ᐅᐸᓓᑭᔅ ᒫᑎᐤ 5:9 - ᐅᔅᑭ ᑎᔅᑌᒥᓐᑦ

⁹ ᔕᐌᓕᑖᑯᓯᐗᒃ ᑳ ᐅᑐᑌᒥᐃᐌᒋᒃ; ᐌᓴ ᑭᒋᒪᓂᑐ ᐅᑦ ᐊᐙᔑᒥᔕ ᑲᑕ ᐃᔑᓂᑳᓱᐗᒃ᙮

ᐅᐸᓓᑭᔅ ᒫᑎᐤ 5:9 Referans Kwoze

ᐦᐃᑉᕉᐗ 12:14

ᑳᔮᒣᐎᓰᔅᑖᑯᒃ ᒥᓯᐌ ᐃᓕᓕᐗᒃ, ᓀᔥᑕ ᓄᔅᐱᓈᑕᒧᒃ ᐸᓓᑭᓯᐎᓐ, ᐊᓂᐁᓕᐤ ᐁᑳ ᐁ ᐋᔮᑦ, ᓇᒪᐎᓚ ᐊᐌᓇ ᐃᓕᓕᐤ ᑲᑕ ᐙᐸᒣᐤ ᐅᑎᐯᓕᒋᑫᐗ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:18

ᑮᔥᐱᓐ ᑮ ᐃᔅᐸᓕᒃ, ᐃᔥᐱᔥ ᐁ ᑲᔥᑭᑖᔦᒃ, ᑳᔮᒣᓕᑕᒧᐎᓂᒃ ᐎᒋᐱᒫᑎᓯᒥᑯᒃ ᒥᓯᐌ ᐃᓕᓕᐗᒃ᙮

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:14

ᐌᓴ ᒥᓯᐌ ᑳ ᑭᔅᑭᓄᑕᐃᑯᒋᒃ ᑭᒋᒪᓂᑐᐗ ᐅᑦ ᐊᒑᑯᓕᐗ, ᐁᐗᒀᓂᑭ ᑳ ᐅᑯᓯᓯᒥᑯᒋᒃ ᑭᒋᒪᓂᑐᐗ᙮

ᐅᐸᓓᑭᔅ ᓘᒃ 6:35

ᒫᑲ ᓵᑭᐃᑯᒃ ᑭᓚᐗᐤ ᐊᓂᑭ ᑳ ᐸᒀᑎᑖᑾᒃ, ᓀᔥᑕ ᒥᓗᑐᑖᑫᒃ, ᓀᔥᑕ ᐋᐎᐃᐌᒃ, ᐁᑳ ᑫᒀᓐ ᒥᓇ ᐁ ᐸᑯᓭᓕᑕᒣᒃ: ᑭ ᑎᐸᐊᒫᑯᓯᐎᓂᐗᐤ ᒫᑲ ᑲᑕ ᒥᔕᐤ, ᓀᔥᑕ ᑭ ᑳ ᐅᑕᐙᔑᒥᔑᒥᑯᐗᐤ ᐊᓇ ᒥᔭᐗᒋ ᐃᔅᐯᓕᑖᑯᓯᑦ: ᐌᓴ ᐎᓚ ᑭᔐᐙᑐᑕᐌᐤ ᐊᓂᐃ ᐁᑳ ᑳ ᓇᓈᔅᑯᒧᓕᒋ ᓀᔥᑕ ᑳ ᒪᒋᑣᓕᒋ᙮

ᓂᔓ ᑯᕆᓐᑎᐊᓇ 13:11

ᒫᒋᒡ, ᓂᒋᔖᓂᑐᒃ, ᓇᑕᒫ ᒥᓗᐋᔮᔦᒃ, ᒥᑐᓂ ᒥᓨᑎᓰᒃ, ᒥᓜᓕᒧᒃ, ᐯᔭᑴᓕᑕᒧᒃ, ᐎᒋᐱᒫᑎᓯᒥᑐᒃ ᑳᔮᒣᓕᑕᒧᐎᓂᒃ; ᓀᔥᑕ ᑭᒋᒪᓂᑐ ᑳ ᑎᐯᓕᑕᒃ ᓵᑭᐃᐌᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᑭ ᑳ ᐎᒉᐎᑯᐗᐤ᙮

ᑯᓚᔑᔭᓇ 3:13

ᐁ ᔑᐱᓚᐌᓯᔅᑖᑐᔦᒃ, ᓀᔥᑕ ᐁ ᐌᐯᓕᑕᒫᑐᔦᒃ, ᑮᔥᐱᓐ ᐊᐌᓇ ᐃᑌᓕᑕᒃ ᐁ ᒪᒋᑐᑖᑯᑦ ᐊᐌᓕᐗ: ᑖᐱᔅᑯᒡ ᐁ ᑮ ᐌᐯᓕᑕᒫᑖᒃ ᙭, ᐁᑯ ᑖᐱᔅᑯᒡ ᑐᑕᒧᒃ᙮

ᐅᐸᓓᑭᔅ ᒫᑎᐤ 5:48

ᐁᐗᑯ ᐅᒋ ᒥᑐᓂ ᒥᓨᑎᓰᒃ, ᑖᐱᔅᑯᒡ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᐁ ᐃᔑ ᒥᑐᓂ ᒥᓨᑎᓰᑦ᙮

ᓂᔓ ᑯᕆᓐᑎᐊᓇ 5:20

ᐊᓄᒡ ᒫᑲ ᓂᑦ ᐋᐎᓈᓐ ᐅᑦ ᐃᔑᑎᔕᐙᑲᓇ ᙭, ᑖᐱᔅᑯᒡ ᑭᒋᒪᓂᑐ ᐁ ᓇᑕᐌᓕᑕᒫᑖᒃ ᓂᓚᓈᓐ ᐅᒋ: ᑭ ᐸᑯᓭᓕᒥᑎᓇᐗᐤ ᙭ ᐅᒋ, ᑭᒋ ᐅᑐᑌᒥᒣᒃ ᑭᒋᒪᓂᑐ᙮

ᐊᐸᔅᑕᓚᒃ 7:26

ᒥᓇ ᒫᑲ ᐎᐋᐸᒃ ᑮ ᓈᑌᐤ ᑯᑕᑭᔭ ᒣᒀᒡ ᐁ ᒫᔑᐃᑐᓕᒋ, ᑮ ᐎ ᐸᑳᓂᐁᐤ ᒫᑲ, ᐁ ᐃᑗᑦ, ᐅᑭᒫᑐᒃ, ᑭ ᐎᒋᔖᓂᑐᓈᐗᐤ; ᑖᓀᑭ ᐌᒋ ᐗᓂᑐᑖᑐᔦᒃ?

ᐅᐸᓓᑭᔅ ᒫᑎᐤ 5:45

ᑭᒋ ᐅᑦ ᐊᐙᔑᒥᔑᒥᑖᒃ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ: ᐌᓴ ᐎᓚ ᑐᑕᐌᐤ ᐱᓯᒶ ᑭᒋ ᒐᑳᓯᑫᔅᑕᐙᓕᒋ ᐅᒪᒋᑡᐗ ᓀᔥᑕ ᐅᒥᓗᑡᐗ, ᐃᔑᑎᔕᐊᒪᐌᐤ ᒫᑲ ᑭᒋ ᑭᒥᐗᓂᓕᒃ ᐅᒀᔭᔅᑭᑎᐗ ᓀᔥᑕ ᐅᒪᒑᑎᓯᐗ᙮

ᓂᔥᑕᒻ ᑯᕆᓐᑎᐊᓇ 6:6

ᒫᑲ ᐎᒋᔖᓇᒪᐤ ᐃᑐᑕᐁᐤ ᐎᒋᔖᓇ ᑎᐹᔅᑯᓂᑫᐎᓂᒃ ᐃᔑ, ᐅᒣᓕᐤ ᓀᔥᑕ ᑐᑕᒻ ᐁᑕᔅᑕᒪᐱᓕᒋ ᐊᓂᐃ ᐁᑳ ᑳ ᑖᐺᔦᓕᑕᒥᓕᒋ᙮

ᐱᓕᐱᔭᓇ 4:2

ᓂ ᐸᑯᓭᓕᒪᐤ ᐃᐤᐅᑎᔭᔅ, ᓀᔥᑕ ᓂ ᐸᑯᓭᓕᒪᐤ ᓯᓐᑕᐃᑭ, ᑭᒋ ᐯᔭᑾᓂᓕᒃ ᐅ ᒥᑐᓀᓕᒋᑲᓂᐗᐤ ᐅᑎᐯᓕᒋᑫᒃ᙮

ᐅᐸᓓᑭᔅ ᓘᒃ 20:36

ᓇᒪᐎᔅᑳᑦ ᒫᑲ ᒥᓇ ᑲᑕ ᑮ ᓂᐱᐗᒃ: ᐌᓴ ᓇᔅᐱᑕᐌᐗᒃ ᐁᓐᒐᓚ: ᓀᔥᑕ ᐅᑦ ᐊᐙᔑᒥᔑᒥᑯᐗᒃ ᑭᒋᒪᓂᑐᐗ, ᐁ ᐅᑦ ᐊᐙᔑᒥᔑᒥᑯᒋᒃ ᐗᓂᔥᑳᐎᓂᓕᐤ᙮

ᐃᐱᓯᔭᓇ 4:1

ᐁᐗᑯ ᐅᒋ ᓂᓚ ᐅᑎᐯᓕᒋᑫᐤ ᐅ ᑭᐸᐙᑲᓇ, ᑭ ᓇᑐᑕᒫᑎᓇᐗᐤ, ᑭᒋ ᑌᐸᑫᓕᑖᑯᓯᐎ ᐱᒧᑌᔦᒃ ᐊᓂᒪ ᓇᑐᒥᑯᓯᐎᓂᒃ ᑳ ᐃᔑ ᓇᑐᒥᑲᐎᔦᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:16

ᐊᓇ ᐊᒑᒃ ᑫᒋᐙᒃ ᑎᐹᑐᑕᒻ ᐊᓯᒋ ᑭᑦ ᐊᒑᑯᓇᐤ, ᐁ ᐅᑦ ᐊᐙᔑᒥᔑᒥᑕᐤ ᑭᒋᒪᓂᑐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:19

ᐌᓴ ᑳ ᐅᔑᐋᑲᓂᐎᑦ ᐅ ᑭᐗᔐᓕᑕᒧᐎᓐ ᐯᑖᒪᑲᓂᓕᐤ ᑭᒋ ᓄᑯᐋᑲᓂᐎᓕᒋ ᐊᓂᐃ ᑳ ᐅᑯᓯᓯᒥᑯᓕᒋ ᑭᒋᒪᓂᑐᐗ᙮