ᐅᐸᓓᑭᔅ ᒫᕐᒃ 16:18 - ᐅᔅᑭ ᑎᔅᑌᒥᓐᑦ

¹⁸ ᑲᑕ ᐅᑎᓀᐗᒃ ᒥᔑᑭᓀᐱᑾ; ᑮᔥᐱᓐ ᒫᑲ ᒥᓂᑴᑣᐌ ᑫᒀᓕᐤ ᑳ ᐅᒋ ᓂᐱᓈᓂᐗᒃ, ᓇᒪᐎᓚ ᑲᑕ ᐗᑯᐃᑯᐗᒃ; ᑲᑕ ᓵᒥᓀᐗᒃ ᐊᓂᐃ ᑳ ᐋᑯᓯᓕᒋ, ᐁᑯ ᒫᑲ ᑫ ᒥᓗᐋᔮᓕᒋ᙮

ᐅᐸᓓᑭᔅ ᒫᕐᒃ 16:18 Referans Kwoze

ᐅᐸᓓᑭᔅ ᓘᒃ 10:19

ᒫᑎᑲ ᑭ ᒥᓕᑎᓇᐗᐤ ᑲᔥᑭᐅᐎᓐ ᑭᒋ ᑕᑕᑯᔅᑳᑌᑾᒃ ᒥᔑᑭᓀᐱᑾᒃ ᓀᔥᑕ ᔅᑲᕐᐱᔭᓇᒃ, ᓀᔥᑕ ᐅᐸᒀᔑᐌᐤ ᒥᓯᐌ ᐅ ᑲᔥᑭᐅᐎᓂᓕᐤ; ᓇᒪ ᓀᔥᑕ ᑫᒀᓐ ᐙᔦᔥ ᑭ ᑳ ᐃᔑ ᐋᑯᐃᑯᓇᐗᐤ᙮

ᐊᐸᔅᑕᓚᒃ 19:12

ᐁᐗᑯ ᐌᒋ ᐎᔭᐎᒃ ᐅᒋ ᑮ ᐯᑐᐙᑲᓂᐎᐗᒃ ᑳ ᐋᑯᓯᒋᒃ ᑖᐱᔅᑳᑲᓇ ᓀᔥᑕ ᐊᔅᐱᒋᑯᓀᐅᓇ, ᑮ ᓇᑲᑎᑯᐗᒃ ᒫᑲ ᐃᑖᔅᐱᓀᐎᓇ, ᓀᔥᑕ ᒪᒋ ᐊᒑᑾ ᑮ ᐗᓚᐎᐗ ᐎᔭᐎᐗᒃ ᐅᒋ᙮

ᐊᐸᔅᑕᓚᒃ 4:30

ᐁ ᔓᐎᓂᔅᑫᓕᔭᓐ ᑭᒋ ᒥᓇᐙᒋᐃᐌᔭᓐ; ᑭᔅᑭᓄᐗᒋᒋᑲᓇ ᒫᑲ ᓀᔥᑕ ᒫᒪᑖᐎ ᐙᐸᑎᓕᐌᐎᓇ ᑭᒋ ᑮ ᑑᒋᑳᑌᑭ ᐅᑦ ᐃᔑᓂᑳᓱᐎᓐ ᐅᒋ ᑭ ᐸᓓᑭ ᐊᐙᔑᔑᒻ ᒋᓴᔅ᙮

ᐊᐸᔅᑕᓚᒃ 3:16

ᐎᓚ ᒫᑲ ᐅᑦ ᐃᔑᓂᑳᓱᐎᓇ, ᐁ ᑖᐺᔦᓕᒋᑳᑌᒃ ᐅᑦ ᐃᔑᓂᑲᓱᐎᓂᒃ ᑮ ᐅᒋ ᑐᑕᐙᑲᓂᐎᐤ ᐊᐗ ᐃᓕᓕᐤ ᑭᒋ ᓵᐱᑦ, ᑳ ᑲᓇᐙᐸᒣᒃ ᓀᔥᑕ ᑳ ᑭᔅᑫᓕᒣᒃ; ᐁᐁ ᐊᓂᒪ ᑖᐺᔦᓕᑕᒧᐎᓐ ᐎᓚ ᐅᒋ ᑳ ᐅᒋᒪᑲᒃ ᑮ ᒥᓕᑯ ᐊᐗ ᒥᑐᓂ ᑭᒋ ᒥᓗᐊᔮᑦ ᐅᑕ ᐅᑎᔥᑲᐤ ᒥᓯᐌ ᐁ ᐃᑕᔑᔦᒃ᙮

ᐊᐸᔅᑕᓚᒃ 9:34

ᐱᑕᕐ ᒫᑲ ᑮ ᐃᑌᐤ, ᐃᓂᐊᔅ, ᒋᓴᔅ ᙭ ᑭ ᒥᓇᐙᒋᐃᒃ; ᐗᓂᔥᑲ, ᐅᔑᑕ ᒫᑲ ᑭ ᓂᐯᐎᓐ᙮ ᑖᔦᒃ ᒫᑲ ᑮ ᐗᓂᔥᑳᐤ᙮

ᐊᐸᔅᑕᓚᒃ 3:12

ᐃᔅᐱ ᒫᑲ ᐲᑕᕐ ᐅᒪ ᐎᐋᐸᑕᒃ, ᑭᑮ ᓇᔥᑴᐗᔑᐁᐤ ᐊᓂᐃ ᐃᓕᓕᐗ, ᑭᓚᐗᐤ ᑳ ᐃᔅᕃᐃᓕᐎᓕᓕᐎᔦᒃ, ᑕᓀᑭ ᐌᒋ ᐅᒪ ᓈᔅᐱᒡ ᒫᒪᔅᑳᑌᓕᑕᒣᒃ? ᓀᔥᑕᐱᑯ ᑕᓀᑭ ᐌᒋ ᓱᑳ ᑲᓇᐙᐸᒥᔮᒃ, ᑖᐱᔅᑯᒡ ᓂᓚᓇᓐ ᑎᐱᓚᐌ ᓂ ᑲᔥᑭᐅᐎᓂᓈᓐ ᓀᔥᑕᐱᑯ ᓂ ᐸᓓᑭᓯᐎᓂᓇᓐ ᐁ ᑮ ᐅᒋ ᑐᑕᐗᑭᑦ ᐊᐗ ᐃᓕᓕᐤ ᑭᒋ ᐱᒧᑌᑦ?

ᐅᐸᓓᑭᔅ ᒫᕐᒃ 5:23

ᓱᑲ ᒫᑲ ᑮ ᓇᑐᑕᒫᑯ, ᐁ ᐃᑎᑯᑦ, ᓂᑖᓂᔅ ᑳ ᐋᐱᔑᔑᔑᑦ ᐱᒥᔑᓐ ᑫᑳᑦ ᐁ ᐳᓂ ᐱᒫᑎᓰᑦ; ᑭ ᓇᑐᑕᒫᑎᓐ ᑭᒋ ᐯᒋ ᓵᒥᓇᑦ, ᑭᒋ ᒥᓇᐙᒋᐋᑲᓂᐎᑦ, ᑲᑕ ᐱᒫᑎᓯᐤ ᒫᑲ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:20

ᑭᒋᒪᓂᑐ ᒫᑲ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᐎᐸᒡ ᑲᑕ ᐊᐱᑕᐌᐤ ᓭᑕᓇ ᔑᐹ ᑭᓯᑎᐙᒃ᙮ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭ ᑳ ᐎ ᐎᒉᐎᑯᐙᓇᐗᐤ᙮ ᐁᒣᓐ᙮

ᓂᔥᑕᒻ ᑯᕆᓐᑎᐊᓇ 12:9

ᑯᑕᒃ ᑖᐺᔦᓕᑕᒧᐎᓂᓕᐤ ᐊᓂᐃ ᑫᔮᐸᒡ ᐊᒑᑾ ᐅᒋ; ᑯᑕᒃ ᒥᓇᐙᒋᐃᐌᐎ ᒥᓕᐌᐎᓇ ᐊᓂᐃ ᑫᔮᐸᒡ ᐊᒑᑾ ᐅᒋ;

ᐊᐸᔅᑕᓚᒃ 4:10

ᑭᔅᑫᓕᑕᒧᒃ ᒥᓯᐌ ᑳ ᐃᑕᔑᔦᒃ, ᓀᔥᑕ ᒥᓯᐌ ᐃᓕᓕᐗᒃ ᐃᔅᕃᐃᓕᒃ ᑳ ᐃᑖᒋᒃ, ᐅᑦ ᐃᔑᓂᑳᓱᐎᓐ ᐅᒋ ᐊᓇ ᒋᓴᔅ ᙭, ᓈᓴᕋᑎᒃ ᑳ ᐅᒌᑦ, ᑳ ᑮ ᒋᔅᑖᔅᑾᐌᒃ, ᑭᒋᒪᓂᑐ ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ, ᐋᐳᒋᑲ ᐎᓚ ᐅᒋ ᐊᐗ ᐃᓕᓕᐤ ᑭᑦ ᐅᑎᔥᑳᐎᑳᐸᐎᔅᑖᑯᐗᐤ ᐁ ᒥᓗ ᐊᔮᑦ᙮

ᐊᐸᔅᑕᓚᒃ 4:22

ᐌᓴ ᐃᓕᓕᐤ ᐊᐙᓯᑌ ᓀᒥᑕᓇᐤ ᑮ ᑕᑐ ᐱᐳᓀᓯᐤ ᐊᓇ ᐅᒪ ᒫᒪᑖᐎ ᒥᓇᐙᒋᐃᐌᐎᓂᓕᐤ ᑳ ᑐᑕᒪᐙᑲᓂᐎᑦ᙮