ᐅᐸᓓᑭᔅ ᒫᑎᐤ 26:29 - ᐅᔅᑭ ᑎᔅᑌᒥᓐᑦ

²⁹ ᒫᑲ ᑭᑦ ᐃᑎᓇᐗᐤ, ᐊᓄᒡ ᐅᒋ ᓇᒪᐎᓚ ᓂ ᑳ ᐅᒋ ᒥᓂᒀᑐᑕᒸᓐ ᐅ ᒥᓂᔕ ᔓᒥᓈᑎᒃ ᐹᑎᒫ ᐊᓂᒪ ᐁ ᑭᔑᑳᒃ ᐃᔅᐱ ᐅᔥᑭ ᒥᓂᑴᔮᓀ ᐊᓯᒋ ᑭᓚᐗᐤ ᓄᑖᐎ ᐅᑦ ᐅᑭᒫᐎᐎᓂᒃ᙮

ᐅᐸᓓᑭᔅ ᒫᑎᐤ 26:29 Referans Kwoze

ᑭᔅᑫᓕᑖᑯᑖᑫᐎᓐ 7:17

ᐌᓴ ᒫᓂᔥᒑᓂᔑᔥ ᑌᑖᐎᒡ ᐅᑭᒪᐗᐱᐎᓂᒃ ᑳ ᐃᑖᑦ ᑲᑕ ᐊᔕᒣᐤ, ᑲᑕ ᐃᑐᑕᐁᐤ ᒫᑲ ᐱᒫᑎᓯᐎ ᒧᔅᑭᒋᐗᓂᐯᑯᒃ: ᑭᒋᒪᓂᑐ ᒫᑲ ᐅᔅᑭᔑᑯᓕᒃ ᑲᑕ ᐅᒋ ᑳᓯᐊᒬᐤ ᒥᓯᐌ ᑳ ᐅᒋᑲᐙᐱᓕᒋ᙮

ᐦᐃᑉᕉᐗ 12:2

ᐁ ᑲᓇᐙᐸᒪᒃ ᒋᓴᔅ, ᐊᓇ ᑳ ᑭᒋᑖᑦ ᓀᔥᑕ ᑳ ᑭᔑᑖᑦ ᑭ ᑖᐺᔦᓕᑕᒧᐎᓂᐗᐤ; ᐊᓇ ᒥᓚᐙᑕᒧᐎᓐ ᐅᒋ ᑳ ᑮ ᓂᑳᓇᔅᑕᒫᑦ ᑳ ᑮ ᓇᔭᑕᒃ ᐋᔑᑌᐋᑎᑯᓕᐤ, ᐁ ᐋᑕᐌᓕᑕᒃ ᓇᓀᐯᐎᓯᐃᓂᓕᐤ, ᓇᐊᐱᐤ ᒫᑲ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᓕᒃ ᑭᒋᒪᓂᑐᐗ᙮

ᐅᐸᓓᑭᔅ ᒫᕐᒃ 14:25

ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᒥᓇ ᓂ ᑳ ᐅᒋ ᒥᓂᒀᑐᑕᒸᓐ ᐅ ᒥᓂᔕ ᔓᒥᓈᑎᒃ, ᐹᑎᒫ ᐊᓂᒪ ᐁ ᑭᔑᑳᒃ ᐅᔥᑭ ᒥᓂᑴᔹᓀ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐊᐸᔅᑕᓚᒃ 10:41

ᓇᒪᐎᓚ ᒥᓯᐌ ᐃᓕᓕᐗ, ᒫᑲ ᐅᑎᐸᒋᒧᐗ ᓂᔮᑲᓇ ᑳ ᑮ ᐗᐌᓚᐸᒥᑯᓕᒋ ᑭᒋᒪᓂᑐᐗ, ᐙᐙᒡ ᓂᓚᓈᓐ, ᑳ ᑮ ᐎᒋᒥᒋᓱᒪᑭᑦ ᓀᔥᑕ ᐎᒋᒥᓂᑴᒪᑭᑦ ᐸᑎᒪ ᑳ ᐗᓂᔥᑳᑦ ᐅᓂᐱᐗ ᐅᒋ᙮

ᐅᐸᓓᑭᔅ ᒑᓐ 17:13

ᐊᓄᒡ ᒫᑲ ᑭ ᐯᒋ ᓈᑎᑎᓐ; ᓀᔥᑕ ᐅᐅ ᑫᒀᓇ ᓂᑦ ᐋᔭᒥᓐ ᐊᔅᑮᒃ, ᑭᒋ ᓵᑲᔅᑭᓀᔅᑳᑯᒋᒃ ᓂ ᒥᓚᐙᑕᒧᐎᓂᓕᐤ᙮

ᐅᐸᓓᑭᔅ ᒫᑎᐤ 13:43

ᐁᑯ ᐅᒀᔭᔅᑭᑖᑎᓯᐗᒃ ᑫ ᐙᓯᓱᒋᒃ ᑖᐱᔅᑯᒡ ᐱᓯᒻ ᐅᑖᐎᐙᐗ ᐅᑦ ᐅᑭᒫᐎᐎᓂᓕᒃ᙮ ᐊᐌᓇ ᐌᑖᐗᑳᑴ ᑭᒋ ᐯᑕᒃ, ᐁᑯᔑ ᑲᑕ ᐯᑕᒻ᙮

ᑭᔅᑫᓕᑖᑯᑖᑫᐎᓐ 14:3

ᑮ ᓂᑲᒧᐗᒃ ᒫᑲ ᒥᑯᔥᑳ ᐅᔥᑭ ᓂᑲᒧᐎᓂᓕᐤ ᐅᑎᔥᑲᐤ ᐅᑭᒪᐗᐱᐎᓂᓕᐤ, ᐅᑎᔥᑲᐤ ᓀᔥᑕ ᐊᓂᐃ ᓀᐤ ᐅᐱᒫᑌᓴ, ᓀᔥᑕ ᐊᓂᐃ ᑳ ᓂᑳᓀᓕᑖᑯᓯᓕᒋ; ᓇᒪᐎᓚ ᐊᐌᓇ ᒫᑲ ᑮ ᑲᔥᑭᑕᐤ ᑭᒋ ᑭᔅᑫᓕᑕᒃ ᐊᓂᐁᓕᐤ ᓂᑲᒧᐎᓂᓕᐤ, ᐱᑯ ᐊᓂᑭ ᒥᑖᑐᒥᑕᓇᐗᐤ ᓀᔥᑕ ᒥᑐᑕᓇᐤ ᓀᐅᔖᑄᐤ ᑭᒋᒥᑖᑐᒥᑕᓇᐤ, ᑳ ᑭ ᐱᒫᒋᐋᑲᓂᐎᒋᒃ ᐊᔅᑮᒃ ᐅᒋ᙮

ᐅᐸᓓᑭᔅ ᓘᒃ 15:32

ᑮ ᑌᐱᐃᔑᓈᑾᓐ ᒫᑲ ᑭᒋ ᒧᒋᑫᓕᑕᒫᒃ, ᓀᔥᑕ ᑭᒋ ᓯᑭᓓᓯᔮᒃ: ᐌᓴ ᐊᐗ ᑭᔑᒻ ᑮ ᓂᐱᐤ, ᒥᓇ ᒫᑲ ᐱᒫᑎᓯᐤ; ᓀᔥᑕ ᑮ ᐗᓂᐊᐤ ᒥᔅᑲᐗᐤ ᒫᑲ᙮

ᐅᐸᓓᑭᔅ ᓘᒃ 12:32

ᐁᑳᐎᓚ ᓭᑭᓯᒃ, ᐁ ᒐᑲᐙᔑᔑᔦᒃ ᒫᓂᔥᒑᓂᔑᑐᒃ; ᐌᓴ ᑰᑖᐎᐗᐤ ᒥᓜᓕᑕᒻ ᑭᒋ ᒥᓕᑖᒃ ᐊᓂᐁᓕᐤ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᒑᓐ 15:11

ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ, ᓂ ᒥᓚᐙᑕᒧᐎᓐ ᑭᒋ ᐱᒋᔅᑳᑯᔦᒃ, ᓀᔥᑕ ᑭ ᒥᓚᐙᑕᒧᐎᓂᐗᐤ ᑭᒋ ᓵᑲᔅᑭᓀᒃ᙮

ᐅᐸᓓᑭᔅ ᒫᑎᐤ 28:20

ᐁ ᑭᔅᑭᓄᐊᒪᐌᑾᒃ ᑭᒋ ᓈᑲᑕᐌᓕᑕᑭᒃ ᒥᓯᐌ ᑫᒀᓇ ᑳ ᐃᔑ ᑲᑫᔅᑭᒥᑖᑾᒃ: ᒫᑎᑲ, ᒫᑲ, ᑭ ᑳ ᐎᒉᐎᑎᓈᐗᐤ ᒧᔕᒃ ᐱᓕᔥ ᑫ ᐃᔥᒀᐸᓕᒃ ᐊᔅᑭ᙮ ᐁᒣᓐ᙮

ᐅᐸᓓᑭᔅ ᒫᑎᐤ 18:20

ᐌᓴ ᐃᑕ ᓂᔓ ᓀᔥᑕᐱᑯ ᓂᔅᑐ ᒥᔭᐗᒋᐃᑐᑕᐌ ᓂᑦ ᐃᔑᓂᑳᓱᐎᓂᒃ, ᐁᑯᑕ ᓀᔥᑕ ᓂᓚ ᑫ ᐃᑖᔮᓐ᙮

ᐅᐸᓓᑭᔅ ᒫᑎᐤ 16:28

ᑖᐺ ᑭᑦ ᐃᑎᓇᐗᐤ, ᐅᑕ ᓂᐸᐎᐗᒃ ᐋᑎᑦ, ᐁᑳ ᑫ ᑯᒋᔅᑕᑭᒃ ᓂᐱᐎᓂᓕᐤ, ᐹᑎᒫ ᑮ ᐙᐸᒫᑣᐌ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᐅᑦ ᐅᑭᒫᐎᐎᓂᓕᒃ᙮

ᐅᐸᓓᑭᔅ ᒑᓐ 16:22

ᑭᓚᐗᐤ ᒫᑲ ᐊᓄᒡ ᑭᑦ ᐋᔮᓇᐗᐤ ᑯᐹᑌᓕᒧᐎᓐ: ᒫᑲ ᒥᓇ ᑭ ᑳ ᐙᐸᒥᑎᓇᐗᐤ, ᐁᑯ ᑭᑌᐃᐗᐤ ᑫ ᒥᓚᐙᑕᒧᒪᑲᒃ, ᓀᔥᑕ ᑭ ᒥᓚᐙᑕᒧᐎᓂᐗᐤ ᓇᒪᐎᓚ ᐊᐌᓇ ᑭ ᒪᔅᑲᒥᑯᐗᐤ᙮

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐅᐸᓓᑭᔅ ᒫᑎᐤ 26:28

ᐌᓴ ᐁᐗᑯ ᐅᒪ ᓂᒥᑯᒻ ᐅᔥᑭ ᓇᔅᑯᒥᑐᐎᓂᒃ, ᒥᒉᑦ ᑳ ᐅᒋ ᓯᑲᐃᑳᑌᒃ ᑭᒋ ᐌᐯᓕᒋᑳᑌᑭ ᒪᒋᑣᐎᓇ᙮

ᐅᐸᓓᑭᔅ ᒫᑎᐤ 26:30

ᐃᔅᐱ ᒫᑲ ᑳ ᑮ ᓂᑲᒧᒋᒃ ᓂᑲᒧᐎᓂᓕᐤ ᑮ ᐗᓚᐎᐗᒃ ᐊᓕᑉᔅ ᐗᒌᒃ ᐁ ᐃᑐᑌᒋᒃ᙮