ᐅᐸᓓᑭᔅ ᒫᕐᒃ 3:5 - ᐅᔅᑭ ᑎᔅᑌᒥᓐᑦ

⁵ ᐃᔅᐱ ᒫᑲ ᐙᔅᑳ ᑳ ᑮ ᑲᓇᐙᐸᒫᑦ ᐁ ᑭᓯᐙᓯᑦ, ᐁ ᒥᒋᓚᐌᓯᑦ ᐁ ᐃᔅᐱᒋ ᒪᔥᑲᐎᑌᐁᓕᒋ, ᐃᑌᐤ ᐊᓂᐃ ᐃᓕᓕᐗ, ᔓᐎᓂᔅᑫᓕ᙮ ᑮ ᔓᐎᓂᔅᑫᓕᐤ ᒫᑲ: ᓀᔥᑕ ᐅᒋᒋ ᑮ ᒥᓇᐙᒋᑖᓂᐗᓂᓕᐤ ᑖᐱᔅᑯᒡ ᑯᑕᑭᓕᐤ᙮

ᐅᐸᓓᑭᔅ ᒫᕐᒃ 3:5 Referans Kwoze

ᐅᐸᓓᑭᔅ ᓘᒃ 6:10

ᐙᔅᑲ ᒫᑲ ᐁ ᑲᓇᐙᐸᒫᑦ ᒥᓯᐌ ᐁ ᐃᑕᓯᓕᒋ, ᑮ ᐃᑌᐤ ᐊᓂᐃ ᐃᓕᓕᐗ, ᔓᐎᓂᔅᑫᓕ᙮ ᐁᑯ ᐁᑐᑕᒃ: ᐅᒋᒋ ᒫᑲ ᑮ ᒥᓇᐙᒋᑖᓂᐗᓂᓕᐤ ᑖᐱᔅᑯᒡ ᑯᑕᑭᓕᐤ᙮

ᐃᐱᓯᔭᓇ 4:18

ᐁ ᑎᐱᔅᑭᓯᒪᑲᓂᓕᒃ ᐅ ᓂᓯᑐᑕᒧᐎᓂᐗᐤ, ᐁᑳ ᐁ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅᑦ ᐃᔑᐱᒫᑎᓯᐎᓂᓕᐤ ᑲᑫᐹᑎᓯᐎᓂᓕᐤ ᐅᒋ ᑳ ᐱᒋᔅᑳᑯᒋᒃ, ᐁ ᒪᔥᑲᐎᑌᐁᒋᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:25

ᐌᓴ ᓇᒪᐎᓚ ᓂ ᓇᑕᐌᓕᑌᓐ, ᓂᒋᔖᓂᑐᒃ, ᐁᑳ ᑭᒋ ᑭᔅᑫᓕᑕᒣᒃ ᐅᒪ ᑳᒋ ᑫᒀᓐ, ᐁᑳ ᑭᒋ ᑲᑫᑕᐌᓕᑕᒣᒃ ᑎᐱᓚᐌ ᑭᑦ ᐃᑌᓕᑕᒧᐎᓂᐙᒃ; ᓇᒪᐙᐱᐎᓂᓕᐤ ᐸᔅᑭ ᐁ ᑮ ᐅᑎᑎᑯᑦ ᐃᔅᕃᐃᓪ, ᐹᑎᒫ ᐅᑎᒋᐸᓕᓕᑫ ᐅ ᐌᓗᑎᓯᐎᓂᐗᐤ ᒉᓐᑖᐃᓚᒃ᙮

ᐅᐸᓓᑭᔅ ᒫᑎᐤ 12:13

ᐁᑯ ᐁᑖᑦ ᐊᓂᐃ ᐃᓕᓕᐗ, ᔓᐎᓂᔅᑫᓕ᙮ ᑮ ᔓᐎᓂᔅᑫᓕᐤ ᒫᑲ; ᐁᑯ ᒫᑲ ᑖᐱᔅᑯᒡ ᑯᑕᑭᓕᐤ ᑭ ᒥᓇᐙᒋᑖᓂᐗᓂᓕᐤ᙮

ᑭᔅᑫᓕᑖᑯᑖᑫᐎᓐ 6:16

ᑮ ᐃᑕᒶᒃ ᓀᔥᑕ ᐙᒋᔭ ᓀᔥᑕ ᑭᔅᑖᐱᔅᑾ ᐸᑕᑯᔅᑲᐎᓈᓐ ᓀᔥᑕ ᓀᔑᓈᓐ ᐁᑳ ᑭᒋ ᐙᐸᒥᑕᒃ ᐊᓇ ᑳ ᐊᐱᑦ ᐅᑭᒪᐗᐱᐎᓂᒃ, ᓀᔥᑕ ᐅᑦ ᐊᑯᓚᐌᓯᐎᓂᒃ ᐅᒋ ᒫᓂᔥᒑᓂᔑᔥ:

ᐦᐃᑉᕉᐗ 5:9

ᓀᔥᑕ ᒫᑲ ᐁ ᑮ ᒥᑐᓂᐎᐋᑲᓂᐎᑦ, ᑮ ᐊᑎ ᑎᐯᓕᑕᒪᐌᐤ ᐱᒫᒋᐃᐌᐎᓂᓕᐤ ᒥᓯᐌ ᐊᓂᐃ ᑳ ᓇᓇᐃᑖᑯᑦ;

ᐦᐃᑉᕉᐗ 3:17

ᒫᑲ ᐊᐌᓕᐗ ᑳ ᑮ ᑭᔕᐌᓕᒫᑦ ᓀᒥᑕᓇ ᑕᑐ ᐱᐴᓋ? ᓇᒪ ᓈ ᐊᓂᐃ ᑳ ᑮ ᒪᒋᑐᑕᒥᓕᒋ, ᐊᓂᐃ ᐎᔭᐎᓕᐗ ᐸᑾᑕᔅᑲᒥᑳᒃ ᑳ ᑮ ᐸᑭᑎᓂᓕᑭ?

ᐃᐱᓯᔭᓇ 4:30

ᐁᑳᐎᓚ ᓀᔥᑕ ᒪᒥᔕᒣᓕᑕᒥᐃᒥᒃ ᑭᒋᒪᓂᑐ ᐅ ᐸᓓᑭ ᐊᒑᑾ, ᑳ ᐅᒋ ᑭᔅᑭᓄᐙᒋᐃᑲᐎᔦᒃ ᐹᑎᒪ ᑎᐸᐊᒫᑫᔅᑕᒫᑫᐎ ᑮᔑᑳᑫ᙮

ᐃᐱᓯᔭᓇ 4:26

ᑭᓯᐙᓯᒃ, ᐁᑳ ᒫᑲ ᒪᒋᑐᑕᒧᒃ: ᐁᑳᐎᓚ ᑲᑕ ᐸᑭᔑᒧ ᑫᔮᐸᒡ ᐁ ᐋᑯᓚᐌᓯᔦᒃ:

ᓂᔓ ᑯᕆᓐᑎᐊᓇ 3:14

ᒫᑲ ᓇᒪᐎᓚ ᑮ ᐙᐱᒫᑲᓂᓕᐗ ᐅ ᒥᑐᓀᓕᒋᑲᓂᐗᐗ: ᐌᓴ ᐱᓕᔥ ᐊᓄᒡ ᐁ ᑭᔑᑳᒃ ᐃᑕᑾᓐ ᑫᔮᐸᒡ ᐊᓂᒪ ᐊᑯᐙᐱᑴᐙᓐ ᐁᑳ ᐁ ᐅᒋ ᐃᑲᑌᓂᑳᑌᒃ ᐁ ᐋᔭᒥᑖᓂᐗᒡ ᐊᓂᒪ ᑳᔮᔥ ᓇᔅᑯᒥᑐᐎᓐ; ᐁᐗᑯ ᐊᑯᐙᐱᑴᐙᓐ ᐃᑲᑌᓂᑳᑌᐤ ᙭ᑎᒃ᙮

ᐅᐸᓓᑭᔅ ᒑᓐ 9:7

ᑮ ᐃᑌᐤ ᒫᑲ, ᒫᒐ, ᑭᒋᔅᑖᐸᐗᓗ ᓴᐃᓗᐊᒻ ᓵᑲᐃᑲᓂᔑᒃ, (ᑳ ᐃᑗᒪᑲᒃ ᐁ ᐃᑗᔅᒋᑳᑌᒃ, ᑳ ᐃᑎᔕᐙᑲᓂᐎᑦ᙮) ᑮ ᑭᑐᑌᐤ ᒫᑲ, ᓀᔥᑕ ᑮ ᑭᒋᔅᑖᐸᐊᓗ, ᑮ ᐯᒋ ᐃᑐᑌᐤ ᒫᑲ ᐁ ᐙᐱᑦ᙮

ᐅᐸᓓᑭᔅ ᓘᒃ 17:14

ᐃᔅᐱ ᒫᑲ ᐎᐋᐸᒫᑦ ᑮ ᐃᑌᐤ, ᓇᑕᐎ ᐙᐸᑎᓕᑯᒃ ᑭᔭᐎᐙᐗ ᓵᓵᑭᐎᓕᐌᐎᓕᓕᐗᒃ᙮ ᑮ ᐃᑭᓐ ᒫᑲ, ᒣᒀᒡ ᐁ ᐃᑐᑌᒋᒃ, ᑮ ᐹᔦᑭᐋᐗᒃ᙮

ᐅᐸᓓᑭᔅ ᓘᒃ 13:15

ᐅᑎᐯᓕᒋᑫᐤ ᐁᑯ ᓀᔥᑴᐗᔑᐋᑦ, ᐁ ᐃᑖᑦ, ᑭᓚ ᐅᑖᔭᒥᐁᑳᓱᔉ, ᓇᒪ ᓈ ᑕᑐ ᐁ ᐃᑕᔑᔦᒃ ᐁ ᐋᔭᒥᐁᑭᔑᑳᓕᒃ ᐋᐸᐌᐤ ᐅ ᒥᔅᑐᓱᒪ ᓀᔥᑕ ᐅᑦ ᐋᓯᒪ ᐊᐗᑳᓂᑲᒥᑯᒃ ᐅᒋ, ᓀᔥᑕ ᐃᑐᑕᐁᐤ ᑭᒋ ᒥᓂᑴᓕᒋ?

ᐦᐃᑉᕉᐗ 3:10

ᐁᐗᑯ ᐅᒋ, ᓂ ᑮ ᑭᔕᐌᓕᒪᐗᒃ ᐊᓂᑭ ᑳ ᐋᓂᔅᑫ ᐱᒫᑎᓯᒋᒃ, ᓂ ᑮ ᐃᑡᓐ ᒫᑲ, ᒧᔕᒃ ᐗᓂᑎᐗᒃ ᐅᑌᐃᐙᒃ, ᓇᒪ ᓀᔥᑕ ᑮ ᐅᒋ ᑭᔅᑫᓕᑕᒶᒃ ᓂᑦ ᐃᔑᑣᐎᓇ᙮

ᐅᐸᓓᑭᔅ ᒫᕐᒃ 3:4

ᐃᑌᐤ ᒫᑲ, ᐅᓚᔓᐌᓕᑖᒀᓐ ᓈ ᑭᒋ ᒥᓗ ᐋᔨᑎᓈᓂᐗᒃ ᐁ ᐋᔭᒥᐁᑭᔑᑳᒃ, ᓀᔥᑕᐱᑯ ᑭᒋ ᒪᒋ ᐋᔨᑎᓈᓂᐗᒃ? ᑭᒋ ᐱᒫᒋᐎᐙᓂᐗᒃ, ᓀᔥᑕᐱᑯ ᑭᒋ ᓂᐹᔨᐙᓂᐗᒃ? ᒫᑲ ᓇᒪᐎᓚ ᑮ ᐅᒋ ᑭᑐᐗᒃ᙮