46 ᐗᓂᔥᑳᒃ, ᐁᑯ ᑭᑐᑌᑕᐤ: ᒫᑎᑲ, ᐯᔓᒡ ᐃᑖᐤ ᐊᓇ ᑳ ᐙᔦᔑᐸᑭᑎᓂᑦ᙮
ᐁᑯ ᐹᓪ ᓀᔥᑴᐗᔑᐃᐌᑦ, ᑫᒀᓐ ᑭᑦ ᐃᑌᓕᑌᓈᐗᐤ ᓈ ᑭᒋ ᒫᑐᔦᒃ ᓀᔥᑕ ᑭᒋ ᐱᑯᐸᓕᑖᔦᒃ ᓂᑌᐃ? ᐌᓴ ᓂᑦ ᐋᔦᔅᑯᓯᓐ ᓇᒪᐎᓚ ᐱᑯ ᑭᒋ ᒫᒪᒋᑯᐱᑎᑲᐎᔮᓐ, ᒫᑲ ᐊᓯᒋ ᑭᒋ ᓂᐱᔮᓐ ᒋᕉᓴᓚᒥᒃ ᐅᑦ ᐃᔑᓂᑳᓱᐎᓐ ᐅᒋ ᐅᑎᐯᓕᒋᑫᐤ ᒋᓴᔅ᙮
ᒫᑲ ᐊᔅᑭ ᑭᒋ ᑭᔅᑫᓕᑕᒧᒪᑲᒃ ᐁ ᓵᑭᐊᒃ ᐅᑖᐎᒪᐤ; ᓀᔥᑕ ᑖᐱᔅᑯᒡ ᐅᑖᐎᒪᐤ ᑳ ᐃᑕᔓᐙᔑᑦ, ᐁᑯ ᐃᔑ ᑐᑕᒫᓐ᙮ ᐸᓯᑯᒃ, ᑭᑐᑌᑕᐤ᙮
ᒫᑲ ᓂᑦ ᐋᔮᓐ ᓯᑲᐋᑖᑫᐎᓐ ᑫ ᐅᒋ ᓯᑲᐋᑖᑲᐎᔮᓐ; ᐙ ᒫᑲ ᒥᑯᔥᑳᑌᓕᑕᒫᓐ ᐹᑎᒫ ᑮ ᑎᐱᐸᓕᑫ!
ᑮ ᐃᑭᓐ ᒫᑲ, ᐃᔅᐱ ᐌᑎᒋᐸᓕᒃ ᐃᔅᐱ ᑭᒋ ᐅᑎᓈᑲᓂᐎᑦ, ᑮ ᐃᔑᔅᑴᓕᐤ ᔮᓕᑌᓪ ᑭᒋ ᐃᑐᑌᑦ ᒋᕉᓴᓚᒥᒃ᙮
ᑮ ᐃᑌᐤ ᒫᑲ, ᓈᔅᐱᒡ ᓂ ᑮ ᓇᑕᐌᓕᑌᓐ ᑭᒋ ᐎᒋᒥᒋᓱᒥᑕᑾᒃ ᐅᒪ ᒥᔮᔥᑳᑫᐎ ᒪᑯᔐᐎᓐ ᐸᒧᔑ ᐎᓴᑫᓕᑕᒫᓐ:
ᐁᑯ ᐱᐁᒋ ᓈᑖᑦ ᐅ ᑭᔅᑭᓄᐊᒪᐙᑲᓇ, ᐃᑌᐤ ᒫᑲ, ᐁᑯ ᓂᐹᒃ, ᐋᓜᔑᓄᒃ ᒫᑲ: ᒫᑎᑲ, ᐋᔕᔾ ᐯᔓᓈᑾᓐ ᐊᓂᒪ ᑎᐹᔨᑲᓐ ᐱᓯᒧᑳᓂᒃ, ᐃᓕᓕᐎᑯᓯᓵᓐ ᒫᑲ ᐙᔦᔑᐸᑭᑎᓇᐤ ᐅᒋᒋᓕᒃ ᐅᒪᒋᑣᐗ᙮
ᒣᒀᒡ ᑫᔮᐸᒡ ᐁ ᐋᔭᒥᑦ ᒫᑲ, ᒫᑎᑲ, ᒎᑕᔅ, ᐯᔭᒃ ᐊᓂᑭ ᓂᔓᔖᑉ, ᑮ ᐯᒋ ᐃᑐᑌᐤ, ᐁ ᐎᒉᐙᑦ ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ, ᔑᒫᑲᓇ ᓀᔥᑕ ᓴᔅᑲᐅᓇ ᐁ ᐋᔮᓕᒋ, ᑳ ᐯᒋᑎᔕᐅᑯᓕᒋ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᑳ ᓂᑳᓀᓕᑖᑯᓯᓕᒋ ᐃᓕᓕᐗ᙮
ᐗᓂᔥᑳᒃ, ᑭᑐᑌᑕᐤ: ᒫᑎᑲ, ᐊᓇ ᑳ ᐙᔦᔑᐸᑭᑎᓂᑦ ᐯᔓᒡ ᐃᑕᐤ᙮
ᒫᑲ, ᒫᑎᑲ, ᐅᑕ ᐁ ᐃᑖᔮᓐ ᐃᑕᑾᓂᓕᐤ ᒥᒋᓱᓈᑎᑯᒃ ᐅᒋᒋ ᐊᓇ ᑳ ᐙᔦᔑᐸᑭᑎᓂᑦ᙮
ᐁᑯ ᐱᑕᕐ, ᐁ ᑴᔅᑭᑳᐸᐎᑦ ᐙᐸᒣᐤ ᐊᓂᐃ ᑭᔅᑭᓄᐊᒪᐙᑲᓇ ᒋᓴᔅ ᑳ ᓵᑭᐋᑦ ᐁ ᓄᔅᐱᓇᔑᐌᓕᒋ; ᐊᓂᐃ ᑳ ᑮ ᐋᔅᐸᒋᔑᒧᓕᒋ ᐅᔅᑳᔅᑭᑲᓂᒃ ᓂᐯᑴᐎᓂᒃ, ᓀᔥᑕ ᑳ ᑮ ᐃᑗᓕᒋ, ᑌᐯᓕᒋᑫᔭᓐ, ᐊᐌᓇ ᐊᓇ ᑫ ᐙᔦᔑᐸᑭᑎᓂᔉ?
