17 ᑮᔥᐱᓐ ᒫᑲ ᐎᒉᐙᑲᓐ ᐌᑕᑭᒥᐗᓀ, ᑖᐱᔅᑯᒡ ᓂᓚ ᑫᒋᐙᒃ ᐅᑎᓐ᙮
ᑮᔥᐱᓐ ᐊᐌᓇ ᑲᑴᒋᑫᒧᑌ ᑖᐃᑕᔅ ᐅᒋ, ᓂᑦ ᐅ ᐎᒉᐙᑲᓂᒪᐤ ᓀᔥᑕ ᓂᑦ ᐅ ᐎᒋᐙᑲᓂᒪᐤ ᑭᓚᐙᐤ ᐅᒋ, ᓀᔥᑕᐱᑯ ᓂᒋᔖᓂᓈᓇᒃ, ᐎᓚᐗᐤ ᐁᐗᑳᓂᑭ ᐅᑦ ᐃᔑᑎᔕᐙᑲᓂᐙᐗ ᒫᒪᐎᐊᔭᒥᐋᐗᒃ, ᑫ ᐅᒋ ᒫᒥᒋᒫᑲᓂᐎᑦ ᙭᙮
ᐊᓇ ᑳ ᐅᑎᓂᑖᒃ, ᓂᓚ ᓀᔥᑕ ᓂᑦ ᐅᑎᓂᒃ, ᐊᓇ ᓀᔥᑕ ᑳ ᐅᑎᓂᑦ, ᐅᑎᓀᐤ ᓀᔥᑕ ᐊᓂᐃ ᑳ ᐯᒋᑎᔕᐅᓕᒋ᙮
ᒥᓇ ᒫᑲ ᓂ ᑮ ᐃᔑᑎᔕᐗᐤ: ᐅᑎᓐ ᒫᑲ ᑖᐱᔅᑯᒡ ᑎᐱᓚᐌ ᓂ ᐱᒋᓚᐤ᙮
ᓇᑐᑕᒧᒃ, ᓯᐋᑭᐃᑕᑾᒃ ᓂᒋᔖᓂᑐᒃ, ᓇᒪ ᓈ ᑭᒋᒪᓂᑐ ᑮ ᐙᐌᓛᐸᒣᐤ ᐊᓂᐃ ᑳ ᑭᑎᒫᑭᓯᓕᑭ ᐅᑕ ᐊᔅᑮᒃ, ᐁ ᒥᔕᑭᓯᓕᑭ ᑖᐺᔦᓕᑕᒧᐎᓂᒃ, ᓀᔥᑕ ᑫ ᐊᑎ ᐋᔮᓕᒋ ᐊᓂᐁᓕᐤ ᐅᑭᒫᐎᐎᓂᓕᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ?
ᐁᐗᑯ ᒫᑲ ᐅᒋ, ᑳ ᐸᓓᑭᓯᔦᒃ ᓂᒋᔖᓂᑐᒃ, ᑳ ᐎᒋᐃᐌᔦᒃ ᑭᒋᑭᔑᑳᐎ ᓂᑐᑫᐎᓐ, ᓈᓈᑲᑕᐌᓕᒥᒃ ᐊᓇ ᐊᐸᔅᑕᓪ, ᓀᔥᑕ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐃᑣᓱᐎᓂᓈᒃ, ᙭ ᒋᓴᔅ;
ᒉᓐᑖᐃᓚᒃ ᑭᒋ ᐎᒋ ᑎᐯᓕᑕᒧᒥᐌᒋᒃ, ᐊᓂᒪ ᑫᔮᐸᒡ ᒥᔭᐎᒃ ᓀᔥᑕ ᑭᒋ ᑕᑯᐋᑲᓂᐎᒋᒃ, ᓀᔥᑕ ᑭᒋ ᐎᒋ ᐅᑎᓇᒧᒥᐌᒋᒃ ᐅᑦ ᐊᔓᑕᒫᑫᐎᓂᓕᐤ ᙭ᑎᒃ ᒥᓗᐋᒋᒧᐎᓐ ᐅᒋ:
ᐃᔅᐱ ᒫᑲ ᑳ ᓯᑲᐊᑕᐙᑲᓂᐎᑦ, ᓀᔥᑕ ᒥᓯᐌ ᑳ ᐃᑕᔑᑦ, ᓂ ᑮ ᐸᑯᓭᓕᒥᑯᓈᓐ, ᐁ ᐃᑗᑦ, ᑮᔥᐱᓐ ᑳ ᐃᑌᓕᒥᐌᑴ ᐁ ᔮᒀᒥᔅᑕᐗᒃ ᐅᑎᐯᓕᒋᑫᐤ, ᐯᒋ ᐱᑐᑫᒃ ᓂᑭᒃ, ᐁᑯᑕ ᒫᑲ ᑕᔑᑫᒃ᙮ ᓂ ᑮ ᔕᑯᒋᒥᑯᓈᓐ ᒫᑲ᙮
ᑭᒋᐅᑭᒪᐤ ᒫᑲ ᑲᑕ ᓇᔥᑴᐗᔑᐁᐤ, ᐁ ᐃᑖᑦ, ᑖᐺ ᑭᑦ ᐃᑎᓇᐗᐤ, ᐁ ᑮ ᐃᔑ ᑐᑕᐌᒃ ᐯᔭᒃ ᐅᑯ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᓂᒋᔖᓇᒃ, ᓂᓚ ᑭ ᑮ ᑐᑕᐎᓇᐗᐤ᙮
ᐊᐌᓇ ᒫᑲ ᑫ ᐅᑎᓈᑴ ᐯᔭᒃ ᐅᐅ ᑐᐎ ᐊᐱᔅᑕᐙᔑᔕ ᓂᑦ ᐃᔑᓂᑳᓱᐎᓂᒃ, ᓂᓚ ᓂᑦ ᐅᑎᓂᒃ᙮
ᐊᓂᒪ ᑳ ᑮ ᐙᐸᑕᒫᒃ ᓀᔥᑕ ᑳ ᑮ ᐯᑕᒫᒃ, ᑭᑦ ᐋᓕᒧᑕᒫᑎᓈᓐ, ᑭᓚᐗᐤ ᓀᔥᑕ ᑭᒋ ᐃᑖᔦᒃ ᓂᑦ ᐅᑐᑌᒥᐌᐎᓂᓈᒃ; ᑖᐺ ᓀᔥᑕ ᓂᑦ ᐃᑖᐙᓈᓐ ᐅᑐᑌᒥᐌᐎᓂᒃ ᐅᑖᐎᒪᐤ ᓀᔥᑕ ᐅᑯᓯᓴ ᒋᓴᔅ ᙭᙮
ᐊᓂᑭ ᑳ ᓂᑳᓀᓕᑖᑯᓯᒋᒃ ᑳ ᐎᒉᐎᑖᑾᒃ ᓂ ᔑᑭᒪᐗᑳ, ᓂᓚ ᓀᔥᑕ ᑳ ᓂᑳᓀᓕᑖᑯᓯᔮᓐ, ᓀᔥᑕ ᑳ ᐋᓕᒧᑕᒶᒃ ᙭ ᐅ ᐙᐎᓴᑫᓕᑕᒧᐎᓇ, ᓀᔥᑕ ᑳ ᐅᐎᒋᐃᐌᔮᓐ ᐊᓂᒪ ᑭᔅᑌᓕᑖᑯᓯᐎᓐ ᑫ ᐯᒋ ᓄᑯᑖᓂᐗᒃ:
ᐌᓴ ᑭ ᑮ ᐅᑎᓈᓇᐤ ᙭, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᑭ ᒫᒋ ᑫᒋᓇᐅᐎᓂᓇᐤ ᐱᓕᔥ ᑫ ᐃᔥᒀᐸᓕᒃ᙮
ᑭ ᐸᑯᓭᓕᒥᑎᓐ ᓂᑯᓯᔅ ᐅᓂᓯᒪᔅ ᐅᒋ, ᑳ ᑮ ᓂᑕᐎᑭᐊᒃ ᓂ ᒫᒫᒋᒀᐱᓱᐎᓂᒃ;
ᐊᓂᑭ ᒫᑲ, ᐅᑦ ᐅᑭᒫᒥᐗᐗ ᑳ ᑖᐺᔦᓕᑕᒥᓕᒋ, ᐁᑳᐎᓚ ᑲᑕ ᐋᑕᐌᓕᒣᐗᒃ, ᐁ ᐎᒋᔖᓂᒪᐎᓕᒋ; ᒫᑲ ᐊᐙᓯᑌ ᑲᑕ ᐊᑑᔅᑲᐌᐗᒃ, ᐁ ᑖᐺᔦᓕᑕᒥᓕᒋ ᓀᔥᑕ ᐁ ᓵᑭᐋᑲᓂᐎᓕᒋ, ᐁ ᐎᒋᐅᑎᓇᒥᓕᒋ ᐊᓂᐁᓕᐤ ᒥᓗᐋᔨᑎᐎᓂᓕᐤ᙮ ᐅᐅ ᑫᒀᓇ ᑭᔅᑭᓄᐊᒫᑫ ᓀᔥᑕ ᔑᑭᑫᒧ᙮
ᐁ ᒀᔭᔅᑾᒃ ᐅᒪ ᑭᒋ ᐃᔑ ᐃᑌᓕᒥᑕᑾᒃ ᒥᓯᐌ ᐁ ᐃᑕᔑᔦᒃ, ᐁ ᐋᔭᐎᑕᑾᒃ ᓂᑌᐃᒃ, ᐌᓴ ᐁ ᒫᒫᒋᒀᐱᔅᑲᐅᑲᐎᔮᓐ, ᐁ ᓇᔅᑯᔅᑕᒫᓐ ᓀᔥᑕ ᐁ ᐊᓕᒋᑖᔮᓐ ᒥᓗᐋᒋᒧᐎᓐ, ᐊᓯᒋ ᓂᓚ ᑭ ᑮ ᒫᑎᓇᒫᑲᐎᓇᐗᐤ ᔕᐌᓕᒋᑫᐎᓐ᙮
ᑮᔥᐱᓐ ᑳ ᓈᔦᑕᐙᑐᑖᔅᑴ, ᓀᔥᑕᐱᑯ ᑫᒀᓐ ᑳ ᒪᓯᓇᐃᑫᔅᑖᔅᑴ, ᐃᑕᔅᑖ ᓂᑦ ᐊᑖᐎᒪᓯᓇᐃᑲᓂᒃ:
