32 ᑮᒧᒡ ᒫᑲ ᑮ ᐃᑐᑌᐗᒃ ᐃᑕ ᐁ ᐸᑾᑌᓕᑖᑾᒃ ᓈᐱᒀᓂᒃ᙮
ᑣᔦᒃ ᒫᑲ ᑮ ᔖᑯᒋᒣᐤ ᐅ ᑭᔅᑭᓄᐊᒪᐙᑲᓇ ᑭᒋ ᐳᓯᓕᒋ ᓈᐱᒀᓂᒃ, ᓀᔥᑕ ᓂᑳᓐ ᑭᒋ ᐊᔓᐗᐊᒥᓕᒋ ᐯᑦᓭᑕᐃᒃ ᐃᔑ, ᒣᒀᒡ ᐁ ᑭᒋᑎᔕᐙᑦ ᐃᓕᓕᐗ᙮
ᐃᔅᐱ ᒫᑲ ᑫᒋᑎᔕᐙᒋᒃ ᒥᔮᒪᐎᒥᒉᑎᓕᒋ ᐃᓕᓕᐗ, ᑮ ᐅᑎᓀᐗᒃ ᐁ ᐃᔑ ᐋᔮᓕᒋ ᓈᐱᒀᓂᒃ: ᑮ ᐎᑕᐅᒥᑯ ᓀᔥᑕ ᑯᑕᑭᔭ ᓈᐱᒀᓂᔕ᙮
ᑮ ᐋᔭᒥᐁᐤ ᒫᑲ ᐅ ᑭᔅᑭᓄᐊᒪᐙᑲᓇ, ᓈᐱᒀᓂᔑᓕᐤ ᑭᒋ ᐋᔦᔅᑲᐗᔅᑌᓕᒃ, ᐁ ᒫᒪᐎᒥᒉᑎᓕᒋ ᐅᒋ, ᐁᑳ ᑭᒋ ᓯᑎᔥᑳᑯᑦ᙮
ᐃᓕᓕᐗᒃ ᒫᑲ ᑮ ᐙᐸᒣᐗᒃ ᐁ ᑭᑐᑌᓕᒋ, ᒥᒉᑦ ᒫᑲ ᑮ ᑭᔅᑫᓕᒣᐗᒃ, ᓀᔥᑕ ᐊᓐᑕ ᑮ ᒧᒋᐸᑖᐗᒃ ᒥᓯᐌ ᐃᑖᐎᓇ ᐅᒋ, ᑮ ᐋᑎᔥᑲᐌᐗᒃ ᒫᑲ, ᓀᔥᑕ ᑮ ᒫᒪᐎ ᓈᑌᐗᒃ᙮
ᑮ ᓈᑌᐤ ᒫᑲ ᓈᐱᒀᓂᒃ; ᑮ ᐳᓂᓗᐌᐤ ᒫᑲ: ᓈᔅᐱᒡ ᒫᑲ ᑮ ᑯᔥᑴᓕᑕᒶᒃ ᓀᔥᑕ ᐋᓕᐙᒃ ᑮ ᒫᒪᔅᑳᑕᒶᒃ᙮
ᑳ ᐳᓂᐸᓕᑭ ᐅᐅ ᒋᓴᔅ ᑮ ᐊᔓᐗᐊᒻ ᑳᓕᓕ ᑭᒋᑲᒥᓕᐤ, ᐁᐗᒀᓂ ᑕᐃᐱᕆᔭᔅ ᑭᒋᑲᒥ᙮
