛᔅᑭᐎ ᐊᐸᔅᑕᓚᒃ, ᐙᔦᔑᐃᐌᐎ ᐅᑕᑐᔅᑫᐗᒃ, ᐁ ᑴᔅᑭᓈᑯᐃᑎᓱᒋᒃ ᑳ ᐃᔑᓈᑯᓯᓕᒋ ᐅᑦ ᐊᐸᔅᑕᓕᒪ ᙭᙮

ᓂᔓ ᑯᕆᓐᑎᐊᓇ 2:4

ᐌᓴ ᑭᒋ ᑲᒀᑕᑫᓕᒧᐎᓂᒃ ᓀᔥᑕ ᓇᓀᑳᑌᓕᒧᐎᑌᐁᐎᓂᒃ, ᑭ ᑮ ᒪᓯᓇᐊᒫᑎᓇᐗᐤ ᒥᔅᑕᐃ ᐁ ᒫᑐᔮᓐ; ᐁᑳᐎᓚ ᑭᒋ ᒪᒥᔕᒣᓕᑕᒣᒃ, ᒫᑲ ᑭᒋ ᑭᔅᑫᓕᑕᒣᒃ ᐁᔅᐱᒋ ᓈᔅᐱᒡ ᓵᑭᐃᑕᑾᒃ᙮

ᓂᔥᑕᒻ ᑯᕆᓐᑎᐊᓇ 6:9

ᓇᒪ ᓈ ᑭ ᑭᔅᑫᓕᑌᓇᐗᐤ ᐊᓇ ᐁᑳ ᑳ ᒀᔭᔅᑭᑖᑎᓰᑦ ᐁᑳ ᑭᒋ ᐋᓂᔅᑫ ᐋᔮᐙᑦ ᐅᑦ ᐅᑭᒪᐎᐎᓂᓕᐤ ᑭᒋᒪᓂᑐᐗ? ᐁᑳᐎᓚ ᑭ ᑳ ᐙᔦᔑᐃᑲᐎᓇᐗᐤ: ᓇᒪᐎᓚ ᐅᐱᔑᒀᑎᓯᔅᑲᒃ, ᓇᒪ ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓇᒪ ᓀᔥᑕ ᒪᒋᐎᐯᒥᑐᐗᒃ, ᓇᒪ ᓀᔥᑕ ᑳ ᐃᔅᑫᑳᓱᒋᒃ, ᓇᒪ ᓀᔥᑕ ᑳ ᐎᒋᐎᓂᓱᒫᒋᒃ ᓈᐯᐗ᙮

ᓂᔥᑕᒻ ᑯᕆᓐᑎᐊᓇ 1:18

ᐌᓴ ᐁ ᑲᑫᔅᑭᒥᐙᓂᐗᒃ ᐊᓂᒪ ᐋᔑᑌᐋᑎᒃ ᑭᔥᑴᐄᓐ ᐃᑌᓕᑕᒶᒃ ᐊᓂᑭ ᑳ ᓂᔑᐗᓈᑎᓯᒋᒃ; ᒫᑲ ᑭᓚᓈᓇᐤ ᑳ ᐱᒫᒋᐃᑲᐎᔭᒃ ᑭᒋᒪᓂᑐ ᐅ ᑲᔥᑭᐅᐎᓐ ᑭᑦ ᐃᑌᓕᑌᓈᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:2

ᓈᔅᐱᒡ ᐁ ᑯᓯᑯᒪᒋᐃᔮᓐ ᓀᔥᑕ ᑕᑭ ᐁ ᒥᒋᓚᐌᓯᔮᓐ ᓂᑌᐃᒃ᙮

ᐅᐸᓓᑭᔅ ᓘᒃ 19:41

ᐃᔅᐱ ᒫᑲ ᑭᔑᐙᒃ ᑌᑯᔑᒃ, ᑮ ᑲᓇᐙᐸᑕᒻ ᐃᑖᐎᓂᓕᐤ, ᓀᔥᑕ ᑮ ᒫᑐᑐᑕᒻ,

ᒎᑦ 1:13

ᐁ ᑯᔅᑖᑎᑯᓯᒋᒃ ᑲᔅᑲᓇᒃ ᑭᒋᑲᒥᒃ, ᐁ ᐱᔅᑌᐗᑖᒧᒋᒃ ᑎᐱᓚᐌ ᐅ ᓇᓀᐯᐎᓯᐎᓂᐗᐤ; ᐯᐹᒥᐸᓕᒋᒃ ᐊᒐᑯᔕᒃ, ᐊᓂᑭ ᑳ ᐃᑕᔅᑣᒋᒃ ᐃᑕ ᐁ ᒪᑲᑌᐎ ᑎᐱᔅᑳᓕᒃ ᑳᑭᑫ᙮

ᓂᔓ ᑌᓴᓗᓂᔭᓇ 3:11

ᐌᓴ ᓂ ᐯᑌᓈᓐ ᐋᑎᑦ ᐁ ᐃᑕᔑᔦᒃ ᐁᑳ ᒀᔭᔉ ᑳ ᐱᒧᑌᒋᒃ, ᐁᑳ ᒥᑐᓂ ᐁ ᐊᑑᑫᒋᒃ, ᒫᑲ ᐱᑯ ᐁ ᑭᐅᑫᔅᑭᒋᒃ᙮

ᐊᐸᔅᑕᓚᒃ 20:19

ᐁ ᐊᑐᔅᑲᐗᒃ ᐅᑎᐯᓕᒋᑫᐤ ᒥᓯᐌ ᑕᐸᑌᓕᒧᐎ ᒥᑐᓀᓕᒋᑲᓂᒃ, ᓀᔥᑕ ᒥᔅᑕᐃ ᐅᒋᑲᐙᐱᐎᓂᒃ, ᓀᔥᑕ ᑲᑴᒋᐃᑯᓯᐎᓂᒃ, ᑳ ᑮ ᐅᑎᑎᑯᔮᓐ ᐁ ᐊᔅᑲᒪᐎᒋᒃ ᒎᐗᒃ ᐅᒋ:

ᑲᓓᔕᐊᓇ 6:14

ᒫᑲ ᑭᒋᒪᓂᑐ ᑲᑕ ᐎ ᑭᐱᒋᑕᐤ ᓂᓚ ᑭᒋ ᒫᒪᑖᑯᒧᔮᓐ, ᐱᑯ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᑦ ᐋᔑᑌᐋᑎᑯᒻ ᐅᒋ, ᑳ ᐅᒋ ᒋᔅᑖᔅᑾᐊᒫᑲᐎᔮᓐ ᐊᔅᑭ, ᓂᓚ ᓀᔥᑕ ᐊᔅᑮᒃ ᐃᔑ᙮