ᐅᐸᓓᑭᔅ ᒫᕐᒃ 14:61 - ᐅᔅᑭ ᑎᔅᑌᒥᓐᑦ

⁶¹ ᒫᑲ ᓇᒪᐎᓚ ᐅᒋ ᑭᑐ, ᓇᒪ ᓀᔥᑕ ᐙᔦᔥ ᑮ ᓈᔥᑴᐗᔑᐃᐌᐤ᙮ ᒥᓇ ᒫᐗᒋ ᑭᒋ ᓵᓵᑭᐎᓕᐌᐎᓕᓕᐤ ᑮ ᑲᑴᒋᒧᐤ, ᑭᓚ ᓈ ᐊᓇ ᙭, ᐅᑯᓯᓴ ᔑᐋᐌᓕᑖᑯᓯᑦ?

ᐅᐸᓓᑭᔅ ᒫᕐᒃ 14:61 Referans Kwoze

ᐅᐸᓓᑭᔅ ᒫᕐᒃ 15:2

ᐹᐃᓚᑦ ᒫᑲ ᑮ ᑲᑴᒋᒣᐤ, ᑭᓚ ᓈ ᒎᐗᒃ ᐅ ᑭᒋᐅᑭᒫᒥᐙᐗ? ᐎᓚ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑭᑦ ᐃᑣᓐ᙮

ᐅᐸᓓᑭᔅ ᒑᓐ 19:7

ᒎᐗᒃ ᑮ ᓇᔥᑴᐗᔑᐁᐗᒃ ᓂᑦ ᐋᔮᓈᓐ ᐅᓚᔓᐌᐎᓐ, ᓀᔥᑕ ᓂᑦ ᐅᓚᔓᐌᐎᓂᓈᓐ ᐅᒋ ᑲᑕ ᓂᐱᐸᓐ, ᐌᓴ ᑭᒋᒪᓂᑐ ᐅᑯᓯᓴ ᑮ ᐃᑌᓕᑖᑯᐃᑎᓱ᙮

ᓂᔥᑕᒻ ᐱᑕᕐ 2:23

ᐊᓇ, ᐃᔅᐱ ᑳ ᑮ ᒫᓓᓕᒫᑲᓂᐎᑦ, ᓇᒪᐎᓚ ᒥᓇ ᑮ ᒫᓓᓕᒋᑫᐤ; ᐃᔅᐱ ᑳ ᑮ ᐙᐎᓴᑫᓕᑕᒥᐋᑲᓂᐎᑦ ᓇᒪᐎᓚ ᑮ ᐅᒋ ᐙᔦᔑᒧᑐᑖᑫᐤ; ᒫᑲ ᑮ ᐸᑭᑎᓂᑎᓱ ᐅᒋᒋᓕᒃ ᐊᓂᐃ ᒀᔭᔉ ᑳ ᑎᐹᔅᑯᓂᑫᓕᒋ:

ᐅᐸᓓᑭᔅ ᒑᓐ 10:36

ᑭᑦ ᐃᑖᐗᐤ ᓈ ᐊᓇ ᑳ ᐸᓓᑭᐃᑯᑦ ᐅᑖᐎᒪᐗ, ᓀᔥᑕ ᑳ ᑮ ᐯᒋᑎᔕᐅᑯᑦ ᐊᔅᑮᒃ, ᑭ ᐹᔅᑕᒧᓐ; ᐁ ᑮ ᐃᑗᔮᓐ, ᓂᓚ ᑭᒋᒪᓂᑐ ᐅᑯᓯᓴ?

ᐅᐸᓓᑭᔅ ᒑᓐ 1:34

ᓂ ᑮ ᐙᐸᑌᓐ ᒫᑲ, ᓀᔥᑕ ᓂ ᑮ ᑎᐹᒋᒧᓐ ᐊᐗ ᐁ ᐅᑯᓯᓯᒥᑯᑦ ᑭᒋᒪᓂᑐᐗ᙮

ᐅᐸᓓᑭᔅ ᒫᑎᐤ 16:16

ᓵᐃᒪᓐ ᐱᑕᕐ ᒫᑲ ᐁ ᓇᔥᑴᐗᔑᐃᐌᑦ ᑮ ᐃᑗᐤ, ᑭᓚ ᐁᐗᒀᓇ ᙭, ᐅᑯᓯᓴ ᐯᒫᑎᓰᑦ ᑭᒋᒪᓂᑐ᙮

ᐅᐸᓓᑭᔅ ᒫᑎᐤ 8:29

ᒫᑎᑲ, ᒫᑲ, ᑮ ᑌᐺᓕᐗ, ᐁ ᐃᑎᑯᑦ, ᑫᒀᓐ ᑫ ᑐᑖᑖᒃ, ᒋᓴᔅ, ᑭᒋᒪᓂᑐ ᐌᑯᓯᓯᒥᔉ? ᑭ ᑮ ᐯᒋ ᐃᑐᑖᓐ ᓈ ᑭᒋ ᑲᒀᑕᑭᐃᔮᒃ ᐸᒧᔑ ᐅᑎᒋᐸᓕᒃ?

ᐅᐸᓓᑭᔅ ᒫᑎᐤ 3:17

ᒫᑎᑲ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑗᒪᑲᒃ, ᐊᐗ ᐁᐗᑯ ᓂᑯᓯᔅ ᑳ ᓵᑭᐊᒃ, ᓈᔅᐱᒡ ᑳ ᓇᐃᓚᐌᐃᑦ᙮

ᓂᔥᑕᒻ ᑎᒧᑎ 6:15

ᐅᑎᒋᐸᓕᓕᑫ ᐅ ᑭᔑᑳᒻ ᑫ ᐙᐸᑎᓕᐌᑦ, ᐊᓇ ᑳ ᔕᐌᓕᑖᑯᓯᑦ ᓀᔥᑕ ᑳ ᐯᔭᑯᑦ ᑭᒋᐅᑭᒪᐤ, ᑭᒋᐅᑭᒪᐗᒃ ᐅ ᑭᒋᐅᑭᒫᒥᐙᐗ, ᓀᔥᑕ ᐅᑎᐯᓕᒋᑫᐗᒃ ᐅ ᑎᐯᓕᒋᑫᒥᐗᐗ:

ᓂᔥᑕᒻ ᑎᒧᑎ 1:11

ᐁ ᐃᔑ ᐃᑗᒪᑲᓂᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓐ ᑳ ᔕᐌᓕᑖᑯᓯᑦ ᑭᒋᒪᓂᑐ, ᑳ ᑮ ᐸᑭᑎᓇᒫᑲᐎᐗᒃ ᑭᒋ ᑲᓇᐌᓕᑕᒶᒃ᙮

ᐊᐸᔅᑕᓚᒃ 8:32

ᐃᑕ ᒫᑲ ᑳ ᐃᔑ ᐋᔭᒥᑖᑦ ᑭᒋᒪᓯᓇᐃᑫᐎᓂᓕᐤ ᐁᐗᑯᒪ, ᑮ ᐃᑐᑕᐋᑲᓕᐎᐤ ᑖᐱᔅᑯᒡ ᒫᓂᔅᒑᓂᔥ ᐁ ᐎ ᓂᐸᐃᑦ; ᓀᔥᑕ ᑖᐱᔅᑯᒡ ᒫᓂᔅᒑᓂᔑᔑᒃ ᐁᑳ ᑳ ᑭᑐᑦ ᐅᑎᔥᑲᐤ ᐊᓂᐃ ᑳ ᐸᔅᑯᔑᑯᑦ, ᐁᑯ ᑖᐱᔅᑯᒡ ᓇᒪᐎᓚ ᐅᒋ ᐸᔅᑭᑐᓀᓕᐤ:

ᐅᐸᓓᑭᔅ ᒑᓐ 19:9

ᒥᓇ ᒫᑲ ᑮ ᐱᑐᑫᐤ ᑎᐹᔅᑯᓂᑫᐎᑲᒥᑯᒃ, ᓀᔥᑕ ᐃᑌᐤ ᒋᓴᓴ, ᑖᓐᑌ ᐌᒋᔭᓐ? ᓇᒪ ᐙᐙᒡ ᒫᑲ ᑮ ᓇᔥᑴᐗᔑᐃᑯ ᒋᓴᓴ᙮

ᐅᐸᓓᑭᔅ ᒑᓐ 18:37

ᐁᐗᑯ ᐌᒋ ᐹᐃᓚᑦ ᐃᑖᑦ, ᑭ ᑭᒋᐅᑭᒫᐎᓐ ᓈ? ᒋᓴᔅ ᑮ ᓇᔥᑴᐗᔑᐁᐤ, ᑭᑦ ᐃᑣᓐ ᐁ ᑭᒋᐅᑭᒫᐎᔮᓐ᙮ ᐁᐗᑯ ᐅᒪ ᐌᒋ ᑮ ᓂᑕᐎᑭᔮᓐ, ᓀᔥᑕ ᐁᐗᑯ ᐅᒪ ᐌᒋᑮ ᐯᒋ ᐃᑐᑌᔮᓐ ᐊᔅᑮᒃ, ᑭᒋ ᑎᐹᑐᑕᒫᓐ ᑖᐺᐎᓐ᙮ ᒥᓯᐌ ᑕᑐ ᐊᐌᓇ ᑖᐺᐎᓂᒃ ᑳ ᐃᑖᑦ ᐱᔑᒋᑕᒻ ᓂᑦ ᐋᔭᒥᐎᓇ᙮

ᐅᐸᓓᑭᔅ ᒑᓐ 10:24

ᐁᑯ ᐱᐁᒋ ᐙᔅᑳᔅᑳᑯᑦ ᒎᐗ, ᓀᔥᑕ ᑮ ᐃᑎᑯ, ᑖᓂ ᑫ ᐃᔥᐱᔑ ᐙᐙᓀᓕᑕᒥᐃᔮᒃ? ᑮᔥᐱᓐ ᐃᐋᐎᐗᓀ ᙭, ᒧᔑᔐ ᐎᑕᒪᐎᓈᓐ᙮

ᐅᐸᓓᑭᔅ ᒫᕐᒃ 14:60

ᑌᑖᐎᒡ ᒫᑲ ᑮ ᓂᐸᐎᐤ ᒫᐗᒋ ᑭᒋ ᓵᓵᑭᐎᓕᐌᐎᓕᓕᐤ, ᑮ ᑲᑴᒋᒣᐤ ᒫᑲ ᒋᓴᓴ, ᐁ ᐃᑗᑦ, ᓈᒪ ᓈ ᐙᔦᔥ ᑭ ᓇᔥᑴᐗᔑᐃᐙᓐ? ᑫᒀᓕᐤ ᑳ ᐎᑕᑭᒃ ᐅᑯ ᑳ ᒫᒥᔑᒥᔅᑭᒃ?