17 ᐌᑖᑯᔑᓂᓕᒃ ᒫᑲ ᑮ ᐯᒋ ᐃᑐᑌᐤ ᐊᓯᒋ ᐊᓂᑭ ᓂᔓᔖᑉ᙮
ᐃᔅᐱ ᒫᑲ ᐌᑎᒋᐸᓕᒃ ᑎᐹᔨᑲᓐ ᐱᓯᒧᑳᓂᒃ, ᑮ ᓇᐊᐱᐤ, ᐊᓯᒋ ᓀᔥᑕ ᐊᓂᑭ ᓂᔓᔖᑉ ᐊᐸᔅᑕᓚᒃ᙮
ᐅ ᑭᔅᑭᓄᐊᒪᐙᑲᓇ ᒫᑲ ᑮ ᑭᑐᑌᓕᐗ, ᓀᔥᑕ ᐃᑖᐎᓂᒃ ᑮ ᐯᒋ ᑕᑯᔑᓂᓕᐗ, ᑮ ᒥᔅᑲᒥᓕᐗ ᒫᑲ ᑳ ᑮ ᐃᔑ ᐎᑕᒫᑯᒋᒃ: ᑮ ᐋᔦᔅᑲᐎᑖᐗᒃ ᒫᑲ ᒥᔮᔥᑳᑫᐎ ᒪᑯᔐᐎᓂᓕᐤ᙮
ᒣᒀᒡ ᒫᑲ ᐁ ᐊᐱᒋᒃ ᐁ ᒥᒋᓱᒋᒃ, ᒋᓴᔅ ᑮ ᐃᑗᐤ, ᑖᐺ ᑭᑦ ᐃᑎᓇᐗᐤ, ᐯᔭᒃ ᐁ ᐃᑕᔑᔦᒃ ᑳ ᐎᒋᒥᒋᓱᒥᔦᒃ ᓂ ᑳ ᐙᔦᔑᐸᑭᑎᓂᒃ᙮
ᓇᒪᐎᓚ ᒥᓯᐌ ᐁ ᐃᑕᔑᔦᒃ ᑭᑦ ᐋᓕᒧᒥᑎᓇᐗᐤ: ᓂ ᑭᔅᑫᓕᒫᐗᒃ ᐊᓂᑭ ᑳ ᑮ ᐙᐌᓛᐸᒪᑭᒃ: ᒫᑲ ᑭᒋ ᒪᓯᓇᐃᑫᐎᓐ ᑭᒋ ᑎᐱᐸᓕᒃ, ᐊᓇ ᑳ ᐎᒋᒥᒋᓱᒥᑦ ᐊᓚᑯᓇᐗ, ᑮ ᐅᐱᓇᒻ ᐅᑐᑕᓐ ᑭᒋ ᒪᒋᑐᑖᐎᑦ᙮
