43 ᐃᑌᐤ ᒫᑲ, ᑖᓀᑭ ᐌᒋ ᒫᑲ ᑌᐱᑦ ᐊᒑᑯᒃ ᐅᑎᐯᓕᒋᑫᐤ ᐃᔑᓂᑳᑖᑦ, ᐁ ᐃᑗᑦ,
ᑣᔦᒃ ᒫᑲ ᐊᒑᑯᒃ ᓂ ᑮ ᐃᑖᓐ: ᒫᑎᑲ, ᒫᑲ, ᐅᑭᒪᐗᐱᐎᓐ ᑮ ᐅᓚᔅᑖᓂᐗᓐ ᑭᒋᑭᔑᑯᒃ, ᐯᔭᒃ ᒫᑲ ᑮ ᐊᐱᐤ ᐅᑭᒪᐗᐱᐎᓂᒃ᙮
ᐊᒑᑯᒃ ᓂ ᑮ ᐃᑖᓐ ᐅᑎᐯᓕᒋᑫᐤ ᐅ ᑭᔑᑳᒥᒃ, ᓀᔥᑕ ᓂᔅᐱᔅᑾᓂᒃ ᓂ ᑮ ᐯᑌᓐ ᑭᒋ ᐯᑖᑯᓯᐎᓐ, ᑖᐱᔅᑯᒡ ᐳᑖᒋᑲᓐ,
ᐌᓴ ᑭᔅᑭᐙᐃᑫᐎ ᐋᔭᒥᐎᓐ ᓇᒪᐎᔅᑳᑦ ᑮ ᐹᐸᓕᐤ ᐃᓕᓕᐤ ᐁ ᐃᑌᓕᑕᒃ ᐅᒋ; ᒫᑲ ᐅ ᐸᓓᑭ ᐃᓕᓕᒪ ᑭᒋᒪᓂᑐ ᑮ ᐃᔑ ᐋᔭᒥᓕᐗ ᑳ ᑮ ᐃᔑ ᐃᑌᓕᑕᒥᐃᑯᓕᒋ ᐸᓓᑭ ᐊᒑᑾ᙮
ᐁᐗᑯ ᐌᒋ, ᑖᐱᔅᑯᒡ ᑳ ᐃᑗᑦ ᐯᓓᑭᓯᑦ ᐊᒑᒃ, ᐊᓄᒡ ᐁ ᑭᔑᑳᒃ ᑮᔥᐱᓐ ᐎ ᓇᑐᑕᒬᒃ ᑳ ᐃᑗᑦ,
ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᐅᒪ ᑭᒋᒪᓯᓇᐃᑫᐎᓐ ᔮᓕᑌᓪ ᑮ ᐃᑌᓕᑖᑾᓐ ᑭᒋ ᑎᐱᐸᓕᒃ, ᓇᔮᑲᓇ ᑳ ᐃᔑ ᐋᔭᒥᑦ ᑳ ᐹᓓᑭᓯᑦ ᐋᒑᒃ ᑌᐱᑦ ᐅᑐᓐ ᐅᒋ, ᐁ ᐃᑖᒋᒫᑦ ᒎᑕᓴ, ᐊᓇ ᑳ ᑮ ᑭᔅᑭᓄᑕᐋᑦ ᐊᓂᐃ ᑳ ᑮ ᐅᑎᓈᓕᒋ ᒋᓴᓴ᙮
ᐌᓴ ᑌᐱᑦ ᑫᒋᐙᒃ ᑮ ᐃᑌᐤ ᐸᓓᑭ ᐊᒑᑾ ᐅᒋ, ᐅᑎᐯᓕᒋᑫᐤ ᑮ ᐃᑌᐤ ᓂ ᑎᐯᓕᒋᑫᒪ, ᐊᐱ ᑭᓚ ᓂ ᑭᒋᓂᔅᑭᒃ, ᐹᑎᒫ ᑭ ᑐᑕᒫᓀ ᑭᒋ ᐅ ᑕᑯᔅᑳᒋᑲᓂᔭᓐ ᐊᓂᑭ ᑳ ᐸᒀᑎᔅᑭᒃ᙮
ᐁᐗᑯ ᐌᒋ ᑭᔅᑫᓕᑕᒥᐃᑕᑾᒃ, ᐁᑳ ᐊᐌᓇ ᐁ ᐅᒋ ᐋᔭᒥᑦ ᑭᒋᒪᓂᑐ ᐅᑦ ᐊᒑᑾ, ᒪᒋ ᐃᑌᓕᑖᑯᓯᐤ ᒋᓴᔅ, ᑭᒋ ᑮ ᐃᑗᑦ: ᐁᑳ ᓀᔥᑕ ᐊᐌᓇ ᑭᒋ ᑮ ᐃᑗᑦ, ᒋᓴᔅ ᐁᐗᑯ ᐅᑎᐯᓕᒋᑫᐤ, ᐱᑯ ᐸᓓᑭ ᐊᒑᑾ ᐅᒋ᙮
