24 ᒋᓴᔅ ᒫᑲ ᑮ ᐎᒉᐌᐤ; ᑮ ᓄᔅᐱᓈᑎᑯ ᓀᔥᑕ ᒥᒉᑦ ᐃᓕᓕᐗ, ᑮ ᓯᑎᔥᑳᑯ ᒫᑲ᙮
ᑮ ᐃᑎᑯ ᒫᑲ ᐅ ᑭᔅᑭᓄᐊᒪᐙᑲᓇ, ᑮ ᐙᐸᒪᐗᒃ ᒥᔮᒪᐎᒥᒉᑎᒋᒃ ᐃᓕᓕᐗᒃ ᐁ ᓯᑎᔥᑳᔅᑭᒃ, ᑭᑦ ᐃᑣᓐ ᓈ ᒫᑲ, ᐊᐌᓇ ᑳ ᓵᒥᓂᑦ?
ᐁᑯ ᒫᑲ ᒋᓴᔅ ᐙᒉᐙᑦ᙮ ᐃᔅᐱ ᒫᑲ ᐁᑳ ᐙᓚᐤ ᐁᑖᑦ ᐙᔅᑳᔨᑲᓂᒃ ᐅᒋ, ᑮ ᐃᔑᑎᔕᐊᒫᑯ ᓇᑐᐸᓕᐎᑭᒫᐗ ᐅᑐᑌᒥᓕᐗ, ᐁ ᐃᑎᑯᑦ, ᑌᐯᓕᒋᑫᔭᓐ, ᐁᑳᐎᓚ ᐊᓕᒥᐃᑎᓱ; ᐌᓴ ᓇᒪᐎᓚ ᓂ ᑌᐸᑫᓕᑖᑯᓯᓐ ᑭᒋ ᐯᒋ ᐱᑐᑫᔭᓐ ᓂ ᐙᔅᑳᔨᑲᓂᒥᒃ:
ᒥᓇ ᒫᑲ ᑮ ᐯᒋ ᒫᐗᒋᐃᑐᓕᐗ ᑳ ᒥᒉᑎᓕᒋ ᐃᓕᓕᐗ, ᐃᓕᑯᒃ ᐱᓕᔥ ᐁᑳ ᐁ ᑮ ᑐᑕᑭᒃ ᑭᒋ ᒧᐙᒋᒃ ᐊᓚᑯᓈᐗ᙮
ᑭᒋᒪᓂᑐ ᑳ ᐃᔑ ᑕᒫᔅᑯᓈᑦ ᒋᓴᓴ ᓈᓴᕋᑎᒃ ᑳ ᐅᒌᓕᒋ ᑳ ᐸᓓᑭᓯᓕᒋ ᐊᒑᑾ ᓀᔥᑕ ᓱᑳᑎᓯᐎᓂᓕᐤ ᐅᒋ; ᐊᓇ ᑳ ᐸᐹᐃᑐᑌᑦ ᐁ ᒥᓗᑐᑖᑫᑦ, ᓀᔥᑕ ᐁ ᒥᓇᐙᒋᐋᑦ ᒥᓯᐌ ᐊᓂᐃ ᑳ ᓇᓀᑳᒋᐃᑯᓕᒋ ᒪᒋᒪᓂᑐᐗ: ᐌᓴ ᑭᒋᒪᓂᑐᐗ ᑮ ᐎᒉᐎᑯ᙮
ᑮ ᑯᒋ ᐙᐸᒣᐤ ᒫᑲ ᒋᓴᓴ ᐊᐌᓕᐗ ᐃᐋᐎᓕᒋ; ᓇᒪᐎᓚ ᒫᑲ ᑮ ᑲᔥᑭᑕᐤ ᐁ ᐃᔥᐱᔑ ᓯᑎᔥᑳᑐᓈᓂᐗᓂᓕᒃ, ᐌᓴ ᑮ ᑕᑯᑳᐸᐎᐤ᙮
ᐁᑯ ᒣᒀᒡ, ᐃᔅᐱ ᑮ ᒪᐗᒋᐃᑐᒋᒃ ᐃᓕᓕᐗᒃ ᐃᔥᐱᔥ ᐁᑳ ᐁ ᑮ ᐊᑭᒫᑲᓂᐎᒋᒃ, ᐙᐙᒡ ᐁ ᑕᑯᔅᑳᑎᑐᒋᒃ, ᑮ ᒫᒋ ᐃᑌᐤ ᐅ ᑭᔅᑭᓄᐊᒪᐙᑲᓇ ᓃᔥᑕᒻ, ᔮᒀᒦᔅᑕᒸᒃ ᐸᕋᓯᔭᒃ ᐅ ᐱᓯᑲᓂᐗᐤ, ᐁᐗᑯ ᐋᔭᒥᐁᑳᓱᐎᓐ᙮
ᒋᓴᔅ ᒫᑲ ᑮ ᐃᑗᐤ, ᐊᐌᓇ ᑳ ᓵᒥᓂᑦ? ᐃᔅᐱ ᒥᓯᐌ ᐃᐋᓉᑕᑭᒃ, ᐱᑕᕐ, ᓀᔥᑕ ᐊᓂᐃ ᑳ ᐎᒉᐎᑯᑦ ᑮ ᐃᑗᐗᒃ, ᑫᔅᑭᓄᐊᒫᑫᔭᓐ, ᒥᔮᒪᐎᒥᒉᑎᒋᒃ ᐃᓕᓕᐗᒃ ᑮ ᓯᑎᔥᑳᑾᒃ, ᓀᔥᑕ ᑮ ᒫᑕᑯᔥᑳᑾᒃ, ᑭᑦ ᐃᑣᓐ ᓈ ᒫᑲ, ᐊᐌᓇ ᑳ ᓵᒥᓂᑦ?
ᐌᓴ ᐱᑯ ᑮ ᐯᔭᑯᓕᐗ ᐅᑖᓂᓴ, ᓈᓐᑕᐤ ᐁ ᓂᔓᔖᐳ ᐱᐴᓀᓯᓕᒋ, ᑮ ᐱᒥᔑᓂᓕᐗ ᒫᑲ ᑫᑳᑦ ᐁ ᓂᐱᓕᒋ᙮ ᒫᑲ ᒣᒀᒡ ᐁ ᐊᑎ ᐃᑐᑌᑦ ᑮ ᓯᑎᔥᑳᑯ ᐃᓕᓕᐗ᙮
ᓱᑲ ᒫᑲ ᑮ ᓇᑐᑕᒫᑯ, ᐁ ᐃᑎᑯᑦ, ᓂᑖᓂᔅ ᑳ ᐋᐱᔑᔑᔑᑦ ᐱᒥᔑᓐ ᑫᑳᑦ ᐁ ᐳᓂ ᐱᒫᑎᓰᑦ; ᑭ ᓇᑐᑕᒫᑎᓐ ᑭᒋ ᐯᒋ ᓵᒥᓇᑦ, ᑭᒋ ᒥᓇᐙᒋᐋᑲᓂᐎᑦ, ᑲᑕ ᐱᒫᑎᓯᐤ ᒫᑲ᙮
ᐯᔭᒃ ᒫᑲ ᐃᔅᑴᐤ, ᐁ ᐅᒋᑲᐗᓂᓕᒃ ᐅᒥᑯ ᓂᔓᔖᑉ ᐱᐴᓋ᙮
ᐃᔅᐱ ᒫᑲ ᐃᓕᓕᐗᒃ ᐁ ᒥᒉᑌᒋᒃ ᒥᔭᒪᐎ ᒪᐗᒋᐃᑐᒋᒃ, ᑮ ᒫᒋ ᐃᑗᐤ, ᐅᑯ ᒪᒋ ᐋᓂᔅᑫ ᐃᓕᓕᐎᐗᒃ; ᓈᓇᑕᐌᓕᑕᒶᒃ ᑭᔅᑭᓄᐙᒋ ᐙᐸᑎᓕᐌᐎᓂᓕᐤ, ᓇᒪᐎᓚ ᒫᑲ ᑲᑕ ᒥᓛᐗᒃ ᐱᑯ ᒍᓇ ᐅᑭᔅᑭᐙᐃᑫᐤ ᐅ ᑭᔅᑭᓄᐙᒋ ᐙᐸᑎᓕᐌᐎᓐ᙮
