ᐅᐸᓓᑭᔅ ᒫᕐᒃ 8:38 - ᐅᔅᑭ ᑎᔅᑌᒥᓐᑦ

³⁸ ᐁᐗᑯ ᐅᒋ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐊᓄᒡ ᒣᒀᒡ ᐁ ᐱᔑᒀᑎᓱᐎ ᓀᔥᑕ ᒪᒋᑡᐎ ᐱᒫᑎᓯᓈᓂᐗᒃ, ᐁᐗᑾᓂᐃ ᓀᔥᑕ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᓕᒃ ᐅᑖᐎᔭ, ᐊᓯᒋ ᐸᓓᑭ ᐁᓐᒐᓚᒃ᙮

ᐅᐸᓓᑭᔅ ᒫᕐᒃ 8:38 Referans Kwoze

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:16

ᐌᓴ ᓇᒪᐎᓚ ᓂ ᓇᓀᐯᐎᓰᔅᑕᒸᓐ ᐅ ᒥᓗᐋᒋᒧᐎᓐ ᙭: ᐌᓴ ᐁᐗᑯ ᐅ ᑲᔥᑭᐅᐎᓐ ᑭᒋᒪᓂᑐ ᐁ ᐱᒫᒋᐃᑯᒋᒃ ᒥᓯᐌ ᐊᓂᑭ ᑳ ᑖᐺᑕᑭᒃ; ᓃᔥᑕᒻ ᐊᓇ ᑳ ᒎᐎᑦ, ᐊᓯᒋ ᓀᔥᑕ ᐊᓇ ᑳ ᒃᕆᑭᐎᑦ᙮

ᓂᔥᑕᒻ ᒑᓐ 2:23

ᐊᐌᓇ ᐃᐋᓉᑕᐙᑴ ᐅᑯᓯᓯᒪᐗ, ᐁᐗᑯ ᓇᒪᐎᓚ ᐋᔭᐌᐤ ᐅᑖᐎᒪᐗ: ᒫᑲ ᐊᓇ ᑳ ᐙᐎᑕᒫᑫᑦ ᐅᑯᓯᓯᒪᐗ, ᐊᔭᐌᐤ ᐅᑖᐎᒪᐗ ᐊᓯᒋ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:4

ᑭᓚᐗᐤ ᐱᔑᒀᑎᓰᔅᑐᒃ ᓀᔥᑕ ᐱᔑᒀᑎᔅᑴᑐᒃ, ᓇᒪ ᓈ ᑭ ᑭᔅᑫᓕᑌᓇᐗᐤ ᐅᒪ ᐊᔅᑭ ᐅᑐᑌᒥᐌᐎᓐ ᐁᐗᑯ ᐌᒋ ᐸᒀᑖᑲᓂᐎᑦ ᑭᒋᒪᓂᑐ? ᐊᐌᓇ ᒫᑲ ᑫ ᐎ ᐅᑐᑌᒥᒥᑦ ᐊᔅᑭ, ᐸᒀᑌᐤ ᑭᒋᒪᓂᑐᐗ᙮

ᐅᐸᓓᑭᔅ ᓘᒃ 9:26

ᐌᓴ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐁᐗᒀᓂᐃ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᑎᐱᓚᐌ ᐅ ᑭᔅᑌᓕᑖᑯᓯᐎᓂᒃ, ᓀᔥᑕ ᐅᑖᐎᔭ, ᓀᔥᑕ ᐊᓂᐃ ᑳ ᐸᓓᑭᓯᓕᒋ ᐁᓐᒐᓚ᙮

ᓂᔓ ᑎᒧᑎ 1:8

ᐁᐗᑯ ᐅᒋ ᐁᑳᐎᓚ ᓇᓀᐯᐎᓰᔅᑕᒻ ᐅ ᑎᐹᒋᒧᐎᓐ ᑭ ᑎᐯᓕᒋᑫᒥᓇᐤ, ᐁᑳ ᓀᔥᑕ ᓂᓚ ᐅᒋ ᐅ ᑭᐸᐙᑲᓇ: ᒫᑲ ᐎᒋᐅᑎᓇ ᑲᒀᑕᑭᓯᐎᓇ ᒥᓗᐋᒋᒧᐎᓂᒃ ᑳ ᐅᒋᐸᓕᑭ, ᑳ ᐃᑕᔅᑌᓕᒃ ᑭᒋᒪᓂᑐ ᐅ ᑲᔥᑭᐅᐎᓐ;

ᐅᐸᓓᑭᔅ ᒫᑎᐤ 26:64

ᒋᓴᔅ ᐃᑌᐤ, ᑭ ᑮ ᐃᑣᓐ: ᐁᓕᐌᒃ ᒫᑲ ᑭᑦ ᐃᑌᓇᐗᐤ, ᐹᑎᒫ ᑭ ᑳ ᐙᐸᒪᐤ ᐃᓕᓕᐎᑯᓯᓵᓐ ᐁ ᐊᐱᑦ ᑭᒋᓂᔅᑮᒃ ᑲᔥᑭᐅᐎᓂᒃ, ᓀᔥᑕ ᐁ ᐯᒋ ᐃᑐᑌᑦ ᑭᒋᑭᔑᑳᐎ ᐗᔅᑯᒃ᙮

ᐅᐸᓓᑭᔅ ᒫᑎᐤ 16:27

ᐌᓴ ᐃᓕᓕᐎᑯᓯᓵᓐ ᑲᑕ ᐯᒋ ᐃᑐᑌᐤ ᐅᑖᐎᔭ ᐅ ᑭᔅᑌᓕᑖᑯᓯᐎᓂᓕᒃ, ᐊᓯᒋ ᐅᑦ ᐁᓐᒐᓕᒪ; ᐁᑯ ᒫᑳ ᑫ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᑮ ᐊᑑᔅᑫᓕᒋ᙮

ᐦᐃᑉᕉᐗ 11:26

ᐅ ᒫᓓᓕᒥᑯᓯᐎᓐ ᙭ ᐁ ᐃᑌᓕᑕᒃ ᐊᐙᓯᑌ ᐁ ᒥᔕᑭᓯᐎᓂᐗᓂᓕᒃ ᐃᔥᐱᔥ ᐊᓂᐃ ᐌᓗᑎᓯᐎᓇ ᑳ ᐃᑕᑾᓂᓕᑭ ᐃᒋᑉᑎᒃ: ᐌᓴ ᑮ ᒫᒥᑐᓀᓕᑕᒻ ᐁ ᐃᔑᓈᑾᓂᓕᒃ ᑎᐸᐊᒫᑯᓯᐎᓂᓕᐤ᙮

ᐦᐃᑉᕉᐗ 11:16

ᒫᑲ ᐁᑯ ᓀᑕᐌᓕᑕᑭᒃ ᓇᐗᒡ ᑳ ᒥᓨᔑᓂᓕᒃ ᐊᔅᑭᓕᐤ, ᐁᐗᑴᓕᐤ, ᑳ ᑭᒋᑭᔑᑳᐗᓂᓕᒃ: ᐁᐗᑯ ᒫᑲ ᐅᒋ ᑭᒋᒪᓂᑐ ᓇᒪᐎᓚ ᓇᓀᐯᐎᓯᐤ ᐅ ᑭᒋᒪᓂᑐᒥᐗᐗ ᑭᒋ ᐃᔑᓂᑳᓱᑦ; ᐌᓴ ᑮ ᐋᔦᔅᑲᐎᑕᒪᐌᐤ ᐃᑖᐎᓂᓕᐤ᙮

ᓂᔓ ᑎᒧᑎ 1:12

ᐁᐗᑯ ᑳ ᐅᒋ ᐎᓴᑫᓕᑕᒫᓐ ᐅᐅ ᑫᒀᓇ: ᐁᓕᐌᒃ ᒫᑲ, ᓇᒪᐎᓚ ᓂ ᓇᓀᐯᐎᓰᓐ, ᐌᓴ ᓂ ᑭᔅᑫᓕᒪᐤ ᐊᓇ ᑳ ᑮ ᑖᐺᔦᓕᒪᒃ, ᓀᔥᑕ ᓂ ᑫᒋᓇᐅᓐ ᐁ ᑲᔥᑭᑖᑦ ᑭᒋ ᑲᓇᐌᓕᑕᒃ ᐊᓂᒪ ᑳ ᑮ ᐸᑭᑎᓇᒪᐗᒃ ᐱᓕᔥ ᐁᐗᑯ ᐁ ᑭᔑᑳᒃ᙮

ᐅᐸᓓᑭᔅ ᒫᑎᐤ 12:39

ᒫᑲ ᐁ ᓇᔥᑴᐗᔑᐋᑦ ᑮ ᐃᑌᐤ, ᒪᒋ ᓀᔥᑕ ᐱᔑᒀᑎᓯᐎ ᐃᓕᓕᐗᒃ ᓈᓇᑕᐌᓕᑕᒶᒃ ᑭᔅᑭᓄᐙᒋ ᐙᐸᑎᓕᐌᐎᓂᓕᐤ; ᓇᒪᐎᓚ ᒫᑲ ᑭᔅᑭᓄᐙᒋ ᐙᐸᑎᓕᐌᐎᓂᓕᐤ ᑲᑕ ᒥᓛᐗᒃ, ᐱᑯ ᐊᓇ ᐅᑭᔅᑭᐙᐃᑫᐤ ᒍᓇ ᐅ ᑭᔅᑭᓄᐙᒋ ᐙᐸᑎᓕᐌᐎᓐ᙮

ᐅᐸᓓᑭᔅ ᒑᓐ 1:51

ᐃᑌᐤ ᓀᔥᑕ, ᑖᐺ, ᑖᐺ, ᑭᑦ ᐃᑎᓇᐗᐤ, ᐹᑎᒫ ᑭ ᑳ ᐙᐸᑌᓇᐗᐤ ᑭᒋᑭᔑᒃ ᐁ ᐹᔅᑭᑌᓂᑳᑌᒃ, ᓀᔥᑕ ᑭᒋᒪᓂᑐ ᐅᑦ ᐁᓐᒐᓕᒪ ᐁ ᐅᐱᔅᑮᔅᑕᐙᓕᒋ ᓀᔥᑕ ᐁ ᓛᔑᔅᑕᐙᓕᒋ ᐃᓕᓕᐎᑯᓯᓵᓇ᙮

ᐅᐸᓓᑭᔅ ᒫᑎᐤ 25:31

ᐃᔅᐱ ᐃᓕᓕᐎᑯᓯᓵᓐ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᒃ, ᓀᔥᑕ ᒥᓯᐌ ᐸᓓᑭ ᐁᓐᒐᓚᒃ ᐊᓯᒋ, ᐁᑯ ᑫ ᐊᐱᑦ ᐅ ᑭᔅᑌᓕᑖᑯᓯᐎ ᐅᑭᒪᐗᐱᐎᓂᒃ:

ᐅᐸᓓᑭᔅ ᒫᑎᐤ 24:30

ᐁᑯ ᒫᑲ ᑫ ᓄᑾᓂᓕᒃ ᐅ ᑭᔅᑭᓄᐙᒋ ᐙᐸᑎᓕᐌᐎᓐ ᐃᓕᓕᐎᑯᓯᓵᓐ ᑭᔑᑯᒃ: ᐁᑯ ᒫᑲ ᒥᓯᐌ ᐁ ᐃᑕᑐᑌᐎᓯᒋᒃ ᐃᓕᓕᐗᒃ ᐅᑕ ᐊᔅᑮᒃ ᑫ ᓇᓀᑳᑌᓕᒧᒋᒃ, ᑲᑕ ᐙᐸᒣᐗᒃ ᒫᑲ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᑭᒋᑭᔑᑳᐎ ᐗᔅᑯᒃ, ᑲᔥᑭᐅᐎᓂᒃ ᓀᔥᑕ ᑭᒋ ᑭᔅᑌᓕᑖᑯᓯᐎᓂᒃ᙮

ᐅᐸᓓᑭᔅ ᓘᒃ 19:26

ᐌᓴ ᑭᑦ ᐃᑎᓇᐗᐤ, ᒥᓯᐌ ᑕᑐ ᐊᐌᓇ ᑳ ᐋᔮᑦ ᑲᑕ ᒥᓛᑲᓂᐎᐤ: ᐊᓇ ᒫᑲ ᐁᑳ ᑳ ᐋᔮᑦ ᐋᐳᒋᑲ ᐊᓂᐁᓕᐤ ᑳ ᐋᔮᑦ ᑲᑕ ᒪᔅᑲᒫᑲᓂᐎᐤ᙮

ᐅᐸᓓᑭᔅ ᒫᑎᐤ 13:41

ᐃᓕᓕᐎᑯᓯᓵᓐ ᑲᑕ ᑭᒋᑎᔕᐌᐤ ᐅᑦ ᐁᓐᒐᓕᒪ, ᐎᓚᐗᐤ ᒫᑲ ᑲᑕ ᒫᐗᒋᑖᐗᒃ ᒥᓯᐌ ᑫᒀᓕᐤ ᑳ ᓈᔦᑕᐌᓕᑖᑾᓂᓕᒃ, ᐊᓂᐃ ᓀᔥᑕ ᑳ ᒪᒋᑐᑕᒥᓕᒋ;

ᐦᐃᑉᕉᐗ 13:13

ᐁᐗᑯ ᐅᒋ ᐁᑯᔑ ᐗᓚᐎᑎᒥᒃ ᑲᐯᔑᐎᓂᒃ ᓇᑕᐎ ᓈᑖᑕᐤ, ᐁ ᓇᔭᑕᒶᒃ ᐅ ᓇᓀᐯᐎᐃᑯᓯᐎᓐ᙮

ᓂᔓ ᑎᒧᑎ 1:16

ᐅᑎᐯᓕᒋᑫᐤ ᑲᑕ ᐎ ᒥᓓᐤ ᔕᐌᓕᒋᑫᐎᓂᓕᐤ ᐁᑕᓯᓕᒋ ᐎᑭᓕᒃ ᐅᓂᓯᐳᕋᔅ; ᐌᓴ ᒥᒉᑡᐤ ᓂ ᑮ ᒥᓜᓕᑕᒥᐃᒃ, ᓇᒪ ᓀᔥᑕ ᑮ ᓇᓀᐯᐎᓯᔅᑕᒻ ᓂ ᑕᑯᐱᓱᐎᓈᐱᔉ;

ᑲᓓᔕᐊᓇ 6:14

ᒫᑲ ᑭᒋᒪᓂᑐ ᑲᑕ ᐎ ᑭᐱᒋᑕᐤ ᓂᓚ ᑭᒋ ᒫᒪᑖᑯᒧᔮᓐ, ᐱᑯ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᑦ ᐋᔑᑌᐋᑎᑯᒻ ᐅᒋ, ᑳ ᐅᒋ ᒋᔅᑖᔅᑾᐊᒫᑲᐎᔮᓐ ᐊᔅᑭ, ᓂᓚ ᓀᔥᑕ ᐊᔅᑮᒃ ᐃᔑ᙮

ᐊᐸᔅᑕᓚᒃ 5:41

ᑮ ᑭᑐᑌᐙᒃ ᒫᑲ ᐅᑎᔥᑲᐤ ᐊᓂᐃ ᑳ ᒥᐗᒋᐃᑐᓕᒋ ᐅᒋ, ᐁ ᓯᑭᓓᓯᒋᒃ ᐁ ᑮ ᐃᑕᑭᒥᒋᒃ ᐁ ᑌᐸᑫᓕᑖᑯᓯᒋᒃ ᑭᒋ ᒧᔑᑖᒋᑲ ᓀᐯᐎᓯᐎᓂᓕᐤ ᐅᑦ ᐃᔑᓂᑳᓱᐎᓂᓕᐤ ᐅᒋ,

ᐅᐸᓓᑭᔅ ᒑᓐ 12:34

ᐃᓕᓕᐗᒃ ᑮ ᓇᔥᑴᐗᔑᐁᐗᒃ, ᓂ ᑮ ᐯᑌᓈᓐ ᐅᓚᔓᐌᐎᓂᒃ ᐅᒋ ᙭ ᐁ ᐃᑖᑦ ᑳᑭᑫ: ᑖᓀᑭ ᒫᑲ ᐌᒋ ᐃᑗᔭᓐ ᑭᓚ, ᐃᓕᓕᐎᑯᓯᓵᓐ ᑭᒋ ᐅᐱᓈᑲᓂᐎᑦ? ᐊᐌᓇ ᐊᐗ ᐃᓕᓕᐎᑯᓯᓵᓐ?

ᐅᐸᓓᑭᔅ ᒑᓐ 5:27

ᑮ ᒥᓓᐤ ᒫᑲ ᑎᐯᓕᒋᑫᐎᓂᓕᐤ ᑭᒋ ᑎᐹᔅᑯᓂᑫᓕᒋ ᓀᔥᑕ, ᐁ ᐃᓕᓕᐎᑯᓯᓵᓂᐎᓕᒋ᙮

ᐅᐸᓓᑭᔅ ᒑᓐ 1:14

ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒫᕐᒃ 14:62

ᒋᓴᔅ ᒫᑲ ᑮ ᐃᑗᐤ, ᐁᐁ ᓂᑦ ᐋᐐᓐ: ᑭ ᑳ ᐙᐸᒫᐗᐤ ᒫᑲ ᐃᓕᓕᐎᑯᓯᓵᓐ ᐁ ᐊᐱᑦ ᑭᒋᓂᔅᑮᒃ ᑲᔥᑭᐅᐎᓂᒃ, ᓀᔥᑕ ᐁ ᐯᒋ ᐃᑐᑌᑦ ᑭᒋᑭᔑᑳᐎ ᐗᔅᑯᒃ᙮

ᐅᐸᓓᑭᔅ ᒫᑎᐤ 16:4

ᒪᒋ ᓀᔥᑕ ᐱᔑᒀᑎᓯᐎ ᐃᓕᓕᐗᒃ ᓈᓇᑕᐌᓕᑕᒶᒃ ᑭᔅᑭᓄᐙᒋ ᐙᐸᑎᓕᐌᐎᓂᓕᐤ; ᒫᑲ ᓇᒪᐎᓚ ᑲᑕ ᒥᓛᐗᒃ ᑭᔅᑭᓄᐙᒋ ᐙᐸᑎᓕᐌᐎᓂᓕᐤ, ᐱᑯ ᐊᓇ ᐅᑭᔅᑭᐙᐃᑫᐤ ᒍᓇ ᐅ ᑭᔅᑭᓄᐙᒋ ᐙᐸᑎᓕᐌᐎᓐ᙮ ᐁᑯ ᒫᑲ ᓀᑲᑖᑦ, ᑮ ᑭᑐᑌᐤ ᒫᑲ᙮

ᐅᐸᓓᑭᔅ ᒫᑎᐤ 8:20

ᒋᓴᔅ ᐃᑌᐤ ᒫᑲ, ᒪᑫᓯᐗᒃ ᐙᑎᐗᒃ, ᐱᓓᓯᐗᒃ ᓀᔥᑕ ᑳ ᐹᐸᒥᓚᒋᒃ ᐗᒋᔅᑐᓂᐗᒃ; ᒫᑲ ᐃᓕᓕᐎᑯᓯᓵᓐ ᓇᒪᐎᓚ ᐋᔭᐤ ᐃᑕ ᑫ ᐱᒥᑎᑖᑦ ᐅᔅᑎᒀᓐ᙮

ᐅᐸᓓᑭᔅ ᒫᑎᐤ 16:28

ᑖᐺ ᑭᑦ ᐃᑎᓇᐗᐤ, ᐅᑕ ᓂᐸᐎᐗᒃ ᐋᑎᑦ, ᐁᑳ ᑫ ᑯᒋᔅᑕᑭᒃ ᓂᐱᐎᓂᓕᐤ, ᐹᑎᒫ ᑮ ᐙᐸᒫᑣᐌ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᐅᑦ ᐅᑭᒫᐎᐎᓂᓕᒃ᙮

ᐅᐸᓓᑭᔅ ᒫᕐᒃ 8:37

ᓀᔥᑕᐱᑯ ᑫᒀᓕᐤ ᑫ ᒥᓕᐌᑦ ᐃᓕᓕᐤ, ᒦᔅᑯᒡ ᐅᑦ ᐊᒑᑾ?

ᐅᐸᓓᑭᔅ ᒫᕐᒃ 13:26

ᐁᑯ ᒫᑲ ᑫ ᐙᐸᒫᒋᒃ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᐗᔅᑯᒃ, ᑭᒋ ᑲᔥᑭᐅᐎᓂᒃ ᓀᔥᑕ ᑭᔅᑌᓕᑖᑯᓯᐎᓂᒃ᙮

ᐊᐸᔅᑕᓚᒃ 10:22

ᑮ ᐃᑗᐗᒃ ᒫᑲ, ᑳᕐᓂᓕᔭᔅ ᑳ ᓇᑐᐸᓕᐎ ᐅᑭᒫᐎᑦ, ᒀᔭᔉ ᑳ ᐃᑎᑦ ᐃᓕᓕᐤ, ᓀᔥᑕ ᐊᐌᓇ ᑳ ᓇᓂᒋᔅᑕᐙᑦ ᑭᒋᒪᓂᑐᐗ, ᓀᔥᑕ ᑳ ᒥᓨᒋᒥᑯᑦ ᒥᓯᐌ ᒫᒪᐤ ᐁ ᑕᑐᔅᑲᓀᓯᓕᒋ ᐊᓂᐃ ᒎᐗ, ᑮ ᐎᑕᒫᑯ ᑭᒋᒪᓂᑐᐗ ᐸᓓᑭ ᐁᓐᒐᓚ ᐅᒋ, ᑭᒋ ᓇᑐᒥᔉ ᐊᓐᑕ ᐅ ᐎᑭᓕᒃ, ᑭᒋ ᐯᑕᒃ ᒫᑲ ᐋᔭᒥᐎᓇ ᑭᓚ ᐅᒋ᙮

ᓂᔥᑕᒻ ᑌᓴᓗᓂᔭᓇ 2:19

ᐌᓴ ᑫᒀᓐ ᓂᑦ ᐊᔅᐯᓕᒧᐎᓂᓈᓐ, ᓀᔥᑕᐱᑯ ᓂ ᒥᓚᐙᑕᒧᐎᓂᓈᓐ, ᓀᔥᑕᐱᑯ ᓂ ᒧᒋᑫᓕᑕᒧᐎᓂ ᐊᔅᑐᑎᓂᓈᓐ? ᓇᒪ ᓈ ᑭᓚᐗᐤ, ᐁ ᑲᓇᐙᐸᒥᑖᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐯᒋ ᑕᑯᔑᑫ?

ᓂᔥᑕᒻ ᑌᓴᓗᓂᔭᓇ 3:13

ᑭᒋ ᐋᔨᒋᑖᑦ ᑭᑌᐃᐙᐗ ᐁᑳ ᑭᒋ ᐊᑕᒣᓕᑖᑯᓯᔦᒃ ᐸᓕᑭᓯᐎᓂᒃ, ᐅᑎᔥᑲᐤ ᑭᒋᒪᓂᑐ, ᑯᑖᐎᓇᐤ ᐅᑎ, ᐯᒋ ᑕᑯᔑᑫ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓯᒋ ᒥᓯᐌ ᐅ ᐸᓓᑭᓯᒪ᙮

ᓂᔥᑕᒻ ᒑᓐ 2:28

ᐁᑯ ᒫᑲ, ᐊᐱᔅᑕᐙᔑᔑᑐᒃ, ᑕᑭ ᐱᒋᔅᑲᐎᒃ; ᐃᔅᐱ ᓄᑯᓯᑌ, ᑭᒋ ᐋᔮᔦᒃ ᒪᔥᑲᐎ ᐊᔅᐯᓕᒧᐎᓐ, ᐁᑳ ᓀᔥᑕ ᑭᒋ ᓇᓀᐯᐎᓰᔅᑕᐌᒃ ᐯᒋ ᑕᑯᔑᑫ᙮

ᑭᔅᑫᓕᑖᑯᑖᑫᐎᓐ 14:10

ᐁᐗᒀᓇ ᑫ ᒥᓂᑴᑦ ᔓᒥᓈᐳᓕᐤ ᑭᒋᒪᓂᑐ ᐅᑦ ᐊᑯᓚᐌᓯᐎᓂᒃ ᑳ ᐅᒋᐸᓕᓕᒃ, ᑳ ᓯᑭᐌᐱᓂᑳᑌᓕᒃ ᐁᑳ ᐁ ᑭᓕᑲᐤᐃᓂᑳᑌᓕᒃ ᐅ ᑭᓯᐙᓯᐎᓂ ᒥᓂᒀᑲᓂᒃ: ᐃᔥᑯᑌᓕᐤ ᒫᑲ ᓀᔥᑕ ᐅᓵᐙᐱᔅᑯᓯᓂᔭ ᑮ ᐅᒋ ᑲᒀᑕᑭᓯᐗᒃ ᐁ ᑲᓇᐙᐸᒥᑯᒋᒃ ᐸᓓᑭ ᐁᓐᒐᓚ, ᐁ ᑲᓇᐙᐸᒥᑯᒋᒃ ᓀᔥᑕ ᒫᓂᔥᒑᓂᔑᔕ: