ᐅᐸᓓᑭᔅ ᒫᕐᒃ 3:10 - ᐅᔅᑭ ᑎᔅᑌᒥᓐᑦ

¹⁰ ᐌᓴ ᒥᒉᑦ ᑮ ᒥᓇᐙᒋᐋᐗᒃ, ᑳ ᐅᒋ ᓯᑎᔥᑳᑯᑦ ᐁ ᐎ ᓵᒥᓂᑯᑦ, ᒥᓯᐌ ᐊᓂᐃ ᑳ ᐊᔨᑖᔅᐱᓀᓕᒋ᙮

ᐅᐸᓓᑭᔅ ᒫᕐᒃ 3:10 Referans Kwoze

ᐅᐸᓓᑭᔅ ᒫᕐᒃ 6:56

ᐱᑯ ᐃᑕ ᒫᑲ ᐁ ᐹᐱᑐᑫᑦ, ᐃᑖᐎᓂᔑᒃ, ᓀᔥᑕᐱᑯ ᐃᑖᐎᓂᒃ, ᓀᔥᑕᐱᑯ ᐊᔅᑮᒃ, ᑮ ᐸᐱᒥᔑᒣᐗᒃ ᐊᓂᐃ ᑳ ᐋᑯᓯᓕᒋ ᐱᒧᑌᔅᑲᓈᒃ, ᑮ ᓇᑐᑕᒪᐌᐗᒃ ᒫᑲ ᑭᒋ ᓵᒥᓇᒸᒋᒃ ᐱᑯ ᐅᑦ ᐊᑯᐅᓂᓕᐤ ᑎᑎᐱᔅᑕᐃᑲᓂᒃ; ᒥᓯᐌ ᒫᑲ ᑳ ᓵᒥᓂᑭᒃ ᑮ ᒥᓇᐙᒋᐋᐗᒃ᙮

ᐅᐸᓓᑭᔅ ᒫᑎᐤ 14:36

ᑮ ᓇᑐᑕᒪᐌᐗᒃ ᒫᑲ ᑭᒋ ᓵᒥᓇᒥᓕᒋ ᐅ ᐎᓛᒋᑲᓐ ᑎᑎᐱᔅᑕᐃᑲᓂᒃ ᐱᑯ; ᒥᓯᐌ ᒫᑲ ᑳ ᑮ ᓵᒥᓇᑭᒃ ᒥᑐᓂ ᑮ ᒥᓇᐙᒋᐋᐗᒃ᙮

ᐅᐸᓓᑭᔅ ᒫᑎᐤ 4:23

ᒋᓴᔅ ᒫᑲ ᑮ ᐸᐹᐃᑐᑌᐤ ᒥᓯᐌ ᑳᓖᓖᒃ, ᐁ ᑭᔅᑭᓄᐊᒫᑫᑦ ᐅᑦ ᐋᔭᒥᐁᐎᑲᒥᑯᓖᒃ, ᐁ ᐙᐎᑕᒫᑫᑦ ᒫᑲ ᑭᒋᑭᔑᑳᐎ ᐅᑭᒫᐎᐎᓂ ᒥᓗᐋᒋᒧᐎᓂᓕᐤ, ᐁ ᒥᓇᐙᒋᑖᑦ ᒥᓯᐌ ᐃᔑ ᐋᑯᓯᐎᓂᓕᐤ ᓀᔥᑕ ᒥᓯᐌ ᓇᓈᑲᐤ ᑳ ᐃᑖᔅᐱᓀᓕᒋ ᐃᓕᓕᐗ᙮

ᐊᐸᔅᑕᓚᒃ 5:15

ᑳ ᐅᒋ ᐯᒋ ᐗᓚᐎᑕᐋᒋᒃ ᑳ ᐋᑯᓯᓕᒋ ᐊᓐᑕ ᐱᒧᑌᔅᑲᓈᒃ, ᑮ ᐱᒥᔑᒣᐙᒃ ᒫᑲ ᓂᐯᐎᓂᒃ, ᓀᔥᑕ ᐋᔅᐱᔑᒨᐎᓂᒃ, ᒥᑰᒋᑲ ᐁ ᐋᑲᐙᔅᑌᔑᒃ ᐱᑕᕐ ᐁ ᐱᒧᑌᑦ ᑭᒋ ᑮ ᐋᑲᐙᔅᑌᔅᑳᑯᒋᒃ ᐋᑎᑦ ᐁ ᐃᑕᓯᒋᒃ᙮

ᐅᐸᓓᑭᔅ ᓘᒃ 7:2

ᓇᑐᐸᓕᐎᑭᒪᐤ ᒫᑲ ᐅᑦ ᐊᑑᔅᑫᓛᑲᓂᒪ, ᐊᓂᐃ ᑳ ᓵᑭᐋᑦ, ᑮᐋᑯᓯᓕᐗ, ᓀᔥᑕ ᑫᑳᑦ ᐁ ᓂᐱᓕᒋ᙮

ᐦᐃᑉᕉᐗ 12:6

ᐌᓴ ᐊᓂᐃ ᑳ ᓵᑭᐋᑦ ᐅᑎᐯᓕᒋᑫᐤ ᒫᒥᓗᐁᐤ, ᓀᔥᑕ ᐸᐸᓴᔅᑌᐌᐤ ᒥᓯᐌ ᑕᑐ ᐅᑯᓯᓴ ᑳ ᐅᑎᓈᑦ᙮

ᐅᐸᓓᑭᔅ ᒫᕐᒃ 5:34

ᑮ ᐃᑌᐤ ᒫᑲ, ᓂᑖᓂᔅ, ᑭ ᑖᐺᔦᓕᑕᒧᐎᓐ ᑭ ᑮ ᒥᓇᐙᒋᐃᑯᓐ; ᑭᑐᑌ ᑳᔮᒣᓕᑕᒧᐎᓂᒃ, ᓀᔥᑕ ᒥᓗᒪᒋᐅ ᑭᑦ ᐃᑖᔅᐱᓀᐎᓐ ᐅᒋ᙮

ᐅᐸᓓᑭᔅ ᒫᑎᐤ 14:14

ᒋᓴᔅ ᒫᑲ ᐁ ᑭᑐᑌᑦ, ᑮ ᐙᐸᒣᐤ ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ, ᑮ ᑭᑎᒫᑫᓕᒣᐤ ᒫᑲ, ᑮ ᒥᓇᐙᒋᐃᒣᐤ ᒫᑲ ᐅᑦ ᐋᑯᓯᒥᐗᐗ᙮

ᐅᐸᓓᑭᔅ ᒫᑎᐤ 12:15

ᒫᑲ ᐃᔅᐱ ᒋᓴᔅ ᑫᔅᑫᓕᑕᒃ, ᐊᓐᑕ ᑮ ᐅᒋ ᑭᑐᑌᐤ; ᑮ ᓄᔅᐱᓈᑎᑯ ᒫᑲ ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ, ᒥᓯᐌ ᐁ ᐃᑕᓯᓕᒋ ᒫᑲ ᑮ ᒥᓇᐙᒋᐁᐤ᙮

ᐅᐸᓓᑭᔅ ᒫᕐᒃ 8:22

ᐯᒋ ᐃᑐᑌᐤ ᒫᑲ ᐯᑦᓭᑕᐃᒃ; ᑮ ᐯᑐᐌᐗᒃ ᒫᑲ ᐃᓕᓕᐗ ᐁᑳ ᐁ ᐙᐱᓕᒋ, ᓀᔥᑕ ᑮ ᓇᑐᑕᒪᐌᐗᒃ ᑭᒋ ᓵᒥᓈᓕᒋ᙮

ᐅᐸᓓᑭᔅ ᓘᒃ 5:3

ᑮ ᐳᓯᐤ ᒫᑲ ᐯᔭᒃ ᐊᓂᐃ ᓈᐱᒀᓂᒃ, ᓵᐃᒪᓇ ᐁ ᑎᐱᓚᐌᐎᓯᓕᒋ, ᑮ ᓇᑐᑕᒪᐌᐤ ᒫᑲ ᐋᐱᔑᔥ ᑭᒋ ᒧᔖᐗᐊᒥᓕᒋ᙮ ᐁᑯ ᓀᐊᐱᑦ, ᓀᔥᑕ ᑫᔅᑭᓄᐊᒪᐙᑦ ᐃᓕᓕᐗ ᓈᐱᒀᓂᒃ ᐅᒋ᙮

ᐅᐸᓓᑭᔅ ᓘᒃ 6:19

ᒥᓯᐌ ᒥᔭᒪᐎᒥᒉᑎᒋᒃ ᐃᓕᓕᐗᒃ ᒫᑲ ᑮ ᑯᒋ ᓵᒥᓀᐗᒃ: ᐌᓴ ᐎᔮᐎᒃ ᑮ ᐅᒋᐸᓕᓕᐤ ᑲᔥᑭᐅᐎᓐ, ᒥᓯᐌ ᑳ ᒥᓇᐙᒋᐃᑯᒋᒃ᙮

ᐅᐸᓓᑭᔅ ᓘᒃ 7:21

ᐊᓂᒪ ᑫᔮᐸᒡ ᑎᐹᔨᑲᓂᒃ ᐱᓯᒧᑳᓂᒃ ᑮ ᒥᓇᐙᒋᐁᐤ ᒥᒉᑦ ᐅᑦ ᐋᑯᓯᐎᓂᓕᐗ ᓀᔥᑕ ᐅᑦ ᐋᑯᐃᑖᔅᐱᓀᐎᓂᓕᐗ, ᓀᔥᑕ ᒪᒋ ᐊᒑᑾ ᐅᒋ: ᓀᔥᑕ ᒥᒉᑦ ᐁᑳ ᑳ ᐙᐱᓕᒋ ᑮ ᐙᐱᐁᐤ᙮