2 ᐃᔅᐱ ᒫᑲ ᑳ ᑮ ᒫᒫᒋᑯᐱᑖᒋᒃ, ᑮ ᑭᑐᑕᐁᐗᒃ, ᑮ ᐸᑭᑎᓇᒪᐌᐗᒃ ᒫᑲ ᐸᓐᑎᔭᔅ ᐹᐃᓚᑕ ᐅᑎᐯᓕᒋᑫᐗ᙮
ᐅ ᑭᒋᒪᓂᑐᒪ ᐃᑉᕃᐊᒻ, ᐋᐃᓴᒃ, ᓀᔥᑕ ᒉᑲᑉ, ᐅ ᑭᒋᒪᓂᑐᒥᐗᐗ ᑯᑖᐎᓇᐗᒃ, ᑮ ᑭᔅᑌᓕᑖᑯᐁᐤ ᐅᑯᓯᓴ ᒋᓴᓴ: ᐊᓇ ᑳ ᑮ ᐙᔦᔑᐸᑭᑎᓀᒃ, ᓀᔥᑕ ᑳ ᑮ ᐋᓉᑕᐌᒃ ᐁ ᐅᑎᔥᑲᐎᑳᐸᐎᔅᑕᐌᒃ ᐹᐃᓚᑦ, ᐃᔅᐱ ᑳ ᑫᔅᑎᓈᑌᓕᑕᒃ ᑭᒋ ᐸᑭᑎᓈᑦ᙮
ᑲᑕ ᐸᑭᑎᓂᑯ ᒫᑲ ᒉᓐᑖᐃᓚ ᐅᒋᒋᓕᒃ ᑭᒋ ᐋᔭᓵᒋᐃᑯᑦ, ᓀᔥᑕ ᑭᒋ ᐸᐸᓴᔅᑌᐅᑯᑦ, ᓀᔥᑕ ᑭᒋ ᒌᔅᑖᔅᑾᐅᑯᑦ: ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑲᐤ᙮
ᑭᑦ ᐃᑕᔓᒥᑎᓐ ᐁ ᐙᐸᒥᔉ ᑭᒋᒪᓂᑐ, ᑳ ᐱᒫᒋᑖᑦ ᒥᓯᐌ ᑫᒀᓇ, ᓀᔥᑕ ᐅᑎᔥᑲᐤ ᙭ ᒋᓴᔅ, ᐊᓇ ᐁ ᐅᑎᔥᑲᐎᑳᐸᐎᔅᑕᐙᑦ ᐸᓐᑎᔭᔅ ᐹᐃᓚᑕ ᑳ ᑮ ᐎᑕᒃ ᒥᓗ ᐎᑕᒫᑫᐎᓂᓕᐤ;
ᑮ ᐃᑖᐗᒃ ᐁᑯ ᒣᒀᒡ ᐋᑎᑦ ᐊᐌᓂᑭ ᑳ ᐋᓕᒧᑕᒪᐙᒋᒃ ᑳᓕᓕᐎᓕᓕᐗ, ᐅᒥᑯᓕᐤ ᐹᐃᓚᑦ ᑳ ᑭ ᐊᓯᑎᓇᒸᑦ ᐅ ᓵᓵᑭᐎᓕᐌᐎᓂᐙᒃ
ᑭᔅᑭᓯᑐᑕᑯᒃ ᐊᓂᑭ ᑳ ᒫᒫᒋᒀᐱᓱᒋᒃ, ᑖᐱᔅᑯᒡ ᐁ ᐎᒋ ᒫᒫᒋᒀᐱᓱᒣᑾᒃ; ᐊᓂᑭ ᓀᔥᑕ ᑲᒀᑕᑭᐃᑯᒋᒃ ᐊᓕᒥᓯᐎᓂᓕᐤ, ᑭᓚᐙᐤ ᑫᒋᐙᒃ ᓀᔥᑕ ᐁ ᐃᑖᔦᒃ ᒥᔭᐎᒃ᙮
ᐃᑕ ᐁ ᐃᔑ ᐊᓕᒥᐃᑲᐎᔮᓐ ᑖᐱᔅᑯᒡ ᐊᐌᓇ ᑳ ᒪᒋᑐᑕᒃ, ᐁ ᒫᒫᒋᒀᐱᓱᔮᓐ: ᒫᑲ ᑭᒋᒪᓂᑐ ᐅᑦ ᐋᔭᒥᐎᓐ ᓇᒪᐎᓚ ᒫᒫᒋᑯᐱᑌᓕᐤ᙮
ᐁᐗᑯ ᒫᑲ ᐅᒪ ᐅᒋ ᑭ ᑮ ᓇᑐᒥᑎᓇᐗᐤ, ᑭᒋ ᐙᐸᒥᑕᑾᒃ, ᓀᔥᑕ ᑭᒋ ᐎᒋᐋᔭᒥᒥᑕᑾᒃ: ᐌᓴ ᐅᑦ ᐊᔅᐯᓕᒧᐎᓐ ᐃᔅᕃᐃᓪ ᓂᑦ ᐅᒋ ᒫᒫᒋᒀᐱᓱᓐ ᐅᒪ ᐱᐙᐱᔅᑴᔮᐱ ᐅᒋ᙮
ᒫᑲ ᑭᐃᔥᑾ ᓂᔓ ᐱᐴᓋ ᐸᕐᔑᔭᔅ ᐯᔅᑕᔅ ᑮ ᐯᒋ ᒥᔅᑯᑎᔥᑲᐌᐤ ᐱᓕᒃᓴ: ᐱᓕᒃᔅ ᒫᑲ ᐁ ᐎ ᓇᐃᓚᐌᐋᑦ ᒎᐗ, ᑮ ᓇᑲᑌᐤ ᐹᓚ ᐁ ᒫᒫᒋᑯᐱᓱᓕᒋ᙮
ᐁᑯ ᑭᔖᒡ ᑳ ᓇᑲᑖᒋᒃ ᐊᓂᑭ ᑫ ᑮ ᑲᑴᒋᒪᐙᔅᐸᓐ: ᑭᒋ ᓇᑐᐸᓕᐎᑭᒪᐤ ᓀᔥᑕ ᑮ ᑯᔅᑖᒋᐤ, ᐃᔅᐱ ᑫᔅᑫᓕᑕᒃ ᐁ ᕈᒥᐎᓕᓕᐎᓕᒋ, ᓀᔥᑕ ᐁ ᑮ ᒫᒫᒋᑯᐱᑖᑦ᙮
ᒣᒀᒡ ᒫᑲ ᑳ ᒫᒫᒋᑯᐱᑖᑦ ᐸᔅᑴᑭᓈᐱᔭ ᐅᒋ, ᐹᓪ ᑮ ᐃᑌᐤ ᓇᑐᐸᐎᑭᒫᐗ ᐯᔓᒡ ᐁ ᓂᐹᐎᓕᒋ, ᐅᓚᔓᐌᓕᑖᑾᓐ ᓈ ᑭᒋ ᐸᐸᓴᔅᑌᐗᑦ ᐃᓕᓕᐤ ᑳ ᕈᒥᓕᓕᐎᑦ, ᓀᔥᑕ ᐁᑳ ᑳ ᓂᔑᐗᓈᒋᒫᑲᓂᐎᑦ?
ᐁᑯ ᑭᒋ ᓇᑐᐸᓕᐎᑭᒪᐤ ᐱᐁᒋ ᐃᑐᑌᑦ, ᓀᔥᑕ ᑮ ᐅᑎᓀᐤ, ᓀᔥᑕ ᑮ ᐃᑕᔓᐌᐤ ᓂᔓ ᐱᐙᐱᔅᑴᔮᐱᔭ ᑭᒋ ᐅᒋ ᒫᒪᒋᒀᐱᓱᓕᒋ; ᑮ ᑲᑴᒋᑫᒧ ᒫᑲ ᐊᐌᓇ ᐁ ᐋᐎᓕᒋ ᓀᔥᑕ ᑫᒀᓕᐤ ᑳ ᑮ ᑐᑕᒥᓕᒋ᙮
ᐃᔅᐱ ᒫᑲ ᐦᐁᕋᑦ ᑳ ᐎ ᐯᒋ ᐗᓚᐎᑕᐋᔅᐸᓐ, ᐊᓂᒪ ᐁ ᑎᐱᔅᑳᒃ ᐲᑕᕐ ᑮ ᓂᐸᐤ ᐁ ᐃᑕᐎᔑᓄᔅᑖᑯᑦ ᓂᔓ ᒪᔑᑫᐎᓕᓕᐗ, ᐁ ᒫᒫᒋᑯᐱᓱᑦ ᓂᔓ ᐱᐙᐱᔅᑴᐋᐱᐊ ᐅᒋ; ᐊᓂᑭ ᒫᑲ ᑳ ᑲᓇᐌᓕᑕᑭᒃ ᐗᓚᐎᑎᒥᒃ ᐃᔥᒀᑌᒥᒃ ᑮ ᑲᓇᐌᓕᑕᒶᒃ ᑭᐹᐅᑐᐎᑲᒥᑯᓕᐤ᙮
ᓀᔥᑕ ᑮ ᓇᑐᑕᒪᐌᐤ ᒪᓯᓇᐊᒫᑐᐎᓇ ᐁ ᐎ ᐃᑐᑌᑦ ᑕᒫᔅᑲᓯᒃ ᐅᑦ ᐋᔭᒥᐁᐎᑲᒥᑯᐙᒃ ᑮᔥᐱᓐ ᑮ ᒥᔅᑲᐙᑦ ᐊᐌᓕᐗ ᐊᓂᒪ ᐁ ᐃᔑᑣᓕᒋ, ᑮᔥᐱᓐ ᓈᐯᐎᓕᒋ ᓀᔥᑕᐱᑯ ᐃᔅᑴᐎᓕᒋ, ᑭᒋ ᑮ ᐯᔑᐙᑦ ᐁ ᒫᒫᒋᑯᐱᓱᓕᒋ ᐊᓐᑕ ᒋᕉᓴᓚᒥᒃ᙮
ᐌᓴ ᑖᐺ ᐁ ᐎ ᓄᑎᓈᒋᒃ ᑳ ᐸᓓᑭᓯᓕᒋ ᑭᑦ ᐊᐙᔑᒥᔕ ᒋᓴᔅ, ᑳ ᑮ ᑕᒪᔅᑯᓇᑦ, ᑖᐱᔅᑯᒡ ᐦᐁᕋᑦ, ᓀᔥᑕ ᐸᓐᑎᔭᔅ ᐹᐃᓚᑦ ᐊᓯᒋ ᒉᓐᑖᐃᓚᒃ, ᓀᔥᑕ ᐃᔅᕃᐃᓕᐎᓕᓕᐗᒃ ᑮ ᒫᐗᒋᐃᑐᐗᒃ,
ᐋᓇᔅ ᒫᑲ ᑮ ᐃᔑᑎᔕᐌᑯᐸᓐ ᐁ ᒫᒪᒋᑯᐱᓯᓕᒋ ᑭᒋ ᓈᑖᓕᒋ ᑳᔭᐸᓴ ᒫᐗᒋ ᑭᒋ ᓵᓵᑭᐎᓕᐌᐎᓕᓕᐗ᙮
ᐁᑯ ᒥᔮᒪᐎᒥᒉᑎᒋᒃ ᓀᔥᑕ ᓇᑐᐸᓕᐎᑭᒪᐤ ᓀᔥᑕ ᒎᐗᒃ ᐅ ᒫᔑᑫᐎᑭᒫᒥᐙᐗ ᐌᑎᓈᒋᒃ ᒋᓴᓴ, ᓀᔥᑕ ᑮ ᒫᒪᒋᑯᐱᑌᐗᒃ,
ᑮ ᓈᓈᑲᒋᐁᐗᒃ ᒫᑲ, ᓀᔥᑕ ᑮ ᐃᔑᑎᔕᐌᐗᒃ ᐅᓈᓈᑲᒋᐃᐌᐗ, ᑭᒋ ᒀᔭᔅᑭᑎᑳᓱᓕᒋ ᐃᓕᓕᐗ, ᑭᒋ ᑳᒋᑎᓇᒸᓕᒋ ᐅᑦ ᐋᔭᒥᐎᓂᓕᐗ, ᑭᒋ ᐅᒋ ᐸᑭᑎᓈᒋᒃ ᐅ ᑲᔥᑭᐅᐎᓂᓕᒃ ᓀᔥᑕ ᐅ ᑎᐯᓕᒋᑫᐎᓂᓕᒃ ᐅᑭᒪᐗ᙮
ᐁ ᓂᔮᓚᓗᔖᑉ ᐱᐴᓂᓕᒃ ᒫᑲ ᐁ ᑎᐯᓕᒋᑫᑦ ᑕᐃᐱᕆᔭᔅ ᓯᓴᕐ, ᐸᓐᑎᔭᔅ ᐹᐃᓚᑦ ᐁ ᑎᐯᓕᑕᒃ ᒎᑎᐊ, ᓀᔥᑕ ᐦᐁᕋᑦ ᐁ ᑎᐯᓕᑕᒃ ᑳᓕᓕ, ᐎᒋᔖᓇ ᐱᓕᑉ ᒫᑲ ᐁ ᑎᐯᓕᑕᒃ ᐊᐃᑎᕆᐃᐊ, ᓀᔥᑕ ᑦᕌᑯᓇᐃᑕᔅ ᐊᔅᑭᓕᐤ, ᓀᔥᑕ ᓚᐃᓭᓂᔭᔅ ᐁ ᑎᐯᓕᑕᒃ ᐋᐸᓕᓂ,
ᑮᔥᐱᓐ ᒫᑲ ᐅᒣᓕᐤ ᐯᑕᑫ ᐅᑎᐯᓕᒋᑫᐤ, ᓂ ᑳ ᔖᑯᒋᒫᓈᓐ, ᓇᒪᐎᓚ ᐙᔦᔥ ᒫᑲ ᑭ ᑳ ᑐᑖᑲᐎᓇᐗᐤ᙮
ᒥᓯᐌ ᐁ ᐃᑕᓯᒋᒃ ᒫᑲ ᐁ ᒫᒪᐎᒥᒉᑎᒋᒃ ᑮ ᐸᓯᑯᐗᒃ ᓀᔥᑕ ᑮ ᐃᑐᑕᑕᒪᐌᐗᒃ ᐹᐃᓚᑕ᙮
ᐁᐗᑯ ᐁ ᑭᔑᑳᓕᒃ ᒫᑲ ᐹᐃᓚᑦ ᓀᔥᑕ ᐦᐁᕋᑦ ᑮ ᐅᑐᑌᒥᒥᑐᐗᒃ; ᐌᓴ ᐸᒧᔑ ᐅᒣᓕᐤ ᑮ ᐸᒀᑎᑐᐗᒃ᙮
ᐁᑯ ᒫᑲ ᐁᑐᑕᐋᒋᒃ ᒋᓴᓴ ᑎᐹᔅᑯᓂᑫᐎᑲᒥᑯᒃ ᐁ ᓇᑲᑖᒋᒃ ᑳᔭᐸᓴ: ᑮ ᑭᑭᔐᐹᔮᓕᐸᓐ ᒫᑲ; ᐎᓚᐗᐤ ᒫᑲ ᓇᒪᐎᓚ ᐅᒋ ᐱᑐᑫᐗᒃ ᑎᐹᔅᑯᓂᑫᐎᑲᒥᑯᒃ, ᐁᑳ ᑭᒋ ᐎᓕᐱᐃᑎᓱᒋᒃ, ᒫᑲ ᑭᒋ ᑮ ᒥᒋᓱᒋᒃ ᐁ ᒥᔮᔥᑳᑫᐎ ᒪᑯᔖᓂᐗᓂᓕᒃ᙮