8 ᓀᔥᑕ ᒋᕉᓴᓚᒥᒃ ᐅᒋ, ᓀᔥᑕ ᐋᑎᐤᒥᔭᐃᒃ ᐅᒋ, ᓀᔥᑕ ᐊᑳᒥᒃ ᒐᕐᑕᓂᒃ ᐅᒋ, ᐊᓂᑭ ᓀᔥᑕ ᐙᔅᑳ ᑖᐃᕆᒃ ᓀᔥᑕ ᓵᐃᑕᓂᒃ, ᓈᔅᐱᒡ ᒥᔮᒪᐎᒥᒉᑎᒋᒃ, ᐃᔅᐱ ᐱᐁᑕᑭᒃ ᐊᓂᐃ ᑭᒋ ᑫᒀᓇ ᑳ ᑐᑕᒥᓕᒋ, ᑮ ᐯᒋ ᓈᑌᐗᒃ᙮
ᑭ ᑳ ᑲᒀᑕᑭᓰᓐ, ᑭᓚ ᑯᕃᓯᓐ! ᑭ ᑳ ᑲᒀᑕᑭᓰᓐ, ᑭᓚ ᐯᑦᓭᑕ! ᐌᓴ ᑮᔥᐱᓐ ᐊᓂᐃ ᒫᒪᔅᑳᒋ ᐊᑑᔅᑫᐎᓇ ᑫ ᑮ ᑐᒋᑳᑐᑌᑭ ᐃᑕ ᐁ ᐃᑖᔦᒃ, ᑮ ᐃᑐᒋᑳᑌᐙᑯᐸᓀ ᑖᐃᕆᒃ ᓀᔥᑕ ᓵᐃᑕᓂᒃ, ᑳᔮᔥ ᑲᑕ ᑮ ᑴᔅᑳᑎᓯᐸᓇᒃ ᐁ ᐎᓛᑕᑭᒃ ᓱᑫᑭᓂᓕᐤ ᓀᔥᑕ ᐱᑯᑌᓕᐤ᙮
ᐊᓐᑕ ᒫᑲ ᑮ ᐅᒋ ᐸᓯᑯ, ᓀᔥᑕ ᑮ ᐃᑐᑌᐤ ᑖᐃᕐ ᓀᔥᑕ ᓵᐃᑕᓐ ᐊᔅᑮᒃ, ᑮ ᐱᑐᑫᐤ ᒫᑲ ᐙᔅᑳᔨᑲᓂᒃ, ᓇᒪᐎᓚ ᑮ ᓇᑕᐌᓕᑕᒻ ᒫᑲ ᐊᐌᓕᐗ ᑭᒋ ᑭᔅᑫᓕᑕᒥᓕᒋ: ᒫᑲ ᓇᒪᐎᓚ ᑮ ᑳᓱ᙮
ᒥᓇ ᒫᑲ, ᐁ ᐊᒋ ᑭᑐᑌᑦ ᑖᐃᕐ ᓀᔥᑕ ᓵᐃᑕᓐ ᐊᔅᑮᒃ, ᑮ ᐯᒋ ᐃᑐᑌᐤ ᑳᓕᓕ ᑭᒋᑲᒦᒃ, ᐁ ᔖᐳᑕᐌᔥᑲᒃ ᑎᑳᐳᓕᔅ ᐊᔅᑭᓕᐤ᙮
ᑮ ᓄᔅᐱᓈᑎᑯ ᒫᑲ ᓈᔅᐱᒡ ᒥᒉᑦ ᐃᓕᓕᐗ ᑳᓕᓕᒃ ᐅᒋ, ᓀᔥᑕ ᑎᑳᐳᓕᓯᒃ ᐅᒋ, ᓀᔥᑕ ᒋᕉᓴᓚᒥᒃ ᐅᒋ, ᓀᔥᑕ ᒎᑎᐊᐃᒃ ᐅᒋ, ᓀᔥᑕ ᐊᐙᓯᑌ ᐃᑌᑫᑳᒻ ᒐᕐᑕᓂᒃ ᐅᒋ᙮
ᑮ ᐯᒋ ᐎᒋᓂᑕᒋᐌᒣᐤ ᒫᑲ, ᓀᔥᑕ ᒪᔥᑫᑯᒃ ᑮ ᓂᐸᐎᐤ, ᓀᔥᑕ ᑳ ᒫᒪᐎᔭᑎᓕᒋ ᐅ ᑭᔅᑭᓄᐊᒪᐙᑲᓇ, ᓀᔥᑕ ᓈᔅᐱᒡ ᒥᔮᒪᐎᒥᒉᑎᒋᒃ ᐃᓕᓕᐗᒃ ᒥᓯᐌ ᐁᔅᐱᔖᒃ ᒎᑎᐊᐃᒃ ᐅᒋ, ᓀᔥᑕ ᒋᕉᓴᓚᒥᒃ, ᓀᔥᑕ ᐎᓂᐯᑯᒃ ᔑᔓᒡ ᑖᐃᕐ ᓀᔥᑕ ᓵᐃᑕᓐ ᐅᒋ, ᑳ ᐯᒋ ᑕᑯᔑᑭᒃ ᑭᒋ ᐯᑕᐙᒋᒃ ᓀᔥᑕ ᑭᒋ ᒥᓇᐙᒋᐋᑲᓂᐎᒋᒃ ᐅᑦ ᐃᑖᔅᐱᓀᐎᓂᐙᐗ᙮