ᐅᐸᓓᑭᔅ ᒫᑎᐤ 4:24 - ᐅᔅᑭ ᑎᔅᑌᒥᓐᑦ

²⁴ ᑮ ᐸᐹᑎᐹᒋᒫᑲᓂᐎᐤ ᒫᑲ ᒥᓯᐌ ᓯᕆᔭᐃᒃ: ᑮ ᐯᑐᐌᐗᒃ ᒫᑲ ᒥᓯᐌ ᑮ ᐋᑯᓯᓕᒋ ᐃᓕᓕᐗ ᓇᓈᑲᐤ ᑳ ᐃᑖᔅᐱᓀᓕᒋ ᓀᔥᑕ ᐃᔑ ᐙᐎᓴᑫᓕᑕᒥᓕᒋ, ᐊᓂᐃ ᓀᔥᑕ ᑳ ᐱᒋᔅᑳᑯᓕᒋ ᒪᒋ ᐊᒑᑾ, ᐊᓂᐃ ᓀᔥᑕ ᑳ ᑮᔥᑴᓕᒋ, ᐊᓂᐃ ᓀᔥᑕ ᑳ ᓇᓇᒫᔅᐱᓀᓕᒋ; ᑮ ᒥᓇᐙᒋᐁᐤ ᒫᑲ᙮

ᐅᐸᓓᑭᔅ ᒫᑎᐤ 4:24 Referans Kwoze

ᐅᐸᓓᑭᔅ ᒫᑎᐤ 17:15

ᑌᐯᓕᒋᑫᔭᓐ, ᔕᐌᓕᒻ ᓂᑯᓯᔅ; ᐌᓴ ᑮᔥᑶᐤ, ᓈᔅᐱᒡ ᐁ ᐎᓴᑫᓕᑕᒃ: ᐌᓴ ᒥᒉᑡᐤ ᒪᒎᔅᑌᐸᓕᐤ, ᒥᒉᑡᐤ ᓀᔥᑕ ᐸᑲᔅᑕᐌᐸᓕᐤ᙮

ᐅᐸᓓᑭᔅ ᒫᑎᐤ 8:6

ᐁ ᐃᑗᓂᒋ ᒫᑲ, ᑌᐯᓕᒋᑫᔦᓐ, ᓂᑦ ᐊᑑᔅᑫᓛᑲᓐ ᐱᒥᔑᓐ ᓂᑭᒃ ᐁ ᐋᑯᓯᑦ ᓇᓇᒫᔅᐱᓀᐎᓂᓕᐤ ᐅᒋ, ᓈᔅᐱᒡ ᐁ ᐙᐎᓴᑫᓕᑕᒥᐃᑯᑦ᙮

ᐅᐸᓓᑭᔅ ᓘᒃ 5:15

ᒫᑲ ᐋᒋᐱᑯ ᐊᐙᓯᑌ ᑮ ᒫᒪᔅᑲᑖᒋᒪᐤ: ᓈᔅᐱᒡ ᒫᑲ ᒥᔮᒪᐎᒥᒉᑎᒋᒃ ᐃᓕᓕᐗᒃ ᑮ ᒫᒪᐎ ᐯᒋ ᐃᑐᑌᐗᒃ ᑭᒋ ᐯᑕᑭᒃ, ᓀᔥᑕ ᑭᒋ ᒥᓇᐙᒋᐃᑯᒋᒃ ᐅᑦ ᐃᑖᔅᐱᓀᐎᓂᐙᐗ᙮

ᐅᐸᓓᑭᔅ ᓘᒃ 2:2

(ᐅᒪ ᐊᑭᑖᓱᐎ ᒪᓯᓇᐃᑫᐎᓐ ᓃᔥᑕᒻ ᑮ ᐃᑭᓐ ᐃᔅᐱ ᓴᐃᕆᓂᔭᔅ ᑳ ᑎᐯᓕᑕᒃ ᓯᕆᔭ᙮)

ᐅᐸᓓᑭᔅ ᒫᑎᐤ 17:18

ᒋᓴᔅ ᒫᑲ ᑮ ᑭᑐᑌᐤ ᒪᒋ ᐊᒑᑾ, ᐁᑯ ᒫᑲ ᐌᓚᐎᓕᒋ ᐎᔭᐎᒃ ᐅᒋ: ᐁᐗᑯ ᑎᐹᔨᑲᓂᒃ ᐱᓯᒧᑳᓂᒃ ᒫᑲ ᑮ ᒥᓇᐙᒋᐊᐤ ᐊᓇ ᐊᐙᔑᔥ᙮

ᐅᐸᓓᑭᔅ ᒫᑎᐤ 15:22

ᒫᑎᑲ, ᒫᑲ, ᐯᔭᒃ ᑫᓇᓂ ᐃᔅᑴᐗ ᐁᑯᑕ ᐌᑐᑌᓕᒋ, ᑭ ᓈᓇᑐᒥᑯ, ᐁ ᐃᑎᑯᑦ ᒫᑲ, ᔕᐌᓕᒥᓐ, ᐅ ᑌᐯᓕᒋᑫᔭᓐ, ᑌᐱᑦ ᐌᑯᓯᓯᒥᔉ: ᓂᑖᓂᔅ ᓈᔅᐱᒡ ᐙᐎᓴᑭᔅᑳᑯ ᒪᒋ ᐊᒑᑾ᙮

ᐅᐸᓓᑭᔅ ᒫᑎᐤ 12:22

ᐁᑯ ᐱᐁᑐᐙᑲᓂᐎᑦ ᐊᐌᓂᐗ ᑳ ᐱᒋᔅᑳᑯᓕᒋ ᒪᒋ ᐊᒑᑾ, ᐁᑳ ᐁ ᐗᐱᓕᒋ, ᐁᑳ ᓀᔥᑕ ᐁ ᓂᑕᐌᓕᒋ: ᑮ ᒥᓇᐙᒋᐁᐤ ᒫᑲ, ᐁᑯ ᒫᑳ ᐁᑳ ᑳ ᐙᐱᑦ ᓀᔥᑕ ᐁᑳ ᑳ ᓂᑕᐌᑦ ᑮ ᐋᔭᒥᐤ ᓀᔥᑕ ᑮ ᐙᐱᐤ᙮

ᐊᐸᔅᑕᓚᒃ 10:38

ᑭᒋᒪᓂᑐ ᑳ ᐃᔑ ᑕᒫᔅᑯᓈᑦ ᒋᓴᓴ ᓈᓴᕋᑎᒃ ᑳ ᐅᒌᓕᒋ ᑳ ᐸᓓᑭᓯᓕᒋ ᐊᒑᑾ ᓀᔥᑕ ᓱᑳᑎᓯᐎᓂᓕᐤ ᐅᒋ; ᐊᓇ ᑳ ᐸᐹᐃᑐᑌᑦ ᐁ ᒥᓗᑐᑖᑫᑦ, ᓀᔥᑕ ᐁ ᒥᓇᐙᒋᐋᑦ ᒥᓯᐌ ᐊᓂᐃ ᑳ ᓇᓀᑳᒋᐃᑯᓕᒋ ᒪᒋᒪᓂᑐᐗ: ᐌᓴ ᑭᒋᒪᓂᑐᐗ ᑮ ᐎᒉᐎᑯ᙮

ᐊᐸᔅᑕᓚᒃ 15:23

ᑮ ᒪᓯᓇᐊᒪᐌᐗᒃ ᒫᑲ ᐎᓚᐊᐤ ᐅᒋ ᐅᒪ ᐃᔑ; ᐊᓂᑭ ᐊᐸᔅᑕᓚᒃ, ᓀᔥᑕ ᑳ ᓂᑳᓀᓕᑖᑯᓯᒋᒃ ᓀᔥᑕ ᑳ ᐎᒋᔕᓂᑐᒋᒃ, ᐃᔑᑎᔕᐊᒫᑫᐗᒃ ᐁ ᐊᑕᒥᔅᑲᐙᒋᒃ ᐊᓂᐃ ᑳ ᐎᒋᔕᓂᑐᓕᒋ ᑳ ᒉᓐᑕᐃᓕᐎᓕᒋ ᐋᓐᑎᐊᑭᒃ ᑳ ᐃᑖᓕᒋ, ᓀᔥᑕ ᓯᕆᐊᐃᒃ, ᓀᔥᑕ ᓯᓕᓯᐊᐃᒃ;

ᐅᐸᓓᑭᔅ ᒫᕐᒃ 2:3

ᑮ ᐯᒋ ᓈᑌᐗᒃ ᒫᑲ, ᐁ ᐯᔑᐙᒋᒃ ᐊᐌᓂᐗ ᐁ ᓇᓇᒫᔅᐱᓀᓕᒋ, ᓀᐤ ᐁ ᐱᒥᐎᓛᒋᒃ᙮

ᐅᐸᓓᑭᔅ ᒫᕐᒃ 1:32

ᐃᔅᐱ ᒫᑲ ᐁᑎ ᐅᑖᑯᔒᒃ, ᐃᔅᐱ ᐱᓯᒻ ᐯᑭᔑᒧᑦ, ᑮ ᐯᑐᐌᐗᒃ ᒥᓯᐌ ᑳ ᐋᑯᓯᓕᒋ, ᓀᔥᑕ ᐊᓂᐃ ᑳ ᐱᒋᔅᑳᑯᓕᒋ ᒪᒋ ᐊᒑᑾ᙮

ᐅᐸᓓᑭᔅ ᒫᑎᐤ 4:23

ᒋᓴᔅ ᒫᑲ ᑮ ᐸᐹᐃᑐᑌᐤ ᒥᓯᐌ ᑳᓖᓖᒃ, ᐁ ᑭᔅᑭᓄᐊᒫᑫᑦ ᐅᑦ ᐋᔭᒥᐁᐎᑲᒥᑯᓖᒃ, ᐁ ᐙᐎᑕᒫᑫᑦ ᒫᑲ ᑭᒋᑭᔑᑳᐎ ᐅᑭᒫᐎᐎᓂ ᒥᓗᐋᒋᒧᐎᓂᓕᐤ, ᐁ ᒥᓇᐙᒋᑖᑦ ᒥᓯᐌ ᐃᔑ ᐋᑯᓯᐎᓂᓕᐤ ᓀᔥᑕ ᒥᓯᐌ ᓇᓈᑲᐤ ᑳ ᐃᑖᔅᐱᓀᓕᒋ ᐃᓕᓕᐗ᙮

ᐊᐸᔅᑕᓚᒃ 15:41

ᑮ ᐸᐹᒥᔕᐳᔥᑲᒻ ᒫᑲ ᓯᕆᐊ ᓀᔥᑕ ᓯᓕᓯᐊ, ᐁ ᐋᔨᒋᐋᑦ ᒫᒪᐎᐋᔭᒥᐋᐗ᙮

ᐅᐸᓓᑭᔅ ᓘᒃ 4:14

ᒋᓴᔅ ᒫᑲ ᑮ ᐃᔑ ᑭᐌᐤ ᑳᓕᓖᒃ ᐊᒑᑾ ᐅ ᑲᔥᑭᐅᐎᓂᓕᒃ: ᑮ ᒫᒪᔅᑲᑖᒋᒪᐤ ᒫᑲ ᒥᓯᐌ ᐁᔅᐱᔖᒃ ᐊᔅᑮᒃ ᐙᔅᑲ᙮

ᐅᐸᓓᑭᔅ ᒫᕐᒃ 1:28

ᑣᔦᒃ ᒫᑲ ᑮ ᑭᒋ ᑎᐹᒋᒪᐤ ᒥᓯᐌ ᐊᔅᑮᒃ ᐙᔅᑲ ᑳᓕᓕᒃ᙮

ᐅᐸᓓᑭᔅ ᒫᑎᐤ 14:1

ᐁᑯᔅᐱ ᐦᐁᕋᑦ ᑳ ᑭᒋᐅᑭᒫᐎᑦ ᑮ ᐯᑕᒻ ᐁ ᐃᑖᒋᒥᒥᒋ ᒋᓴᓴ,

ᐅᐸᓓᑭᔅ ᒑᓐ 10:21

ᑯᑕᑭᔭᒃ ᑮ ᐃᑗᐗᒃ, ᐅᐅ ᓇᒪᔦᓕᐗ ᐅᑦ ᐋᔭᒥᐎᓇ ᐊᐌᓇ ᒪᒋ ᐊᒑᑾ ᐁ ᐋᔭᐙᑦ᙮ ᒪᒋ ᐊᒑᒃ ᓈ ᑲᑕ ᑮ ᐋᐸᐊᒬᐤ ᐅᔅᑭᔑᑯᓕᐗ ᐊᐌᓕᐗ ᐁᑳ ᐁ ᐙᐱᓕᒋ?

ᐅᐸᓓᑭᔅ ᒫᑎᐤ 9:35

ᒋᓴᔅ ᒫᑲ ᒥᓯᐌ ᐃᑖᐎᓂᒃ ᓀᔥᑕ ᐃᑖᐎᓂᔑᒃ ᑮ ᐋᐃᑐᑌᐤ, ᐁ ᑭᔅᑭᓄᐊᒫᑫᑦ ᐅᑦ ᐋᔭᒥᐁᐎᑲᒥᑯᓕᒃ, ᓀᔥᑕ ᐁ ᐙᐎᑕᒪᑫᑦ ᐅᑭᒫᐎᐎᓂ ᒥᓗᐋᒋᒧᐎᓂᓕᐤ, ᓀᔥᑕ ᐁ ᒥᓇᐙᒋᑖᑦ ᒥᓯᐌ ᐃᔑ ᐋᑯᓯᐎᓇ, ᓀᔥᑕ ᓇᓈᑲᐤ ᐁ ᐃᑖᔅᐱᓀᓕᒋ ᐃᓕᓕᐗ᙮

ᐅᐸᓓᑭᔅ ᒫᑎᐤ 9:26

ᐅᒪ ᒫᑲ ᑭ ᐋᐃᐹᓕᒧᒋᑳᑌᒃ ᒥᓯᐌ ᐊᓂᒪ ᐊᔅᑮᒃ᙮

ᐅᐸᓓᑭᔅ ᒫᑎᐤ 8:28

ᐃᔅᐱ ᒫᑲ ᒣᔕᑳᑦ ᐊᑳᒥᒃ, ᑲᕐᑭᓯᓇᒃ ᐅᑦ ᐊᔅᑭᐙᒃ, ᑮ ᓇᑭᔥᑳᑯ ᓂᔓ ᑳ ᐱᒋᔅᑳᑯᓕᒋ ᒪᒋ ᐊᒑᑾ, ᒋᐹᔨᑲᒥᑯᔅᑲᒃ ᐁ ᐯᒋ ᐅᑐᑌᓕᒋ ᓈᔅᐱᒡ ᐁ ᐊᒀᑎᓯᓕᒋ, ᑳ ᐅᒋ ᐁᑳ ᐊᐌᓇ ᐊᓐᑕ ᐁ ᑮ ᐱᒧᑌᑦ᙮

ᐅᐸᓓᑭᔅ ᒫᑎᐤ 8:33

ᐊᓂᑭ ᒫᑲ ᑳ ᑲᓇᐌᓕᒫᒋᒃ ᑮ ᐅᔑᒧᐗᒃ, ᐃᑖᐎᓂᒃ ᐃᔑ ᒫᑲ ᑮ ᐃᑐᑌᐗᒃ, ᑮ ᐎᑕᒶᒃ ᒫᑲ ᒥᓯᐌ ᑫᒀᓇ, ᓀᔥᑕ ᑳ ᐃᔑ ᐋᔨᑎᓕᒋ ᐊᓂᐃ ᑳ ᐱᒋᔅᑳᑯᓕᒋ ᒪᒋ ᐊᒑᑾ᙮

ᐅᐸᓓᑭᔅ ᒫᕐᒃ 2:4

ᐃᔅᐱ ᒫᑲ ᐁᑳ ᐯᔓᒡ ᐁ ᑮ ᓈᑖᒋᒃ, ᐁ ᐃᔅᐱᒋ ᓯᑎᔅᑳᑐᓈᓂᐗᒃ, ᑮ ᐹᔅᑭᐱᑕᒶᒃ ᐊᑾᓇᐃᑲᓂᓕᐤ ᐃᑕ ᐁ ᐃᑖᓕᒋ: ᐃᔅᐱ ᒫᑲ ᑳ ᑮ ᑕᐎᓇᑭᒃ, ᑮ ᓛᔑᓇᒶᐤ ᓂᐯᐎᓂᓕᐤ ᐃᑕ ᐅᓇᓇᒫᔅᐱᓀᐗ ᐁ ᐱᒥᔑᓂᓕᒋ᙮

ᐅᐸᓓᑭᔅ ᒫᕐᒃ 2:9

ᑖᓂᒪ ᐊᐙᓯᑌ ᐎᐁᑕᒃ ᑭᒋ ᐃᑖᑲᓂᐎᑦ ᐅᓇᓇᒫᔅᐱᓀᐤ, ᑭ ᒪᒋᑐᑕᒧᐎᓇ ᑭ ᐌᐯᓕᑕᒫᑲᐎᓐ; ᓀᔥᑕᐱᑯ ᑭᒋ ᐃᑖᑲᓂᐎᑦ, ᐗᓂᔥᑲ, ᐅᑎᓇ ᓀᔥᑕ ᑭ ᓂᐯᐎᓐ, ᐱᒧᑌ ᒫᑲ᙮

ᐅᐸᓓᑭᔅ ᓘᒃ 4:38

ᐊᔭᒥᐁᐎᑳᒥᑯᒃ ᒫᑲ ᑮ ᐅᒋ ᐊᓚᐃᐤ, ᓀᔥᑕ ᑮ ᐱᑐᑫᐌᐤ ᓵᐃᒪᓇ ᐎᑭᓕᒃ: ᒫᑲ ᐎᐗ ᐅᑳᐎᓕᐗ ᑮ ᐅᑎᑎᑯᓕᐗ ᑭᒋ ᑭᓯᓱᐎ ᐃᑖᔅᐱᓀᐎᓂᓕᐤ; ᐁᑯ ᒫᑲ ᓀᑐᑕᒪᐙᒋ ᑭᒋ ᒥᓇᐙᒋᐋᑦ᙮

ᐅᐸᓓᑭᔅ ᓘᒃ 5:24

ᒫᑲ ᑭᒋ ᑭᔅᑫᓕᑕᒣᒃ ᐃᓕᓕᐎᑯᓯᓵᓐ ᐁ ᐋᔮᑦ ᑲᔥᑭᐅᐎᓂᓕᐤ ᐅᑕ ᐊᔅᑮᒃ ᑭᒋ ᐌᐯᓕᑕᒫᑫᑦ ᒪᒋᑐᑕᒧᐎᓇ, (ᑮ ᐃᑌᐤ ᐅᓇᓇᒫᔅᐱᓀᐗ,) ᑭᑦ ᐃᑎᓐ, ᐗᓂᔥᑳ, ᐅᑎᓇ ᓀᔥᑕ ᑭ ᓂᐯᐎᓐ, ᐃᑐᑌ ᒫᑲ ᑭ ᐙᔅᑳᔨᑲᓂᒥᒃ

ᐊᐸᔅᑕᓚᒃ 8:7

ᐌᓴ ᒪᒋ ᐊᒑᑾᒃ, ᓲᑲ ᐁ ᑌᐺᒋᒃ, ᑮ ᐯᒋ ᐗᓚᐎᐗᒃ ᒥᒉᑦ ᐅᒋ ᑳ ᑮ ᐱᒋᔅᑲᐙᒋᒃ; ᓀᔥᑕ ᒥᒉᑦ ᑳ ᐅᑎᑎᑯᒋᒃ ᓇᓇᒫᔅᐱᓀᐎᓇ, ᓀᔥᑕ ᐊᓂᑭ ᑳ ᒫᔅᑭᑳᑌᒋᒃ, ᑮ ᒥᓇᐙᒋᐊᑲᓂᐎᐙᒃ᙮

ᐅᐸᓓᑭᔅ ᓘᒃ 7:17

ᐅᒪ ᒫᑲ ᐁ ᒫᒪᔅᑳᑖᒋᒫᑲᓂᐎᑦ ᑮ ᐯᐯᑖᑾᓂᓕᐤ ᒥᓯᐌ ᐁᔅᐱᔖᒃ ᒎᑎᐊᐃᒃ, ᓀᔥᑕ ᒥᓯᐌ ᐊᔅᑮᒃ ᐙᔅᑲ᙮

ᐊᐸᔅᑕᓚᒃ 28:9

ᐃᔅᐱ ᒫᑲ ᐅᒪ ᑳ ᑮ ᑐᒋᑳᑌᒃ, ᑯᑕᑭᔭᒃ ᓀᔥᑕ, ᑳ ᑮ ᐋᑯᓯᒋᒃ ᐁᑯᑕ ᒥᓂᔅᑎᑯᒃ, ᑮ ᐯᒋ ᐃᑐᑌᐗᒃ, ᐁᑯ ᒫᑲ ᑳ ᒥᓇᐙᒋᐋᑲᓂᐎᒋᒃ;