19 ᒋᓴᔅ ᒫᑲ ᑮ ᐸᓯᑯ, ᑮ ᓄᔅᐱᓇᑌᐤ ᒫᑲ, ᐊᓯᒋ ᓀᔥᑕ ᐅ ᑭᔅᑭᓄᐊᒪᐙᑲᓇ
ᑭᒋᒪᓂᑐ ᑳ ᐃᔑ ᑕᒫᔅᑯᓈᑦ ᒋᓴᓴ ᓈᓴᕋᑎᒃ ᑳ ᐅᒌᓕᒋ ᑳ ᐸᓓᑭᓯᓕᒋ ᐊᒑᑾ ᓀᔥᑕ ᓱᑳᑎᓯᐎᓂᓕᐤ ᐅᒋ; ᐊᓇ ᑳ ᐸᐹᐃᑐᑌᑦ ᐁ ᒥᓗᑐᑖᑫᑦ, ᓀᔥᑕ ᐁ ᒥᓇᐙᒋᐋᑦ ᒥᓯᐌ ᐊᓂᐃ ᑳ ᓇᓀᑳᒋᐃᑯᓕᒋ ᒪᒋᒪᓂᑐᐗ: ᐌᓴ ᑭᒋᒪᓂᑐᐗ ᑮ ᐎᒉᐎᑯ᙮
ᒋᓴᔅ ᐃᑌᐤ, ᐁᐗᑯ ᓂ ᒥᒋᒥᒻ ᑭᒋ ᑐᑕᒶᒃ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᓀᔥᑕ ᑭᒋ ᑭᔑᑖᐗᒃ ᐅᑦ ᐊᑑᔅᑫᐎᓐ᙮
ᒋᓴᔅ ᒫᑲ ᐃᑌᐤ, ᓂ ᑳ ᐯᒋ ᒥᓇᐙᒋᐊᐤ᙮
ᒣᒀᒡ ᒫᑲ ᐅᐅ ᑳ ᐋᐃᑖᑦ, ᒫᑎᑲ, ᑮ ᐯᒋ ᓈᑎᑯ ᐯᔭᒃ ᐅᑭᒪᐗ, ᑮ ᓇᐗᑮᔅᑖᑯ ᒫᑲ ᐁ ᐃᑎᑯᑦ, ᓂᑖᓂᔅ ᐋᔕᔾ ᓇᒪ ᐱᒫᑎᓯᐤ: ᐯᒋ ᐃᑕᔅᑖ ᒫᑲ ᑭᒋᒋᐎᔭᐎᒃ, ᐁᑯ ᒫᑲ ᑫ ᐱᒫᑎᓰᑦ᙮
ᒫᑎᑲ, ᒫᑲ, ᐯᔭᒃ ᐃᔅᑴᐗ, ᑳ ᐋᑯᓯᓕᒋ, ᐁ ᐅᒋᑲᐗᓂᓕᒃ ᐅᒥᑯ ᐃᔥᐱᔥ ᓂᔓᔖᑉ ᐱᐴᓋ, ᐅᔅᐱᔅᑾᓂᒃ ᑮ ᐯᒋ ᓈᑎᑯ, ᐁ ᓵᒥᓇᒥᓕᒋ ᐅ ᐎᓛᒋᑲᓐ ᑎᑎᐱᔅᑕᐃᑲᓂᒃ:
