ᐅᐸᓓᑭᔅ ᒫᑎᐤ 3:11 - ᐅᔅᑭ ᑎᔅᑌᒥᓐᑦ

¹¹ ᓂᓚ ᑖᐺ ᑮ ᓯᑲᐋᑖᑎᓇᐗᐤ ᓂᐱ ᐅᒋ ᑴᔅᑳᑎᓯᐎᓂᒃ ᐃᔑ: ᒫᑲ ᐊᓇ ᑳ ᐯᒋ ᓄᔅᐱᓇᔑᑦ ᐊᐗᓯᑌ ᓱᑳᑎᓯᐤ ᐃᔥᐱᔥ ᓂᓚ, ᐅ ᒪᔅᑭᓯᓇ ᓇᒪᐎᓚ ᓂᑦ ᐃᔅᐱᑌᓕᑖᑯᓯᓐ ᑭᒋ ᐱᒥᐎᑕᐗᒃ: ᐎᓚ ᑭ ᑳ ᓯᑲᐋᑖᑯᐗᐤ ᐸᓓᑭ ᐊᒑᑾ ᐅᒋ ᓀᔥᑕ ᐃᔥᑯᑌᓕᐤ᙮

ᐅᐸᓓᑭᔅ ᒫᑎᐤ 3:11 Referans Kwoze

ᐅᐸᓓᑭᔅ ᓘᒃ 3:16

ᒑᓐ ᑮ ᓇᔥᑴᐗᔑᐃᐌᐤ, ᐁ ᐃᑖᑦ ᒥᓯᐌ ᐁ ᐃᑕᓯᓕᒋ, ᓂᓚ ᑖᐺ ᑮ ᓯᑲᐋᑖᑎᓇᐗᐤ ᓂᐱ ᐅᒋ; ᒫᑲ ᐊᐌᓇ ᐊᐙᓯᑌ ᐁ ᓱᑳᑎᓰᑦ ᐃᔥᐱᔥ ᓂᓚ ᐯᒋ ᐃᑐᑌᐤ, ᐅ ᒪᔅᑭᓯᓀᐋᐱᔭ ᓇᒪᐎᓚ ᓂᑦ ᐃᔅᐱᑌᓕᑖᑯᓯᓐ ᑭᒋ ᐊᐱᑯᓇᒶᒃ: ᐎᓚ ᑭ ᑳ ᓯᑲᐋᑖᑯᐗᐤ ᐸᓓᑭ ᐊᒑᑾ ᐅᒋ, ᓀᔥᑕ ᐃᔥᑯᑌᓕᐤ;

ᐊᐸᔅᑕᓚᒃ 1:5

ᐌᓴ ᒑᓐ ᑖᐺ ᑮ ᓯᑲᐋᑖᑫᐤ ᓂᐱ ᐅᒋ; ᒫᑲ ᑭᓚᐗᐤ ᑭ ᑳ ᓯᑲᐊᑖᑲᐎᓇᐗᐤ ᐸᓓᑭ ᐊᒑᒃ ᐅᒋ ᐸᒧᔑ ᒥᒉᑐ ᑭᔑᑳᐗ ᐃᓕᑯᒃ᙮

ᑕᐃᑕᔅ 3:5

ᓇᒪᐎᓚ ᑾᔭᔅᑭᑕᑎᓯᐎᓂ ᐊᑑᔅᑫᐎᓇ ᑳ ᑮ ᑐᑕᒪᒃ ᐅᒋ, ᒫᑲ ᐁ ᐃᑕᔅᑌᓕᒃ ᐅ ᔕᐌᓕᒋᑫᐎᓐ ᑭ ᑮ ᐅᒋ ᐱᒫᒋᐃᑯᓇᐤ, ᐅᔥᑭ ᓂᑕᐎᑭᐎᓂ ᑭᒋᔅᑖᐸᐎᑭᒋᑫᐎᓐ ᐅᒋ, ᓀᔥᑕ ᐅᑦ ᐅᔥᑭ ᐅᔑᐃᐌᐎᓐ ᐯᓓᑭᓯᑦ ᐊᒑᒃ,

ᓂᔥᑕᒻ ᑯᕆᓐᑎᐊᓇ 12:13

ᐌᓴ ᐯᔭᒃ ᐊᒑᒃ ᐅᒋ ᒥᓯᐌ ᐁ ᐃᑕᔑᔭᒃ ᑭ ᓯᑲᐊᑖᑲᐎᓈᓇᐤ ᐯᔭᒃ ᒥᔭᐎᒃ, ᑮᔥᐱᓐ ᒎᐎᐗᑴ ᓀᔥᑕᐱᑯ ᒉᓐᑖᐃᓕᐗᑴ, ᑮᔥᐱᓐ ᐃᐋᐎᑳᓂᐗᑴ, ᓀᔥᑕᐱᑯ ᑌᐯᓕᒥᑎᓱᐗᑴ; ᓀᔥᑕ ᒥᓯᐌ ᑭ ᑮ ᒥᓂᒀᑕᒧᐃᑲᐎᓈᓇᐤ ᐯᔦᑯ ᐊᒑᑯᒃ ᐃᔑ᙮

ᐅᐸᓓᑭᔅ ᒫᑎᐤ 3:6

ᑮ ᓯᑲᐋᑕᐌᐗᒃ ᒫᑲ ᒐᕐᑕᓂᒃ, ᐁ ᐙᐎᑕᒥᓕᒋ ᐅ ᒪᒋᑐᑕᒧᐎᓂᓕᐗ᙮

ᐊᐸᔅᑕᓚᒃ 19:4

ᐁᑯ ᒫᑲ ᑳ ᐃᑗᑦ ᐹᓪ, ᒑᓐ ᑖᐺ ᑮ ᓯᑲᐊᑖᑫᐤ ᐊᓂᒪ ᑴᔅᑳᑎᓯᐎᓂ ᓯᑲᐊᑕᑫᐎᓐ ᐅᒋ, ᐁ ᐃᑕᑦ ᐊᓂᐃ ᐃᓕᓕᐗ, ᑭᒋ ᑖᐺᔦᓕᒫᓕᒋ ᐊᓂᐃ ᑫ ᐯᒋ ᓄᔅᐱᓈᑎᑯᑦ, ᐁᐗᒀᓇ ᙭ ᒋᓴᔅ᙮

ᐅᐸᓓᑭᔅ ᓘᒃ 1:17

ᑲᑕ ᓂᑳᓄᑕᐌᐤ ᒫᑲ ᐃᓛᐃᒐᐗ ᐅᑦ ᐊᒑᑯᓕᒃ ᓀᔥᑕ ᐅ ᑲᔥᑭᐅᐎᓂᓕᒃ, ᑭᒋ ᑴᔅᑭᓇᒸᑦ ᐅᑖᐎᒫᐗ ᐅᑌᐃᓕᐗ ᐊᐙᔑᔕ ᐃᔑ, ᓀᔥᑕ ᐊᓂᐃ ᑳ ᔑᐱᑕᒥᓕᒋ ᑭᒋ ᑲᑫᑕᐌᓕᑕᒥᓕᒋ ᑖᐱᔅᑯᒡ ᑳ ᒀᔭᔅᑭᑎᓕᒋ; ᑭᒋ ᐋᔦᔅᑲᐎᑕᒪᐙᑦ ᐃᓕᓕᐗ ᑳ ᐙᐌᔑᑕᒫᑦ ᐅᑎᐯᓕᒋᑫᐗ᙮

ᐅᐸᓓᑭᔅ ᒑᓐ 1:30

ᐁᐗᑯ ᐊᐗ ᑳ ᑮ ᐃᑕᒃ, ᓂ ᓄᔅᐱᓇᑎᒃ ᐃᓕᓕᐤ ᐊᐙᓯᑌ ᐁᑌᓕᑖᑯᓯᑦ ᐃᔥᐱᔥ ᓂᓚ; ᐌᓴ ᑮ ᐃᑖᐤ ᐸᒧᔑ ᐃᑖᔮᓐ᙮

ᐅᐸᓓᑭᔅ ᒫᕐᒃ 1:4

ᒑᓐ ᑮ ᓯᑲᐋᑖᑫᐤ ᐸᑾᑕᔅᑲᒥᑳᒃ, ᑮ ᐙᐎᑕᒻ ᒫᑲ ᐊᓂᐁᓕᐤ ᑴᔅᑳᑎᓯᐎᓂ ᓯᑲᐋᑖᑫᐎᓂᓕᐤ, ᑭᒋ ᐅᒋ ᐌᐯᓕᒋᑳᑌᑭ ᒪᒋᑐᑕᒧᐎᓇ᙮

ᐃᐱᓯᔭᓇ 3:8

ᓂᓚ, ᐊᐙᓯᑌ ᑳ ᐋᐱᔅᑌᓕᑖᑯᓯᔮᓐ ᐃᔥᐱᔥ ᒥᓯᐌ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᐅᐸᓓᑭᓴᒃ, ᐅᒪ ᔕᐌᓕᒋᑫᐎᓐ ᓂ ᒥᓕᑲᐃᓐ, ᑭᒋ ᑮ ᑲᑫᔅᑭᒥᐌᐗᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ ᙭ ᐅ ᒥᔕᑭᓯᐎᓇ ᐁᑳ ᑫ ᑮ ᑌᐱ ᑭᔅᑫᓕᑖᑾᓂᓕᑭ,

ᓂᔥᑕᒻ ᐱᑕᕐ 5:5

ᓀᔥᑕ ᒫᑲ ᑭᓚᐗᐤ ᑳ ᐅᔥᑳᑎᓯᔦᒃ ᓇᓇᐃᑖᑯᒃ ᑳ ᓂᑳᓀᓕᑖᑯᓯᒋᒃ᙮ ᐁᐁ, ᒥᓯᐌ ᐁ ᐃᑕᔑᔦᒃ ᒀᔭᔉ ᐊᑑᔅᑫᔅᑖᑐᒃ, ᓀᔥᑕ ᑭᑭᔥᑲᒧᒃ ᑕᐸᑌᓕᒧᐎᓐ: ᐌᓴ ᑭᒋᒪᓂᑐ ᓇᔅᑯᔅᑕᐌᐤ ᑳ ᑭᔅᑌᓕᒧᓕᒋ, ᒥᓓᐤ ᒫᑲ ᔕᐌᓕᒋᑫᐎᓂᓕᐤ ᑳ ᑕᐸᑌᓕᒧᓕᒋ᙮

ᐅᐸᓓᑭᔅ ᒑᓐ 1:15

ᒑᓐ ᒫᑲ ᑮ ᑎᐹᒋᒣᐤ, ᑮ ᑌᐺᐤ ᒫᑲ, ᐁ ᐃᑗᑦ, ᐁᐗᑯ ᐊᐗ ᑳ ᑮ ᐋᓕᒧᒪᒃ, ᐊᓇ ᑳ ᐯᒋ ᓄᔅᐱᓇᔑᑦ ᐊᐙᓯᑌ ᐃᑌᓕᑖᑯᓯᐤ ᐃᔥᐱᔥ ᓂᓚ; ᐌᓴ ᑮ ᐃᑖᐤ ᐸᒧᔑ ᐃᑖᔮᓐ᙮

ᐅᐸᓓᑭᔅ ᓘᒃ 3:3

ᑮ ᐯᒋ ᐃᑐᑌᐤ ᒫᑲ ᒥᓯᐌ ᐊᔅᑮᒃ ᐯᔓᒡ ᒐᕐᑕᓂᒃ, ᐁ ᐙᐎᑕᒃ ᐊᓂᐁᓕᐤ ᑴᔅᑳᑎᓯᐎᓂ ᓯᑲᐋᑖᑫᐎᓂᓕᐤ ᑭᒋ ᐅᒋ ᐌᐯᓕᒋᑳᑌᑭ ᒪᒋᑐᑕᒧᐎᓇ᙮

ᐊᐸᔅᑕᓚᒃ 8:36

ᒣᒀᒡ ᒫᑲ ᐁ ᐊᑎ ᐱᒧᑌᒋᒃ, ᑮ ᐅᑎᑕᒶᒃ ᐃᑕ ᐁ ᐃᑕᒀᓂᓕᒃ ᓂᐱᓕᐤ: ᐊᓇ ᔫᓇᒃ ᒫᑲ ᑮ ᐃᑗᐤ, ᐗᐸᑕ, ᐅᑕ ᐃᑕᒀᓐ ᓂᐱ; ᑫᒀᓐ ᑫ ᐅᒋᐃᑯᔮᓐ ᑭᒋ ᓯᑲᐊᑖᑲᐎᔮᓐ?

ᐊᐸᔅᑕᓚᒃ 8:38

ᑮ ᐃᑗᐤ ᒫᑲ ᑭᒋ ᑭᐱᒋᐸᓕᓕᒃ ᑎᑎᐱᑖᐸᓈᔅᑯᓕᐤ, ᓀᔥᑕ ᑖᐱᔅᑯᒡ ᐁ ᓈᓯᐯᒋᒃ ᑮ ᐸᑯᐯᐗᒃ ᓂᐱᒃ, ᐱᓕᑉ ᓀᔥᑕ ᐊᓇ ᔫᓇᒃ; ᑮ ᓯᑲᐋᑕᐌᐤ ᒫᑲ᙮