ᐅᐸᓓᑭᔅ ᒫᕐᒃ 13:9 - ᐅᔅᑭ ᑎᔅᑌᒥᓐᑦ

⁹ ᒫᑲ ᔮᒀᒥᓰᒃ ᑭᓚᐗᐤ: ᐌᓴ ᑭ ᑳ ᐸᑭᑎᓂᑯᐙᐗᒃ ᑭᒋ ᑎᐹᔅᑯᓂᑲᐎᔦᒃ; ᓀᔥᑕ ᐋᔭᒥᐁᐎᑲᒥᑯᒃ ᑭ ᑳ ᐅᑕᑕᒪᐅᑳᐎᓇᐗᐤ: ᑭ ᑳ ᐃᑐᑕᐃᑲᐎᓇᐗᐤ ᒫᑲ ᑭᒋ ᐃᑎᔥᑲᐃᔥᑲᐌᑾᒃ ᐅᑭᒫᐗᒃ ᓀᔥᑕ ᑭᒋᐅᑭᒫᐗᒃ ᓂᓚ ᐅᒋ, ᐁᐗᑴᓕᐤ ᑭᒋ ᒫᒥᔑᒥᑯᒋᒃ᙮

ᐅᐸᓓᑭᔅ ᒫᕐᒃ 13:9 Referans Kwoze

ᐅᐸᓓᑭᔅ ᒑᓐ 16:2

ᑭ ᑳ ᐗᓚᐎᐌᐱᓂᑯᐙᐗᒃ ᐋᔭᒥᐁᐎᑲᒥᑯᒃ ᐅᒋ: ᐁᐁ, ᑎᐹᔨᑲᓐ ᐱᓯᒧᑳᓂᒃ ᐹᐸᓕᐤ, ᐃᔅᐱ ᒥᓯᐌ ᐊᐌᓇ ᑫ ᓂᐹᔨᑖᒃ, ᓂᑦ ᐊᑑᔅᑲᐗᐤ ᑭᒋᒪᓂᑐ, ᑲᑕ ᐃᑌᓕᑕᒻ᙮

ᐅᐸᓓᑭᔅ ᒫᕐᒃ 13:5

ᒋᓴᔅ ᒫᑲ ᐁ ᓇᔥᑴᐗᔑᐋᑦ, ᑮ ᒫᒋ ᐃᑌᐤ, ᔮᒀᒥᓰᒃ ᐁᑳ ᐊᐌᓇ ᑭᒋ ᐙᔦᔑᐃᑖᒃ᙮

ᑭᔅᑫᓕᑖᑯᑖᑫᐎᓐ 2:13

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᐃᑕ ᑳ ᐎᑭᔭᓐ, ᐊᓐᑕ ᐅᑎ ᐁ ᐃᑕᑾᓂᓕᒃ ᓭᑕᓐ ᐅᑦ ᐊᐱᐎᓐ: ᑭ ᒪᔥᑲᐎ ᒥᒋᒥᓀᓐ ᒫᑲ ᓂᑦ ᐃᔑᓂᑳᓱᐎᓐ, ᓇᒪ ᓀᔥᑕ ᑭ ᑮ ᐋᓉᑌᓐ ᓂ ᑖᐺᔦᓕᑕᒧᐎᓐ, ᐊᐳᒋᑲ ᒣᒀᒡ ᐊᓂᐃ ᐁ ᑭᔑᑳᑭ ᐃᔅᐱ ᐋᓐᑎᐹᔅ ᑳ ᒀᔭᔅᑭᑎᑦ ᓂ ᒫᕐᑕᐱᒻ, ᑳ ᑭ ᓂᐸᐋᑲᓂᐎᑦ ᐃᑕ ᐁ ᐃᑖᔦᒃ, ᐃᑕ ᓭᑖᓐ ᑳ ᐎᑭᑦ᙮

ᑭᔅᑫᓕᑖᑯᑖᑫᐎᓐ 2:10

ᐁᑳᐎᓚ ᑯᔅᑕ ᐊᓂᐃ ᑫᒀᓇ ᑫ ᐃᔑ ᑲᒀᑕᑭᑖᔭᓐ: ᒫᑎᑲ, ᒪᒋᒪᓂᑐ ᐋᑎᑦ ᑭᐸᐅᑐᐎᑲᒥᑯᒃ ᑭ ᑳ ᐃᔑ ᐌᐱᓂᑯᐗᐤ, ᑭᒋ ᑲᑴᒋᐃᑲᐎᔦᒃ; ᓀᔥᑕ ᑭ ᑳ ᐋᔮᓇᐗᐤ ᐊᓕᒥᓯᐎᓐ ᒥᑖᑐ ᑭᔑᑳᐗ: ᒀᔭᔅᑭᑎ ᓂᐱᐎᓂᒃ ᐃᔅᑯ, ᑭ ᑳ ᒥᓕᑎᓐ ᒫᑲ ᐱᒫᑎᓯᐎᓂ ᐅᑭᒪᐗᔅᑐᑎᓐ᙮

ᑭᔅᑫᓕᑖᑯᑖᑫᐎᓐ 1:9

ᓂᓚ ᒑᓐ, ᑳ ᐎᒋᔖᓂᐎᔦᒃ ᓀᔥᑕ ᑭ ᐎᒉᐙᑲᓂᐗᐤ ᐊᓕᒥᓯᐎᓂᒃ, ᓀᔥᑕ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᔑᐱᓚᐌᓯᐎᓂᒃ ᒋᓴᔅ ᙭, ᓂ ᑮ ᐃᑖᓐ ᒥᓂᔅᑎᑯᒃ ᐹᑦᒪᔅ ᑳ ᐃᔑᓂᑳᑌᒃ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ, ᓀᔥᑕ ᐅ ᑎᐹᒋᒧᐎᓐ ᒋᓴᔅ ᙭ ᐅᒋ᙮

ᓂᔓ ᑌᓴᓗᓂᔭᓇ 1:5

ᐁᐗᑯ ᑳ ᐸᔭᑌᓈᑾᒃ ᑮᔅᑭᓄᐙᒋᒋᑲᓐ ᐁ ᒀᔭᔅᑯ ᑎᐹᔅᑯᓂᑫᑦ ᑭᒋᒪᓂᑐ, ᑭᒋ ᑌᐸᑫᓕᑖᑯᒥᑲᐎᔦᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ, ᐁᐗᑯ ᑳ ᐅᒋ ᐎᓴᑫᓕᑕᒣᒃ:

ᐱᓕᐱᔭᓇ 1:29

ᐌᓴ ᑭᓚᐗᐤ ᑭ ᒥᓕᑲᐎᓇᐗᐤ ᐅᑦ ᐃᑌᓕᑖᑯᓯᐎᓂᒃ ᙭, ᓇᒪᐎᓚ ᐱᑯ ᑭᒋ ᑖᐺᔦᓕᒣᒃ, ᒫᑲ ᐊᓯᒋ ᐎᓚ ᐅᒋ ᑭᒋ ᐎᓴᑫᓕᑕᒣᒃ;

ᐊᐸᔅᑕᓚᒃ 21:11

ᐃᔅᐱ ᒫᑲ ᑳ ᑮ ᐯᒋ ᓈᔑᔭᒥᑦ, ᑮ ᐅᑎᓇᒬᐤ ᐹᓪ ᐅ ᐸᑾᑌᐅᓂᓕᐤ, ᐁ ᑮ ᒫᒫᑯᐱᑕᒃ ᒫᑲ ᑎᐱᓚᐌ ᐅᒋᒋᔭ ᓀᔥᑕ ᐅᓯᑕ, ᑮ ᐃᑗᐤ, ᐁᑴᑗᑦ ᐸᓓᑭ ᐊᒑᒃ, ᐁᑯ ᑖᐱᔅᑯᒡ ᒎᐗᒃ ᒋᕉᓴᓚᒥᒃ ᑳ ᐃᑖᒋᒃ ᑫ ᐃᔑ ᒫᒪᒋᑯᐱᑖᒋᒃ ᐊᓂᐃ ᐃᓕᓕᐗ ᑳ ᑎᐱᓚᐌᐎᓯᓕᒋ ᐅᒣᓕᐤ ᐸᑾᑌᐅᓂᓕᐤ, ᑲᑕ ᐸᑭᑎᓀᐗᒃ ᒫᑲ ᐅ ᒋᒋᓖᒃ ᒉᓐᑖᐃᓚ᙮

ᐊᐸᔅᑕᓚᒃ 9:16

ᐌᓴ ᓂ ᑳ ᐙᐸᑎᓛᐤ ᐊᓂᐃ ᑭᒋ ᑫᒀᓇ ᑫ ᐙᐎᓴᑫᓕᑕᒃ ᓂᑦ ᐃᔑᓂᑳᓱᐎᓂᓕᐤ ᐅᒋ᙮

ᐊᐸᔅᑕᓚᒃ 7:54

ᐃᔅᐱ ᐱᐁᑕᑭᒃ ᐅᐅ ᑫᒀᓇ ᑮ ᐋᑯᓚᐌᓯᐗᒃ, ᓀᔥᑕ ᑮ ᒪᑗᔮᐱᑌᔑᓂᑕᐌᐗᒃ᙮

ᐅᐸᓓᑭᔅ ᒑᓐ 15:20

ᑭᔅᑭᓯᒃ ᐊᓂᒪ ᐋᔭᒥᐎᓐ ᑳ ᑮ ᐃᑎᑕᑾᒃ, ᐊᑑᔅᑫᓛᑲᓐ ᓇᒪᐎᓚ ᐊᐙᓯᑌ ᐃᑌᓕᑖᑯᓯᐤ ᐁᑌᓕᑖᑯᓯᓕᒋ ᐅᑦ ᐅᑭᒫᒪ᙮ ᑮᔥᐱᓐ ᓂᓚ ᑳ ᓇᓀᑳᒋᐃᐙᑴ, ᑭᓚᐗᐤ ᓀᔥᑕ ᑭ ᑳ ᓇᓀᑳᒋᐃᑯᐙᐗᒃ; ᑮᔥᐱᓐ ᑳ ᑲᓇᐎᑕᐙᑴ ᓂᑦ ᐃᑗᐎᓂᓕᐤ, ᑭᑦ ᐃᑗᐎᓂᐗᐤ ᓀᔥᑕ ᑲᑕ ᑲᓇᐎᑖᐗᒃ᙮

ᐅᐸᓓᑭᔅ ᓘᒃ 9:5

ᐊᐌᓇ ᒫᑲ ᐁᑳ ᑫ ᐱᑐᑳᐃᑖᑴ, ᐃᔅᐱ ᐗᓚᐎᔦᑴ ᐊᓂᒪ ᐃᑖᐎᓂᒃ ᐅᒋ, ᐊᐳᒋᑲ ᐸᐸᐎᐸᓕᑖᒃ ᒪᒋᑾᓛᔕ ᑭᓯᑎᐙᒃ ᐅᒋ ᑭᒋ ᐅᒋ ᒫᒥᔑᒥᑯᒋᒃ᙮

ᐅᐸᓓᑭᔅ ᒫᕐᒃ 6:11

ᐊᐌᓇ ᒫᑲ ᐁᑳ ᑫ ᐱᑐᑲᐃᑖᑴ, ᐁᑳ ᓀᔥᑕ ᑫ ᓇᑐᑕᑖᑴ; ᐃᔅᐱ ᐊᓐᑕ ᐅᒋ ᑭᑐᑌᔦᑴ, ᐸᐹᐎᐸᓕᑖᒃ ᒪᒋᑾᓛᔕ ᑭᓯᑎᐙᒃ ᐅᒋ ᑭᒋ ᐅᒋ ᒫᒥᔑᒥᑯᒋᒃ᙮ ᑖᐺ ᑭᑦ ᐃᑎᓇᐗᐤ, ᐊᐗᓯᑌ ᑲᑕ ᒥᓗ ᐃᑌᓕᑖᑾᓋ ᓴᑕᒻ ᓀᔥᑕ ᑯᒪᕋ ᑎᐹᔅᑯᓂᑫᐎ ᑭᔑᑳᑫ, ᐃᔥᐱᔥ ᐊᓂᒪ ᐃᑖᐎᓐ᙮

ᐅᐸᓓᑭᔅ ᒫᕐᒃ 1:44

ᐃᑌᐤ ᒫᑲ, ᔮᑾ ᐁᑳᐎᓚ ᐊᐌᓇ ᐙᔦᔥ ᐃᔑ: ᒫᑲ ᑭᑐᑌ, ᐙᐸᑎᓐ ᑭᔭᐎᓕᐤ ᓵᓵᑭᐎᓕᐌᐎᓕᓕᐤ, ᓀᔥᑕ ᑭ ᐸᔦᑭᐃᑯᓯᐎᓐ ᐅᒋ ᐸᑭᑎᓂᑫ ᐊᓂᐃ ᑫᒀᓇ ᑳ ᑮ ᐃᑕᔓᐌᑦ ᒧᓯᔅ, ᑭᒋ ᑮ ᑭᔅᑫᓕᑕᑭᒃ᙮

ᐅᐸᓓᑭᔅ ᒫᑎᐤ 5:22

ᒫᑲ ᓂᓚ ᑭᑦ ᐃᑎᓇᐗᐤ, ᐊᐌᓇ ᔐᔥᒀᑦ ᑫ ᑭᓯᐙᓰᔅᑕᐙᑴ ᐎᒋᔕᓇ, ᑲᑕ ᓈᓂᓵᓂᓯᐤ ᑭᒋ ᑎᐹᔅᑯᓈᑲᓂᐎᑦ: ᐊᐌᓇ ᒫᑲ ᑫ ᐊᑖᑴ ᐎᒋᔖᓇ, ᕃᑲ, ᑲᑕ ᓈᓂᓵᓂᓯᐤ ᑭᒋ ᐃᑐᑕᐋᑲᓂᐎᑦ ᐁᑖᔅᑕᒪᐱᓕᒋ ᐅᑎᐹᔅᑯᓂᑫᐗ: ᒫᑲ ᐊᐌᓇ ᑫ ᐃᑖᑴ, ᑭᓚ ᑭᔥᑴᑳᓐ, ᑲᑕ ᓈᓂᓵᓂᓯᐤ ᑭᒋ ᐌᐱᓇᑲᓂᐎᑦ ᒪᒋᐃᔥᑯᑌᒃ᙮

ᐅᐸᓓᑭᔅ ᒫᕐᒃ 13:8

ᐌᓴ ᐁ ᐯᔭᑯᔅᑳᓀᓯᒋᒃ ᐃᓕᓕᐗᒃ ᑲᑕ ᐸᓯᑯᔅᑕᐌᐗᒃ ᐁ ᐱᑐᔥᐃᔅᑳᓀᓯᓕᒋ ᐃᓕᓕᐗ, ᓀᔥᑕ ᐅᑭᒫᐎᐎᓐ ᑯᑕᒃ ᐅᑭᒫᐎᐎᓐ; ᓀᔥᑕ ᓇᓈᑐᒃ ᐃᔑ ᑲᑕ ᑶᑾᓐ, ᑲᑕ ᑲᐗᑲᑖᓂᐗᓐ ᒫᑲ, ᓀᔥᑕ ᑲᑕ ᐊᓕᒥᓯᓈᓂᐗᓐ: ᐅᐅ ᐁᐗᑯ ᐱᒉᓚᒃ ᐁ ᒫᒋᐸᓕᑭ ᓇᓀᑳᑌᓕᒧᐎᓇ᙮

ᓂᔓ ᒑᓐ 1:8

ᑲᓇᐗᐸᒥᑎᓱᒃ, ᐁᑳ ᑭᒋ ᐗᓂᑖᔭᒃ ᐊᓂᐃ ᑫᒀᓇ ᑳ ᑮ ᑲᔥᑭᑖᔭᒃ, ᒫᑲ ᑭᒋ ᐅᑎᓇᒪᒃ ᒥᑐᓂ ᑎᐸᐊᒫᑯᓯᐎᓐ᙮