13 ᐎᓚᐗᐤ ᒫᑲ, ᑮ ᓇᑕᐎ ᐎᑕᒪᐌᐗᒃ ᐊᓂᐃ ᑯᑕᑭᔭ: ᓇᒪᐎᓚ ᒫᑲ ᑮ ᑖᐺᑖᑯᐗᒃ᙮
ᑮ ᐃᑎᑯ ᒫᑲ ᑯᑕᑭᔭ ᑭᔅᑭᓄᐊᒪᐙᑲᓇ, ᓂ ᑮ ᐙᐸᒫᓈᓐ ᐅᑎᐯᓕᒋᑫᐤ᙮ ᒫᑲ ᑮ ᐃᑌᐤ, ᑮᔥᐱᓐ ᐁᑳ ᐗᐸᑕᒶᑫ ᐅᒌᒌᒃ ᐁ ᐁᔑᑎᓂᓕᑭ ᒌᔅᑖᔅᒀᓇ, ᓀᔥᑕ ᐱᑎᓇᒪᓀ ᐁ ᐁᔑᑎᓂᓕᑭ ᒌᔅᑖᔅᑾᓇ, ᓀᔥᑕ ᑯᑖᐎᓇᒶᑫ ᐅᔅᐱᑳᔾ, ᓇᒪᐎᓚ ᓂ ᑳ ᑖᐺᑌᓐ᙮
ᐁᑯ ᓀᔥᑕ ᐹᑐᑫᑦ ᐊᓇ ᑯᑕᒃ ᑭᔅᑭᓄᐊᒪᐙᑲᓐ, ᐊᓇ ᓃᔥᑕᒻ ᑳ ᐅᑎᑕᒃ ᒋᐹᔨᑲᒥᑯᓕᐤ, ᑮ ᐙᐸᑕᒻ ᒫᑲ, ᓀᔥᑕ ᑮ ᑖᐺᑕᒻ᙮
ᑮ ᐃᑌᐤ ᒫᑲ, ᑮᔥᐱᓐ ᐁᑳ ᓇᑐᑕᐙᑡᐌ ᒧᓯᓴ ᓀᔥᑕ ᐅᑭᔅᑭᐙᐃᑫᐗ, ᓇᒪᐎᓚ ᓀᔥᑕ ᑲᑕ ᔖᑯᒋᒫᐗᒃ ᐋᑕ ᐁ ᑮ ᐗᓂᔥᑳᓕᒋ ᐊᐌᓕᐗ ᐅᓂᐱᐗ ᐅᒋ᙮
ᐃᔅᐱ ᒫᑲ ᐎᐋᐸᒫᒋᒃ ᑮ ᓇᐗᑭᔅᑕᐌᐗᒃ: ᒫᑲ ᐋᑎᑦ ᑮ ᐋᔨᑕᐌᓕᑕᒶᒃ᙮
ᐎᓚᐗᐤ ᒫᑲ, ᐃᔅᐱ ᑳ ᐯᑕᑶᒃ ᐁ ᐱᒫᑎᓯᓕᒋ, ᓀᔥᑕ ᐁ ᑮ ᐙᐸᒫᑦ, ᓇᒪᐎᓚ ᑮ ᐅᒋ ᑖᐺᑕᒶᒃ᙮
ᐹᑎᒪ ᑮ ᓄᑯᓰᔅᑕᐌᐤ ᐊᓂᐃ ᐯᔭᑯᔖᑉ ᒣᒀᒡ ᐁ ᐊᐱᓕᒋ ᐁ ᒥᒋᓱᓕᒋ, ᓀᔥᑕ ᑮ ᑭᑐᑌᐤ ᐁ ᐋᓉᑕᒥᓕᒋ ᓀᔥᑕ ᐁ ᒪᔥᑲᐎᑌᐁᓕᒋ, ᐁᑳ ᐁ ᑮ ᑖᐺᑕᐙᓕᒋ ᐊᓂᐃ ᑳ ᑮ ᐙᐸᒥᑯᑦ ᑳ ᐗᓂᔥᑳᑦ᙮
ᐅᑦ ᐋᔭᒥᐎᓂᐙᐗ ᒫᑲ ᑖᐱᔅᑯᒡ ᐸᑾᓐᑕ ᐋᑕᓗᑳᓇ ᑮ ᐃᑌᓕᑕᒶᒃ, ᓇᒪᐎᓚ ᒫᑲ ᑮ ᑖᐺᑕᒶᒃ᙮
ᐁᔥᑾ ᒫᑲ ᐁᑳ ᐁ ᑖᐺᑕᒥᓕᒋ ᐁ ᐃᔅᐱᒋ ᒥᓚᐙᑕᒥᓕᒋ, ᓀᔥᑕ ᐁ ᒫᒪᔅᑳᑕᒥᓕᒋ, ᑮ ᐃᑌᐤ, ᐅᑕ ᓈ ᒥᒋᒻ ᑭᑦ ᐋᔮᓇᐗᐤ?
