ᐅᐸᓓᑭᔅ ᒫᕐᒃ 10:14 - ᐅᔅᑭ ᑎᔅᑌᒥᓐᑦ

¹⁴ ᒫᑲ ᐃᔅᐱ ᒋᓴᔅ ᐎᐋᐸᑕᒃ, ᓈᔅᐱᒡ ᓇᒪ ᑮ ᓇᐁᓕᑕᒻ, ᑮ ᐃᑌᐤ ᒫᑲ, ᐃᓕᓈᑯᒃ ᐊᐱᔅᑕᐙᔑᔕᒃ ᑭᒋ ᐯᒋ ᓈᔑᒋᒃ, ᐁᑳᐎᓚ ᒫᑲ ᑭᑕᐊᒫᑯᒃ; ᐌᓴ ᐅᑯ ᑐᐎ ᑭᒋᒪᓂᑐ ᐅᑦ ᐅᑭᒫᐎᐎᓂᒃ ᑳ ᐃᑖᑭᒃ᙮

ᐅᐸᓓᑭᔅ ᒫᕐᒃ 10:14 Referans Kwoze

ᐅᐸᓓᑭᔅ ᒫᑎᐤ 19:14

ᒫᑲ ᒋᓴᔅ ᑮ ᐃᑗᐤ, ᐃᓕᓈᑯᒃ ᐋᐱᔅᑕᐙᔑᔕᒃ, ᐁᑳ ᒫᑲ ᑭᑕᐊᒫᑯᒃ ᑭᒋ ᐯᒋ ᓈᔑᒋᒃ; ᐌᓴ ᐁᑯ ᑐᐎ ᑭᒋᑭᔑᑳᐎ ᐅᑭᒫᐎᐎᓇᒃ ᑳ ᐃᑖᒋᒃ᙮

ᐅᐸᓓᑭᔅ ᒫᑎᐤ 18:10

ᔮᒀᒥᓰᒃ ᐁᑳ ᑭᒋ ᐋᑕᐌᓕᒣᒃ ᐯᔭᒃ ᐅᑯ ᑳ ᐋᐱᔅᑌᓕᑖᑯᓯᒋᒃ; ᐌᓴ ᑭᑦ ᐃᑎᓇᐗᐤ, ᑭᒋᑭᔑᑯᒃ ᐅᑦ ᐁᓐᒐᓕᒥᐙᐗ ᒧᔕᒃ ᑲᓇᐙᐸᒥᒣᓕᐗ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᒫᑎᐤ 18:4

ᐁᐗᑯ ᐅᒋ ᐊᐌᓇ ᑫ ᑕᐸᑌᓕᒥᑎᓱᑴ ᑖᐱᔅᑯᒡ ᐊᐗ ᐊᐱᔅᑕᐙᔑᔥ, ᐁᐗᒀᓇ ᒥᔭᐗᒋ ᑭᔅᑌᓕᑖᑯᓯᑦ ᑭᒋᑭᔑᑳᐎ ᐅᑭᒫᐎᐎᓂᒃ᙮

ᓂᔥᑕᒻ ᐱᑕᕐ 2:2

ᑖᐱᔅᑯᒡ ᑳ ᐅᔥᑭ ᓂᑕᐎᑭᒋᒃ ᐊᐱᔅᑕᐙᔑᔕᒃ, ᓇᑕᐌᓕᑕᒧᒃ ᑖᐺ ᒍᒍᒋᒫᐳ ᐋᔭᒥᐎᓂᒃ ᑳ ᐅᒋᐸᓕᒃ, ᑭᒋ ᐅᒋ ᐅᐱᑭᔦᒃ;

ᓂᔓ ᑎᒧᑎ 3:15

ᓀᔥᑕ ᐁ ᐊᐙᔑᔑᐎᔭᓐ ᐁ ᑮ ᐯᒋ ᑭᔅᑫᓕᑕᒪᓐ ᐸᓓᑭ ᒪᓯᓇᐃᑫᐎᓇ, ᑫ ᑮ ᑲᑫᑕᐌᓕᑕᒥᐃᑯᔭᓐ ᐱᒫᒋᐃᐌᐎᓂᒃ ᐃᔑ, ᑖᐺᔦᓕᑕᒧᐎᓐ ᐅᒋ ᙭ ᒋᓴᓯᒃ ᑳ ᐃᑕᑾᒃ᙮

ᑭᔅᑫᓕᑖᑯᑖᑫᐎᓐ 14:5

ᐅᑐᓂᐙᒃ ᒫᑲ ᓇᒪᐎᓚ ᑮ ᒥᔅᑭᑳᑌᓕᐤ ᐙᔦᔑᒥᐌᐎᓐ: ᐌᓴ ᒥᑐᓂ ᓇᒪᐎᓚ ᐗᓂᑎᐗᒃ ᐅᑎᔥᑲᐤ ᑭᒋᒪᓂᑐᐗ ᓀᔥᑕ ᐅᑭᒪᐗᐱᐎᓂᓕᐤ᙮

ᓂᔓ ᑎᒧᑎ 1:5

ᐃᔅᐱ ᑫᔅᑭᓯᑐᑕᒫᓂ ᐊᓂᒪ ᑖᐺ ᑖᐺᔦᓕᑕᒧᐎᓐ ᑳ ᐱᒋᔅᑳᑯᔭᓐ, ᓂᔥᑕᒻ ᑳ ᑮ ᐱᒋᔅᑳᑯᑦ ᑯᑯᒻ ᓗᐃᔅ ᓀᔥᑕ ᑭᑳᐎ ᐃᔫᓂᔅ; ᓀᔥᑕ ᓂ ᑫᒋᓇᐅᓐ ᑭᓚ ᐊᓯᒋ ᐁ ᐱᒋᔅᑳᑯᔭᓐ᙮

ᐃᐱᓯᔭᓇ 4:26

ᑭᓯᐙᓯᒃ, ᐁᑳ ᒫᑲ ᒪᒋᑐᑕᒧᒃ: ᐁᑳᐎᓚ ᑲᑕ ᐸᑭᔑᒧ ᑫᔮᐸᒡ ᐁ ᐋᑯᓚᐌᓯᔦᒃ:

ᓂᔥᑕᒻ ᑯᕆᓐᑎᐊᓇ 14:20

ᓂᒋᔖᓂᑐᒃ, ᐁᑳᐎᓚ ᐊᐙᔑᔑᐎᒃ ᓂᓯᑐᑕᒧᐎᓂᒃ: ᒫᑲ ᐎᓚ ᑭᓰᔅᑖᑐᐎᓂᒃ ᐊᐙᔑᔑᐎᒃ, ᒫᑲ ᓂᓯᑐᑕᒧᐎᓂᒃ ᑭᔖᐯᐎᒃ᙮

ᓂᔥᑕᒻ ᑯᕆᓐᑎᐊᓇ 7:14

ᐌᓴ ᐁᑳ ᑳ ᑖᐺᔦᓕᑕᒃ ᐊᓇ ᑳ ᐎᐎᑦ ᐸᔦᑭᐃᑯ ᐎᐗ, ᓀᔥᑕ ᐁᑳ ᑳ ᑖᐺᔦᓕᑕᒃ ᐊᓇ ᑳ ᐅ ᓈᐯᒥᑦ ᐹᔦᑭᐃᑯ ᐅ ᓈᐯᒪ: ᑮᔥᐱᓐ ᐁᑳ ᐅᒪ ᐃᑭᒃ, ᑭᑦ ᐊᐙᔑᒥᔑᐗᐗᒃ ᑲᑕ ᐎᓕᐱᓯᐸᓇᒃ; ᐊᓄᒡ ᒫᑲ ᐸᓓᑭᓯᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:28

ᐁ ᐃᑌᓕᑖᑾᒃ ᒥᓗᐋᒋᒧᐎᓐ, ᑭᓚᐗᐤ ᐅᒋ, ᐅᐸᒀᔑᐃᐌᐎᐗᒃ: ᒫᑲ ᐁ ᑎᐹᑐᒋᑳᑌᒃ ᐙᐌᓛᐸᒥᐌᐎᓐ, ᓵᑭᐋᑲᓂᐎᐗᒃ ᐅᑖᐎᐙᐗ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:16

ᐌᓴ ᑮᔥᐱᓐ ᑳ ᓂᔥᑕᒻ ᒥᓂᔑᐗᑭ ᐯᓓᑲᓄᑴ, ᒥᓯᐌ ᐳᓓᑲᓐ: ᑮᔥᐱᓐ ᒫᑲ ᐅᒉᐱᒃ ᐯᓓᑭᓯᑴ, ᐁᑯ ᓀᔥᑕ ᑖᐱᔅᑯᒡ ᐗᑎᑾᓇ᙮

ᐊᐸᔅᑕᓚᒃ 3:25

ᑭᓚᐗᐤ ᐌᑕᐙᔑᒥᔑᒥᑖᑾᒃ ᐅᑭᔅᑭᐗᐃᑫᐗᒃ, ᓀᔥᑕ ᐊᓂᒪ ᓇᔅᑯᒥᑐᐎᓐ ᑭᒋᒪᓂᑐ ᑳ ᑮ ᐎᑕᒪᐙᑦ ᐊᓂᐃ ᑯᑕᐎᓇᐗ, ᐁ ᐃᑖᑦ ᐁᑉᕃᐊᒪ, ᑭᓚ ᑭᑦ ᐊᐙᔑᒥᔕᒃ ᐅᒋ ᑲᑕ ᒥᓦᑭᒪᑲᓂᐎᐗᒃ ᒥᓯᐌ ᑳ ᐱᒪᑎᓯᒋᒃ ᐅᑕ ᐊᔅᑭᒃ᙮

ᐊᐸᔅᑕᓚᒃ 2:39

ᐌᓴ ᑭᓚᐙᐤ ᑭ ᒥᓕᑲᐎᓈᐗᐤ ᐊᓂᒪ ᐊᔓᑕᒫᑫᐎᓐ, ᓀᔥᑕ ᑭᑦ ᐊᐙᔑᒥᔑᐗᐗᒃ, ᓀᔥᑕ ᒥᓯᐌ ᐊᓂᑭ ᐙᓚᐤ ᑳ ᐃᑖᒋᒃ, ᐱᓕᔥ ᑕᑐ ᐊᓂᑭ ᑫ ᓇᑐᒥᑯᒋᒃ ᐅᑎᐯᓕᒋᑫᐗ ᑭ ᑭᒋᒪᓂᑐᒥᓇᐗ᙮

ᐅᐸᓓᑭᔅ ᒫᕐᒃ 8:33

ᒫᑲ ᐃᔅᐱ ᑳ ᑴᔅᑭᑳᐸᐎᑦ, ᑳ ᑲᓇᐙᐸᒫᑦ ᒫᑲ ᐅ ᑭᔅᑭᓄᐊᒪᐙᑲᓇ, ᑮ ᑭᑕᐊᒪᐌᐤ ᐱᑕᕋ, ᐁ ᐃᑗᑦ, ᓂᔅᐱᔅᑾᓂᒃ ᐃᔑ ᐃᑐᑌ, ᓭᑖᓐ: ᐌᓴ ᓇᒪᐎᓚ ᑭᒋᒪᓂᑐ ᐅᑦ ᐋᔮᓇ ᑭ ᒫᒥᑐᓀᓕᑕᒸᓐ, ᒫᑲ ᐊᓂᐃ ᐃᓕᓕᐗᒃ ᑳ ᐅᑦ ᐋᔮᓂᒋᒃ᙮

ᐅᐸᓓᑭᔅ ᒫᕐᒃ 3:5

ᐃᔅᐱ ᒫᑲ ᐙᔅᑳ ᑳ ᑮ ᑲᓇᐙᐸᒫᑦ ᐁ ᑭᓯᐙᓯᑦ, ᐁ ᒥᒋᓚᐌᓯᑦ ᐁ ᐃᔅᐱᒋ ᒪᔥᑲᐎᑌᐁᓕᒋ, ᐃᑌᐤ ᐊᓂᐃ ᐃᓕᓕᐗ, ᔓᐎᓂᔅᑫᓕ᙮ ᑮ ᔓᐎᓂᔅᑫᓕᐤ ᒫᑲ: ᓀᔥᑕ ᐅᒋᒋ ᑮ ᒥᓇᐙᒋᑖᓂᐗᓂᓕᐤ ᑖᐱᔅᑯᒡ ᑯᑕᑭᓕᐤ᙮

ᐅᐸᓓᑭᔅ ᒫᑎᐤ 5:3

ᔕᐌᓕᑖᑯᓯᐗᒃ ᑳ ᑭᑎᒫᑭᓯᒋᒃ ᐅᑦ ᐊᒑᑯᐙᒃ; ᐌᓴ ᐅᑦ ᐋᔮᓂᐗᒃ ᑭᒋᑭᔑᑳᐎ ᐅᑭᒫᐎᐎᓐ᙮

ᐅᐸᓓᑭᔅ ᒫᑎᐤ 5:10

ᔕᐌᓕᑖᑯᓯᐗᒃ ᐊᓂᑭ ᑳ ᑲᒀᑕᑭᐋᑲᓂᐎᒋᒃ ᒀᔭᔅᑭᑖᑎᓯᐎᓐ ᐅᒋ; ᐌᓴ ᐅᑦ ᐋᔮᓂᐗᒃ ᑭᒋᑭᔑᑳᐎ ᐅᑭᒪᐎᐎᓐ᙮

ᐅᐸᓓᑭᔅ ᒑᓐ 3:3

ᒋᓴᔅ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᑖᐺ, ᑖᐺ, ᑭᑦ ᐃᑎᓐ, ᑮᔥᐱᓐ ᐃᓕᓕᐤ ᐁᑳ ᒥᓇ ᓂᑖᐎᑭᑌ, ᓇᒪᐎᓚ ᑲᑕ ᑮ ᐙᐸᑕᒬᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᒑᓐ 3:5

ᒋᓴᔅ ᑮ ᓇᔥᑴᐗᔑᐃᐌᐤ ᑖᐺ, ᑖᐺ, ᑭᑦ ᐃᑎᓐ, ᑮᔥᐱᓐ ᐃᓕᓕᐤ ᐁᑳ ᓂᑖᐎᑭᐃᑯᑌ ᓂᐱᓕᐤ ᓀᔥᑕ ᐊᒑᑾ, ᓇᒪᐎᓚ ᑲᑕ ᑮ ᐱᑐᑫᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᒃ᙮