ᐅᐸᓓᑭᔅ ᒫᑎᐤ 6:14 - ᐅᔅᑭ ᑎᔅᑌᒥᓐᑦ

¹⁴ ᐌᓴ ᑮᔥᐱᓐ ᐌᐯᓕᑡᒪᐌᑾᐌ ᐃᓕᓕᐗᒃ ᐁ ᐗᓂᑐᑖᑖᑾᒃ, ᑯᑖᐎᐗᐤ ᑭᒋᑭᔑᑯᒃ ᓀᔥᑕ ᑭ ᑳ ᐌᐯᓕᑕᒫᑯᐙᐤ:

ᐅᐸᓓᑭᔅ ᒫᑎᐤ 6:14 Referans Kwoze

ᐃᐱᓯᔭᓇ 4:32

ᓀᔥᑕ ᒫᑲ ᑭᔐᐙᑐᑖᑐᒃ, ᐁ ᔕᐎᑌᐁᔦᒃ, ᐁ ᐌᐯᓕᑕᒫᑐᔦᒃ, ᑖᐱᔅᑯᒡ ᑭᒋᒪᓂᑐ ᙭ ᐅᒋ ᐁ ᑮ ᐌᐯᓕᑕᒫᑖᒃ᙮

ᐅᐸᓓᑭᔅ ᒫᕐᒃ 11:25

ᐃᔅᐱ ᒫᑲ ᓂᐃᐹᐎᔦᑯ ᐁ ᐋᔭᒥᐋᔦᒃ, ᐌᐯᓕᑕᒫᑫᒃ ᑮᔥᐱᓐ ᐊᐌᓇ ᐙᔦᔥ ᓈᔦᑕᐌᓕᒣᒃ; ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᑭᒋ ᐌᐯᓕᑕᒫᑖᒃ ᑮ ᐗᓂᑎᐎᓂᐙᐗ᙮

ᑯᓚᔑᔭᓇ 3:13

ᐁ ᔑᐱᓚᐌᓯᔅᑖᑐᔦᒃ, ᓀᔥᑕ ᐁ ᐌᐯᓕᑕᒫᑐᔦᒃ, ᑮᔥᐱᓐ ᐊᐌᓇ ᐃᑌᓕᑕᒃ ᐁ ᒪᒋᑐᑖᑯᑦ ᐊᐌᓕᐗ: ᑖᐱᔅᑯᒡ ᐁ ᑮ ᐌᐯᓕᑕᒫᑖᒃ ᙭, ᐁᑯ ᑖᐱᔅᑯᒡ ᑐᑕᒧᒃ᙮

ᐅᐸᓓᑭᔅ ᒫᑎᐤ 7:2

ᐁᑯ ᐊᓂᒪ ᑎᐹᔅᑯᓂᑫᐎᒃ ᑫ ᐃᔑ ᑎᐹᔅᑯᓂᑫᔦᒃ, ᐁᑯ ᓀᔥᑕ ᑭᓚᐗᐤ ᑫ ᐃᔑ ᑎᐹᔅᑯᓂᑲᐎᔦᒃ: ᐊᓂᒪ ᑎᐹᔨᑲᓐ ᓀᔥᑕ ᑫ ᐃᔑ ᑎᐹᔨᑫᔦᒃ, ᐁᑯ ᓀᔥᑕ ᑭᓚᐗᐤ ᑫ ᐃᔑ ᑎᐸᐊᒫᑲᐎᔦᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:13

ᐌᓴ ᐎᓚ ᑲᑕ ᐋᔭᐤ ᑎᐹᔅᑯᓂᑯᓯᐎᓂᓕᐤ ᐁᑳ ᐁ ᐊᓯᒋᐸᓕᓕᒃ ᔕᐌᓕᒋᑫᐎᓂᓕᐤ, ᐁᑳ ᑳ ᑮ ᐙᐸᑎᓕᐌᑦ ᔕᐌᓕᒋᑫᐎᓂᓕᐤ; ᔕᐌᓕᒋᑫᐎᓐ ᒫᑲ ᒥᓚᐙᑕᒧᒪᑲᓐ ᐁ ᔖᑯᒋᑳᑌᒃ ᑎᐹᔅᑯᓂᑫᐎᓐ᙮

ᐅᐸᓓᑭᔅ ᒫᑎᐤ 6:12

ᐌᐯᓕᑕᒪᐎᓈᓐ ᒫᑲ ᓂ ᒪᓯᓇᐃᑲᓂᓈᓇ, ᐁ ᐃᔑ ᐌᐯᓕᑕᒪᐗᑭᒋᒃ ᐊᓂᑭ ᑳ ᒪᓯᓇᐃᑫᑐᑕᐎᔭᒥᒋᒃ᙮

ᓂᔥᑕᒻ ᒑᓐ 3:10

ᐁᐗᑯ ᐁ ᐃᔑ ᑭᔅᑫᓕᑖᑯᓯᓕᒋ ᑭᒋᒪᓂᑐ ᐅᑦ ᐊᐙᔑᒥᔕ ᓀᔥᑕ ᒪᒋᒪᓂᑐ ᐅᑦ ᐊᐙᔑᒥᔕ: ᐊᐌᓇ ᐁᑳ ᑎᐅᑕᒧᑴ ᒀᔭᔅᑭᑖᑎᓯᐎᓂᓕᐤ, ᓇᒪᐎᓚ ᑭᒋᒪᓂᑐᒃ ᐅᒋᐤ, ᓇᒪ ᓀᔥᑕ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ᙮

ᐅᐸᓓᑭᔅ ᒫᑎᐤ 5:7

ᔕᐌᓕᑖᑯᓯᐗᒃ ᑳ ᔕᐌᓕᒋᑫᒋᒃ; ᐌᓴ ᑲᑕ ᒥᓛᐗᒃ ᔕᐌᓕᒋᑫᐎᓂᓕᐤ᙮

ᐅᐸᓓᑭᔅ ᓘᒃ 6:37

ᐁᑳᐎᓚ ᑎᐹᔅᑯᓂᑫᒃ, ᐁᑯ ᐁᑳ ᑫ ᑎᐹᔅᑯᓂᑲᐎᔦᒃ: ᐁᑳᐎᓚ ᓂᔑᐗᓈᒋᒥᐌᒃ, ᐁᑯ ᐁᑳ ᑫ ᓂᔑᐗᓈᒋᒥᑲᐎᔦᒃ: ᐌᐯᓕᑕᒫᑫᒃ, ᐁᑯ ᒫᑲ ᑫ ᐌᐯᓕᑕᒫᑲᐎᔦᒃ᙮