ᐅᐸᓓᑭᔅ ᒫᕐᒃ 9:43 - ᐅᔅᑭ ᑎᔅᑌᒥᓐᑦ

⁴³ ᑮᔥᐱᓐ ᒫᑲ ᑭᒋᒋ ᓈᔦᑕᐌᓕᑕᒥᐃᑯᔭᓀ, ᒪᓂᔕ: ᐊᐙᓯᑌ ᒥᓨᔑᓐ ᑭᒋ ᐱᑐᑫᔭᓐ ᐱᒫᑎᓯᐎᓂᒃ ᐁ ᒫᔅᑭᓯᔭᓐ, ᐃᔥᐱᔥ ᐁ ᐋᔮᔭᓐ ᓂᔓ ᒥᒋᒋᔭ ᑭᒋ ᐃᑐᑌᔭᓐ ᒪᒋ ᐃᔥᑯᑌᒃ, ᐊᓂᒪ ᐃᔥᑯᑌᒃ ᐁᑳ ᐎᔅᑳᑦ ᑫ ᐋᔅᑕᐌᒃ;

ᐅᐸᓓᑭᔅ ᒫᕐᒃ 9:43 Referans Kwoze

ᐅᐸᓓᑭᔅ ᒫᑎᐤ 25:41

ᐁᑯ ᓀᔥᑕ ᑫ ᐃᑖᑦ ᐊᓂᐃ ᐅ ᓇᒪᑎᓂᔅᑮᒃ, ᐊᐗᓯᒃ ᓇᑲᔑᒃ, ᑭᓚᐗᐤ ᑳ ᒪᒐᑭᒥᑲᐎᔦᒃ, ᑳᑭᑫ ᐃᔥᑯᑌᒃ, ᑳ ᐋᔦᔅᑲᐎᑕᒪᐙᑲᓂᐎᑦ ᒪᒋᒪᓂᑐ ᓀᔥᑕ ᐅᑦ ᐁᓐᒐᓕᒪ:

ᐦᐃᑉᕉᐗ 12:1

ᐁ ᐙᐸᑕᒪᒃ ᒫᑲ ᐁ ᐙᔅᑳᔅᑳᑕᑾᒃ ᐁ ᐃᔅᐱᒋ ᒥᒉᑎᒋᒃ ᐅᑎᐹᒋᒧᐗᒃ, ᐁᑯᔑ ᐃᑲᑌᔅᑖᑕᐤ ᒥᓯᐌ ᑳ ᑯᓯᑾᒃ, ᐊᓂᒪ ᒪᒋᑐᑕᒧᐎᓐ ᓀᔥᑕ ᓈᔅᐱᒡ ᑳ ᐌᒋᐸᑭᔑᒥᑯᔭᒃ, ᐁᑯᔑ ᒫᑲ ᔑᐱᓚᐌᓯᐎᓂᒃ ᐱᒥᐸᑖᑕᐤ ᐊᓂᒪ ᑲᑴᒋᔅᑲᑎᑐᐎᓐ ᑳ ᓂᑳᓇᔅᑕᒫᑲᐎᔭᒃ;

ᐅᐸᓓᑭᔅ ᒫᑎᐤ 5:22

ᒫᑲ ᓂᓚ ᑭᑦ ᐃᑎᓇᐗᐤ, ᐊᐌᓇ ᔐᔥᒀᑦ ᑫ ᑭᓯᐙᓰᔅᑕᐙᑴ ᐎᒋᔕᓇ, ᑲᑕ ᓈᓂᓵᓂᓯᐤ ᑭᒋ ᑎᐹᔅᑯᓈᑲᓂᐎᑦ: ᐊᐌᓇ ᒫᑲ ᑫ ᐊᑖᑴ ᐎᒋᔖᓇ, ᕃᑲ, ᑲᑕ ᓈᓂᓵᓂᓯᐤ ᑭᒋ ᐃᑐᑕᐋᑲᓂᐎᑦ ᐁᑖᔅᑕᒪᐱᓕᒋ ᐅᑎᐹᔅᑯᓂᑫᐗ: ᒫᑲ ᐊᐌᓇ ᑫ ᐃᑖᑴ, ᑭᓚ ᑭᔥᑴᑳᓐ, ᑲᑕ ᓈᓂᓵᓂᓯᐤ ᑭᒋ ᐌᐱᓇᑲᓂᐎᑦ ᒪᒋᐃᔥᑯᑌᒃ᙮

ᑲᓓᔕᐊᓇ 5:24

ᐊᓂᑭ ᒫᑲ ᑳ ᑎᐯᓕᒥᑯᒋᒃ ᙭ᑕ, ᑮ ᒋᔅᑖᔅᒀᑕᒶᒃ ᐎᔭᓯᐎᐎᓕᓕᐤ, ᐊᓯᒋ ᓀᔥᑕ ᐁ ᐃᔑ ᒪᒋ ᐃᑌᓕᑕᒧᒪᑲᓂᓕᒃ ᓀᔥᑕ ᐁ ᐃᔑ ᓇᑕᐌᓕᑕᒧᒪᑲᓂᓕᒃ᙮

ᐅᐸᓓᑭᔅ ᒫᑎᐤ 3:12

ᐅ ᐺᔮᔅᒋᒋᑲᓐ ᑕᑯᓇᒻ ᐅᒋᒌᒃ, ᒥᑐᓂ ᒫᑲ ᑲᑕ ᐹᔦᑭᑕᐤ ᐃᑕ ᐁ ᐃᔑ ᐸᑭᑎᓂᒪᒋ ᐅ ᐸᑴᔑᑲᓂᒥᓇ, ᑲᑕ ᒪᐗᒋᑕᐤ ᒫᑲ ᐅ ᐸᑴᔑᑲᓂᒥᓇ ᐅ ᐸᑴᔑᑲᓂᑲᒥᑯᒃ, ᑲᑕ ᐃᔅᒀᓴᒻ ᒫᑲ ᓯᑲᐌᐸᓕᒋᑲᓂᓕᐤ ᐃᔥᑯᑌᒃ ᐁᑳ ᑫ ᐋᔅᑕᐌᓕᒃ᙮

ᑕᐃᑕᔅ 2:12

ᐁ ᑭᔅᑭᓄᐊᒫᑯᔭᒃ, ᐁ ᐋᓉᑕᒪᒃ ᒪᒑᑎᓯᐎᓐ ᓀᔥᑕ ᐊᔅᑭᐎ ᓇᑕᐌᓕᒋᑫᐎᓇ, ᑭᒋ ᐯᑳᒡ ᐱᒫᑎᓯᔭᒃ, ᑭᒋ ᒀᔭᔅᑭᑖᑎᓯᔭᒃ, ᓀᔥᑕ ᒪᓂᑐᐙᑎᓯᔭᒃ, ᐅᒪ ᐊᔅᑮᒃ ᐊᓄᒡ ᑳ ᐃᑕᑾᒃ;

ᑯᓚᔑᔭᓇ 3:5

ᐁᐗᑯ ᐌᒋ ᓂᔑᐗᓈᒋᑖᒃ ᑭᑦ ᐊᔅᑭᐎ ᓇᑕᐌᓕᑕᒧᐎᓂᐗᐗ; ᐱᔑᒀᑎᓯᐎᓐ, ᐎᓂᓯᐎᓐ, ᐱᔑᒀᑎᓯᐎ ᐃᑌᓕᑕᒧᐎᓐ, ᒪᒋ ᓇᑕᐌᓕᑕᒧᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᐗᑯ ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:13

ᐌᓴ ᑮᔥᐱᓐ ᐎᔮᓯᐎᓂᒃ ᐃᔑ ᐱᒫᑎᓯᔦᑴ, ᑭ ᑳ ᓂᐱᓇᐗᐤ: ᒫᑲ ᑮᔥᐱᓐ ᐋᒑᒃ ᐅᒋ ᓂᔑᐗᓈᒋᑖᔦᑴ ᒥᔭᐎ ᐃᔑᑣᐎᓇ, ᑭ ᑳ ᐱᒫᑎᓯᓇᐗᐤ᙮

ᐅᐸᓓᑭᔅ ᓘᒃ 14:13

ᒫᑲ ᒣᑯᔐᔭᓂ, ᓇᑐᒥᒃ ᑳ ᑭᑎᒫᑭᓯᒋᒃ, ᑳ ᒫᔅᑭᓯᒋᒃ, ᐁᑳ ᑳ ᓂᑕᐅᑌᒋᒃ, ᐁᑳ ᑳ ᐋᐱᒋᒃ:

ᓂᔥᑕᒻ ᐱᑕᕐ 2:1

ᐁᐗᑯ ᐅᒋ, ᐁ ᐃᑲᑌᓇᒣᒃ ᒥᓯᐌ ᑭᒧᒋᐸᒀᑎᑐᐎᓐ, ᓀᔥᑕ ᒥᓯᐌ ᑲᑳᔦᓕᓯᐎᓐ, ᓀᔥᑕ ᐋᔭᒥᐁᑳᓱᐎᓇ, ᓀᔥᑕ ᐅᑌᓕᒥᑐᐎᓇ, ᓀᔥᑕ ᒥᓯᐌ ᒪᒋ ᐋᔭᒥᐎᓇ,

ᓂᔥᑕᒻ ᑯᕆᓐᑎᐊᓇ 9:27

ᒫᑲ ᓂ ᑎᐯᓕᑌᓐ ᓂᔭᐤ, ᓂ ᔕᑯᒋᑖᓐ ᒫᑲ; ᑫᑲ ᓂᑯᑐ ᐃᑭᒃ, ᐃᔅᐱ ᑮ ᑲᑫᔅᑭᒪᑭᒃ ᑯᑕᑭᔭᒃ, ᓂᓚ ᑫᒋᐙᒃ ᑭᒋ ᐌᐱᓂᑳᐎᔮᓐ᙮

ᐅᐸᓓᑭᔅ ᓘᒃ 14:21

ᐁᑯ ᐊᓇ ᐊᑑᔅᑫᓛᑲᓐ ᐱᐁᒋ ᐙᐸᑎᓛᑦ ᐅᑦ ᐅᑭᒫᒪ ᐅᐅ ᑫᒀᓇ᙮ ᐁᑯ ᒫᑲ ᐊᓇ ᑳ ᑎᐯᓕᑕᒃ ᐙᔅᑳᔨᑲᓂᓕᐤ, ᐁ ᑭᓯᐙᓯᑦ, ᑮ ᐃᑌᐤ ᐅᑦ ᐊᑑᔅᑫᓛᑲᓂᒪ, ᑭᓕᐱ ᐃᑐᑌ ᐱᒧᑌᔅᑲᓈᒃ ᓀᔥᑕ ᐱᒧᑌᔅᑲᓈᔑᒃ ᐃᑖᐎᓂᒃ ᑳ ᐃᑕᑾᑭ, ᐯᒋ ᐱᑐᑳᐃᒃ ᐅᑕ ᒫᑲ ᑳ ᑭᑎᒫᑭᓯᒋᒃ ᓀᔥᑕ ᑳ ᒫᔅᑭᓯᒋᒃ, ᓀᔥᑕ ᐁᑳ ᑳ ᓂᑖᐅᑌᒋᒃ, ᓀᔥᑕ ᐁᑳ ᑳ ᐙᐱᒋᒃ᙮

ᐅᐸᓓᑭᔅ ᒫᑎᐤ 17:27

ᐁᓕᐌᒃ ᒫᑲ, ᐁᑳ ᑭᒋ ᑭᔑᐗᐊᑯᒃ, ᐃᑐᑌ ᑭᒋᑲᒦᒃ, ᐸᑲᔅᑕᐌᐋ ᒀᔅᑴᐱᒋᑲᓐ ᒫᑲ, ᐅᑎᓐ ᓀᔥᑕ ᐊᓇ ᓇᒣᔅᓃᔥᑕᒻ ᑫ ᒀᔅᑴᐱᑕᑦ; ᐃᔅᐱ ᒫᑲ ᑭ ᐋᐸᐊᒶᑌ ᐅᑐᓐ, ᑭ ᑳ ᒥᔅᑲᐗᐤ ᔔᓕᐋᓐ: ᐁᐗᑯ ᐅᑎᓐ, ᒥᓕᒃ ᒫᑲ ᓂᓚ ᓀᔥᑕ ᑭᓚ ᐅᒋ᙮

ᐅᐸᓓᑭᔅ ᒫᕐᒃ 9:44

ᐃᑕ ᐅ ᒪᓂᒍᔑᒥᐙᐗ ᐁᑳ ᑫ ᓂᐱᓕᒋ, ᓀᔥᑕ ᐃᔥᑯᑌᐤ ᐁᑳ ᑫ ᐋᔅᑕᐌᒃ᙮

ᐅᐸᓓᑭᔅ ᓘᒃ 3:17

ᐅ ᐺᔮᔅᒋᒋᑲᓐ ᑕᑯᓇᒻ ᐅᒋᒌᒃ, ᒥᑐᓂ ᒫᑲ ᑲᑕ ᐹᔦᑭᑕᐤ ᐃᑕ ᐁ ᐃᔑ ᐸᑭᑎᓂᒥᒋ ᐅ ᐸᑴᔑᑲᓂᒥᓇ, ᑲᑕ ᒫᐗᒋᑕᐤ ᒫᑲ ᐸᑴᔑᑲᓂᒥᓇ ᐅ ᐸᑴᔑᑲᓂᑲᒥᑯᒃ; ᒫᑲ ᑲᑕ ᐃᔅᒀᓴᒻ ᓯᑭᐌᐸᓕᒋᑲᓂᓕᐤ ᐃᔥᑯᑌᒃ ᐁᑳ ᑫ ᐋᔅᑕᐌᓕᒃ᙮