24 ᒫᕐᒃ, ᐋᕆᔅᑖᕐᑲᔅ, ᑎᒫᔅ ᓂᒋᐊᑑᔅᑫᒫᑲᓇᒃ᙮
ᓘᒃ, ᑳ ᓵᑭᐋᑲᓂᐎᑦ ᒪᔅᑭᑭᐎᓕᓕᐤ ᓀᔥᑕ ᑎᒪᔅ ᑭᑦ ᐊᑌᒥᔅᑳᑯᐗᐗᒃ᙮
ᐋᕆᔅᑖᕐᑲᔅ, ᓂᒋ ᑭᐸᐙᑲᓐ, ᑭᑦ ᐊᑕᒥᔅᑳᑯᐗᐤ, ᓀᔥᑕ ᒫᕐᒃ, ᐹᕐᓇᐸᔅ ᐎᒋᔖᓂᔅᑴᒪ ᐅᑯᓯᓯᓕᐗ, ᑳ ᑮ ᐅᒋ ᐃᑕᔓᒥᑲᐎᔦᒃ: ᑮᔅᐱᓐ ᐯᒋ ᓇᑎᑖᑴ, ᐱᑐᑲᐃᒃ;
ᒥᓯᐌ ᐃᑖᐎᓐ ᒫᑲ ᑮ ᓵᑲᔅᑭᓀᐤ ᑭᔑᐌᓕᑕᒧᐎᓐ ᐅᒋ: ᐁ ᑮ ᒫᑯᓈᒋᒃ ᒫᑲ ᑳᐃᐊᓴ ᓀᔥᑕ ᐊᕆᔅᑖᕐᑲᓴ, ᐃᓕᓕᐗ ᒫᓯᑐᓂᐊᐃᒃ ᐅᒋ, ᐹᓪ ᐅ ᐎᒉᐙᑲᓇ, ᐁ ᐸᐹᒧᑌᑦ, ᑮ ᒫᒪᐎ ᐱᑐᑫᐸᓂᐅᐙᒃ ᐊᓐᑕ ᒣᑕᐌᐎᑲᒥᑯᒃ᙮
ᐃᔅᐱ ᒫᑲ ᐅᒪ ᑳ ᒫᒥᑐᓂᓕᑕᒃ, ᑮ ᐯᒋ ᐃᑐᑌᐤ ᐊᓐᑕ ᒣᕆᐊ ᐎᑭᓕᒃ ᐅᑳᐎᔭ ᐊᓇ ᒑᓐ, ᑳ ᐊᔅᐱᓂᑳᓱᑦ ᒪᕐᒃ; ᐃᑕ ᒥᒉᑦ ᑳ ᒫᒪᐎ ᒫᐗᒋᐃᑐᓕᒋ ᐁ ᐋᔭᒥᐋᓕᒋ᙮
ᐁ ᐳᓯᔮᒃ ᒫᑲ ᐯᔭᒃ ᐋᑦᕋᒥᑎᔭᒻ ᓈᐱᒀᓂᒃ, ᓂ ᑮ ᑭᔑᒋᒫᓈᓐ, ᐁ ᐃᑌᓕᑕᒫᒃ ᑎᐱᔅᑯᒡ ᐁᔕ ᐊᔅᑮᒃ ᑭᒋ ᐃᑖᔑᔮᒃ; ᐋᕆᔅᑖᕐᑲᔅ, ᒫᓯᑐᓂᔭᐎᓕᓕᐤ ᑌᐃᓴᓗᓇᐃᑳᐃᒃ ᑳ ᐅᒌᑦ, ᐁ ᐎᒉᐎᔭᒥᑦ᙮
ᐹᕐᓇᐸᔅ ᒫᑲ ᓀᔥᑕ ᓵᓪ ᒋᕉᓴᓚᒥᒃ ᑮ ᐅᒋ ᑭᐌᐗᒃ ᐃᔅᐱ ᑳ ᑭᔑᑖᒋᒃ ᐅᑦ ᐃᑖᐸᑎᓯᐎᓂᐗᐤ; ᑮ ᐅᑎᓀᐗᒃ ᑭᒋ ᐎᒉᐎᑯᒋᒃ ᒑᓇ ᑳ ᐊᔅᐱᓂᑳᓱᑦ ᒫᕐᒃ᙮
ᐁᐗᑯ ᐅᒋ ᑭ ᑳ ᐅᑎᓈᑕᓇᐗᒃ ᐁᑯ ᑐᐎ ᑭᒋ ᐅᒋ ᐎᒋᐃᐌᒋᒃ ᑖᐺᐎᓂᒃ᙮
ᑭᓚ ᓀᔥᑕ ᑭ ᐸᑯᓭᓕᒥᑎᓐ, ᑖᐺ ᓂᒋᐊᑑᔅᑫᐎᓕᓕᒻ, ᐎᒋᐃᒃ ᐊᓂᑭ ᐃᔅᑴᐗᒃ ᑳ ᑮ ᐎᒋᐊᑑᔅᑫᒥᒋᒃ ᒥᓗᐋᒋᒧᐎᓂᒃ, ᐊᓯᒋ ᒃᓓᒧᓐᑦ ᓀᔥᑕ, ᐊᓯᒋ ᑯᑕᑭᔭᒃ ᓂᒋᐊᑑᔅᑫᐎᓕᓕᒪᒃ, ᐅᑦ ᐃᔑᓂᑳᓱᐎᓂᐗᐗ ᑳ ᐃᑕᑾᓂᓕᑭ ᐱᒫᑎᓯᐎᓂ ᒪᓯᓇᐃᑲᓂᒃ᙮
ᐁᓕᐌᒃ ᒫᑲ ᔮᓕᑌᓐ ᓂ ᑮ ᐃᑌᓕᑌᑖᔾ ᑭᒋ ᐃᑎᔕᐊᒫᑕᑾᒃ ᐃᐹᑉᕈᑖᐃᑕᔅ, ᓂᒋᔖᓐ, ᓀᔥᑕ ᓂ ᐎᒋᐙᑲᓐ ᐊᑑᔅᑫᐎᓂᒃ, ᓀᔥᑕ ᓂᒋᓇᑐᐸᓕᐎᓕᓕᒻ, ᒫᑲ ᑭᑦ ᐃᔑᑎᔕᐙᑲᓂᐗᐤ, ᐊᓇ ᓀᔥᑕ ᑳ ᑮ ᐅᒋᔅᑕᒫᑫᑦ ᓂ ᑶᑕᒧᐎᓇ᙮
ᑮᔥᐱᓐ ᐊᐌᓇ ᑲᑴᒋᑫᒧᑌ ᑖᐃᑕᔅ ᐅᒋ, ᓂᑦ ᐅ ᐎᒉᐙᑲᓂᒪᐤ ᓀᔥᑕ ᓂᑦ ᐅ ᐎᒋᐙᑲᓂᒪᐤ ᑭᓚᐙᐤ ᐅᒋ, ᓀᔥᑕᐱᑯ ᓂᒋᔖᓂᓈᓇᒃ, ᐎᓚᐗᐤ ᐁᐗᑳᓂᑭ ᐅᑦ ᐃᔑᑎᔕᐙᑲᓂᐙᐗ ᒫᒪᐎᐊᔭᒥᐋᐗᒃ, ᑫ ᐅᒋ ᒫᒥᒋᒫᑲᓂᐎᑦ ᙭᙮
ᐁᑯ ᐃᔅᐱ ᐹᓪ ᓀᔥᑕ ᐅ ᐎᒉᐙᑲᓇ ᑳ ᓇᑲᑕᑭᒃ ᐯᐸᔅ, ᑭ ᐯᒋ ᐃᑐᑌᐗᒃ ᐊᓐᑕ ᐸᕐᑲ ᐸᒻᐱᓕᐊᐃᒃ: ᒑᓐ ᒫᑲ ᐁ ᓇᑲᑖᑦ ᑮ ᑭᐌᐤ ᒋᕉᓴᓚᒥᒃ᙮
ᒪᒪᐎᐋᔮᒥᐋᐗᒃ ᐸᐱᓚᓂᒃ ᑳ ᐃᑖᒋᒃ, ᑳ ᑮ ᒫᒪᐎᐙᐌᓛᐸᒫᑲᓂᐎᒋᒃ ᐊᓯᒋ ᑭᓚᐗᐤ ᑭᑦ ᐊᑕᒥᔅᑳᑯᐙᐗᒃ; ᓀᔥᑕ ᒫᕐᒃ ᓂᑰᓯᔅ᙮
