ᐱᓕᐱᔭᓇ 1:21 - ᐅᔅᑭ ᑎᔅᑌᒥᓐᑦ

²¹ ᐌᓴ ᓂᓚ ᑭᒋ ᐱᒫᑎᓯᔮᓐ ᐁᐗᑯ ᙭, ᓀᔥᑕ ᑭᒋ ᓂᐱᔮᓐ ᐁᐗᑯ ᐅᑎᓯᐎᓐ᙮

ᐱᓕᐱᔭᓇ 1:21 Referans Kwoze

ᑲᓓᔕᐊᓇ 2:20

ᓂ ᐎᒋᒋᔅᑖᔅᒀᓱᒪᐤ ᙭: ᐁᓕᐌᒃ ᒫᑲ ᓂ ᐱᒫᑎᓰᓐ; ᓇᒪᐎᓚ ᒫᑲ ᓂᓚ, ᒫᑲ ᙭ ᑳ ᐱᒫᑎᓰᔅᑲᐎᑦ: ᓀᔥᑕ ᐊᓂᒪ ᐱᒫᑎᓰᐎᓐ ᐊᓄᒡ ᑳ ᐱᒫᑎᓯᔮᓐ ᐎᔮᓯᐎᓂᒃ, ᓂ ᐱᒫᑎᓰᓐ ᐁ ᑖᐺᔦᓕᒥᒪᒃ ᑭᒋᒪᓂᑐ ᐅᑯᓯᓴ, ᑳ ᑮ ᓵᑭᐃᑦ, ᓀᔥᑕ ᑳ ᑮ ᐸᑭᑎᓂᑎᓯᔅᑕᒪᐎᑦ᙮

ᓂᔓ ᑯᕆᓐᑎᐊᓇ 5:8

ᑭ ᑫᒋᓇᐅᓈᓇᐤ, ᓂᑦ ᐃᑣᓐ, ᐊᐙᓯᑌ ᓀᔥᑕ ᑭ ᓇᑕᐌᓕᑌᓋᓇᐤ ᑭᒋ ᓇᑲᑕᒪᒃ ᐅᒪ ᒥᔭᐤ ᓀᔥᑕ ᑭᒋ ᐎᒉᐗᒃ ᐅᑎᐯᓕᒋᑫᐤ᙮

ᓂᔓ ᑯᕆᓐᑎᐊᓇ 5:1

ᐌᓴ ᑭ ᑭᔅᑫᓕᑌᓋᓇᐤ ᑮᔥᐱᓐ ᑭᑦ ᐊᔅᑭᐎ ᑭᑭᓇᐤ ᐅᒪ ᒥᑭᐙᒻ ᑮ ᐱᑯᐸᓕᒃ, ᑭᑦ ᐋᔮᓈᓇᐤ ᐅ ᐙᔅᑳᔨᑫᐎᓐ ᑭᒋᒪᓂᑐ, ᐙᔅᑳᔨᑲᓐ ᐁᑳ ᒥᒋᒋᒃ ᑳ ᐅᒋ ᐅᔑᒋᑳᑌᒃ, ᑳᑭᑫ ᑭᒋᑭᔑᑯᒃ ᑳ ᐃᑌᑾᒃ᙮

ᐱᓕᐱᔭᓇ 1:23

ᐌᓴ ᓂ ᐙᐙᓀᓕᔅᑳᑯᓐ ᑳ ᓂᔑᑭ, ᐁ ᓇᑕᐌᓕᑕᒫᓐ ᑭᒋ ᑭᑐᑌᔮᓐ, ᓀᔥᑕ ᑭᒋ ᐎᒋᑕᔑᑫᒪᒃ ᙭, ᐁᐗᑯ ᓈᔅᐱᒡ ᐊᐙᓯᑌ ᐁ ᒥᓨᔑᒃ:

ᑯᓚᔑᔭᓇ 3:4

ᐃᔅᐱ ᙭, ᐁᐗᑯ ᑭ ᐱᒫᑎᓯᐎᓂᓇᐤ ᓄᑯᓯᑌ, ᐁᑯ ᓀᔥᑕ ᑭᓚᐗᐤ ᑫ ᐎᒋᓄᑯᓯᒣᒃ ᒪᓂᑐᐙᔅᑌᐎᓂᒃ᙮

ᓂᔓ ᑯᕆᓐᑎᐊᓇ 5:6

ᐁᐗᑯ ᐅᒋ ᒧᔕᒃ ᑭ ᑫᒋᓇᐅᓈᓇᐤ, ᐁ ᑭᔅᑫᓕᑕᒪᒃ, ᒣᑾᒡ ᐁ ᐎᑭᔭᒃ ᐅᑕ ᒥᔭᐎᒃ, ᑭᑦ ᐃᑖᐱᒋᔅᑕᐙᓇᐤ ᐅᑎᐯᓕᒋᑫᐤ:

ᐱᓕᐱᔭᓇ 1:20

ᑖᐱᔅᑯᒡ ᓈᔅᐱᒡ ᑳ ᐃᔑ ᐃᑌᓕᑕᒫᓐ, ᓀᔥᑕ ᑳ ᐊᔅᐯᓕᒧᔮᓐ, ᐁᑳ ᑫᒀᓐ ᑭᒋ ᐅᒋ ᓇᓀᐯᐎᓯᔮᓐ, ᒫᑲ ᒥᓯᐌ ᓱᑭᑌᐁᐎᓂᒃ, ᑖᐱᔅᑯᒡ ᒧᔕᒃ, ᐁᑯ ᓀᔥᑕ ᙭ ᑫ ᒫᒪᑖᑯᒫᑲᓂᐎᑦ ᓂᔭᐎᒃ, ᑮᔥᐱᓐ ᐯᒫᑎᓯᐙᓀ ᓀᔥᑕᐱᑯ ᓀᐱᐙᓀ᙮

ᑭᔅᑫᓕᑖᑯᑖᑫᐎᓐ 14:13

ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑎᑯᔮᓐ, ᒪᓯᓇᐊ, ᔕᐌᓕᑖᑯᓯᐗᒃ ᐅᓂᐱᐗᒃ ᑳ ᓂᐱᒋᒃ ᐅᑎᐯᓕᒋᑫᒃ ᐊᓄᒡ ᐅᒋ: ᐁᐁ, ᐃᑗᐤ ᐊᒑᒃ, ᐅᑦ ᐊᑑᔅᑫᐎᓂᐙᒃ ᑭᒋ ᐅᒋ ᐋᓜᐱᒋᒃ: ᓄᔅᐱᓈᑎᑯᐗᒃ ᒫᑲ ᐅᑦ ᐊᑑᔅᑫᐎᓂᐙᐗ᙮

ᑲᓓᔕᐊᓇ 6:14

ᒫᑲ ᑭᒋᒪᓂᑐ ᑲᑕ ᐎ ᑭᐱᒋᑕᐤ ᓂᓚ ᑭᒋ ᒫᒪᑖᑯᒧᔮᓐ, ᐱᑯ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᑦ ᐋᔑᑌᐋᑎᑯᒻ ᐅᒋ, ᑳ ᐅᒋ ᒋᔅᑖᔅᑾᐊᒫᑲᐎᔮᓐ ᐊᔅᑭ, ᓂᓚ ᓀᔥᑕ ᐊᔅᑮᒃ ᐃᔑ᙮

ᓂᔥᑕᒻ ᑯᕆᓐᑎᐊᓇ 1:30

ᒫᑲ ᐎᓚ ᐅᒋ ᑭᑦ ᐋᐎᓇᐗᐤ ᙭ ᒋᓴᓯᒃ, ᐊᓇ ᑳ ᐃᔑᑕᒫᑲᐎᔭᒃ ᑭᒋᒪᓂᑐᒃ ᐅᒋ, ᑲᑫᑕᐌᓕᑕᒧᐎᓐ, ᓀᔥᑕ ᒀᔭᔅᑭᑖᑎᓯᐎᓐ, ᓀᔥᑕ ᐸᓓᑭᐃᑯᓯᐎᓐ, ᓀᔥᑕ ᑎᐸᐊᒫᑫᔅᑕᒫᑯᓯᐎᓐ;

ᐱᓕᐱᔭᓇ 2:21

ᐌᓴ ᒥᓯᐌ ᓈᓇᑕᐌᓕᑕᒶᒃ ᑎᐱᓚᐌ ᐅᑦ ᐋᔮᓂᐗᐗ, ᓇᒪᐎᓚ ᐊᓂᐃ ᒋᓴᔅ ᙭ ᐅᑦ ᐋᔮᓂᓕᐗ᙮

ᓂᔥᑕᒻ ᑯᕆᓐᑎᐊᓇ 3:22

ᑮᔥᐱᓐ ᐹᓪ, ᓀᔥᑕᐱᑯ ᐊᐸᓚᔅ, ᓀᔥᑕᐱᑯ ᓯᐸᔅ, ᓀᔥᑕᐱᑯ ᐅᒪ ᐊᔅᑭ, ᓀᔥᑕᐱᑯ ᐱᒪᑎᓯᐎᓈ, ᓀᔥᑕᐱᑯ ᓂᐱᐎᑦ, ᓀᔥᑕᐱᑯ ᑫᒀᓇ ᐊᓄᒡ ᑳ ᐃᑕᑾᑭ, ᓀᔥᑕᐱᑯ ᑫᒀᓇ ᐁᔥᑾ ᑫ ᐃᑕᑾᑭ; ᒥᓯᐌ ᑭᓚᐗᐤ ᑭᑦ ᐅᑦ ᐋᔮᓂᓇᐗᐤ;

ᐱᓕᐱᔭᓇ 1:22

ᒫᑲ ᑮᔥᐱᓐ ᐎᔮᓯᐎᓂᒃ ᐱᒫᑎᓯᔮᓐ, ᐁᐗᑯ ᐅᒪ ᑳ ᒥᓂᔑᐗᒃ ᓂᑦ ᐊᑑᔅᑫᐎᓐ; ᐁᓕᐌᒃ ᒫᑲ ᑫᒀᓐ ᑫ ᓇᐗᔓᓇᒫᓐ ᓇᒪᐎᓚ ᓂ ᑭᔅᑫᓕᑌᓐ᙮