3 ᒫᑎᑲ, ᒫᑲ, ᐋᑎᑦ ᐅᒪᓯᓇᐃᑫᐗᒃ ᑮ ᐃᑎᑎᓱᐗᒃ, ᐊᐗ ᐃᓕᓕᐤ ᐸᐹᔅᑖᒧ᙮
ᐁᑯ ᒫᐗᒋ ᑭᒋ ᓵᓵᑭᐎᓕᐌᐎᓕᓕᐤ ᑎᐋᑐᐱᑕᒃ ᐅ ᐎᓛᒋᑲᓇ, ᐁ ᐃᑗᑦ, ᑮ ᐸᐹᔅᑖᒧ; ᑫᒀᓐ ᐌᒋ ᑫᔮᐸᒡ ᓇᑕᐌᓕᒪᑯᒃ ᐅᑎᐹᒋᒧᐗᒃ? ᒫᑎᑲ, ᐊᓄᒡ ᑭ ᑮ ᐯᑕᒸᓈᓇᐤ ᐅ ᐹᔅᑕᒧᐎᓐ᙮
ᐅᒪᓯᓇᐃᑫᐗᒃ ᒫᑲ ᓀᔥᑕ ᐸᕋᓯᔭᒃ ᑭ ᒫᒋ ᒫᒥᑐᓀᓕᑕᒶᒃ, ᐁ ᐃᑗᒋᒃ, ᐊᐌᓇ ᐊᐗ ᑳ ᐹᔅᑖᒧᑦ? ᐊᐌᓇ ᑫ ᑮ ᐌᐯᓕᑕᒫᑫᑦ ᒪᒋᑐᑕᒧᐎᓇ ᐱᑯ ᑭᒋᒪᓂᑐ?
ᑭ ᑮ ᐯᑕᒸᓇᐗᐤ ᐅ ᐹᔅᑕᒧᐎᓐ: ᑖᓐ ᐁᑌᓕᑕᒣᒃ? ᒥᓯᐌ ᐁ ᐃᑕᓯᒋᒃ ᒫᑲ ᑮ ᓂᔑᐗᓈᒋᒣᐗᒃ ᑭᒋ ᐃᑌᓕᑖᑯᓯᓕᒋ ᑭᒋ ᓂᐹᔨᒥᒋ᙮
ᐌᓴ ᐱᒋ ᐅᒋ, ᐃᓕᓕᐗᒃ ᐅᑌᐃᐙᒃ, ᐅᒋᐸᓕᐗ ᒪᒋ ᒥᑐᓀᓕᒋᑫᐎᓇ, ᒫᒪᐎᐃᑐᐎᓇ, ᐯᔑᑾᑎᓯᐎᓇ, ᓂᐹᔭᐌᐎᓇ,
ᐌᓴ ᑮ ᑭᔅᑭᓄᐊᒪᐌᐤ ᑖᐱᔅᑯᒡ ᐊᐌᓇ ᐁ ᐋᔮᑦ ᑲᔥᑭᐅᐎᓂᓕᐤ, ᓇᒪᐎᓚ ᒫᑲ ᑖᐱᔅᑯᒡ ᐅᒪᓯᓇᐃᑫᐗᒃ᙮
ᑖᐺ ᑭᑦ ᐃᑎᓇᐗᐤ, ᒥᓯᐌ ᒪᒋᑐᑕᒧᐎᓇ ᑲᑕ ᐌᐯᓕᑕᒪᐙᐗᒃ ᐃᓕᓕᐎᑯᓯᓵᓇᒃ, ᓀᔥᑕ ᐹᔅᑕᒧᐎᓇ ᑫ ᐃᔑ ᐸᐹᔅᑕᒧᐙᑴ:
ᒫᑲ ᐊᓇ ᑫ ᐸᐹᔅᑕᒫᑦ ᐸᓓᑭ ᐊᒑᑾ ᓇᒪᐎᔅᑳᑦ ᐋᔭᐤ ᐌᐯᓕᑕᒫᑯᓯᐎᓂᓕᐤ, ᒫᑲ ᓈᓂᓵᓂᓯᐤ ᑭᒋ ᐋᔮᑦ ᑳᑭᑫ ᓂᔑᐗᓋᑎᓯᐎᓂᓕᐤ᙮
