36 ᐁᑯᑕ ᒫᑲ ᐁ ᓇᐊᐱᒋᒃ, ᑮ ᓇᓈᑲᑕᐙᐸᒣᐗᒃ:
ᐃᔅᐱ ᒫᑲ ᓇᑐᐸᓕᐎᑭᒪᐤ, ᓀᔥᑕ ᐊᓂᐃ ᑳ ᐎᒉᐎᑯᑦ, ᐁ ᓈᓈᑲᑕᐙᐸᒫᒋᒃ ᒋᓴᓴ, ᐎᐋᐸᑕᑭᒃ ᐁ ᑶᑾᓂᓕᒃ, ᓀᔥᑕ ᐊᓂᐃ ᑫᒀᓇ ᑳ ᑐᒋᑳᑌᓕᑭ, ᓈᔅᐱᒡ ᑮ ᓭᑭᓯᐗᒃ, ᐁ ᐃᑗᒋᒃ, ᑖᐺ ᐊᐗ ᑭᒋᒪᓂᑐ ᐅᑯᓯᓴ᙮
ᐹᐃᓚᑦ ᒫᑲ ᑮ ᒫᒪᔅᑳᑕᒻ ᐁᔥᑾ ᓀᐱᓕᑴ: ᐁ ᓇᑐᒫᑦ ᒫᑲ ᓇᑐᐸᓕᐎᑭᒫᐗ, ᑮ ᑲᑴᒋᒣᐤ ᑮᔥᐱᓐ ᐋᔕᔾ ᓇᐗᒡ ᑭᓉᔥ ᑳ ᓂᐱᓕᑴ᙮
ᐃᔅᐱ ᒫᑲ ᓂᑐᐸᓕᐎᑭᒪᐤ, ᐯᔓᒡ ᑳ ᓂᐸᐎᑦ, ᐎᐋᐸᑕᒃ ᐁ ᐃᔑ ᑌᐺᓕᒋ, ᓀᔥᑕ ᐁ ᐸᑭᑎᑖᓕᒋ ᐅᑦ ᐊᒑᑾ, ᑮ ᐃᑗᐤ, ᑖᐺ ᐊᐗ ᐃᓕᓕᐤ ᑭᒋᒪᓂᑐ ᐅᑯᓯᓴ᙮
ᐃᔥᐱᒥᒃ ᒫᑲ ᐅᔅᑎᒀᓂᓕᒃ ᑮ ᐊᔅᑖᐌᐗᒃ ᑳ ᑮ ᐅᒋ ᒫᒥᔑᒫᑲᓂᐎᑦ ᐁ ᒪᓯᓇᐃᑳᑌᓕᒃ, ᐁᐗᑯ ᐊᐗ ᒋᓴᔅ ᒎᐗᒃ ᐅ ᑭᒋᐅᑭᒫᒥᐙᐙ᙮
