18 ᑮ ᒫᒋ ᐊᑕᒥᔅᑲᐌᐗᒃ ᒫᑲ ᐦᐁᓪ, ᑭᓚ ᒎᐗᒃ ᐅ ᑭᒋᐅᑭᒪᒥᐗᐗ!
ᐹᐃᓚᑦ ᒫᑲ ᑮ ᑲᑴᒋᒣᐤ, ᑭᓚ ᓈ ᒎᐗᒃ ᐅ ᑭᒋᐅᑭᒫᒥᐙᐗ? ᐎᓚ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑭᑦ ᐃᑣᓐ᙮
ᐃᔅᐱ ᒫᑲ ᒥᔑᑳᐎᒥᓇᑯᔑᔭ ᑳ ᑮ ᐅᒋ ᐋᐱᑳᑕᑭᒃ ᐅᑭᒪᐗᔅᑐᑎᓂᓕᐤ, ᑮ ᐳᔅᑕᔅᑐᑎᓇᐁᐗᒃ, ᐎᐹᔅᑯᓕᐤ ᓀᔥᑕ ᐅ ᑭᒋᓂᔅᑭᒃ ᑮ ᒥᒋᒥᓇᒥᐁᐗᒃ: ᑮ ᐅᒋᒋᑾᓇᐲᔅᑕᐌᐗᒃ ᒫᑲ, ᓀᔥᑕ ᑮ ᐋᔭᓵᒋᐁᐗᒃ, ᐁ ᐃᑗᒋᒃ, ᐦᐁᓪ, ᑭᓚ ᒎᐗᒃ ᐅ ᑭᒋᐅᑭᒫᒥᐙᐗ᙮
ᑮ ᐳᔅᑕᑯᐸᐁᐗᒃ ᒫᑲ ᒥᑴᑭᓂᓕᐤ, ᑮ ᐊᐱᑳᑕᒶᒃ ᒫᑲ ᐅᑭᒫᐗᔅᑐᑎᓂᓕᐤ ᒥᔑᑳᐎᒥᓇᑯᔑᔭ ᐅᒋ, ᓀᔥᑕ ᑮ ᐳᔅᑕᔅᑐᑎᓇᐁᐗᒃ;
ᐎᐹᔅᑯᓕᐤ ᒫᑲ ᑮ ᐅᒋ ᐅᑖᒪᐌᐗᒃ ᐅᔅᑎᒀᓂᓕᒃ, ᑮ ᓯᒀᑌᐗᒃ ᒫᑲ, ᓀᔥᑕ ᐁ ᐱᑭᒋᑾᓀᓕᒋᒃ, ᑮ ᓇᐗᑮᔅᑕᐌᐗᒃ᙮
ᑮ ᐃᑗᐗᒃ ᒫᑲ, ᐙᒋᔭ, ᑭᓚ ᒎᐗᒃ ᐅ ᑭᒋᐅᑭᒫᒥᐙᐗ! ᓀᔥᑕ ᑮ ᐅᑖᒪᐌᐗᒃ ᐅᒋᒋᐙᐗ ᐅᒋ᙮
