ᐅᐸᓓᑭᔅ ᒫᕐᒃ 9:31 - ᐅᔅᑭ ᑎᔅᑌᒥᓐᑦ

³¹ ᐌᓴ ᑮ ᑭᔅᑭᓄᐊᒪᐌᐤ ᐅ ᑭᔅᑭᓄᐊᒪᐙᑲᓇ, ᓀᔥᑕ ᑮ ᐃᑌᐤ, ᐃᓕᓕᐎᑯᓯᓵᓐ ᐸᑭᑎᓇᐤ ᐅᒋᒋᓕᒃ ᐃᓕᓕᐗ, ᑲᑕ ᓂᐸᔨᑯ ᒫᑲ, ᐃᔅᐱ ᒫᑲ ᑮ ᓂᐸᐋᑲᓂᐎᑌ, ᑲᑕ ᐗᓂᔥᑲᐤ ᓂᔅᑐ ᑭᔑᑳᓕᑫ᙮

ᐅᐸᓓᑭᔅ ᒫᕐᒃ 9:31 Referans Kwoze

ᐅᐸᓓᑭᔅ ᒫᑎᐤ 16:21

ᐁᑯᔅᐱ ᐅᒋ ᒋᓴᔅ ᑮ ᒫᒋ ᐙᐸᑎᓓᐤ ᐅ ᑭᔅᑭᓄᐊᒪᐙᑲᓇ, ᒋᕉᓴᓚᒥᒃ ᑭᒋ ᐃᑐᑌᑦ, ᓀᔥᑕ ᑭᒋ ᐗᐎᓴᑫᓕᑕᒥᐃᑯᑦ ᒥᒉᑦ ᑫᒀᓇ ᐊᓂᐃ ᑳ ᓂᑳᓀᓕᑖᑯᓯᓕᒋ ᓀᔥᑕ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐅᒪᓯᓇᐃᑫᐗ, ᓀᔥᑕ ᑭᒋ ᓂᐸᐋᑲᓂᐎᑦ, ᒥᓇ ᒫᑲ ᑭᒋ ᐗᓂᔥᑳᓈᑲᓂᐎᑦ ᓂᔅᑐ ᑭᔑᑳᓕᑫ᙮

ᐅᐸᓓᑭᔅ ᒫᕐᒃ 9:12

ᑮ ᓇᔥᑴᐗᔑᐁᐤ ᒫᑲ, ᐁ ᐎᑕᒪᐙᑦ, ᐃᓛᐃᒐ ᑖᐺ ᓃᔥᑕᒻ ᑕᑯᔑᓐ, ᓀᔥᑕ ᒥᓗᑕᐤ ᒥᓯᐌ ᑫᒀᓇ; ᓀᔥᑕ ᐁ ᐃᑕᓯᓇᐃᑳᑌᓕᒃ ᐃᓕᓕᐎᑯᓯᓵᓐ ᐅᒋ, ᑭᒋ ᐙᐎᓴᑫᓕᑕᒃ ᒥᒉᑦ ᑫᒀᓇ, ᓀᔥᑕ ᑭᒋ ᐋᑕᐌᓕᒫᑲᓂᐎᑦ᙮

ᐅᐸᓓᑭᔅ ᒫᕐᒃ 8:31

ᑮ ᒫᒋ ᑭᔅᑭᓄᐊᒪᐌᐤ ᒫᑲ, ᐃᓕᓕᐎᑯᓯᓵᓐ ᑭᒋ ᐙᐎᓴᑫᓕᑕᒃ ᒥᒉᑦ ᑫᒀᓇ ᓀᔥᑕ ᑭᒋ ᐋᑕᐌᓕᒥᑯᑦ ᐊᓂᐃ ᑳ ᓂᑳᓀᓕᑖᑯᓯᓕᒋ, ᓀᔥᑕ ᑭᒋ ᓵᓵᑭᐎᓕᐌᐎᓕᓕᐗ, ᓀᔥᑕ ᐅᒪᓯᓇᐃᑫᐗ, ᓀᔥᑕ ᑭᒋ ᓂᐸᐋᑲᓂᐎᑦ; ᒥᓇ ᒫᑲ ᑭᒋ ᐗᓂᔥᑳᑦ ᑮ ᓂᔅᑐ ᑭᔑᑳᓕᑫ᙮

ᐅᐸᓓᑭᔅ ᓘᒃ 24:26

ᓇᒪ ᓈ ᙭ ᑲᑕ ᑮ ᐎᓴᑫᓕᑕᒧᐸᓐ ᐅᐅ ᑫᒀᓇ, ᐁᑯ ᑭᒋ ᐱᑐᑫᑦ ᐅ ᑭᔅᑌᓕᑖᑯᓯᐎᓂᒃ?

ᐅᐸᓓᑭᔅ ᒫᑎᐤ 26:2

ᑭ ᑭᔅᑫᓕᑌᓇᐗᐤ ᑮ ᓂᔓ ᑭᔑᑳᑫ ᑫ ᒥᔮᔥᑳᑫᐎ ᒪᑯᔖᓂᐗᒃ, ᐃᓕᓕᐎᑯᓯᓵᓐ ᒫᑲ ᐙᔦᔑᐸᑭᑎᓇᐤ ᑭᒋ ᒋᔅᑖᔅᑾᐙᑲᓂᐎᑦ᙮

ᐅᐸᓓᑭᔅ ᒫᑎᐤ 20:28

ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᓂᔓ ᑎᒧᑎ 2:12

ᑮᔥᐱᓐ ᐎᓴᑫᓕᑕᒥᐃᑲᐎᔭᒃ, ᐊᓯᒋ ᓀᔥᑕ ᑭ ᑳ ᐎᒋᑎᐯᓕᒋᑫᒫᓇᐤ; ᑮᔥᐱᓐ ᐋᓉᑕᐗᒃ, ᐎᓚ ᓀᔥᑕ ᑭ ᑳ ᐋᓉᑖᑯᓇᐤ:

ᐅᐸᓓᑭᔅ ᒑᓐ 10:18

ᓇᒪᐎᓚ ᐊᐌᓇ ᓂ ᒪᔅᑲᒥᒃ, ᒫᑲ ᓂ ᐱᒥᑎᑖᓐ ᓂᓚ ᑫᒋᐙᒃ᙮ ᓂᑦ ᐋᔮᓐ ᑲᔥᑭᐅᐎᓐ ᑭᒋ ᐱᒥᑎᑖᔮᓐ, ᓀᔥᑕ ᓂᑦ ᐋᔮᓐ ᑲᔥᑭᐅᐎᓐ ᒥᓇ ᑭᒋ ᐅᑎᓇᒫᓐ᙮ ᐅᒪ ᐅᓚᔓᐌᐎᓐ ᓂ ᑮ ᒥᓕᒃ ᓄᑖᐎ᙮

ᐅᐸᓓᑭᔅ ᒑᓐ 3:14

ᑖᐱᔅᑯᒡ ᓀᔥᑕ ᒧᓯᔅ ᑳ ᑮ ᐃᔑ ᐅᐱᓈᑦ ᒥᔑᑭᓀᐱᑾ ᐸᑾᑕᔅᑲᒥᑳᒃ, ᐁᑯ ᑖᐱᔅᑯᒡ ᑫ ᐃᔑ ᐅᐱᓈᑲᓂᐎᑦ ᐃᓕᓕᐎᑯᓯᓵᓐ:

ᐅᐸᓓᑭᔅ ᒑᓐ 2:19

ᒋᓴᔅ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᓂᔑᐗᓈᒋᑖᒃ ᐅᒪ ᑭᒋᐊᔭᒥᐁᐎᑲᒥᒃ, ᑮ ᓂᔅᑐ ᑭᔑᑳᑫ ᒫᑲ ᓂ ᑳ ᐗᓂᔥᑳᓀᓐ᙮

ᐅᐸᓓᑭᔅ ᓘᒃ 9:44

ᐁᑯᔑ ᐅᐅ ᐃᑗᐎᓇ ᑲᑕ ᑭᒋᑕᐎᐸᓕᐗ ᑭᑕᐗᑳᐙᒃ; ᐌᓴ ᐃᓕᓕᐎᑯᓯᓵᓐ ᑲᑕ ᐸᑭᑎᓇᐤ ᐃᓕᓕᐗ ᐅᒋᒋᓕᒃ᙮

ᐅᐸᓓᑭᔅ ᒫᑎᐤ 27:63

ᐁ ᐃᑗᒋᒃ, ᐅᑭᒪᐤ, ᓂ ᑭᔅᑭᓯᓈᓐ ᐊᓇ ᐊᐙᔦᔑᒥᐌᐤ ᐁ ᑮ ᐃᑗᑦ, ᒣᒀᒡ ᑫᔮᐸᒡ ᐁ ᐱᒫᑎᓰᑦ, ᑮ ᓂᔅᑐ ᑭᔑᑳᑫ ᒥᓇ ᓂ ᑳ ᐗᓂᔥᑳᓐ᙮

ᐅᐸᓓᑭᔅ ᒫᕐᒃ 10:34

ᑲᑕ ᐋᔭᓵᒋᐁᐗᒃ ᒫᑲ, ᓀᔥᑕ ᑲᑕ ᐸᐸᓴᔅᑌᐌᐗᒃ, ᓀᔥᑕ ᑲᑕ ᓯᒀᑌᐗᒃ; ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑲᐤ᙮