ᐅᐸᓓᑭᔅ ᒫᑎᐤ 6:10 - ᐅᔅᑭ ᑎᔅᑌᒥᓐᑦ

¹⁰ ᑭᑦ ᐅᑭᒫᐎᐎᓐ ᑲᑕ ᐎ ᐅᑎᒋᐸᓕᐤ᙮ ᐁ ᐃᑌᓕᑕᒪᓐ ᑲᑕ ᐎ ᑐᒋᑳᑌᐤ ᐅᑕ ᐊᔅᑮᒃ ᑖᐱᔅᑯᒡ ᑭᒋᑭᔑᑯᒃ᙮

ᐅᐸᓓᑭᔅ ᒫᑎᐤ 6:10 Referans Kwoze

ᐦᐃᑉᕉᐗ 10:36

ᐌᓴ ᑭ ᓇᑕᐌᓕᑌᓇᐗᐤ ᔑᐱᓚᐌᓯᐎᓐ; ᐹᑎᒫ ᑮ ᑐᑕᒬᑴ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᑭᒋ ᒥᓕᑲᐎᔦᒃ ᐊᓂᒪ ᐊᔓᑕᒫᑫᐎᓐ᙮

ᐅᐸᓓᑭᔅ ᒑᓐ 4:34

ᒋᓴᔅ ᐃᑌᐤ, ᐁᐗᑯ ᓂ ᒥᒋᒥᒻ ᑭᒋ ᑐᑕᒶᒃ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᓀᔥᑕ ᑭᒋ ᑭᔑᑖᐗᒃ ᐅᑦ ᐊᑑᔅᑫᐎᓐ᙮

ᐅᐸᓓᑭᔅ ᒫᑎᐤ 26:42

ᒥᓇ ᒫᑲ ᑮ ᐃᑐᑌᐤ ᐁᑯ ᓂᔡᐤ, ᑮ ᐋᔭᒥᐊᐤ ᒫᑲ, ᐁ ᐃᑗᑦ, ᐅ ᓄᑖ, ᑮᔥᐱᓐ ᐅᒪ ᒥᓂᒀᑲᓐ ᐁᑳ ᑫ ᑮ ᒥᔮᔕᑳᑯᐙᓀ ᐹᑎᒫ ᑮ ᒥᓂᑴᔮᓀ, ᐁᑯᔑ ᑭᑦ ᐃᑌᓕᑕᒧᐎᓐ ᑲᑕ ᐃᑭᓐ᙮

ᐅᐸᓓᑭᔅ ᒫᑎᐤ 12:50

ᐌᓴ ᐊᐌᓇ ᑫ ᑐᑕᒧᑴ ᐅᑦ ᐃᑌᓕᑕᒧᐎᓂᓕᐤ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ, ᐁᐗᒀᓇ ᓂᒋᔖᓐ, ᓀᔥᑕ ᓂᒋᔖᓂᔅᑴᒻ ᓀᔥᑕ ᓂᑳᐎ᙮

ᓂᔥᑕᒻ ᑌᓴᓗᓂᔭᓇ 5:18

ᒥᓯᐌ ᑫᒀᓐ ᐅᒋ ᓈᓈᔅᑯᒧᒃ: ᐌᓴ ᐁᐗᑯ ᑭᒋᒪᓂᑐ ᐅᑦ ᐃᑌᓕᑕᐊᐎᓐ ᙭ ᒋᓴᓯᒃ ᑭᓚᐗᐤ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:2

ᓀᔥᑕ ᒫᑲ ᐁᑳᐎᓚ ᓇᔅᐱᑕᒧᒃ ᐊᔅᑭᐎ ᐃᔑᑣᐎᓇ; ᒫᑲ ᑴᔅᑳᑎᓰᒃ ᐁ ᐅᔥᑭᑖᓂᐗᒃ ᑭ ᒥᑐᓀᓕᒋᑲᓂᐗᐤ, ᑭᒋ ᓇᑕᐎ ᑭᔅᑫᓕᑕᒬᒃ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᐁᐗᒀᓂᒪ ᑳ ᒥᓨᔑᒃ, ᓀᔥᑕ ᑳ ᓇᐃᓕᐌᐃᐌᒪᑲᒃ, ᓀᔥᑕ ᒥᑐᓂ ᑳ ᒀᔭᔅᑭᑌᓕᑖᑾᒃ᙮

ᐅᐸᓓᑭᔅ ᒑᓐ 6:40

ᐁᐗᑴᓕᐤ ᒫᑲ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᒥᓯᐌ ᑕᑐ ᐊᐌᓇ ᑳ ᐙᐸᒫᑦ ᐅᑯᓯᓯᒫᐗ, ᓀᔥᑕ ᑳ ᑖᐺᔦᓕᒫᑦ, ᑭᒋ ᐋᔮᑦ ᑳᑭᑫ ᐱᒫᑎᓯᐎᓂᓕᐤ: ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮

ᑯᓚᔑᔭᓇ 1:9

ᐅᒪ ᐅᒋ ᓂᓚᓈᓐ ᓀᔥᑕ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒫᒃ, ᓇᒪᐎᓚ ᓂ ᐳᓂᓈᓐ ᐁ ᐋᔭᒥᐁᔅᑕᒫᑕᑾᒃ, ᑭᒋ ᓴᑲᔅᑭᓀᔅᑳᑯᐌᒃ ᐁ ᑭᔅᑫᓕᒋᑳᑌᓕᒃ ᐅᑦ ᐃᑌᓕᑕᒧᐎᓐ, ᒥᓯᐌ ᑲᑫᑕᐌᓕᑕᒧᐎᓂᒃ ᓀᔥᑕ ᐊᒑᑯᐎ ᓂᓯᑐᑕᒧᐎᓂᒃ;

ᐃᐱᓯᔭᓇ 6:6

ᓇᒪᐎᓚ ᐙᐸᒥᑯᐎ ᐊᑑᔅᑫᐎᓂᒃ, ᑖᐱᔅᑯᒡ ᐊᓂᑭ ᐃᓕᓕᐗ ᐱᑯ ᐁ ᓇᐃᓚᐌᐋᒋᒃ: ᒫᑲ ᑖᐱᔅᑯᒡ ᙭ ᐅᑦ ᐊᑑᔅᑫᓛᑲᓂᒪ, ᐁ ᑐᑕᒬᒃ ᑭᑌᐃᐙᒃ ᐅᒋ ᑭᒋᒪᓂᑐ ᐅᑦ ᐃᑌᓕᑕᒧᐎᓐ;

ᐅᐸᓓᑭᔅ ᒫᑎᐤ 7:21

ᓇᒪᐎᓚ ᒥᓯᐌ ᑕᑐ ᐊᐌᓇ ᑳ ᐃᔑᑦ, ᑌᐯᓕᒋᑫᔭᓐ, ᑌᐯᓕᒋᑫᔭᓐ, ᑲᑕ ᐱᑐᑫᐤ ᑭᒋᑭᔑᑳᐎ ᐅᑭᒫᐎᐎᓂᒃ; ᒫᑲ ᐊᓇ ᑳ ᑐᑕᒸᑦ ᐅᑦ ᐃᑌᓕᑕᒧᐎᓂᓕᐤ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ᙮

ᓂᔥᑕᒻ ᐱᑕᕐ 2:15

ᐌᓴ ᐁᑯ ᐁ ᐃᑌᓕᑕᒃ ᑭᒋᒪᓂᑐ, ᐁ ᒥᓗ ᐋᔨᑎᔦᒃ ᑭᒋ ᐅᒋ ᑭᐳᑐᓀᐌᑾᒃ ᐅᑲᑫᐹᑎᓯᐗᒃ ᐁ ᑲᑫᐹᑎᓯᐎ ᐃᑗᒋᒃ:

ᐦᐃᑉᕉᐗ 13:21

ᑭ ᑳ ᐎ ᒥᑐᓂᐎᐃᑯᐗᐤ ᒥᓯᐌ ᑕᑐ ᒥᓗ ᐊᑑᔅᑫᐎᓂᒃ ᑭᒋ ᑐᑕᒬᒃ ᐅᑦ ᐃᑌᓕᑕᒧᐎᓐ, ᐁ ᐃᔑᒋᑫᑦ ᐱᒋ ᑭᔭᐎᐙᒃ ᐊᓂᐁᓕᐤ ᑳ ᒥᓗ ᑲᓇᐙᐸᑕᒃ, ᐎᓚ ᐅᒋ ᒋᓴᔅ ᙭: ᐊᓇ ᑫ ᑭᔅᑌᓕᑖᑯᐋᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᐅᐸᓓᑭᔅ ᒫᑎᐤ 3:2

ᐁ ᐃᑗᑦ ᒫᑲ, ᑴᔅᑳᑎᓰᒃ: ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐯᔓᓈᑾᓐ᙮

ᐅᐸᓓᑭᔅ ᓘᒃ 22:42

ᐁ ᐃᑗᑦ, ᓄᑖ, ᑮᔥᐱᓐ ᐙ ᑐᑕᒧᐗᓂ, ᐃᑲᑌᓇᒪᐎᓐ ᐅᒪ ᒥᓂᒀᑲᓐ: ᐁᓕᐌᒃ ᒫᑲ, ᓇᒪᐎᓚ ᓂᓚ ᐁ ᐃᑌᓕᑕᒫᓐ, ᒫᑲ ᐁ ᐃᑌᓕᑕᒪᓐ ᑭᓚ, ᑲᑕ ᐃᑭᓐ᙮

ᐅᐸᓓᑭᔅ ᒑᓐ 7:17

ᑮᔥᐱᓐ ᐊᐌᓇ ᐎ ᑐᑕᒸᑌ ᐅᑦ ᐃᑌᓕᑕᒧᐎᓂᓕᐤ, ᑲᑕ ᑭᔅᑫᓕᑕᒻ ᑭᔅᑭᓄᐊᒫᑫᐎᓂᓕᐤ, ᑮᔥᐱᓐ ᑭᒋᒪᓂᑐᒃ ᐌᒋᒪᑲᓂᓕᑴ, ᓀᔥᑕᐱᑯ ᑎᐱᓚᐌ ᓂ ᒥᑐᓀᓕᒋᑲᓂᒃ ᐌᒋ ᐋᔭᒥᐙᓀ᙮

ᑭᔅᑫᓕᑖᑯᑖᑫᐎᓐ 19:6

ᓂ ᑮ ᐯᑌᓐ ᒫᑲ, ᒫᓇ ᐱᑯ ᐁ ᐯᑖᑯᓯᒋᒃ ᐁ ᒫᒪᐎᒥᒉᑎᒋᒃ, ᓀᔥᑕ ᑖᐱᔅᑯᒡ ᐁ ᐃᑎᑖᑾᑭ ᒥᒉᑦ ᓂᐱᔭ, ᓀᔥᑕ ᐁ ᐯᑖᑯᓯᒋᒃ ᑭᒋ ᐅᓂᒥᔅᑭᐗᒃ, ᐁ ᐃᑗᒋᒃ, ᐋᓕᓘᔭ: ᐌᓴ ᐅᑎᐯᓕᒋᑫᐤ ᑭᒋᒪᓂᑐ ᒥᓯᐌ ᓯᔪᑳᑎᓯᑦ ᑎᐯᓕᒋᑫᐤ᙮

ᓂᔥᑕᒻ ᑌᓴᓗᓂᔭᓇ 4:3

ᐌᓴ ᐁᐗᑯ ᐅᒪ ᑭᒋᒪᓂᑐ ᐅᑦ ᐃᑌᓕᑕᒧᐎᓐ, ᑭ ᐸᓓᑭᐃᑯᓯᐎᓂᐗᐤ ᐅᑎ, ᐁᑳ ᑭᒋ ᑐᑕᒣᒃ ᐱᔑᒀᑎᓯᐎᓐ;

ᐊᐸᔅᑕᓚᒃ 21:14

ᐃᔅᐱ ᒫᑲ ᐁᑳ ᐙ ᔑᑭᒫᑲᓂᐎᑦ, ᓂ ᑮ ᐳᓂᓈᓐ, ᐁ ᐃᑗᔮᒃ, ᐁᑯᔑ ᐅᑦ ᐃᑌᓕᑕᒧᐎᓐ ᐅᑎᐯᓕᒋᑫᐤ ᑲᑕ ᐃᑭᓂᓕᐤ᙮

ᐊᐸᔅᑕᓚᒃ 13:22

ᐃᔅᐱ ᒫᑲ ᑳ ᑮ ᐃᑲᑌᓈᑦ ᐊᓂᐃ; ᑮ ᐸᓯᑯᓇᒪᐌᐤ ᑌᐱᑕ ᑭᒋ ᑭᒋᐅᑭᒫᒥᓕᒋ: ᐊᓂᐃ ᓀᔥᑕ ᑳ ᑮ ᑎᐹᒋᒫᑦ, ᐁ ᐃᑗᑦ ᒫᑲ, ᓂ ᑮ ᒥᔅᑲᐙᐤ ᑌᐱᑦ ᐅᑯᓯᓴ ᐊᓇ ᒉᓯ, ᐃᓕᓕᐤ ᑳ ᐎᒋᐃᔑᑌᐁᒥᑦ, ᑫ ᑎᐱᑐᑕᒃ ᒥᓯᐌ ᑳ ᐃᑌᓕᑕᒫᓐ᙮

ᐅᐸᓓᑭᔅ ᒫᑎᐤ 4:17

ᐁᑯᔅᐱ ᐅᒋ ᒋᓴᔅ ᑮ ᒫᒋ ᑲᑫᔅᑭᒥᐌᐤ, ᐁ ᐃᑗᑦ, ᑴᔅᑳᑎᓰᒃ: ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐯᔓᓈᑾᓐ᙮

ᑭᔅᑫᓕᑖᑯᑖᑫᐎᓐ 12:10

ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᐁ ᑭᔗᐌᒪᑲᒃ, ᐁ ᐃᑗᒪᑲᒃ ᑭᒋᑭᔑᑯᒃ, ᐁᑯ ᐌᑎᒋᐸᓕᒃ ᐱᒫᒋᐃᐌᐎᓐ, ᓀᔥᑕ ᒪᔥᑲᐎᓯᐎᓐ, ᓀᔥᑕ ᑭ ᑭᒋᒪᓂᑐᒥᓇᐤ ᐅᑦ ᐅᑭᒫᐎᐎᓐ, ᓀᔥᑕ ᐅ ᙭ᑎᒪ ᐅ ᑲᔥᑭᐅᐎᓂᓕᐤ; ᐌᓴ ᐊᓇ ᑳ ᒪᒥᔑᒫᑦ ᑭᒋᔖᓂᓇᐗ ᓂᒋ ᐌᐱᓈᑲᓂᐎᐤ ᐅᑎᔥᑲᐤ ᑭ ᑭᒋᒪᓂᑐᒥᓇᐗ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ᙮

ᓂᔥᑕᒻ ᐱᑕᕐ 4:2

ᐁᑳᐎᓚ ᑫᔮᐸᒡ ᑭᒋ ᐱᒫᑎᓯᑦ ᐃᔥᐱᔥ ᐁ ᐅ ᑭᔑᑳᒥᑦ ᐎᔮᓯᐎᓂᒃ ᐅ ᒪᒋᓇᑕᐌᓕᑕᒧᐎᓂᓕᒃ ᐃᓕᓕᐗ, ᒫᑲ ᐅᑦ ᐃᑌᓕᑕᒧᐎᓂᓕᒃ ᑭᒋᒪᓂᑐᐗ᙮

ᐦᐃᑉᕉᐗ 10:7

ᐁᑯ ᐁᑗᔮᓐ, ᒫᑎᑲ, ᓂ ᑕᑯᔑᓂᓐ, (ᐱᔅᑭᑕᓯᓇᐃᑲᓂᒃ ᒪᓯᓇᐃᑲᓂᒃ ᒪᓯᓇᐃᑳᑌᐤ ᐁ ᐋᓕᒧᒥᑲᐎᔮᓐ,) ᑭᒋ ᑐᑐᒫᓐ ᑭᑦ ᐃᑌᓕᑕᒧᐎᓐ, ᐅ ᑭᒋᒪᓂᑐ᙮

ᐅᐸᓓᑭᔅ ᓘᒃ 19:38

ᐁ ᐃᑗᒋᒃ, ᔕᐌᓕᑖᑯᓯᐤ ᐊᓇ ᑭᒋᐅᑭᒪᐤ ᑳ ᐯᒋ ᐃᑐᑌᑦ ᐅᑎᐯᓕᒋᑫᐗ ᐅᑦ ᐃᔑᓂᑳᓱᐎᓂᓕᒃ; ᑳᔮᒣᓕᑕᒧᐎᓐ ᑭᒋᑭᔑᑯᒃ, ᒫᒥᒋᒥᑯᓯᐎᓐ ᒫᑲ ᒫᐗᒋ ᐃᔥᐱᒥᒃ ᑭᔑᑯᒃ᙮

ᐅᐸᓓᑭᔅ ᒫᕐᒃ 3:35

ᐌᓴ ᐊᐌᓇ ᑫ ᑐᑕᒸᑴ ᐅᑦ ᐃᑌᓕᑕᒧᐎᓂᓕᐤ ᑭᒋᒪᓂᑐᐗ, ᐁᐗᒀᓇ ᓂᒋᔖᓐ, ᓀᔥᑕ ᓂᒋᔖᓂᔅᑴᒻ, ᓀᔥᑕ ᓂᑳᐎ᙮

ᐅᐸᓓᑭᔅ ᒫᑎᐤ 16:28

ᑖᐺ ᑭᑦ ᐃᑎᓇᐗᐤ, ᐅᑕ ᓂᐸᐎᐗᒃ ᐋᑎᑦ, ᐁᑳ ᑫ ᑯᒋᔅᑕᑭᒃ ᓂᐱᐎᓂᓕᐤ, ᐹᑎᒫ ᑮ ᐙᐸᒫᑣᐌ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᐅᑦ ᐅᑭᒫᐎᐎᓂᓕᒃ᙮

ᐅᐸᓓᑭᔅ ᒫᕐᒃ 11:10

ᑲᑕ ᐎ ᔕᐌᓕᑖᑾᓂᓕᐤ ᐅᑦ ᐅᑭᒫᐎᐎᓐ ᑯᑖᐎᓇᐤ ᑌᐱᑦ, ᑳ ᐯᒋ ᐃᑐᑌᒪᑲᓂᓕᒃ ᐅᑎᐯᓕᒋᑫᐤ ᐅᑦ ᐃᔑᓂᑳᓱᐎᓂᒃ: ᐦᐅᓵᓇ ᒫᐗᒋ ᐃᔥᐱᒥᒃ ᑳ ᐃᑖᑦ᙮

ᑭᔅᑫᓕᑖᑯᑖᑫᐎᓐ 11:15

ᐊᓇ ᓂᔂᔅ ᐁᓐᒐᓪ ᒫᑲ ᑮ ᑭᑐᑕᐤ: ᑮ ᐃᑕᑾᓋ ᒫᑲ ᑭᒋ ᐯᑖᑯᓯᐎᓇ ᑭᒋᑭᔑᑯᒃ, ᐁ ᐃᑗᒪᑲᑭ, ᐊᓂᐃ ᐅᑭᒪᐎᐎᓇ ᐅᑕ ᐊᔅᑮᒃ ᑳ ᐃᑕᑾᑭ ᐋᔕᔾ ᑎᐯᓕᑕᒻ ᑭ ᑎᐯᓕᒋᑫᒥᓇᐤ, ᓀᔥᑕ ᐅ ᙭ᑎᒪ; ᑲᑕ ᑎᐯᓕᒋᑫᐤ ᒫᑲ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 20:4

ᓂ ᑮ ᐙᐸᑌᓐ ᒫᑲ ᐅᑭᒪᐗᐱᐎᓇ, ᐊᓂᑭ ᓀᔥᑕ ᑳ ᑌᑕᐱᒋᒃ, ᑮ ᒥᓛᐗᒃ ᒫᑲ ᑭᒋ ᑎᐹᔅᑯᓂᑫᒋᒃ: ᓂ ᑮ ᐙᐸᒥᒫᐗ ᒫᑲ ᐅᑦ ᐊᒑᑯᐙᐗ ᐊᓂᑭ ᑳ ᑮ ᑮᔥᑭᑴᐙᑲᓂᐎᒋᒃ ᐅ ᑎᐹᒋᒧᐎᓐ ᒋᓴᔅ ᐅᒋ, ᓀᔥᑕ ᐅᑦ ᐋᔭᒥᐎᓐ ᑭᒋᒪᓂᑐ, ᐁᑳ ᓀᔥᑕ ᑳ ᑮ ᓇᐗᑮᔅᑕᐙᒋᒃ ᐊᓂᐃ ᐊᐌᓯᓴ, ᐁᑳ ᓀᔥᑕ ᐅ ᒪᓯᓕᓕᒥᓕᐗ, ᐁᑳ ᓀᔥᑕ ᑳ ᑮ ᐅᑎᓇᒸᒋᒃ ᐅ ᑭᔅᑭᓄᐙᒋᒋᑲᓂᓕᐤ ᐅᔅᑲᑎᑯᐙᒃ, ᓀᔥᑕᐱᑯ ᐅᒋᒋᐙᒃ; ᑮ ᐎᒋᐱᒫᑎᓯᒣᐗᒃ ᓀᔥᑕ ᑮ ᐎᒋᑎᐯᓕᒋᑫᒣᐗᒃ ᙭ᑕ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮

ᐦᐃᑉᕉᐗ 1:14

ᓇᒪ ᓈ ᒥᓯᐌ ᐊᑑᔅᑫᐎ ᐊᒑᑯᐎᐗᒃ, ᐁ ᐯᒋᑎᔕᐙᑲᓂᐎᒋᒃ ᑭᒋ ᐊᔭᒥᐊᐎ ᐊᑑᔅᑲᐙᒋᒃ ᐊᓂᐃ ᑫ ᐊᑎ ᐊᔮᓕᒋ ᐱᒫᒋᐃᐌᐎᓂᓕᐤ?

ᑯᓚᔑᔭᓇ 1:13

ᑳ ᑮ ᐎᑾᒋᐃᑕᒃ ᐗᓂᑎᐱᔅᑭᓯᐎ ᑳᔥᑭᐅᐎᓐ ᐅᒋ, ᓀᔥᑕ ᑳ ᑮ ᐃᔑᐎᓕᑕᒃ ᐅᑦ ᐅᑭᒪᐎᐎᓂᓕᒃ ᑳ ᓵᑭᐋᑦ ᐅᑯᓯᓴ:

ᐅᐸᓓᑭᔅ ᓘᒃ 19:11

ᒣᒀᒡ ᒫᑲ ᐱᐁᑕᒥᓕᒋ ᐅᐅ ᑫᒀᓇ, ᑮ ᑕᑯᑕᐤ ᓀᔥᑕ ᑮ ᐃᑗᐤ ᓇᔅᐱᑐᐌᐎ ᐋᑕᓗᑳᓂᓕᐤ, ᐯᔓᒡ ᒋᕉᓴᓚᒥᒃ ᐁ ᐃᑖᑦ, ᓀᔥᑕ ᐁ ᐃᑌᓕᑕᒥᓕᒋ ᑭᒋᒪᓂᑐ ᐅᑦ ᐅᑭᒫᐎᐎᓐ ᐎᐸᒡ ᑭᒋ ᓄᑾᓂᓕᒃ᙮

ᐊᐸᔅᑕᓚᒃ 22:14

ᑮ ᐃᑗᐤ ᒫᑲ, ᐊᓇ ᐅ ᑭᒋᒪᓂᑐᒥᐙᐗ ᑯᑖᐎᓈᐗᒃ ᑭ ᑮ ᐙᐌᓛᐸᒥᒃ, ᑭᒋ ᑭᔅᑫᓕᑕᒶᑦ ᐅᑦ ᐃᑌᓕᑕᒧᐎᓐ, ᓀᔥᑕ ᑭᒋ ᐙᐸᒪᑦ ᐊᓇ ᐅᒀᔭᔅᑭᑎᐤ, ᓀᔥᑕ ᑭᒋ ᐯᑕᒶᑦ ᐅ ᐯᑖᑯᓯᐎᓐ ᐅᑐᓂᒃ᙮