27 ᐁᑯ ᐅᑎᐯᓕᒋᑫᐤ ᐅ ᓇᑐᐸᓕᐎᓕᓕᒪ ᐁᑐᑖᐋᓕᒋ ᒋᓴᓴ ᐅᑎᐯᓕᒋᑫᐗ ᐅ ᐙᔅᑳᔨᑲᓂᒥᓕᒃ, ᑮ ᒫᐗᓴᑯᓇᑐᒣᐗᒃ ᒫᑲ ᒥᓯᐌ ᓇᑐᐸᓕᐎᓕᓕᐗ᙮
ᐁᑯ ᐹᐃᓚᑦ ᒥᓇ ᐹᑐᑫᑦ ᑎᐹᒃᑯᓂᑫᐎᑲᒥᑯᒃ, ᓀᔥᑕ ᑮ ᓇᑐᒣᐤ ᒋᓴᓴ, ᓀᔥᑕ ᑮ ᐃᑌᐤ, ᑭᓚ ᓈ ᒎᐗᒃ ᐅ ᑭᒋᐅᑭᒫᒥᐙᐗ?
ᐁᑯ ᒫᑲ ᐁᑐᑕᐋᒋᒃ ᒋᓴᓴ ᑎᐹᔅᑯᓂᑫᐎᑲᒥᑯᒃ ᐁ ᓇᑲᑖᒋᒃ ᑳᔭᐸᓴ: ᑮ ᑭᑭᔐᐹᔮᓕᐸᓐ ᒫᑲ; ᐎᓚᐗᐤ ᒫᑲ ᓇᒪᐎᓚ ᐅᒋ ᐱᑐᑫᐗᒃ ᑎᐹᔅᑯᓂᑫᐎᑲᒥᑯᒃ, ᐁᑳ ᑭᒋ ᐎᓕᐱᐃᑎᓱᒋᒃ, ᒫᑲ ᑭᒋ ᑮ ᒥᒋᓱᒋᒃ ᐁ ᒥᔮᔥᑳᑫᐎ ᒪᑯᔖᓂᐗᓂᓕᒃ᙮
ᑮ ᐃᑖᐤ ᐯᔭᒃ ᐃᓕᓕᐤ ᐊᓐᑕ ᓯᓴᕆᐊᐃᒃ, ᑲᕐᓂᓕᔭᔅ ᐁ ᐃᔑᓂᑳᓱᑦ, ᐅ ᓇᑐᐸᓕᐎ ᐅᑭᒫᒥᐗᐗ ᐊᓂᑭ ᐃᑕᓕᔭᓐ ᓇᑐᐸᓕᐎᓕᓕᐗᒃ ᑳ ᐃᔑᓂᑲᓱᒋᒃ᙮
ᑭ ᑳ ᐯᑖᑎᓐ, ᑮ ᐃᑌᐤ, ᐃᔅᐱ ᐎᓚᐗᐤ ᓀᔥᑕ ᑳ ᒫᒥᔑᒥᔅᑭᒃ ᑕᑯᔑᑾᐌ᙮ ᑮ ᐃᑕᔓᐙᑌᐤ ᒫᑲ ᑭᒋ ᑲᓇᐌᓕᒥᒥᒋ ᐦᐁᕋᑕ ᐅ ᑎᐹᔅᑯᓂᑫᐎᑲᒥᑯᓕᒃ᙮
ᐃᔅᐱ ᒫᑲ ᑳ ᑮ ᐃᑕᔓᐙᓂᐗᒃ ᐊᓐᑕ ᐃᑕᓕ ᑭᒋ ᐃᑖᔑᔮᒃ, ᐹᓚ ᓀᔥᑕ ᐋᑎᑦ ᑯᑕᑭᔭ ᑭᐸᐙᑲᓇ ᑭ ᐸᑭᑎᓇᒪᐌᐗᒃ ᐊᐌᓕᐗ ᒎᓕᔭᔅ ᐁ ᐃᔑᓂᑳᓱᓕᒋ, ᓇᑐᐸᓕᐎᑭᒫᐗ ᐊᑲᔅᑕᔅ ᐅ ᒫᒪᐎᔭᑎᒥᒃ᙮
ᐁᑯ ᒎᑕᔅ, ᑳ ᐅᑎᓈᑦ ᒥᒉᑦ ᐃᓕᓕᐗ ᓀᔥᑕ ᓇᑐᐸᓕᐎᑭᒫᐗ ᑳ ᐸᑭᑎᓇᒫᑯᑦ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐹᕋᓯᔭ, ᐯᒋ ᐃᑐᑌᐤ ᐊᓐᑕ ᐁ ᐋᔮᓕᒋ ᔖᐳᐙᔅᑌᓂᑲᓇ, ᓀᔥᑕ ᐙᔅᑌᓂᑲᓇ, ᓀᔥᑕ ᐸᑲᒫᑲᓇ᙮
ᐁᑯ ᒥᔭᐗᒋᐃᑐᒋᒃ ᑭᒋ ᓵᓵᑭᐎᓕᐌᐎᓕᓕᐗᒃ, ᓀᔥᑕ ᐅᒪᓯᓇᐃᑫᐗᒃ, ᓀᔥᑕ ᑳ ᓂᑳᓀᓕᑖᑯᓯᒋᒃ ᐃᓕᓕᐙᒃ, ᒫᐗᒋ ᑭᒋ ᓵᓵᑭᐎᓕᐌᐎᓕᓕᐗ ᐅ ᑭᒋᐙᔅᑳᔨᑲᓂᒥᓕᒃ, ᑳᔭᐸᔅ ᑳ ᐃᔑᓂᑳᓱᓕᒋ,