ᐅᐸᓓᑭᔅ ᒫᑎᐤ 5:18 - ᐅᔅᑭ ᑎᔅᑌᒥᓐᑦ

¹⁸ ᐌᓴ ᑖᐺ ᑭᑦ ᐃᑎᓇᐗᐤ, ᐃᓕᑯᒃ ᑭᔑᒃ ᓀᔥᑕ ᐊᔅᑭ ᒪᔭᐎᐸᓕᑫ, ᐯᔭᒃ ᒐᑲᓯᓇᐃᑲᓐ ᓀᔥᑕᐱᑯ ᐯᔭᒃ ᒐᑲᐯᔨᑲᓐ ᓇᒪᐎᓚ ᑲᑕ ᓄᑌᐸᓕᐤ ᐅᓚᔓᐌᐎᓂᒃ ᐅᒋ ᐱᓕᔥ ᒥᑐᓂ ᑮ ᑎᐱᑐᒋᑳᑌᒃ᙮

ᐅᐸᓓᑭᔅ ᒫᑎᐤ 5:18 Referans Kwoze

ᐅᐸᓓᑭᔅ ᓘᒃ 16:17

ᐊᐙᓯᑌ ᐌᑕᓐ ᑭᔑᒃ ᓀᔥᑕ ᐊᔥᑭ ᑭᒋ ᐳᓂᐸᓕᑭ, ᐃᔥᐱᔥ ᐯᔭᒃ ᒐᑲᐯᐃᑲᓐ ᐅᓚᔓᐌᐎᓂᒃ ᐁᑳ ᑭᒋ ᑎᐱᐸᓕᒃ᙮

ᓂᔥᑕᒻ ᐱᑕᕐ 1:25

ᒫᑲ ᑭᒋᒪᓂᑐ ᐅᑦ ᐋᔭᒥᐎᓐ ᑳᑭᑫ ᐱᒫᑕᓂᓕᐤ᙮ ᐁᐗᑯ ᒫᑲ ᐅᒪ ᐋᔭᒥᐎᓐ ᒥᓗᐋᒋᒧᐎᓂᒃ ᑳ ᐅᒋ ᑲᑫᔅᑭᒥᑲᐎᔦᒃ᙮

ᐅᐸᓓᑭᔅ ᒫᕐᒃ 13:30

ᑖᐺ ᑭᑦ ᐃᑎᓇᐗᐤ, ᐅᑯ ᐃᓕᓕᐗᒃ ᐊᓄᒡ ᑳ ᐱᒫᑎᓯᒋᒃ ᓇᒪᐎᓚ ᑲᑕ ᒣᒋᐸᓕᐗᒃ, ᐹᑎᒫ ᒥᓯᐌ ᐅᐅ ᑫᒀᓇ ᑮ ᑐᒋᑳᑌᑾᐌ᙮

ᑭᔅᑫᓕᑖᑯᑖᑫᐎᓐ 20:11

ᓂ ᑮ ᐙᐸᑌᓐ ᒫᑲ ᑭᒋ ᐙᐱᔅᑭ ᐅᑭᒪᐗᐱᐎᓐ, ᐊᓇ ᓀᔥᑕ ᑳ ᑌᑕᐱᑦ, ᐊᓇ ᐁ ᑲᓇᐙᐸᑕᒃ ᐊᔅᑭ ᓀᔥᑕ ᑭᔑᒃ ᑮ ᐅᔑᒧᒪᑲᓋ; ᓇᒪ ᒫᑲ ᑮ ᒥᔅᑭᑳᑌᐤ ᐃᑕ ᑫ ᐃᑕᑾᑭ᙮

ᐅᐸᓓᑭᔅ ᒑᓐ 5:19

ᐁᑯ ᓀᔥᑴᐗᔑᐋᑦ ᒋᓴᔅ, ᓀᔥᑕ ᑮ ᐃᑌᐤ, ᑖᐺ, ᑖᐺ ᑭᑦ ᐃᑎᓇᐗᐤ, ᐅᑯᓯᓯᒫᐤ ᐁ ᐯᔭᑯᑦ ᓇᒪᐎᓚ ᑫᒀᓕᐤ ᑲᑕ ᑮ ᑐᑕᒻ, ᐱᑯ ᑫᒀᓕᐤ ᐁ ᐙᐸᒫᑦ ᐅᑖᐎᒫᐗ ᐁ ᑐᑕᒥᓕᒋ, ᐅᐅ ᓀᔥᑕ ᑐᑕᒻ ᐅᑯᓯᓯᒫᐤ᙮

ᐅᐸᓓᑭᔅ ᒫᑎᐤ 17:20

ᒋᓴᔅ ᒫᑲ ᑮ ᐃᑌᐤ, ᐁ ᐅᑦ ᐋᓉᑕᒧᐎᓂᔦᒃ: ᐌᓴ ᑖᐺ ᑭᑦ ᐃᑎᓇᐗᐤ, ᑮᔥᐱᓐ ᐁᔮᐌᑴ ᑖᐺᔦᓕᑕᒧᐎᓐ ᑖᐱᔅᑯᒡ ᐯᔭᒃ ᒪᔅᑕᑦ ᓯᒥᓐ, ᑭ ᑳ ᐃᑌᓇᐗᐤ ᐅᒪ ᐗᒋ, ᓀᑌ ᐃᔑ ᐋᒋᐸᓕ; ᑲᑕ ᐋᒋᐸᓕᐤ ᒫᑲ; ᓇᒪᐎᓚ ᑫᒀᓐ ᒫᑲ ᑭ ᑳ ᔖᑯᒋᐃᑯᓈᐗᐤ᙮

ᐅᐸᓓᑭᔅ ᒫᑎᐤ 16:28

ᑖᐺ ᑭᑦ ᐃᑎᓇᐗᐤ, ᐅᑕ ᓂᐸᐎᐗᒃ ᐋᑎᑦ, ᐁᑳ ᑫ ᑯᒋᔅᑕᑭᒃ ᓂᐱᐎᓂᓕᐤ, ᐹᑎᒫ ᑮ ᐙᐸᒫᑣᐌ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᐅᑦ ᐅᑭᒫᐎᐎᓂᓕᒃ᙮

ᐅᐸᓓᑭᔅ ᒫᑎᐤ 13:17

ᐌᓴ ᑖᐺ ᑭᑦ ᐃᑎᓇᐗᐤ, ᒥᒉᑦ ᐅᑭᔅᑭᐙᐃᑫᐗᒃ ᓀᔥᑕ ᐅᒀᔭᔅᑭᑖᑎᓯᐗᒃ ᑮ ᐊᑲᐙᑕᒶᒃ ᑭᒋ ᐐᐸᑕᑭᒃ ᐅᐅ ᑫᒀᓇ ᑳ ᐙᐸᑕᒣᒃ, ᓇᒪ ᒫᑲ ᐅᒋ ᐙᐸᑕᒶᒃ; ᓀᔥᑕ ᑭᒋ ᐯᑕᑭᒃ ᐅᐅ ᑫᒀᓇ ᑳ ᐯᑕᒣᒃ, ᓇᒪ ᒫᑲ ᑮ ᐯᑕᒶᒃ᙮

ᐅᐸᓓᑭᔅ ᒫᑎᐤ 10:23

ᒫᑲ ᐃᔅᐱ ᑲᒀᑕᑭᐃᑕᑾᐌ ᐯᔭᒃ ᐃᑖᐎᓂᒃ, ᑯᑕᒃ ᓈᒋᑎᔑᒧᔅᑕᒧᒃ; ᐌᓴ ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᑭ ᑳ ᐅᒋ ᐊᑭᓀᔥᑫᓇᐗᐤ ᒥᓯᐌ ᐃᑖᐎᓇ ᐃᔅᕃᐃᓕᒃ, ᐃᓕᑯᒃ ᑫ ᐯᒋ ᑕᑯᔑᒃ ᐃᓕᓕᐎᑯᓯᓵᓐ᙮

ᐅᐸᓓᑭᔅ ᒫᑎᐤ 6:2

ᐁᐗᑯ ᐅᒋ ᐃᔅᐱ ᑎᐅᑕᒪᓂ ᑭ ᒥᓗᑐᑕᒧᐎᓇ, ᐁᑳᐎᓚ ᐱᑕᒫ ᓄᑖᑯᑖ ᐳᑖᒋᑲᓐ, ᑖᐱᔅᑯᒡ ᐁ ᑐᑕᑭᒃ ᐅᑖᔭᒥᐁᑳᓱᔅᑲᒃ, ᐋᔭᒥᐁᐎᑲᒥᑯᒃ ᓀᔥᑕ ᐱᒥᑌᔅᑲᓈᒃ, ᑭᒋ ᑭᔅᑌᓕᑖᑯᐃᑯᒋᒃ ᐃᓕᓕᐗ᙮ ᑖᐺ ᑭᑦ ᐃᑎᓈᐗᐤ, ᐋᔭᐗᒃ ᐅ ᑎᐸᐊᒫᑯᓯᐎᓂᐗᐤ᙮

ᐅᐸᓓᑭᔅ ᒫᑎᐤ 5:26

ᑖᐺ ᑭᑦ ᐃᑎᓐ, ᓇᒪᐎᓚ ᐊᓐᑕ ᑭ ᑳ ᐅᒋ ᐗᓚᐎᓐ, ᐹᑎᒫ, ᑭ ᑎᐸᐊᒪᓀ ᐙᐙᒡ ᒫᒋᒡ ᔔᓕᐊᓈᐱᔅᑯᔑᔥ᙮

ᐅᐸᓓᑭᔅ ᒑᓐ 21:18

ᑖᐺ, ᑖᐺ, ᑭᑦ ᐃᑎᓐ, ᒣᒀᒡ ᐌᔥᑭᓂᑭᔭᐸᓐ, ᑮ ᐸᑾᑌᐅᑎᓱᑖᔾ, ᓀᔥᑕ ᑮ ᐱᒧᑌᑖᔾ ᐃᑕ ᐁᑌᓕᑕᒪᐸᓐ: ᒫᑲ ᐃᔅᐱ ᑭᔐᓕᓕᐎᔭᓀ, ᑯᑕᒃ ᐊᐌᓇ ᑭ ᑳ ᐸᑾᑌᐅᒃ, ᓀᔥᑕ ᑭ ᑳ ᐃᑐᑕᐃᒃ ᐃᑕ ᐁᑳ ᐁ ᓇᐁᓕᑕᒪᓐ᙮

ᐅᐸᓓᑭᔅ ᒑᓐ 16:23

ᓀᔥᑕ ᐊᓂᒪ ᑫ ᑭᔑᑳᒃ ᓇᒪᐎᓚ ᑫᒀᓐ ᑭ ᑳ ᓇᑐᑕᒪᐎᓇᐗᐤ᙮ ᑖᐺ, ᑖᐺ, ᑭᑦ ᐃᑎᓇᐗᐤ, ᒥᓯᐌ ᑫᒀᓐ ᑫ ᓇᑐᑕᒪᐌᒃ ᐅᑖᐎᒪᐤ ᓂᑦ ᐃᔑᓂᑳᓱᐎᓂᒃ, ᑭ ᑳ ᒥᓕᑯᐗᐤ᙮

ᐅᐸᓓᑭᔅ ᒑᓐ 16:20

ᑖᐺ, ᑖᐺ, ᑭᑦ ᐃᑎᓇᐗᐤ, ᑭᓚᐗᐤ ᑭ ᑳ ᒫᑐᓇᐗᐤ, ᓀᔥᑕ ᑭ ᑳ ᐱᑭᔅᑳᑌᓇᐗᐤ, ᒫᑲ ᐊᔅᑭ ᑲᑕ ᒥᓚᐙᑕᒧᒪᑲᓐ: ᑭᓚᐗᐤ ᑭ ᑳ ᑯᐹᑎᓕᒧᓇᐗᐤ, ᒫᑲ ᑭ ᑯᐹᑌᓕᒧᐎᓂᐗᐤ ᑲᑕ ᑴᔅᑭᓂᑳᑌᐤ ᒥᓚᐙᑕᒧᐎᓂᒃ᙮

ᐅᐸᓓᑭᔅ ᒑᓐ 14:12

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᑖᐺᔦᓕᒥᑦ, ᐋᔨᑎᐎᓇ ᑳ ᑐᑕᒶᒃ ᐎᓚ ᓀᔥᑕ ᑲᑕ ᑐᑐᒻ; ᓀᔥᑕ ᑲᑕ ᑐᑕᒻ ᐋᔨᑎᐎᓇ ᐊᐙᓯᑌ ᐁ ᐃᑌᓕᑖᑾᓂᓕᑭ ᐃᔥᐱᔥ ᐅᐅ; ᐁ ᓈᑕᒃ ᓄᑖᐎ᙮

ᐅᐸᓓᑭᔅ ᒑᓐ 13:38

ᒋᓴᔅ ᑮ ᓇᔥᑴᐗᔑᐁᐤ, ᑭ ᑳ ᐱᒥᑎᑖᓐ ᓈ ᑭ ᐱᒫᑎᓯᐎᓐ ᓂᓚ ᐋᒋ? ᑖᐺ, ᑖᐺ, ᑭᑦ ᐃᑎᓐ, ᓈᐯᐹᑲᐋᒀᓐ ᓇᒪᐎᓚ ᑲᑕ ᓇᑖᑯᓯᐤ ᐹᑎᒫ ᓂᔅᑡᐤ ᑮ ᐋᓉᑕᒪᓀ ᐁ ᑭᔅᑫᓕᒥᔭᓐ᙮

ᐅᐸᓓᑭᔅ ᒑᓐ 13:16

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᑐᔅᑫᓛᑲᓐ ᓇᒪᐎᓚ ᐊᐙᓯᑌ ᐃᑌᓕᑖᑯᓯᐤ ᐃᔥᐱᔥ ᐅᑦ ᐅᑭᒫᒪ; ᓇᒪ ᓀᔥᑕ ᐊᓇ ᑳ ᐃᔑᑎᔕᐙᑲᓂᐎᑦ ᐊᐙᓯᑌ ᐃᑌᓕᑖᑯᓯᐤ ᐃᔥᐱᔥ ᐊᓂᐃ ᑳ ᐃᑎᔕᐅᑯᑦ᙮

ᐅᐸᓓᑭᔅ ᒑᓐ 12:24

ᑖᐺ, ᑖᐺ, ᑭᑦ ᐃᑎᓇᐗᐤ, ᑮᔥᐱᓐ ᐯᔭᑯᒥᓐ ᐸᑴᔑᑲᓐ ᐁᑳ ᐸᑭᑎᑫ ᐊᔅᑮᒃ ᓀᔥᑕ ᓂᐱᒪᑲᑫ, ᐯᔭᑯ ᐊᔅᑌᐤ: ᒫᑲ ᑮᔥᐱᓐ ᓂᐱᒪᑲᑫ, ᓂᑖᐎᑭᑖᒪᑲᓐ ᒥᔅᑕᐃ ᐸᑴᔑᑲᓂᒥᓇ᙮

ᐅᐸᓓᑭᔅ ᒑᓐ 10:7

ᐁᑯ ᒋᓴᔅ ᒥᓇ ᐁᑖᑦ, ᑖᐺ, ᑖᐺ, ᑭᑦ ᐃᑎᓇᐗᐤ, ᓂᓚ ᐁᐗᑯ ᒫᓂᔥᒑᓂᔕᒃ ᐅᑦ ᐃᔥᒀᑌᒥᐗᐤ᙮

ᐅᐸᓓᑭᔅ ᒑᓐ 10:1

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᐁᑳ ᐃᔥᒀᑌᒥᒃ ᑳ ᐅᒋ ᐱᑐᑫᑦ ᒫᓂᔥᒑᓂᔑᑲᒥᑯᒃ, ᒫᑲ ᑳ ᐃᔅᒀᑕᐎᑦ ᐱᑐᔥ ᐃᔑ, ᐁᐗᑯ ᑭᒧᑎᔅᑭᐤ ᓀᔥᑕ ᒪᔅᑲᑗᔅᑭᐤ᙮

ᐅᐸᓓᑭᔅ ᒑᓐ 8:58

ᒋᓴᔅ ᑮ ᐃᑌᐤ, ᑖᐺ, ᑖᐺ, ᑭᑦ ᐃᑎᓇᐗᐤ, ᐸᒧᔑ ᐃᑖᑦ ᐁᑉᕃᐋᒻ, ᓂ ᑮ ᐃᑖᓐ᙮

ᐅᐸᓓᑭᔅ ᒑᓐ 8:51

ᑖᐺ ᑖᐺ, ᑭᑦ ᐃᑎᓇᐗᐤ, ᑮᔥᐱᓐ ᐊᐌᓇ ᑲᓇᐎᑖᑌ ᓂᑦ ᐃᑗᐎᓂᓕᐤ, ᓇᒪᐎᔅᑳᑦ ᑲᑕ ᐙᐸᑕᒻ ᓂᐱᐎᓂᓕᐤ᙮

ᐅᐸᓓᑭᔅ ᒑᓐ 8:34

ᒋᓴᔅ ᑮ ᓇᔥᑴᐗᔑᐁᐤ, ᑖᐺ, ᑖᐺ, ᑭᑦ ᐃᑎᓇᐗᐤ, ᑕᑐ ᐊᐌᓇ ᑳ ᒪᒋᑐᑕᒃ ᐅᑦ ᐊᑑᔅᑫᓛᑲᓂᒥᑯ ᒪᒋᑐᑕᒧᐎᓂᓕᐤ᙮

ᐅᐸᓓᑭᔅ ᒑᓐ 6:53

ᐁᑯ ᒋᓴᔅ ᐁᑖᑦ, ᑖᐺ, ᑖᐺ, ᑭᑦ ᐃᑎᓇᐗᐤ, ᑮᔥᐱᓐ ᐁᑳ ᑫ ᒥᒋᐌᑴ ᐃᓕᓕᐎᑯᓯᓵᓐ ᐎᔮᔅ, ᓀᔥᑕ ᐁᑳ ᑫ ᒥᓂᑴᐌᑫ ᐅᒥᑯ, ᓇᒪᐎᓚ ᑭ ᐱᒋᔅᑳᑯᓇᐗᐤ ᐱᒫᑎᓯᐎᓐ᙮

ᐅᐸᓓᑭᔅ ᒑᓐ 6:47

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᑖᐺᔦᓕᒥᑦ ᐋᔭᐤ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 6:32

ᐁᑯ ᒋᓴᔅ ᐁᑖᑦ, ᑖᐺ, ᑖᐺ, ᑭᑦ ᐃᑎᓇᐗᐤ, ᒧᓯᔅ ᓇᒪᐎᓚ ᑭ ᐅᒋ ᒥᓕᑯᐗᐤ ᐊᓂᐃ ᐊᓚᑯᓇᐗ ᑭᒋᑭᔑᑯᒃ ᐅᒋ; ᒫᑲ ᓄᑖᐎ ᑭ ᒥᓕᑯᐗᐤ ᑖᐺ ᐊᓚᑯᓇᐗ ᑭᒋᑭᔑᑯᒃ ᐅᒋ᙮

ᐅᐸᓓᑭᔅ ᒑᓐ 6:26

ᒋᓴᔅ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑖᐺ, ᑖᐺ, ᑭᑦ ᐃᑎᓇᐗᐤ, ᑭ ᓈᓇᑕᐌᓕᒥᓇᐗᐤ, ᐁᑳ ᐁ ᑮ ᐙᐸᑕᒣᒃ ᒫᒪᔅᑳᒋ ᐃᓯᒋᑫᐎᓇ, ᒫᑲ ᐁ ᑮ ᒧᐌᑾᒃ ᐊᓚᑯᓈᐗᒃ ᓀᔥᑕ ᐁ ᑮ ᑭᔥᐳᔦᒃ᙮

ᐅᐸᓓᑭᔅ ᒑᓐ 3:11

ᑖᐺ, ᑖᐺ, ᑭᑦ ᐃᑎᓐ, ᓂ ᐎᑌᓈᓐ ᐊᓂᒪ ᑳ ᑭᔅᑫᓕᑕᒫᒃ, ᓀᔥᑕ ᓂᑦ ᐋᓕᒧᑌᓈᓐ ᐊᓂᒪ ᑳ ᑮ ᐙᐸᑕᒫᒃ, ᓇᒪᐎᓚ ᒫᑲ ᑭᑦ ᐅᑎᓀᓇᐗᐤ ᓂ ᑎᐹᒋᒧᐎᓂᓈᓐ᙮

ᐅᐸᓓᑭᔅ ᒑᓐ 3:5

ᒋᓴᔅ ᑮ ᓇᔥᑴᐗᔑᐃᐌᐤ ᑖᐺ, ᑖᐺ, ᑭᑦ ᐃᑎᓐ, ᑮᔥᐱᓐ ᐃᓕᓕᐤ ᐁᑳ ᓂᑖᐎᑭᐃᑯᑌ ᓂᐱᓕᐤ ᓀᔥᑕ ᐊᒑᑾ, ᓇᒪᐎᓚ ᑲᑕ ᑮ ᐱᑐᑫᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᒃ᙮

ᐅᐸᓓᑭᔅ ᒑᓐ 3:3

ᒋᓴᔅ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᑖᐺ, ᑖᐺ, ᑭᑦ ᐃᑎᓐ, ᑮᔥᐱᓐ ᐃᓕᓕᐤ ᐁᑳ ᒥᓇ ᓂᑖᐎᑭᑌ, ᓇᒪᐎᓚ ᑲᑕ ᑮ ᐙᐸᑕᒬᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᒑᓐ 1:51

ᐃᑌᐤ ᓀᔥᑕ, ᑖᐺ, ᑖᐺ, ᑭᑦ ᐃᑎᓇᐗᐤ, ᐹᑎᒫ ᑭ ᑳ ᐙᐸᑌᓇᐗᐤ ᑭᒋᑭᔑᒃ ᐁ ᐹᔅᑭᑌᓂᑳᑌᒃ, ᓀᔥᑕ ᑭᒋᒪᓂᑐ ᐅᑦ ᐁᓐᒐᓕᒪ ᐁ ᐅᐱᔅᑮᔅᑕᐙᓕᒋ ᓀᔥᑕ ᐁ ᓛᔑᔅᑕᐙᓕᒋ ᐃᓕᓕᐎᑯᓯᓵᓇ᙮

ᐅᐸᓓᑭᔅ ᓘᒃ 23:43

ᒋᓴᔅ ᒫᑲ ᑮ ᐃᑌᐤ, ᑖᐺ ᑭᑦ ᐃᑎᓐ, ᐊᓄᒡ ᐁ ᑭᔑᑳᒃ ᑭ ᑳ ᐎᒉᐎᓐ ᐹᕋᑕᐃᓯᒃ᙮

ᐅᐸᓓᑭᔅ ᓘᒃ 18:29

ᑮ ᐃᑌᐤ ᒫᑲ, ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᐊᐌᓇ ᐃᑖᐤ ᑳ ᑮ ᓇᑲᑕᒃ ᐙᔅᑳᔨᑲᓂᓕᐤ, ᓀᔥᑕᐱᑯ ᐅ ᓂᑭᐃᑾ, ᓀᔥᑕᐱᑯ ᐎᒋᔖᓇ, ᓀᔥᑕᐱᑯ ᐎᐗ, ᓀᔥᑕᐱᑯ ᐅᑦ ᐊᐙᔑᒥᔕ, ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ ᐅᒋ,

ᐅᐸᓓᑭᔅ ᓘᒃ 18:17

ᑖᐺ ᑭᑦ ᐃᑎᓇᐗᐤ, ᐊᐌᓇ ᐁᑳ ᑫ ᐅᑎᓇᒸᑴ ᑭᒋᒪᓂᑐᐗ ᐅᑦ ᐅᑭᒫᐎᐎᓕᓕᐤ ᑖᐱᔅᑯᒡ ᐊᐱᔅᑕᐙᔑᔥ, ᓇᒪᐎᓚ ᐊᓐᑕ ᑲᑕ ᐱᑐᑫᐤ᙮

ᐅᐸᓓᑭᔅ ᓘᒃ 13:35

ᒫᑎᑲ, ᑭ ᐙᔅᑳᔨᑲᓂᒥᐗᐤ ᑭ ᓇᑲᑕᒫᑲᐎᓇᐗᐤ ᐁ ᓂᔑᐗᓈᑕᒃ: ᑖᐺ ᒫᑲ ᑭᑦ ᐃᑎᓇᐗᐤ, ᓇᒪᐎᓚ ᑭ ᑳ ᐙᐸᒥᓇᐗᐤ ᐹᑎᒫ ᐅᑎᒋᐸᓕᑫ ᑭᒋ ᐃᑗᔨᒃ, ᔕᐌᓕᑖᑯᓯᐤ ᐊᓇ ᑳ ᐯᒋ ᐃᑐᑌᑦ ᐅᑎᐯᓕᒋᑫᐗ ᐅᑦ ᐃᔑᓂᑳᓱᐎᓂᓕᒃ᙮

ᐅᐸᓓᑭᔅ ᓘᒃ 12:37

ᔕᐌᓕᑖᑯᓯᐗᒃ ᐊᓂᑭ ᐊᑑᔅᑫᓛᑲᓇᒃ, ᐅᑭᒪᐗ ᑕᑯᔑᓂᓕᑌ, ᑮ ᒥᔅᑳᑯᒋᒃ ᐁ ᐊᔕᐙᐱᒋᒃ: ᑖᐺ ᑭᑦ ᐃᑎᓇᐗᐤ, ᑲᑕ ᐸᑾᑌᐅᓱ, ᓀᔥᑕ ᑲᑕ ᓇᐊᐱᐁᐤ ᑭᒋ ᒥᒋᓱᓕᒋ, ᓀᔥᑕ ᑲᑕ ᐯᒋ ᐱᒥᐁᐤ᙮

ᐅᐸᓓᑭᔅ ᓘᒃ 11:51

ᐁᐱᓪ ᐅᒥᑯ ᐅᒋ, ᐱᓕᔥ ᐅᒥᑯ ᓵᑲᕌᔭ, ᑳ ᑮ ᓂᐸᐋᑲᓂᐎᑦ ᑕᔅᑕᐎᒡ ᐸᑭᒋᑲᓈᐱᔅᑯᒃ ᓀᔥᑕ ᑭᒋᐋᔭᒥᐁᐎᑲᒥᑯᒃ: ᑖᐺ ᑭᑦ ᐃᑎᓇᐗᐤ, ᐅᑯ ᐊᓄᒡ ᑳ ᐱᒫᑎᓯᒋᒃ ᑲᑕ ᓇᑕᐌᓕᑕᒪᐙᐗᒃ᙮

ᐅᐸᓓᑭᔅ ᒫᕐᒃ 14:30

ᒋᓴᔅ ᒫᑲ ᐃᑌᐤ, ᑖᐺ ᑭᑦ ᐃᑎᓐ, ᐊᓄᒡ ᐁ ᑭᔑᑳᒃ, ᐊᓄᒡ ᑫ ᑎᐱᔅᑳᒃ ᐅᑎ, ᐸᒧᔑ ᓂᔡᐤ ᓄᑖᑯᓯᑦ ᓈᐯ ᐹᑲᐋᒀᓐ, ᓂᔅᑡᐤ ᑭ ᑳ ᐋᓉᑌᓐ ᐁ ᑭᔅᑫᓕᒥᔭᓐ᙮

ᐅᐸᓓᑭᔅ ᒫᕐᒃ 14:25

ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᒥᓇ ᓂ ᑳ ᐅᒋ ᒥᓂᒀᑐᑕᒸᓐ ᐅ ᒥᓂᔕ ᔓᒥᓈᑎᒃ, ᐹᑎᒫ ᐊᓂᒪ ᐁ ᑭᔑᑳᒃ ᐅᔥᑭ ᒥᓂᑴᔹᓀ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐅᐸᓓᑭᔅ ᒫᕐᒃ 14:18

ᒣᒀᒡ ᒫᑲ ᐁ ᐊᐱᒋᒃ ᐁ ᒥᒋᓱᒋᒃ, ᒋᓴᔅ ᑮ ᐃᑗᐤ, ᑖᐺ ᑭᑦ ᐃᑎᓇᐗᐤ, ᐯᔭᒃ ᐁ ᐃᑕᔑᔦᒃ ᑳ ᐎᒋᒥᒋᓱᒥᔦᒃ ᓂ ᑳ ᐙᔦᔑᐸᑭᑎᓂᒃ᙮

ᐅᐸᓓᑭᔅ ᒫᕐᒃ 14:9

ᑖᐺ ᑭᑦ ᐃᑎᓇᐗᐤ, ᐱᑯ ᐃᑕ ᐅᒪ ᒥᓗᐋᒋᒧᐎᓐ ᑫ ᐎᑖᑲᓂᐎᑴ ᒥᓯᐌ ᐊᔅᑮᒃ, ᐁᑯᑕ ᓀᔥᑕ ᐊᐗ ᐃᔅᑴᐤ ᑳ ᑐᑕᒃ ᑫ ᐋᓕᒧᒋᑳᑌᓕᒡ ᑭᒋ ᑭᔅᑭᓯᑐᑕᐙᑲᓂᐎᑦ᙮

ᐅᐸᓓᑭᔅ ᒫᕐᒃ 12:43

ᑮ ᓇᑐᒣᐤ ᒫᑲ ᐅ ᑭᔅᑭᓄᐊᒪᐙᑲᓇ, ᐃᑌᐤ ᒫᑲ, ᑖᐺ ᑭᑦ ᐃᑎᓇᐗᐤ, ᐊᐗ ᑳ ᒪᓀᓯᑦ ᑭᑎᒫᑭᔅᑴᐤ ᐊᐙᓯᑌ ᒥᔅᑕᐃ ᑮ ᐱᒋᐌᐱᓀᐤ ᐃᔥᐱᔥ ᒥᓯᐌ ᐊᓂᑭ ᑳ ᑮ ᐱᒋᐌᐱᓂᑫᒋᒃ ᔔᓕᐋᓇᐎᑲᒥᑯᒃ:

ᐅᐸᓓᑭᔅ ᒫᕐᒃ 11:23

ᐌᓴ ᑖᐺ ᑭᑦ ᐃᑎᓇᐗᐤ, ᐊᐌᓇ ᑫ ᐃᑕᒧᑴ ᐅᒣᓕᐤ ᐗᒌᓕᐤ, ᐋᒋᐸᓕᐃᑎᓯ, ᑭᒋᑲᒥᒃ ᒫᑲ ᐃᔑ ᐌᐱᓂᑎᓱ, ᐁᑳ ᒫᑲ ᑫ ᐹᔨᑕᐌᓕᑕᒧᑴ ᐅᑌᐃᒃ, ᑫ ᑖᐺᑕᒧᑴ ᐊᓂᐃ ᑫᒀᓇ ᑳ ᐃᑗᑦ ᑭᒋ ᐃᑭᓂᓕᑭ; ᑲᑕ ᐋᔭᐤ ᑫᒀᓕᐤ ᑫ ᐃᑗᑴ᙮

ᐅᐸᓓᑭᔅ ᒫᕐᒃ 10:29

ᒋᓴᔅ ᒫᑲ ᐁ ᓇᔥᑴᐗᔑᐃᐌᑦ, ᑮ ᐃᑗᐤ, ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᐊᐌᓇ ᐃᑕᐤ ᑳ ᑮ ᓇᑲᑕᒃ ᐙᔅᑳᔨᑲᓂᓕᐤ, ᓀᔥᑕᐱᑯ ᐎᒋᔖᓇ, ᓀᔥᑕᐱᑯ ᐎᒋᔖᓂᔅᑴᒪ, ᓀᔥᑕᐱᑯ ᐅᑖᐎᔭ, ᓀᔥᑕᐱᑯ ᐅᑳᐎᔭ, ᓀᔥᑕᐱᑯ ᐎᐗ, ᓀᔥᑕᐱᑯ ᐅᑦ ᐊᐙᔑᒥᔕ, ᓀᔥᑕᐱᑯ ᐅᑦ ᐊᔅᑭᔭ, ᓂᓚ ᐅᒋ, ᓀᔥᑕ ᒥᓗᐋᒋᒪᐎᓂᓕᐤ ᐅᒋ,

ᐅᐸᓓᑭᔅ ᒫᕐᒃ 10:15

ᑖᐺ ᑭᑦ ᐃᑎᓇᐗᐤ, ᐊᐌᓇ ᐁᑳ ᑫ ᐅᑎᓇᒸᑴ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ ᑖᐱᔅᑯᒡ ᐊᐱᔅᑕᐙᔑᔥ, ᓇᒪᐎᓚ ᐊᓐᑕ ᑲᑕ ᐱᑐᑫᐤ᙮

ᐅᐸᓓᑭᔅ ᒫᕐᒃ 9:41

ᐌᓴ ᐊᐌᓇ ᑫ ᒥᓇᐃᑖᑴ ᒥᓂᒀᑲᓂᒃ ᓂᐱᓕᐤ ᓂᑦ ᐃᔑᓂᑳᓱᐎᓂᒃ, ᙭ ᐁ ᑎᐯᓕᒥᑖᒃ ᐅᒋ, ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᑲᑕ ᐗᓂᑕᐤ ᐅ ᑎᐸᐊᒫᑯᓯᐎᓐ᙮

ᐅᐸᓓᑭᔅ ᒫᕐᒃ 9:1

ᑮ ᐃᑌᐤ ᒫᑲ, ᑖᐺ ᑭᑦ ᐃᑎᓈᐗᐤ, ᐋᑎᑦ ᐅᑯ ᐅᑕ ᑳ ᓂᐹᐎᒋᒃ, ᓇᒪᐎᓚ ᑲᑕ ᑯᒋᔅᑕᒶᒃ ᓂᐱᐎᓂᓕᐤ, ᐹᑎᒫ ᑭ ᐙᐸᑕᒸᑣᐌ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ ᑭᒋ ᐅᑎᒋᐸᓕᓕᒃ ᑲᔥᑭᐅᐎᓂᒃ᙮

ᐅᐸᓓᑭᔅ ᒫᕐᒃ 8:12

ᑮ ᒥᔅᑕᐃ ᓇᐊᑖᒧ ᒫᑲ ᐅᑦ ᐊᒑᑯᒃ, ᐃᑗᐤ ᒫᑲ, ᑖᓀᑭ ᐌᒋ ᐅᑯ ᐊᓄᒡ ᑳ ᐱᒫᑎᓯᒋᒃ ᓈᓇᑕᐌᓕᑕᑭᒃ ᑭᔅᑭᓄᐙᒋ ᐙᐸᑎᓕᐌᐎᓂᓕᐤ? ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᑲᑕ ᒥᓛᐗᒃ ᐅᑯ ᐊᓄᒡ ᑳ ᐱᒫᑎᓯᒋᒃ ᑭᔅᑭᓄᐙᒋ ᐙᐸᑎᓕᐌᐎᓂᓕᐤ᙮

ᐅᐸᓓᑭᔅ ᒫᕐᒃ 6:11

ᐊᐌᓇ ᒫᑲ ᐁᑳ ᑫ ᐱᑐᑲᐃᑖᑴ, ᐁᑳ ᓀᔥᑕ ᑫ ᓇᑐᑕᑖᑴ; ᐃᔅᐱ ᐊᓐᑕ ᐅᒋ ᑭᑐᑌᔦᑴ, ᐸᐹᐎᐸᓕᑖᒃ ᒪᒋᑾᓛᔕ ᑭᓯᑎᐙᒃ ᐅᒋ ᑭᒋ ᐅᒋ ᒫᒥᔑᒥᑯᒋᒃ᙮ ᑖᐺ ᑭᑦ ᐃᑎᓇᐗᐤ, ᐊᐗᓯᑌ ᑲᑕ ᒥᓗ ᐃᑌᓕᑖᑾᓋ ᓴᑕᒻ ᓀᔥᑕ ᑯᒪᕋ ᑎᐹᔅᑯᓂᑫᐎ ᑭᔑᑳᑫ, ᐃᔥᐱᔥ ᐊᓂᒪ ᐃᑖᐎᓐ᙮

ᐅᐸᓓᑭᔅ ᒫᕐᒃ 3:28

ᑖᐺ ᑭᑦ ᐃᑎᓇᐗᐤ, ᒥᓯᐌ ᒪᒋᑐᑕᒧᐎᓇ ᑲᑕ ᐌᐯᓕᑕᒪᐙᐗᒃ ᐃᓕᓕᐎᑯᓯᓵᓇᒃ, ᓀᔥᑕ ᐹᔅᑕᒧᐎᓇ ᑫ ᐃᔑ ᐸᐹᔅᑕᒧᐙᑴ:

ᐅᐸᓓᑭᔅ ᒫᑎᐤ 25:45

ᐁᑯ ᑮ ᓇᔥᑴᐗᔑᐋᑦ, ᐁ ᐃᑗᑦ, ᐁᑳ ᐁ ᑮ ᐃᔑ ᑐᑕᐌᒃ ᐯᔭᒃ ᐅᑯ ᐁ ᒫᐗᒋ ᐋᐱᔅᑌᓕᑖᑯᓯᒋᒃ, ᓇᒪᐎᓚ ᓂᓚ ᑭ ᐅᒋ ᑐᑖᐎᓈᐗᐤ᙮

ᐅᐸᓓᑭᔅ ᒫᑎᐤ 25:40

ᑭᒋᐅᑭᒪᐤ ᒫᑲ ᑲᑕ ᓇᔥᑴᐗᔑᐁᐤ, ᐁ ᐃᑖᑦ, ᑖᐺ ᑭᑦ ᐃᑎᓇᐗᐤ, ᐁ ᑮ ᐃᔑ ᑐᑕᐌᒃ ᐯᔭᒃ ᐅᑯ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᓂᒋᔖᓇᒃ, ᓂᓚ ᑭ ᑮ ᑐᑕᐎᓇᐗᐤ᙮

ᐅᐸᓓᑭᔅ ᒫᑎᐤ 25:12

ᒫᑲ ᐁ ᓇᔥᑴᐗᔑᐋᑦ ᑮ ᐃᑌᐤ, ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᑭ ᑭᔅᑫᓕᒥᑎᓇᐗᐤ᙮

ᐅᐸᓓᑭᔅ ᒫᑎᐤ 24:47

ᑖᐺ ᑭᑦ ᐃᑎᓇᐗᐤ, ᑲᑕ ᑎᐯᓕᑕᒥᐃᑯ ᒥᓯᐌ ᐅᑦ ᐋᔮᓂᓕᐗ᙮

ᐅᐸᓓᑭᔅ ᒫᑎᐤ 24:2

ᒋᓴᔅ ᒫᑲ ᑮ ᐃᑌᐤ, ᓇᒪ ᓈ ᑭ ᐙᐸᑌᓇᐗᐤ ᒥᓯᐌ ᐅᐅ ᑫᒀᓇ? ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᐙᐙᒡ ᐯᔭᒃ ᐊᓯᓂ ᑲᑕ ᓇᑲᑖᑲᓂᐎᐤ ᐁ ᑌᑕᐱᑦ ᑯᑕᑭᔭ ᐊᓯᓂᔭ, ᐁᑳ ᑫ ᓂᒋᐌᐱᓈᑲᓂᐎᑦ᙮

ᐅᐸᓓᑭᔅ ᒫᑎᐤ 23:36

ᑖᐺ ᑭᑦ ᐃᑎᓇᐗᐤ, ᒥᓯᐌ ᐅᐅ ᑫᒀᓇ ᑲᑕ ᐅᑎᑎᑯᐗᒃ ᐅᑯ ᐊᓄᒡ ᑳ ᐱᒫᑎᓯᒋᒃ᙮

ᐅᐸᓓᑭᔅ ᒫᑎᐤ 21:31

ᐊᐌᓇ ᐅᑯ ᑳ ᓂᔑᒋᒃ ᑳ ᑐᑕᒸᑦ ᐅᑦ ᐃᑌᓕᑕᒧᐎᓂᓕᐤ ᐅᑖᐎᐙᐗ? ᐃᑌᐗᒃ, ᐊᓇ ᓃᔥᑕᒻ᙮ ᒋᓴᔅ ᐃᑌᐤ, ᑖᐺ ᑭᑦ ᐃᑎᓇᐗᐤ, ᐎᓚᐗᐤ ᐸᑉᓕᑳᓇᒃ ᓀᔥᑕ ᐱᔑᒀᑎᔅᑴᐗᒃ ᑲᑕ ᐱᑐᑫᐌᐗᒃ ᑭᒋᒪᓂᑐᐗ ᐅᑦᐅᑭᒫᐎᐎᓂᓕᒃ ᐸᒧᔑ ᑭᓚᐗᐤ᙮

ᐅᐸᓓᑭᔅ ᒫᑎᐤ 21:21

ᒋᓴᔅ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑖᐺ ᑭᑦ ᐃᑎᓇᐗᐤ, ᑮᔥᐱᓐ ᐋᔮᔦᒃ ᑖᐺᔦᓕᑕᒧᐎᓐ, ᓀᔥᑕ ᐁᑳ ᐹᔨᑕᐌᓕᑕᒣᒃ, ᓇᒪᐎᓚ ᐅᒪ ᐱᑯ ᑭ ᑳ ᑐᑌᓇᐗᐤ ᑳ ᑐᑕᐙᑲᓂᐎᑦ ᐸᑫᓵᓂᒥᓈᑎᒃ, ᑮᔥᐱᓐ ᓀᔥᑕ ᐃᑕᒣᒃ ᐅᒪ ᐗᒋ, ᐋᒋᐸᓕᐃᑎᓱ, ᐌᐱᓂᑎᓱ ᒫᑲ ᑭᒋᑲᒦᒃ, ᑲᑕ ᑐᒋᑳᑌᐤ᙮

ᐅᐸᓓᑭᔅ ᒫᑎᐤ 19:28

ᒋᓴᔅ ᒫᑲ ᑮ ᐃᑌᐤ, ᑖᐺ ᑭᑦ ᐃᑎᓈᐗᐤ, ᑭᓚᐗᐤ ᑳ ᑮ ᓄᔅᐱᓇᔑᔦᒃ, ᐅᔥᑭ ᓂᑖᐎᑭᐎᓂᒃ ᐃᔅᐱ ᐃᓕᓕᐎᑯᓯᓵᓐ ᐊᐱᑌ ᐅ ᑭᔅᑌᓕᑖᑯᓯᐎᓂ ᐅᑭᒪᐗᐱᐄᓂᒃ, ᑭᓚᐗᐤ ᓀᔥᑕ ᑭ ᑳ ᑌᑕᐱᓇᐗᐤ ᓂᔓᔖᑉ ᐅᑭᒪᐗᐱᐄᓇ ᐁ ᑎᐹᔅᑯᓀᑾᒃ ᐊᓂᐃ ᓂᔓᔖᑉ ᐅ ᑕᑐᑌᐎᓯᒪ ᐃᔅᕃᐃᓪ᙮

ᐅᐸᓓᑭᔅ ᒫᑎᐤ 19:23

ᐁᑯ ᒋᓴᔅ ᐁᑖᑦ ᐅ ᑭᔅᑭᓄᐊᒪᐙᑲᓇ, ᑖᐺ ᑭᑦ ᐃᑎᓇᐗᐤ, ᒥᔕᑭᓯᐎᓕᓕᐤ ᐊᑳᐙᒡ ᑲᑕ ᐱᑐᑫᐤ ᑭᒋᑭᔑᑳᐎ ᐅᑭᒫᐎᐎᓂᒃ᙮

ᐅᐸᓓᑭᔅ ᒫᑎᐤ 18:18

ᑖᐺ ᑭᑦ ᐃᑎᓇᐗᐤ, ᑫᒀᓐ ᑫ ᒫᑯᐱᑕᒧᐌᑴ ᐅᑕ ᐊᔅᑮᒃ ᑲᑕ ᒫᑯᐱᒋᑳᑌᐤ ᑭᒋᑭᔑᑯᒃ: ᑫᒀᓐ ᒫᑲ ᑫ ᐋᐸᐊᒧᐌᑴ ᐅᑕ ᐊᔅᑮᒃ ᑲᑕ ᐋᐸᐃᑳᑌᐤ ᑭᒋᑭᔑᑯᒃ᙮

ᐅᐸᓓᑭᔅ ᒫᑎᐤ 18:3

ᑮ ᐃᑗᐤ ᒫᑲ, ᑖᐺ ᑭᑦ ᐃᑎᓇᐗᐤ, ᑮᔥᐱᓐ ᐁᑳ ᑴᔅᑳᑎᓯᔦᑴ, ᓀᔥᑕ ᓇᔅᐱᑕᐌᒀᐌ ᐊᐱᔅᑕᐙᔑᔕᒃ, ᓇᒪᐎᓚ ᑭ ᑳ ᐱᑐᑳᓇᐗᐤ ᑭᒋᑭᔑᑳᐎ ᐅᑭᒫᐎᐎᓂᒃ᙮

ᐅᐸᓓᑭᔅ ᒫᑎᐤ 11:11

ᑖᐺ, ᑭᑦ ᐃᑎᓇᐗᐤ, ᒥᓯᐌ ᑕᑐ ᐊᐌᓇ ᐃᔅᑴᒃ ᑳ ᐅᒋ ᓂᑖᐎᑭᑦ, ᓇᒪᐎᓚ ᐅᒋ ᐯᔭᒃ ᐊᐙᓯᑌ ᐃᔅᐯᓕᑖᑯᓯᐤ ᐁᔅᐯᓕᑖᑯᓯᑦ ᒑᓐ ᐅᓯᑲᐊᑖᑫᐤ: ᐁᓕᐌᒃ ᒫᑲ, ᐊᓇ ᑳ ᒫᐗᒋ ᐋᐱᔅᑌᓕᑖᑯᓯᑦ ᑭᒋᑭᔑᑳᐎ ᐅᑭᒫᐎᐎᓂᒃ ᐊᐙᓯᑌ ᐃᔅᐯᓕᑖᑯᓯᐤ ᐃᔥᐱᔥ ᐎᓚ᙮

ᐅᐸᓓᑭᔅ ᒫᑎᐤ 10:42

ᐊᐌᓇ ᒫᑲ ᑫ ᒥᓈᐋᑴ ᐯᔭᒃ ᐅᐅ ᑳ ᐋᐱᔅᑌᓕᑖᑯᓯᓕᒋ ᒥᓂᒀᑲᓂᒃ ᐱᑯ ᑕᑭᐱᓕᐤ ᐅᑦ ᐃᔑᓂᑳᓱᐎᓂᒃ ᑭᔅᑭᓄᐊᒪᐙᑲᓐ, ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᑲᑕ ᐗᓂᑕᐤ ᐅ ᑎᐸᐊᒫᑯᓯᐎᓐ᙮

ᐅᐸᓓᑭᔅ ᒫᑎᐤ 10:15

ᑖᐺ ᑭᑦ ᐃᑎᓇᐗᐤ, ᐊᐙᓯᑌ ᑲᑕ ᒥᓗ ᐃᑌᓕᑖᑾᓋ ᓴᑕᒻ ᐊᔅᑭ ᓀᔥᑕ ᑯᒪᕋ ᑎᐹᔅᑯᓂᑫᐎ ᑭᔑᑳᑫ, ᐃᔥᐱᔥ ᐊᓂᒪ ᐃᑖᐎᓐ᙮

ᐅᐸᓓᑭᔅ ᒫᑎᐤ 8:10

ᐃᔅᐱ ᒫᑲ ᒋᓴᔅ ᐱᐁᑕᒃ, ᑮ ᒫᒪᔅᑳᑕᒻ, ᑮ ᐃᑌᐤ ᒫᑲ ᐊᓂᐃ ᑳ ᓄᔅᐱᓈᑎᑯᑦ, ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᓂ ᐅᒋ ᒥᔅᑫᓐ ᑭᒋ ᑖᐺᔦᓕᑕᒧᐎᓐ ᐃᔥᐱᔥ ᐅᒪ, ᓇᒪᐎᓚ ᐃᔅᕃᐃᓕᒃ᙮

ᐅᐸᓓᑭᔅ ᒫᑎᐤ 6:16

ᓀᔥᑕ ᒫᑲ ᐃᔅᐱ ᓀᑲᓸᔦᑯ, ᐁᑳᐎᓚ ᓇᔅᐱᑖᑯᒃ ᐅᑖᔭᒥᐁᑳᓱᔅᑲᒃ, ᐁ ᒪᒋᑴᒋᒃ: ᐌᓴ ᐎᓚᐗᐤ ᒪᒋᑴᐃᑎᓯᐗᒃ ᑭᒋ ᐙᐸᒥᑯᒋᒃ ᐃᓕᓕᐗ ᐁ ᓂᑲᓯᒋᒃ᙮ ᑖᐺ ᑭᑦ ᐃᑎᓇᐗᐤ, ᐋᔭᐗᒃ ᐅ ᑎᐸᐊᒫᑯᓯᐎᓂᐗᐤ᙮

ᐅᐸᓓᑭᔅ ᓘᒃ 4:24

ᑮ ᐃᑗᐤ ᒫᑲ, ᑖᐺ ᑭᑦ ᐃᑎᓇᐗᐤ, ᐅᑭᔅᑭᐙᐃᑫᐤ ᓇᒪᐎᓚ ᐱᓯᔅᑫᓕᒪᐤ ᑎᐱᓚᐌ ᐅᑦ ᐊᔅᑮᒃ᙮