6 ᒫᐗᒋ ᓂᔥᑕᒻ ᒫᑲ ᑳ ᐊᔅᑭᐗᒃ, ᑭᒋᒪᓂᑐ ᑮ ᐅᔑᐁᐤ ᓈᐯᐗ ᓀᔥᑕ ᐃᔅᑴᐗ᙮
ᐁ ᐃᑗᒋᒃ ᒫᑲ, ᑖᓐᑌ ᐊᓂᒪ ᐊᔓᑕᒫᑫᐎᓐ ᑭᒋ ᑕᑯᔑᒃ? ᐌᓴ ᐊᔅᐱᓐ ᐅᑖᐎᒪᐗᒃ ᑳ ᑮ ᓂᐹᒋᒃ, ᒥᓯᐌ ᑫᒀᓇ ᐃᑕᑾᓋ ᑳ ᐃᔑ ᐃᑕᑾᑭᐸᓐ ᐊᔅᐱᓐ ᑳ ᒫᒋ ᐅᔑᑖᓂᐗᒃ ᐅᒋ᙮
ᐌᓴ ᒣᒀᒡ ᐊᓂᐃ ᐁ ᑭᔑᑳᑭ ᑲᑕ ᐊᓕᒥᓯᓋᓂᐗᓐ, ᐁᑳ ᐐᔅᑳᑦ ᑳ ᐃᔑ ᐯᒋ ᐋᓕᒪᒃ ᐊᔅᐱᓐ ᑳ ᒫᒋ ᐅᔑᑖᓂᐗᒃ ᐊᓂᐁᓕᐤ ᑳ ᑮ ᐅᔑᑖᑦ ᑭᒋᒪᓂᑐ, ᐱᓕᔥ ᐊᓄᒡ, ᐁᑳ ᐎᔅᑳᑦ ᓀᔥᑕ ᑫ ᐃᔅᐱᒋ ᐋᓕᒪᒃ᙮
ᐌᓴ ᐊᓂᐃ ᐁᑳ ᑳ ᓄᑾᓂᓕᑭ ᐅᑦ ᐋᔮᓇ ᐊᔅᐱᓐ ᑳ ᑮ ᐅᔑᑖᓂᐗᒃ ᐊᔅᑭ ᐅᒋ ᐹᔦᑌᓈᑾᓂᓕᐗ, ᐁ ᐅᒋ ᓂᓯᑐᒋᑳᑌᓕᑭ ᐊᓂᐃ ᑳ ᑮ ᐅᔑᑖᓂᐗᑭ, ᐅ ᑳᑭᑫ ᑲᔥᑭᐅᐎᓐ ᓀᔥᑕ ᐅ ᑭᒋᒪᓂᑐᐎᓐ; ᑳ ᐅᒋ ᐁᑳ ᑮ ᑶᑕᐎᐃᑗᒋᒃ:
