12 ᑫ ᐃᔅᐱᒋ ᒥᒉᑎᒃ ᒫᑲ ᒪᒑᑎᓯᐎᓐ, ᒥᒉᑦ ᐅ ᓵᑭᐃᐌᐎᓂᐗᐤ ᑲᑕ ᐊᑎ ᑕᑳᓕᐤ᙮
ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᐁᑳ ᐁ ᑕᑭᓯᔭᓐ ᐁᑳ ᓀᔥᑕ ᐁ ᑭᓯᓱᔭᓐ; ᓇᑕᒫᑕ ᑕᑭᓯᔭᓐ ᓀᔥᑕᐱᑯ ᑭᓯᓱᔭᓐ᙮
ᐁᑳᐎᓚ ᑯᔅᑕ ᐊᓂᐃ ᑫᒀᓇ ᑫ ᐃᔑ ᑲᒀᑕᑭᑖᔭᓐ: ᒫᑎᑲ, ᒪᒋᒪᓂᑐ ᐋᑎᑦ ᑭᐸᐅᑐᐎᑲᒥᑯᒃ ᑭ ᑳ ᐃᔑ ᐌᐱᓂᑯᐗᐤ, ᑭᒋ ᑲᑴᒋᐃᑲᐎᔦᒃ; ᓀᔥᑕ ᑭ ᑳ ᐋᔮᓇᐗᐤ ᐊᓕᒥᓯᐎᓐ ᒥᑖᑐ ᑭᔑᑳᐗ: ᒀᔭᔅᑭᑎ ᓂᐱᐎᓂᒃ ᐃᔅᑯ, ᑭ ᑳ ᒥᓕᑎᓐ ᒫᑲ ᐱᒫᑎᓯᐎᓂ ᐅᑭᒪᐗᔅᑐᑎᓐ᙮
ᒥᒉᑦ ᒫᑲ ᓇᔅᐹᒡ ᐅᑭᔅᑭᐙᐃᑫᐗᒃ ᑲᑕ ᐃᑖᐗᒃ, ᒥᒉᑦ ᒫᑲ ᑲᑕ ᐙᔦᔑᐁᐗᒃ᙮
ᒫᑲ ᐊᓇ ᐁᑳ ᑫ ᔖᑯᒋᐋᑲᓂᐎᑦ, ᐁᐗᒀᓇ ᑫ ᐱᒫᒋᐋᑲᓂᐎᑦ᙮
ᐁᐗᑯ ᐅᒋ, ᓇᑲᑕᒧᒃ ᒥᓯᐌ ᐎᓂᓯᐎᓐ ᓀᔥᑕ ᑳ ᒥᒉᑎᒃ ᒪᒑᑎᓯᐎᓐ, ᐅᑎᓇᒧᒃ ᒫᑲ ᓗᔅᐹᑎᓯᐎᓂᒃ ᐊᓂᒪ ᑭᒋᑭᔑᑲᐎ ᐋᔭᒥᐎᓐ ᑫ ᑮ ᐅᒋ ᐱᒫᒋᐋᑲᓂᐎᒋᒃ ᑭᑦ ᐊᒑᑯᐙᐗᒃ᙮
