ᐅᐸᓓᑭᔅ ᒫᑎᐤ 5:8 - ᐅᔅᑭ ᑎᔅᑌᒥᓐᑦ

⁸ ᔕᐌᓕᑖᑯᓯᐗᒃ ᑳ ᐸᓓᑭᓯᒋᒃ ᐅᑌᐃᐙᒃ; ᐌᓴ ᑲᑕ ᐙᐸᒣᐗᒃ ᑭᒋᒪᓂᑐᐗ᙮

ᐅᐸᓓᑭᔅ ᒫᑎᐤ 5:8 Referans Kwoze

ᐦᐃᑉᕉᐗ 10:22

ᐁᑯᔑ ᓈᑖᑕᐤ ᐁ ᑖᐺᐎᓂ ᒥᑌᐃᔭᒃ, ᐁ ᑫᒋᓇᐅᔭᒃ ᑖᐺᔦᓕᑕᒧᐎᓂᒃ, ᑭᑌᐃᓇᐗ ᐸᑭᑲᐎᐯᑳᐋᒋᑳᑌᑭ ᒪᒋ ᒥᑐᓀᓕᒋᑲᓐ ᐅᒋ, ᓀᔥᑕ ᑭᔭᐎᓇᐗ ᐁ ᑭᒋᔅᑖᐸᐗᑖᑲᓂᐎᑭ ᐁ ᐸᔦᑳᑲᒥᒃ ᓂᐱᒃ᙮

ᐦᐃᑉᕉᐗ 12:14

ᑳᔮᒣᐎᓰᔅᑖᑯᒃ ᒥᓯᐌ ᐃᓕᓕᐗᒃ, ᓀᔥᑕ ᓄᔅᐱᓈᑕᒧᒃ ᐸᓓᑭᓯᐎᓐ, ᐊᓂᐁᓕᐤ ᐁᑳ ᐁ ᐋᔮᑦ, ᓇᒪᐎᓚ ᐊᐌᓇ ᐃᓕᓕᐤ ᑲᑕ ᐙᐸᒣᐤ ᐅᑎᐯᓕᒋᑫᐗ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:8

ᐯᔣᐸᒥᒃ ᑭᒋᒪᓂᑐ, ᐁᑯ ᒫᑲ ᑫ ᐯᔣᐸᒥᑖᒃ᙮ ᑭᒋᔅᑎᓇᒧᒃ ᑭᒋᒋᐗᐗ, ᒣᒋᑣᔦᒃ; ᐸᔦᑭᑖᒃ ᒫᑲ ᑭᑌᐃᐙᐗ ᑳ ᓂᔓ ᒥᑐᓀᓕᒋᑲᓂᔦᒃ᙮

ᓂᔥᑕᒻ ᐱᑕᕐ 1:22

ᐁ ᓄᑾᒃ ᐁ ᑮ ᐹᔦᑭᐁᑾᒃ ᑭᑦ ᐊᒑᑯᐙᐗ, ᐊᒑᒃ ᐅᒋ ᐁ ᑮ ᓇᓇᐃᑕᒣᒃ ᑖᐺᐎᓐ, ᑭᒋ ᑖᐺ ᓵᑭᐁᑾᒃ ᐎᒋᔖᓂᒪᐗᒃ, ᐸᓓᑭ ᒥᑌᐃᒃ ᐌᐌᓕᑦ ᓵᑭᐃᑐᒃ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:17

ᒫᑲ ᐊᓂᒪ ᑲᑫᑕᐌᓕᑕᒧᐎᓐ ᐃᔥᐱᒥᒃ ᑳ ᐅᒋᐸᓕᒃ ᓃᔥᑕ ᐸᔦᑲᓐ, ᐁᑯ ᑳᔮᒣᐗᓐ, ᓗᑳᑕᓐ, ᐌᑕᓐ ᑭᒋ ᔑᑭᒋᑳᑌᒃ, ᐁ ᓵᑲᔅᑭᓀᒃ ᑭᔐᐙᑎᓯᐎᓐ ᓀᔥᑕ ᒥᓗ ᒥᓂᔕ, ᐁᑳ ᐁ ᑶᑕᐎᐃᑌᓕᑕᒧᒪᑲᒃ, ᐁᑳ ᓀᔥᑕ ᐁ ᐊᔭᒥᐊᑳᓱᒪᑲᒃ᙮

ᑕᐃᑕᔅ 1:15

ᐊᓂᑭ ᑳ ᐸᓓᑭᓯᒋᒃ ᒥᓯᐌ ᑫᒀᓐ ᐸᓓᑲᓂᓕᐤ: ᒫᑲ ᐊᓂᑭ ᑳ ᐎᓂᓯᒋᒃ ᓀᔥᑕ ᐁᑳ ᑳ ᑖᐺᑕᑭᒃ ᓇᒪᐎᓚ ᑫᒀᓐ ᐸᓓᑲᓂᓕᐤ; ᒫᑲ ᐙᐙᒡ ᐅ ᒥᑐᓀᓕᒋᑲᓂᐗᐤ ᓀᔥᑕ ᐅᑌᐃᐗᐤ ᐎᓕᐸᓕᓕᐤ᙮

ᐊᐸᔅᑕᓚᒃ 15:9

ᐁᑳ ᒫᑲ ᐱᑐᔥ ᐁ ᑐᑖᑕᒃ ᑭᓚᓈᓇᐤ ᓀᔥᑕ ᐎᓚᐙᐤ, ᐁ ᐸᓓᑭᑕᐙᑦ ᐅᑌᐃᓖᐗ ᑖᐺᔦᓕᑕᒨᐎᓂᓕᐤ ᐅᒋ᙮

ᐦᐃᑉᕉᐗ 9:14

ᑖᓐ ᐃᔥᐱᔥ ᐊᐙᓯᑌ ᙭ ᐅᒥᑯᒻ, ᐊᓇ ᑳᑭᑫ ᐊᒑᑾ ᐅᒋ, ᒥᑐᓂ ᐁᑳ ᐁ ᒪᒋᐃᑎᑦ, ᑳ ᑮ ᐸᑭᑎᓂᑎᓱᔅᑕᐙᑦ ᑭᒋᒪᓂᑐᐗ, ᑫ ᐸᔦᑭᑖᑦ ᑭ ᒥᑐᓀᓕᒋᑲᓂᐗᐤ ᓂᐱᐎ ᐋᔨᑎᐎᓇ ᐅᒋ, ᑭᒋ ᐊᑑᔅᑲᐌᒃ ᐯᒫᑎᓰᑦ ᑭᒋᒪᓂᑐ?

ᓂᔓ ᑯᕆᓐᑎᐊᓇ 7:1

ᐁ ᐋᔮᔮᒃ ᒫᑲ ᐅᐅ ᐊᔓᑕᒫᑫᐎᓇ ᑳ ᑭᒋ ᓵᑭᐃᑖᑾᒃ, ᐁᑯᔑ ᐹᔦᑭᐃᑎᓱᑕᐤ ᒥᓯᐌ ᐎᓕᐱᓯᐎᓐ ᐅᒋ ᐎᔮᓯᐎᓂᒃ ᓀᔥᑕ ᐊᒑᑯᒃ, ᐁ ᒥᑐᓂᐎᑖᔭᒃ ᐸᓓᑭᓯᐎᓐ ᐅ ᓇᓂᒋᔅᑖᑯᓯᐎᓂᒃ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 13:12

ᐌᓴ ᐊᓄᒡ ᑭ ᐸᔅᐹᐱᓈᓇᐤ ᐁᑳ ᐁ ᐸᑲᔅᑭᓇᒪᒃ; ᒫᑲ ᐊᓂᒪ ᐃᔅᐱ ᒥᑖᔅᑕᒥᒃ ᑲᑕ ᐸᑲᔅᑭᓇᒧᒪᑲᓐ ᒥᑖᔅᑕᒥᒃ: ᐊᓄᒡ ᐸᔅᑭ ᓂ ᑭᔅᑫᓕᒋᑳᓐ; ᒫᑲ ᐊᓂᒪ ᐃᔅᐱ ᓂ ᑳ ᑭᔅᑫᓕᒋᑳᐤ ᑖᐱᔅᑯᒡ ᐁ ᐃᔑ ᑭᔅᑫᓕᒥᑲᐎᔮᓐ᙮

ᑭᔅᑫᓕᑖᑯᑖᑫᐎᓐ 22:4

ᑲᑕ ᐙᐸᑕᒬᐗᒃ ᒫᑲ ᐅᑖᔅᑕᒥᑯᓕᐤ; ᓀᔥᑕ ᐅᑦ ᐃᔑᓂᑳᓱᐎᓐ ᑲᑕ ᐃᑕᑾᓂᓕᐤ ᐅᔅᑲᑎᑯᐙᒃ᙮